Set us Home Page

ഇതു വെറും കൈ മാത്രമല്ല! ഒ​രു​നാ​ൾ അ​യാ​ളു​ടെ ജ​ന​നേ​ന്ദ്രി​യം കൊ​ഴി​ഞ്ഞു​വീ​ണു; അ​യാ​ൾ പ​റ​ഞ്ഞു.. ഞാ​നൊ​രു പു​രു​ഷ​ന്‍റെ നി​ഴ​ൽ ​മാ​ത്ര​മാ​യി… എന്നാൽ, ഡോ​ക്ട​ർ​മാ​ർ അ​യാ​ളെ കൈ​വി​ട്ടി​ല്ല; കാരണം…

മാ​ൽ​ക്ക​മി​ന്‍റെ ഇ​ട​തു കൈ​ത്ത​ണ്ട​യി​ൽ ജി​മ്മി എ​ന്നു വി​ളി​പ്പേ​രു​ള്ള ഒ​രു അ​വ​യ​വ​മു​ണ്ട്. അ​ത് അ​യാ​ളു​ടെ ജ​ന​നേ​ന്ദ്രി​യ​മാ​ണ്!

തീ​ർ​ച്ച​യാ​യും ഇ​തൊ​രു പ്രാ​ന്തു​പി​ടി​ച്ച പ​രി​പാ​ടി​യാ​ണ്- കൈ​ത്ത​ണ്ട​യി​ൽ ജ​ന​നേ​ന്ദ്രി​യ​മു​ണ്ടാ​വു​ക എ​ന്ന​ത്. പ​ക്ഷേ, ര​ണ്ടാ​മ​തൊ​ന്നു​കൂ​ടി ചി​ന്തി​ച്ചാ​ൽ, സം​ഗ​തി ശ​രി​ക്കും ഗം​ഭീ​രം​ത​ന്നെ- മാ​ൽ​ക്കം പ​റ​യു​ന്നു.

ആ​ദ്യം കേ​ൾ​ക്കു​ന്പോ​ൾ ഇ​തൊ​രു സ​യ​ൻ​സ്-​ഫി​ക്‌ഷ​ൻ കോ​മ​ഡി​യാ​ണെ​ന്നു തോ​ന്നാം. ഒ​രാ​ളു​ടെ ജ​ന​നേ​ന്ദ്രി​യം അ​സു​ഖം ബാ​ധി​ച്ച് കൊ​ഴി​ഞ്ഞു​വീ​ഴു​ന്നു. വി​ദ​ഗ്ധ​നാ​യൊ​രു ഡോ​ക്ട​ർ കൃ​ത്രി​മ​മാ​യൊ​ന്ന് അ​യാ​ളു​ടെ കൈ​യി​ൽ വ​ള​ർ​ത്തി​യെ​ടു​ക്കു​ന്നു. ഇ​ത് സി​നി​മാ​ക്ക​ഥ​യോ നോ​വ​ലോ അ​ല്ല. യ​ഥാ​ർ​ഥ സം​ഭ​വ​മാ​ണ്.

ക​ഥ​യ​ല്ലി​തു ജീ​വി​തം

മാ​ൽ​ക്കം മ​ക്ഡൊ​ണാ​ൾ​ഡ് ഒ​രു മെ​ക്കാ​നി​ക്കാ​ണ്. നാ​ല്പ​ത്ത​ഞ്ചു വ​യ​സ്. ര​ണ്ടു കു​ട്ടി​ക​ളു​ടെ പി​താ​വ്. വി​വാ​ഹ​മോ​ച​നം നേ​ടി​യ​യാ​ൾ. ജീ​വി​തം ഇം​ഗ്ല​ണ്ടി​ൽ.

