രാജ്യത്ത് കത്തിപ്പടരുന്ന മീടു ക്യാമ്പയ്ന്‍ ബോളിവുഡിനെ പിടിച്ചു കുലുക്കുകയാണ്. ബോളിവുഡിലെ പല പ്രമുഖരും തന്നെ ലൈംഗികമായി ഉപയോഗിച്ചുവെന്നും കരിയര്‍ നശിപ്പിച്ചുവെന്നും ആരോപിച്ച് നടി പൂജാ മിശ്ര രംഗത്തെത്തിയിരിക്കുകയാണ്. പൂജയുടെ വെളിപ്പെടുത്തല്‍ ഇതുവരെ പുറത്തു വന്നതില്‍ വച്ചേറ്റവും വലിയ മീടു വെളിപ്പെടുത്തലാണെന്നാണ് വിലയിരുത്തപ്പെടുന്നത്.
സല്‍മാന്‍ അടക്കമുള്ള നടന്മാരുടെ പേരുകകളാണ് പൂജയുടെ ആരോപണത്തില്‍ ഉയര്‍ന്നു വന്നിരിക്കുന്നത്.ബിഗ് ബോസ് മത്സരാര്‍ത്ഥി കൂടിയായിരുന്ന പൂജ മിശ്ര് സല്‍മാന്‍ ഖാനും അദ്ദേഹത്തിന്റെ സഹോദരന്മാരും തന്നെ ലൈംഗികമായി പീഡിപ്പിച്ചുവെന്നാണ് വെളിപ്പെടുത്തല്‍ നടത്തിയിരിക്കുന്നത്.സുല്‍ത്താന്റെ ഷൂട്ടിംഗിനിടെ അബോധാവസ്ഥയില്‍ ആയ തന്നെ ലൈംഗികരമായി ഉപയോഗിക്കുകയായിരുന്നുവെന്നാണ്പൂജ പറയുന്നുത്.
കൂടാതെ നടന്‍ ശത്രുഘാന്‍ സിന്‍ഹ തന്നെ ബ്ലാക് മെയില്‍ ചെയ്യാന്‍ ശ്രമിച്ചുവെന്നും പൂജ ട്വീറ്ററില്‍ പോസ്റ്റ് ചെയ്ത വീഡിയോയില്‍ പറയുന്നു. ശത്രുഘാന്‍ സിന്‍ഹ തന്റെ ഫോണും ലാപ്‌ടോപും അപഹരിച്ചു എന്നും താരം പറയുന്നു. നടനും ലോകസഭാംഗവുമായ ശത്രുഘ്‌നന്‍ സിന്‍ഹയും ഭാര്യയും തന്നെ ബ്ലാക്ക് മെയില്‍ ചെയ്യാന്‍ ശ്രമിച്ചുവെന്നും ദുര്‍മന്ത്രവാദം നടത്തി തന്റെ വീട്ടില്‍ പ്രേതങ്ങളെ തുറന്നുവിട്ടെന്നും പൂജ ആരോപിക്കുന്നു.
തന്റെ മകള്‍ സൊനാക്ഷിയെ ബോളിവുഡിലെത്തിക്കാനാണ് ശത്രുഘ്‌നന്‍ സിന്‍ഹ ഇതെല്ലാം ചെയ്തതെന്നും സല്‍മാനും സഹോദരങ്ങളായ സൊഹൈല്‍ ഖാന്‍, അര്‍ബാസ് ഖാന്‍ എന്നിവര്‍ക്ക് കാഴ്ച വച്ചുവെന്നും അവര്‍ പല അവസരങ്ങളിലായി തന്നെ പീഡിപ്പിച്ചുവെന്നും പൂജ മിശ്ര കൂറ്റപ്പെടുത്തി. സല്‍മാന്റെ സഹോദരന്‍ അര്‍ബാസിന്റെ മുന്‍ ഭാര്യയും നടിയുമായ മലൈക അറോറ അസൂയ പൂണ്ട് തന്റെ സാധനങ്ങള്‍ മോഷ്ടിച്ചുവെന്നും ഇവര്‍ പറയുന്നുണ്ട്. ഇത് കൂടാതെ ബോളീവുഡിലെ പല പ്രമുഖരും തന്നെ ശാരീരികമായി ഉപയോഗിച്ചുവെന്നും തന്റെ കരിയര്‍ നശിപ്പിച്ചെന്നും ആത്മഹത്യയുടെ വക്കിലേക്ക് തന്നെ തള്ളിവിട്ടെന്നും പൂജ വ്യക്തമാക്കി. പൂജയുടെ ആരോപണങ്ങള്‍ വരും ദിവസങ്ങളില്‍ ബോളിവുഡിനെ പിടിച്ചു കുലുക്കുമെന്നുറപ്പാണ്.
