തമിഴ്നാട്ടിൽ കൊലയാളി; വ​ണ്ടി​പ്പെ​രി​യാറിൽ മാന്യൻ ഭാ​ര്യമാരെ കൊലപ്പെടുത്തിയ കറുപ്പുസ്വാമി കുടുങ്ങിയത് പോലീസിന്‍റെ രഹസ്യനീക്കത്തിൽ

ഇ​ടു​ക്കി: ര​ണ്ടു ഭാ​ര്യ​മാ​രെ കൊ​ല​പ്പെ​ടു​ത്തി​യ ശേ​ഷം ഒ​ളി​വി​ൽ ക​ഴി​ഞ്ഞ കു​റ്റ​വാ​ളി​യെ പോ​ലീ​സ് ത​ന്ത്ര​പ​ര​മാ​യ നീ​ക്ക​ത്തി​ലൂ​ടെ വ​ല​യി​ലാ​ക്കി​യ​പ്പോ​ൾ ഞെ​ട്ടി​യ​ത് നാട്ടു​കാ​ർ.

ഇ​ടു​ക്കി വ​ണ്ടി​പ്പെ​രി​യാ​ർ മ​ഞ്ചു​മ​ല ഭാ​ഗ​ത്ത് ഒ​ളി​വി​ൽ ക​ഴി​ഞ്ഞി​രു​ന്ന ത​മി​ഴ്നാ​ട് തൂ​ത്തു​ക്കു​ടി സ്വ​ദേ​ശി ക​റു​പ്പു​സ്വാ​മി​യെ (41) യാ​ണ് വ​ണ്ടി​പ്പെ​രി​യാ​ർ പോ​ലീ​സ് ക​ഴി​ഞ്ഞ ദി​വ​സം പി​ടി കൂ​ടി​യ​ത്. പു​ല​ർ​ച്ചെ വീ​ടു വ​ള​ഞ്ഞ പോ​ലീ​സ് ബ​ല​പ്ര​യോ​ഗ​ത്തി​ലൂ​ടെ പ്ര​തി​യെ കീ​ഴ​ട​ക്കു​ക​യാ​യി​രു​ന്നു.

ഇ​തി​നി​ടെ കു​പ്പി​ച്ചി​ല്ല് വി​ഴു​ങ്ങി ജി​വ​നൊ​ടു​ക്കാ​ൻ ശ്ര​മി​ച്ചെ​ങ്കി​ലും പോ​ലീ​സ് ഇ​ട​പെ​ട്ട് ഇ​തു ത​ട​ഞ്ഞു. വ​ണ്ടി​പ്പെ​രി​യാ​ർ എ​സ്റ്റേ​റ്റ് മേ​ഖ​ല​യി​ൽ കൂ​ലി​പ്പ​ണി​യും മ​റ്റു​മാ​യി ക​ഴി​ഞ്ഞി​രു​ന്ന പ്ര​തി കൊ​ല ന​ട​ത്തി ഒ​ളി​വി​ൽ ക​ഴി​യു​ക​യാ​യി​രു​ന്നു​വെ​ന്ന വി​വ​രം നാ​ട്ടു​കാ​ർ​ക്കും പു​തി​യ അ​റി​വാ​യി​രു​ന്നു.

ഇ​വി​ടെ ആ​ദ്യ​ഭാ​ര്യ​യു​ടെ ബ​ന്ധു​ക്ക​ൾ​ക്കൊ​പ്പ​മാ​ണ് കറു​പ്പു സ്വാ​മി ക​ഴി​ഞ്ഞി​രു​ന്ന​ത്. കൊ​ടും കു​റ്റ​വാ​ളി​യ്ക്കാ​ണ് സം​ര​ക്ഷ​ണം ന​ൽ​കി​യ​തെ​ന്ന വി​വ​രം പോ​ലീ​സ് വെ​ളി​പ്പെ​ടു​ത്തി​യ​പ്പോ​ൾ ഇ​വ​രും ഞെ​ട്ടി.

ക​ഴി​ഞ്ഞ സെ​പ്റ്റം​ബ​ർ 30ന് ​നാ​ലാം ഭാ​ര്യ ഷ​ണ്‍​മു​ഖ ല​ക്ഷ്മി​യെ കൊ​ല​പ്പെ​ടു​ത്തി​യ ശേ​ഷ​മാ​ണ് ക​റു​പ്പു​സ്വാ​മി കേ​ര​ള​ത്തി​ലേ​ക്ക് ക​ട​ന്ന​ത്. ഇ​തി​നു പു​റ​മെ മ​റ്റൊ​രു ഭാ​ര്യ​യെ​യും ഇ​യാ​ൾ കൊ​ല​പ്പെ​ടു​ത്തി​യി​രു​ന്നു.

വി​വാ​ഹം ക​ഴി​ച്ച് ഇ​വ​രു​ടെ പ​ണ​വും സ്വ​ർ​ണ​വും ത​ട്ടി​യെ​ടു​ത്ത് മു​ങ്ങു​ക​യോ കൊ​ല​പ്പെ​ടു​ത്തു​ക​യോ ആ​ണ് ഇ​യാ​ൾ ചെ​യ്തി​രു​ന്ന​ത്. ആ​ദ്യ ഭാ​ര്യ വ​ണ്ടി​പ്പെ​രി​യാ​റി​ൽ ആ​യ​തി​നാ​ലാ​ണ് ഇ​യാ​ൾ ഇ​വി​ടെ എ​ത്തി​യ​ത്.

ഇ​വ​രെ കൊ​ല​പ്പെ​ടു​ത്തു​ക​യെ​ന്ന ല​ക്ഷ്യ​വും പ്ര​തി​യ്ക്കു​ണ്ടാ​യി​രു​ന്ന​താ​യി പോ​ലീ​സ് പ​റ​ഞ്ഞു. കൊ​ല​പാ​ത​ക​ത്തി​നു ശേ​ഷം പ്ര​തി കേ​ര​ള​ത്തി​ലേ​ക്ക് ക​ട​ന്ന​താ​യി വി​വ​രം ല​ഭി​ച്ച​തി​നെ തു​ട​ർ​ന്ന് തൂ​ത്തു​ക്കു​ടി പോ​ലീ​സ് ഇ​യാ​ളു​ടെ ഫോ​ട്ടോ സ​ഹി​തം വ​ണ്ടി​പ്പെ​രി​യാ​ർ പോ​ലീ​സി​നു ന​ൽ​കി​യി​രു​ന്നു.

ഇ​ത​നു​സ​രി​ച്ചാ​ണ് വ​ണ്ടി​പ്പെ​രി​യാ​ർ പോ​ലീ​സ് അ​തീ​വ ര​ഹ​സ്യ​മാ​യി ഇ​യാ​ളു​ടെ ഒ​ളി​യി​ട​ത്തി​ലെ​ത്തി​യ​ത്. ഇ​ന്ന​ലെ രാ​ത്രി പു​ല​ർ​ച്ചെ​യോ​ടെ സി​ഐ ടി.​ഡി.​സു​നി​ൽ​കു​മാ​റി​ന്‍റെ നേ​തൃ​ത്വ​ത്തി​ൽ വ​ൻ​പോ​ലീ​സ് സം​ഘം വീ​ടു വ​ള​ഞ്ഞ് പ്ര​തി​യെ ക​സ്റ്റ​ഡി​യി​ലെ​ടു​ക്കു​ക​യാ​യി​രു​ന്നു.

പോ​ലീ​സ് പി​ടി​യി​ൽ നി​ന്ന് ര​ക്ഷ​പെ​ടാ​ൻ ന​ട​ത്തി​യ ശ്ര​മ​ങ്ങ​ൾ ബ​ല​പ്ര​യോ​ഗ​ത്തി​ലൂ​ടെ ത​ട​ഞ്ഞു. വ​ർ​ഷ​ങ്ങ​ൾ​ക്ക് മു​ൻ​പ് വ​ണ്ടി​പ്പെ​രി​യാ​റി​ൽ താ​മ​സി​ച്ചി​രു​ന്ന ക​റു​പ്പു​സ്വാ​മി പി​ന്നീ​ട് ബം​ഗ​ളു​രു​വി​ലേ​ക്ക് ക​ട​ന്ന​താ​യി സി​ഐ ടി.​ഡി.​സു​നി​ൽ​കു​മാ​ർ പ​റ​ഞ്ഞു.

പി​ന്നീ​ടാ​ണ് ത​മി​ഴ്നാ​ട്ടി​ലെ​ത്തി കൊ​ല​ക​ൾ ന​ട​ത്തി​യ​ത്. പ്ര​തി​യെ പോ​ലീ​സ് പീ​രു​മേ​ട് കോ​ട​തി​യി​ൽ ഹാ​ജ​രാ​ക്കി​യ ശേ​ഷം ത​മി​ഴ്നാ​ട് പോ​ലീ​സി​നു കൈ​മാ​റി.