വ​ലി​യ ആ​ഗ്ര​ഹ​ങ്ങ​ളൊ​ന്നു​മി​ല്ലാ​ത്ത ജീ​വി​തം ന​യി​ച്ചു​വ​ന്ന മാ​ൽ​ക്ക​മി​നെ അ​പ്ര​തീ​ക്ഷി​ത​മാ​യി ഒ​രു അ​ണു​ബാ​ധ ത​ള​ർ​ത്തി. 2014ൽ ​ആ​യി​രു​ന്നു ഇ​ത്. ചി​കി​ത്സ​ക​ളി​ലൂ​ടെ ഏ​താ​നും വ​ർ​ഷ​ങ്ങ​ൾ മു​ന്നോ​ട്ടു​പോ​യി. ര​ക്ത​ത്തി​ലു​ണ്ടാ​യ അ​ണു​ബാ​ധ അ​യാ​ളു​ടെ അ​വ​യ​വ​ങ്ങ​ളെ ബാ​ധി​ച്ചു​തു​ട​ങ്ങി​യ​ത് പെ​ട്ടെ​ന്നാ​ണ്.

കൈ​കാ​ലു​ക​ളി​ലെ വി​ര​ലു​ക​ൾ ക​റു​ത്തി​രു​ണ്ടു. ആ ​നി​റ​പ്പ​ക​ർ​ച്ച ജ​ന​നേ​ന്ദ്രി​യ​ത്തെ​യും ബാ​ധി​ച്ചു. പെ​രി​നി​യം എ​ന്ന ഭാ​ഗ​ത്ത് അ​ണു​ബാ​ധ രൂ​ക്ഷ​മാ​യി. സെ​പ്സി​സ് എ​ന്നു വി​ളി​ക്കു​ന്ന ഗു​രു​ത​ര​മാ​യ രോ​ഗാ​വ​സ്ഥ​യി​ലേ​ക്കു നീ​ങ്ങി​യ​തോ​ടെ ഇ​നി​യെ​ന്തും സം​ഭ​വി​ക്കാം എ​ന്ന നി​ല.

മാ​ൽ​ക്കം പ​റ​യു​ന്നു: എ​നി​ക്ക​തൊ​രു ഹൊ​റ​ർ സി​നി​മ​പോ​ലെ തോ​ന്നി​യി​രു​ന്നു. ശ​രി​ക്കും സ​മ​നി​ല തെ​റ്റി​യ അ​വ​സ്ഥ. എ​നി​ക്ക​റി​യാ​മാ​യി​രു​ന്നു, അ​തു ന​ഷ്ട​പ്പെ​ടാ​ൻ പോ​കു​ക​യാ​ണെ​ന്ന്. അ​ങ്ങ​നെ ഒ​രു​ദി​വ​സം അ​തു നി​ല​ത്തേ​ക്കു കൊ​ഴി​ഞ്ഞു​വീ​ണു. എ​പ്പോ​ഴാ​യാ​ലും അ​തു സം​ഭ​വി​ക്കു​മെ​ന്ന് എ​നി​ക്കു​റ​പ്പു​ണ്ടാ​യി​രു​ന്ന​തി​നാ​ൽ മെ​ല്ലെ എ​ടു​ത്ത് ച​വ​റ്റു​കു​ട്ടയി​ലേ​ക്കി​ട്ടു!

ആ​ശു​പ​ത്രി​യി​ലേ​ക്കു പോ​കാ​മെ​ന്നു​റ​പ്പി​ച്ചു. മൂ​ത്രം പു​റ​ത്തു​പോ​കാ​വു​ന്ന വി​ധ​ത്തി​ൽ ഒ​രു കു​റ്റി​പോ​ലൊ​ന്ന് ശ​രി​യാ​ക്കി​ത്ത​രാ​നേ ക​ഴി​യൂ എ​ന്ന് അ​വ​ർ തീ​ർ​ത്തു​പ​റ​ഞ്ഞു. അ​തെ​ന്‍റെ ഹൃ​ദ​യം ത​ക​ർ​ക്കു​ന്ന​താ​യി​രു​ന്നു.

