മമ്മൂക്കയോടൊപ്പം ഒരുപാട് സിനിമകളൊന്നും ചെയ്തിട്ടില്ലെങ്കിലും കാണുമ്പോൾ മമ്മൂക്കയ്ക്കുള്ള സ്നേഹം ഭയങ്കരമാണ്. എല്ലാവരും പറയുന്നതുപോലെ ജാഡ ഉള്ള ആളൊന്നുമല്ല.
അദ്ദേഹവുമായി ഒന്ന് അടുത്താൽ മതി. അപ്പോഴേ മമ്മൂക്കയെക്കുറിച്ച് മനസിലാകൂ. പിന്നെ അദ്ദേഹത്തിന്‍റെ നോട്ടവും നടത്താവുമൊക്കെ മാനറിസങ്ങളാണ്. ജാഡയൊന്നുമല്ല.
ആളുകളോട് നല്ല സ്നേഹമാണ്. പിന്നെ ഒരു സിനിമാക്കാരനല്ല. നല്ലൊരു മനുഷ്യനാണ്. അദ്ദേഹത്തിന് വേണമെങ്കിൽ ഒറ്റയ്ക്കിരുന്ന് ഭക്ഷണം കഴിക്കാം പക്ഷെ അത് ചെയ്യില്ല.
ഞങ്ങൾക്കൊപ്പം ഒന്നിച്ചിരുന്നാണ് ഭക്ഷണം കഴിക്കുക. വീട്ടിൽനിന്നാണ് കൊണ്ടുവരിക. അതിൽ മമ്മൂക്ക കുറച്ചേ കഴിക്കൂ. ബാക്കി നമുക്ക് തരും.
എല്ലാ ദിവസവും അങ്ങനെയാണ്. ഇൻഡസ്ട്രിയിൽ എല്ലാവരും ഒന്നും അങ്ങനെ ചെയ്യില്ല. പ്രത്യേകിച്ച് ഈ നിലയിലുള്ള ഒരാൾ. മമ്മൂക്ക എനിക്ക് ജ്യേഷ്ഠ സഹദരനെ പോലെ സ്നേഹവും ആദരവും ഉള്ള വ്യക്തിയാണ്. –ബൈജു സന്തോഷ്
