ദിവസേന നിരവധി വിദേശികളാണ് ഇന്ത്യ സന്ദർശിക്കുന്നതിനായി എത്താറുള്ളത്. ഇന്ത്യയുടെ ഭൂപ്രകൃതിയും പൈതൃകവുമെല്ലാം ധാരാളം വിദേശികളെ ഇങ്ങോട്ടേക്ക് എത്തിക്കാനും സ്വാധീനിക്കുന്നു. എന്നാൽ ചിലർ ഇന്ത്യയിലെത്തി ഇവിടുത്തെ വൃത്തിയെ കുറിച്ച് പറയാറുണ്ട്. ഇന്ത്യ പോലൊരു മഹാനഗരം വൃത്തിയുടെ കാര്യത്തിൽ പിന്നിലെന്ന് പറഞ്ഞ് പല വിദേശികളും വീഡിയോയും പങ്കുവച്ചിട്ടുണ്ട്. എന്നാൽ ഇതിനിടയിൽ ഇന്ത്യയിൽ ഇങ്ങനൊന്നും അല്ല കാര്യങ്ങളെന്ന് പറഞ്ഞ് ഒരു വിദേശ വനിത പങ്കുവച്ച വീഡിയോ ആണ് സോഷ്യൽ മീഡിയയിൽ വൈറലാകുന്നത്. യുഎസ് വ്ലോഗർ ക്ലോയി ജേഡ് ആണ് വീഡിയോ പങ്കുവച്ചത്.
“ഇന്ത്യ വൃത്തിഹീനമാണെന്ന് ആളുകൾ പറയുന്നു, പക്ഷേ, എനിക്ക് ഇത് വൃത്തിഹീനമല്ല. കേരളത്തിലെ കൊച്ചിയിൽ നിന്നുള്ള തന്റെ അനുഭവം പങ്കുവച്ചുകൊണ്ടാണ് വീഡിയോ. നമുക്ക് നടപ്പാതകളിലും റോഡുകളിലും നിന്ന് ആരംഭിക്കാം എന്ന് പറഞ്ഞുകൊണ്ടാണ് വീഡിയോ തുടങ്ങിയത്. ഇന്ത്യ വളരെ വൃത്തിയുള്ളതാണ്. ഇവിടെ മാലിന്യമില്ല, നടപ്പാത നിങ്ങൾക്ക് കാണാനാകുന്നത് പോലെ അക്ഷരാർഥത്തിൽ മാലിന്യമില്ലാത്തതാണ്.
ആളുകൾ ഭക്ഷണം വിളമ്പാൻ കൈയുറകൾ ഉപയോഗിക്കുന്നു, ഇവിടെ എല്ലാം വളരെ വൃത്തിയുള്ളതാണ്, മിക്കവാറും എല്ലാ രാജ്യങ്ങളിലും അങ്ങനെ തന്നെ. ഹോട്ടലുകളിൽ പോലും നിലത്ത് മാലിന്യമില്ലെന്ന് നിങ്ങൾക്ക് കാണാൻ കഴിയും, കാരണം ഇത് വളരെ ശ്രദ്ധാപൂർവ്വം ചെയ്തതാണെന്ന് ഞങ്ങൾ കരുതുന്നു, ഭക്ഷണം വളരെ വൃത്തിയുള്ളതും ആരോഗ്യകരവുമാണ്, ഭക്ഷണം അതിശയകരമായിരുന്നു എന്ന് തന്നെ പറയാം.”എന്ന് വീഡിയോ പങ്കുവച്ചുകൊണ്ട് ക്ലോയി ജേഡ് പറഞ്ഞു.