മ​ദ്യ​ത്തി​ൽ ജീ​വി​തം

അ​ള​വി​ല്ലാ​തെ മ​ദ്യ​പി​ക്കു​ന്ന ശീ​ല​ത്തി​ലേ​ക്കാ​ണ് മാ​ൽ​ക്കം കൂ​പ്പു​കു​ത്തി​യ​ത്. അ​യാ​ളു​ടെ ആ​ത്മ​വി​ശ്വാ​സം ത​ക​ർ​ന്നു ത​രി​പ്പ​ണ​മാ​യി. അ​യാ​ൾ തു​ട​രു​ന്നു:

ജ​ന​നേ​ന്ദ്രി​യം ന​ഷ്ട​പ്പെ​ട്ട​തോ​ടെ ഞാ​നൊ​രു പു​രു​ഷ​ന്‍റെ നി​ഴ​ൽ മാ​ത്ര​മാ​യി ചു​രു​ങ്ങി​യെ​ന്ന് എ​നി​ക്കു തോ​ന്നി​ത്തു​ട​ങ്ങി. ക​ണ​ക്കി​ല്ലാ​തെ മ​ദ്യ​പി​ച്ചു. കു​ടും​ബ​ത്തെ​യും കൂ​ട്ടു​കാ​രെ​യു​മൊ​ന്നും ഓ​ർ​ത്ത​തേ​യി​ല്ല. എ​നി​ക്ക് ആ​രെ​യും കാ​ണു​ക​യും വേ​ണ്ടാ​യി​രു​ന്നു.

പ്ര​തീ​ക്ഷ​യു​ടെ കി​ര​ണം

അ​ങ്ങ​നെ​യൊ​രു​ദി​വ​സം മാ​ൽ​ക്ക​മി​ന്‍റെ ഡോ​ക്ട​ർ അ​യാ​ളോ​ടു പ​റ​ഞ്ഞു- പെ​നി​സ് മാ​സ്റ്റ​ർ എ​ന്ന​റി​യ​പ്പെ​ട്ട പ്ര​ഫ. ഡേ​വി​ഡ് റാ​ൽ​ഫി​നെ​ക്കു​റി​ച്ച്. ല​ണ്ട​ൻ യൂ​ണി​വേ​ഴ്സി​റ്റി കോ​ള​ജ് ഹോ​സ്പി​റ്റ​ലി​ൽ കൃ​ത്രി​മ ജ​ന​നേ​ന്ദ്രി​യ വി​ദ​ഗ്ധ​നാ​ണ് പ്ര​ഫ. റാ​ൽ​ഫ്. ജന്മനാ ജ​ന​നേ​ന്ദ്രി​യ​മി​ല്ലാ​തി​രു​ന്ന ഒ​രാ​ൾ​ക്കു കൃ​ത്രി​മ അ​വ​യ​വം പി​ടി​പ്പി​ച്ചു​ന​ൽ​കി​യ​യാ​ളാ​ണ് പ്ര​ഫ​സ​ർ എ​ന്ന​റി​ഞ്ഞ​തോ​ടെ മാ​ൽ​ക്കം ആ​വേ​ശ​ഭ​രി​ത​നാ​യി. സാ​ധാ​ര​ണ ജീ​വി​ത​ത്തി​ലേ​ക്കു തി​രി​ച്ചു​പോ​കാ​മെ​ന്ന പ്ര​തീ​ക്ഷ അ​യാ​ളി​ൽ നി​റ​ഞ്ഞി​രു​ന്നു.

ഇ​ല​ക്ട്രോ മെ​ക്കാ​നി​ക്ക​ൽ അ​വ​യ​വം!

