ചങ്ങനാശേരി: സമുദായാചാര്യന് മന്നത്തുപത്മനാഭന്റെ 149ാംജയന്തി ആഘോഷങ്ങള് ഇന്നും നാളെയും നടക്കും. ഇന്നു രാവിലെ അഖിലകേരള നായര് പ്രതിനിധിസമ്മേളനത്തോടെയാണ് തുടക്കമായത്. എന്എസ്എസ് ജനറല് സെക്രട്ടറി ജി. സുകുമാരന് നായര് സ്വാഗതവും സംഘടനയുടെ പ്രവര്ത്തനങ്ങളെപ്പറ്റി വിശദീകരണവും നടത്തി.
എന്എസ്എസ് പ്രസിഡന്റ് ഡോ.എം. ശശികുമാര് അധ്യക്ഷത വഹിച്ചു. എന്എസ്എസ് സെക്രട്ടറി ഹരികുമാര് കോയിക്കല് പ്രസംഗിച്ചു. ഉച്ചകഴിഞ്ഞ് മൂന്നിന് സംഗീതക്കച്ചേരി, 6.30ന് ചലച്ചിത്രതാരം ആശാ ശരത്തും സംഘവും അവതരിപ്പിക്കുന്ന നൃത്തസന്ധ്യ. രാത്രി ഒമ്പതിന് മേജര് സെറ്റ് കഥകളി നളചരിതം നാലാംദിവസം.
ജയന്തിദിനമായ നാളെ രാവിലെ ഭക്തിഗാനാലാപം. ഏഴുമുതല് മന്നം സമാധിയില് പുഷ്പാര്ച്ചന. വേദിയില് ഏഴുമുതല് വെട്ടിക്കവല കെ.എന്. ശശികുമാര് അവതരിപ്പിക്കുന്ന നാഗസ്വരക്കച്ചേരി. രാവിലെ 8.30ന് സാന്ദ്രനന്ദലയം.
11ന് നടക്കുന്ന മന്നംജയന്തിസമ്മേളനം എംജി സര്വകലാശാല മുന്വൈസ് ചാന്സിലറും ദേശീയന്യൂനപക്ഷകമ്മീഷനംഗവുമായ ഡോ.സിറിയക് തോമസ് ഉദ്ഘാടനം ചെയ്യും.
എന്എസ്എസ് പ്രസിഡന്റ് ഡോ.എം. ശശികുമാര് അധ്യക്ഷത വഹിക്കും. എന്എസ്എസ് ജനറല് സെക്രട്ടറി ജി. സുകുമാരന്നായര് മുഖ്യപ്രഭാഷണം നടത്തും. ട്രഷറര് അഡ്വ. എന്.വി.അയ്യപ്പന്പിളള, ഗാനരചയിതാവ് രാജീവ് ആലുങ്കല് എന്നിവര് പ്രസംഗിക്കും.
