കാസര്‍ഗോഡ്: മധൂര്‍ പഞ്ചായത്തിലെ വാടക ക്വാര്‍ട്ടേഴ്സില്‍ താമസിക്കുന്ന പതിനാറുകാരിയെ നിരവധിപേര്‍ പീഡിപ്പിച്ച കേസില്‍ പെണ്‍കുട്ടിയുടെ രക്ഷിതാക്കളും അറസ്റ്റിലായി.
പെണ്‍കുട്ടി പീഡിപ്പിക്കപ്പെടുന്ന വിവരം അറിഞ്ഞിട്ടും മറച്ചുവെച്ചതിനാണ് രക്ഷിതാക്കളെ വനിതാ പോലീസ് അറസ്റ്റ് ചെയ്തത്. കേസില്‍ ഒമ്പത് പേരെ നേരത്തെ അറസ്റ്റ് ചെയ്തിരുന്നു.
പെണ്‍കുട്ടിക്ക് 14 വയസുള്ളപ്പോള്‍ മുതല്‍ പീഡനം നടന്നിരുന്നതായാണ് പോലീസ് അന്വേഷണത്തില്‍ തെളിഞ്ഞത്.
കുട്ടിയുടെ മൊഴി രേഖപ്പെടുത്തിയതോടെയാണ് നിരവധിപ്പെര്‍ പീഡിപ്പിച്ചതായുള്ള വിവരം പുറത്തുവന്നത്.
രക്ഷിതാക്കളെ കാസര്‍ഗോഡ് ജുഡീഷല്‍ മജിസ്ട്രേട്ട് കോടതിയില്‍ ഹാജരാക്കി റിമാന്‍ഡ് ചെയ്തു.