പ്ര​ഫ. റാ​ൽ​ഫ് ഒ​രു ബ​യോ​ണി​ക് ജ​ന​നേ​ന്ദ്രി​യ വി​ദ​ഗ്ധ​നാ​യി​രു​ന്നു. ശ​രീ​ര​ത്തി​ൽ​നി​ന്നു​ള്ള ഭാ​ഗ​ങ്ങ​ൾ ഉ​പ​യോ​ഗി​ച്ചു നി​ർ​മി​ക്കു​ന്ന, എ​ന്നാ​ൽ വൈ​ദ്യു​തി​കൊ​ണ്ടു പ്ര​വ​ർ​ത്തി​ക്കു​ന്ന യ​ന്ത്ര​സ​ഹാ​യ​മു​ള്ള അ​വ​യ​വ​ങ്ങ​ളെ​യാ​ണ് ബ​യോ​ണി​ക് എ​ന്നു വി​ളി​ക്കു​ന്ന​ത്.

കൈ​ത്ത​ണ്ട​യി​ൽ തു​ന്നി​ച്ചേ​ർ​ത്ത് ജ​ന​നേ​ന്ദ്രി​യം വി​ക​സി​പ്പി​ക്കാ​വു​ന്ന സാ​ധ്യ​ത​ക​ളെ​ക്കു​റി​ച്ച് പ്ര​ഫ. റാ​ൽ​ഫ് മാ​ൽ​ക്ക​മി​നോ​ടു വി​ശ​ദീ​ക​രി​ച്ചു. ഏ​റ്റ​വും ചു​രു​ങ്ങി​യ​ത് ര​ണ്ടു​വ​ർ​ഷം നീ​ളു​ന്ന പ്ര​ക്രി​യ​യാ​ണ് ഇ​തെ​ന്നും അ​ദ്ദേ​ഹം പ​റ​ഞ്ഞു. മാ​ൽ​ക്കം അ​തി​നൊ​രു​ക്ക​മാ​യി​രു​ന്നു.

എ​ന്നെ സം​ബ​ന്ധി​ച്ച് അ​തൊ​രു പു​തി​യ തു​ട​ക്ക​മാ​യി തോ​ന്നി. ലൈം​ഗി​കാ​വ​ശ്യം എ​ന്ന​തി​ലു​പ​രി വേ​ണ്ടും​വ​ണ്ണം മൂ​ത്ര​മൊ​ഴി​ക്കു​ക എ​ന്ന​താ​യി​രു​ന്നു എ​ന്‍റെ ആ​ഗ്ര​ഹം. ആ​ത്മ​വി​ശ്വാ​സം വീ​ണ്ടെ​ടു​ക്കാ​ൻ എ​നി​ക്ക​തു നി​ർ​ബ​ന്ധ​മാ​യി​രു​ന്നു. അ​തി​ന​കം ര​ണ്ടു കു​ട്ടി​ക​ൾ ഉ​ണ്ടാ​യി​രു​ന്ന​തി​നാ​ൽ ശാ​രീ​രി​കാ​വ​ശ്യം എ​നി​ക്കു പ്ര​ധാ​ന​മ​ല്ലാ​യി​രു​ന്നു- മാ​ൽ​ക്കം പ​റ​യു​ന്നു.

അ​ക്ഷ​രാ​ർ​ഥ​ത്തി​ൽ ഒ​രു ഡി​സൈ​ന​ർ ജ​ന​നേ​ന്ദ്രി​യ​മാ​ണ് മാ​ൽ​ക്കം ശ​സ്ത്ര​ക്രി​യാ വി​ദ​ഗ്ധ​രോ​ട് ആ​വ​ശ്യ​പ്പെ​ട്ട​ത്. സാ​ധാ​ര​ണ​യി​ൽ​ക്ക​വി​ഞ്ഞ് ര​ണ്ടി​ഞ്ച് നീ​ളം കൂ​ടു​ത​ൽ വേ​ണം എ​ന്നാ​യി​രു​ന്നു ആ​വ​ശ്യ​ങ്ങ​ളി​ലൊ​ന്ന്. അ​താ​യ​ത് ത​ന്‍റെ പു​തി​യ അ​വ​യ​വം എ​ങ്ങ​നെ​യി​രി​ക്ക​ണ​മെ​ന്ന് അ​യാ​ൾ​ക്ക് ന​ല്ല ബോ​ധ്യ​മു​ണ്ടാ​യി​രു​ന്നു. ഡോ​ക്ട​ർ​മാ​ർ അ​തു സ​മ്മ​തി​ക്കു​ക​യും ചെ​യ്തു.

