കൊച്ചി: പുരാവസ്തു തട്ടിപ്പു കേസില്‍ അറസ്റ്റിലായ മോന്സന് മാവുങ്കലിന് കേരളത്തിനു പുറത്തുനിന്നു കള്ളപ്പണം എത്തിയിരുന്നതായി സൂചന.
ഇതുസംബന്ധിച്ച ചില നിര്‍ണായക വിവരങ്ങള്‍ ക്രൈംബ്രാഞ്ചിനു ലഭിച്ചു. നിലവില്‍ മോന്‍സന്‍റെ ബാങ്ക് അക്കൗണ്ടുകള്‍ സംബന്ധിച്ച് തുടരുന്ന അവ്യക്തത നീക്കുന്നതിന്‍റെ ഭാഗമായി മോന്‍സനുമായി അടുത്തബന്ധമുള്ളവരുടെയടക്കം ബാങ്ക് രേഖകള്‍ പരിശോധിക്കും.
ഇതോടൊപ്പം മോന്‍സനുമായി നിരന്തരം ബന്ധപ്പെട്ടിരുന്നവരെ ചോദ്യം ചെയ്യും. ഇതിനായി പ്രത്യേക അന്വേഷണ സംഘത്തലവനും തിരുവനന്തപുരം റേഞ്ച് ഐജിയുമായ സ്പര്‍ജന്‍ കുമാര്‍ ഉടന്‍ കