രാജസ്ഥാനിലെ നഗൗരില്‍ സഹോദരനെ സ്‌കൂട്ടറിന്റെ പുറകില്‍ കെട്ടിയിട്ടു വലിച്ചിഴച്ച യുവാവു പിടിയില്‍. ഹന്‍സ്‌രാജ് മേഘ്‌വാള്‍ (35) ആണു പിടിയിലായത്.
സഹോദരനായ മനോഹര്‍ മേഘ്‌വാളിനോടായിരുന്നു (45) ക്രൂരത. നഗൗരില്‍ ടൗസര്‍ ഗ്രാമത്തില്‍ ബുധനാഴ്ചയാണു സംഭവം നടന്നത്.
സംഭവത്തിന്റെ വീഡിയോ ദൃശ്യങ്ങള്‍ സമൂഹമാധ്യമങ്ങളില്‍ പ്രചരിച്ചതിനു പിന്നാലെ പോലീസ് സ്വമേധയാ കേസെടുക്കുകയും യുവാവിനെ അറസ്റ്റ് ചെയ്യുകയും ചെയ്തു.
ഹന്‍സ്‌രാജ് സ്ഥിരം മദ്യപാനിയും സഹോദരനുമായി നിരന്തരം സംഘര്‍ഷത്തില്‍ ഏര്‍പ്പെട്ടിരുന്നതായും പ്രാഥമിക അന്വേഷണത്തില്‍ പൊലീസ് കണ്ടെത്തി.