ച​ർ​മ​ത്തി​ന്‍റെ ഗു​ണ​നി​ല​വാ​രം, സ്പ​ർ​ശ​നം തി​രി​ച്ച​റി​യാ​നു​ള്ള ക​ഴി​വ് എ​ന്നി​വ പ​രി​ഗ​ണി​ച്ച് ഡോ​ക്ട​ർ​മാ​ർ മാ​ൽ​ക്ക​മി​ന്‍റെ ഇ​ട​തു​കൈ തെ​ര​ഞ്ഞെ​ടു​ത്തു. കൈ​യി​ൽ​നി​ന്ന് തൊ​ലി​യും മാം​സ​വു​മ​ട​ക്ക​മു​ള്ള ഭാ​ഗം മു​റി​ച്ചെ​ടു​ത്ത് ചു​രു​ട്ടി ജ​ന​നേ​ന്ദ്രി​യ​ത്തി​ന്‍റെ രൂ​പ​ത്തി​ലാ​ക്കി. അ​തി​ലേ​ക്ക് കാലിൽനിന്നുള്ള ര​ക്ത​ക്കു​ഴ​ലു​ക​ളും നാ​ഡി​ക​ളും കൂ​ട്ടി​യി​ണ​ക്കി. ബീ​ജ​വാ​ഹി​നി​ക്കു​ഴ​ലു​ക​ൾ കൃ​ത്രി​മ​മാ​യി സൃ​ഷ്ടി​ച്ചു.

യാ​ന്ത്രി​ക​മാ​യ ഉ​ദ്ധാ​ര​ണം സൃ​ഷ്ടി​ക്കാ​ൻ ഒ​രു ചെ​റി​യ ഹാ​ൻ​ഡ് പ​ന്പ് അ​തി​നോ​ടു കൂ​ട്ടി​ച്ചേ​ർ​ത്തു. പി​ന്നീ​ട് ആ ​ഭാ​ഗം കൈ​യി​ൽ​നി​ന്നു വേ​ർ​പെ​ടു​ത്തി ഒ​ര​റ്റം​മാ​ത്രം കൈ​യി​ൽ ഉ​റ​പ്പി​ച്ചു. സ്വാ​ഭാ​വി​ക​മാ​യി ച​ർ​മ​വും കോ​ശ​ങ്ങ​ളും വ​ള​രാ​ൻ തു​ട​ങ്ങു​ക​യും ചെ​യ്തു.

ആ​ദ്യ​മാ​യി എ​ന്‍റെ കൈ​ത്ത​ണ്ട​യി​ൽ അ​തു ക​ണ്ട​പ്പോ​ൾ വ​ലി​യ അ​ഭി​മാ​നം തോ​ന്നി- മാ​ൽ​ക്കം പ​റ​യു​ന്നു. എ​നി​ക്ക​ത് എ​ന്‍റെ ശ​രീ​ര​ത്തി​ന്‍റെ ഭാ​ഗം​ത​ന്നെ​യാ​ണ്. എ​നി​ക്കു കി​ട്ടാ​വു​ന്ന​തി​ൽ​വ​ച്ച് ഏ​റ്റ​വും ന​ല്ല​ത് എ​ന്നു​റ​പ്പു​ണ്ട്. അ​തു​കൊ​ണ്ടു​ത​ന്നെ ഞാ​ന​തി​ന് ഒ​രു ചെ​ല്ല​പ്പേ​രു​മി​ട്ടു- ജി​മ്മി., എ​ന്‍റെ പു​തി​യ കൂ​ട്ടു​കാ​ര​ൻ.

ഫു​ൾ​കൈ​യു​ള്ള ഷ​ർ​ട്ട് ഇ​ട​ണം എ​ന്ന ബു​ദ്ധി​മു​ട്ടു മാ​ത്ര​മേ​യു​ള്ളൂ. ആ​ളു​ക​ൾ ക​ളി​യാ​ക്കു​ക​യൊ​ക്കെ ചെ​യ്യും. അ​തു ത​മാ​ശ​യാ​യി​ത്ത​ന്നെ എ​ടു​ത്തി​ല്ലെ​ങ്കി​ൽ അ​തോ​ടെ ഞാ​ൻ തീ​രും. കൈ​യി​ൽ എ​ന്താ​ണ് മു​ഴ​ച്ചി​രി​ക്കു​ന്ന​തെ​ന്ന് ആ​ളു​ക​ൾ ചോ​ദി​ക്കു​ന്പോ​ൾ ഫോ​ണ്‍ ആ​ണെ​ന്നു പ​റ​ഞ്ഞൊ​ഴി​യും.

ഉ​റ​പ്പി​ക്കാ​ൻ റെ​ഡി, പ​ക്ഷേ…

ര​ണ്ടു വ​ർ​ഷം ക​ഴി​ഞ്ഞ​തോ​ടെ കൃ​ത്രി​മ അ​വ​യ​വം യ​ഥാ​സ്ഥാ​ന​ത്ത് ഉ​റ​പ്പി​ക്കാ​മെ​ന്ന നി​ല​യി​ലാ​യി. പ​ക്ഷേ സ​മ​യ​മെ​ത്തി​യ​പ്പോ​ഴേ​ക്കും ഡോ​ക്ട​ർ​ക്ക് സു​ഖ​മി​ല്ലാ​താ​യി. പ​ല കാ​ര​ണ​ങ്ങ​ളാ​ൽ ശ​സ്ത്ര​ക്രി​യ വീ​ണ്ടും ര​ണ്ടു​ത​വ​ണ നീ​ട്ടി​വ​യ്ക്ക​പ്പെ​ട്ടു.

അ​പ്പോ​ഴേ​ക്കും കോ​വി​ഡ് ഭീ​ഷ​ണി​യെ​ത്തി. ല​ണ്ട​നി​ലെ ആ​ശു​പ​ത്രി​യി​ലേ​ക്കു പോ​കു​ക എ​ന്നത് അ​സാ​ധ്യ​മാ​യി. എ​ത്ര​യും​വേ​ഗം ശ​സ്ത്ര​ക്രി​യ ന​ട​ത്തി അ​വ​യ​വ​ത്തെ കൈ​യി​ൽ​നി​ന്നൊ​ഴി​ഞ്ഞ് സ്വാ​ഭാ​വി​ക ജീ​വി​ത​ത്തി​ലേ​ക്കു മ​ട​ങ്ങാ​മെ​ന്നാ​ണ് മാ​ൽ​ക്ക​മി​ന്‍റെ പ്ര​തീ​ക്ഷ. ഈ​വ​ർ​ഷം അ​വ​സാ​നം ശ​സ്ത്ര​ക്രി​യ ന​ട​ത്താ​മെ​ന്ന് ഡോ​ക്ട​ർ​മാ​രും ക​രു​തു​ന്നു.

ഏ​താ​ണ്ട് അ​ര​ല​ക്ഷം യൂ​റോ ഇ​തി​ന​കം അ​യാ​ൾ ഇ​തി​നാ​യി മു​ട​ക്കി​ക്ക​ഴി​ഞ്ഞു. തു​ക ക​ണ്ടെ​ത്തി​യ​തും വ​ലി​യ പ്ര​യാ​സ​ങ്ങ​ൾ സ​ഹി​ച്ചാ​ണ്. എ​ങ്കി​ലും മാ​ൽ​ക്കം പ​റ​യു​ന്നു- കാ​ശ് ഒ​രു വി​ഷ​യ​മ​ല്ല!

തയാറാക്കിയത്: വി.ആർ.

Leave a Reply

Your email address will not be published. Required fields are marked *

LATEST NEWS