ഉഴവൂർ: നായാട്ടിന് പോയ അഭിഭാഷകൻ വാഹനം അപകടത്തിൽപ്പെട്ടതിനെത്തുടർന്ന് തോക്കുപൊട്ടി മരിച്ചു.
ഉഴവൂർ ഒക്കാട്ട് അഡ്വ. ജോബി ജോസഫാ(56) ണ് ഇന്നലെ രാത്രി പതിനൊന്നോടെയുണ്ടായ അപകടത്തിൽ മരിച്ചത്. പാലാ ബാറിലെ അഭിഭാഷകനാണ്.
പയസ്മൗണ്ട് നീരുട്ടി ഭാഗത്ത് നായാട്ട് നടത്തുന്നതിനിടയിൽ ജോബി സഞ്ചരിച്ചിരുന്ന സ്കൂട്ടർ അപകടത്തിൽപ്പെട്ട് മറിയുകയായിരുന്നുവെന്ന് പറയുന്നു.
ഇതിനിടയിൽ കൈയിൽ കരുതിയിരുന്ന തോക്ക് പൊട്ടി ജോബിക്ക് വെടിയേറ്റതായാണ് നി ഗമനം. ശബ്ദംകേട്ട് ആളുകൾ സ്ഥലത്തെത്തിയെങ്കിലും ജീവൻ രക്ഷിക്കാനായില്ല. ഭാര്യ: ഡോ. ഷിജി. മക്കൾ: ഐവിൻ, അന്നൂസ്, ജോസ്.
