വാഷിംഗ്ടൺ ഡിസി: ഇറാൻ യുദ്ധത്തിന്റെ പേരിൽ യുഎസ് ഭീകരവിരുദ്ധ വിഭാഗം മേധാവി ജോ കെന്റ് രാജിവച്ചു. ട്രംപ് ഭരണകൂടം ഇറാനെതിരേ നടത്തുന്ന യുദ്ധത്തെ പിന്തുണയ്ക്കാൻ മനഃസാക്ഷി അനുവദിക്കുന്നില്ലന്ന് അദ്ദേഹം സമൂഹമാധ്യമത്തിൽ കുറിച്ചു.
“ഇറാൻ നമ്മുടെ രാജ്യത്തിനു ഭീഷണിയല്ല. ഇസ്രയേലിന്റെയും അവരുടെ ശക്തമായ അമേരിക്കൻ ലോബിയുടെയും സമ്മർദത്തെത്തുടർന്നാണ് നാം യുദ്ധം ആരംഭിച്ചതെന്ന് വ്യക്തമാണ്”- ജോ കെന്റ് കുറിച്ചു. ഇറാനുമായുള്ള യുദ്ധം തുടങ്ങിയശേഷം ട്രംപ് ഭരണകൂടത്തിൽനിന്നു രാജിവയ്ക്കുന്ന ഏറ്റവും മുതിർന്ന ഉദ്യോഗസ്ഥനാണ് ഇദ്ദേഹം. കെന്റിന്റെ രാജിയിൽ വൈറ്റ് ഹൗസ് പ്രതികരിച്ചില്ല.
തീവ്ര വലതുപക്ഷവുമായി ബന്ധമുള്ള കെന്റ് കഴിഞ്ഞ വർഷം ജൂലൈയിലാണ് ഭീകരവിരുദ്ധ വിഭാഗം മേധാവിയായത്. ഇദ്ദേഹത്തിന്റെ നിയമനത്തെ ഡെമോക്രാറ്റുകൾ എതിർത്തിരുന്നു.
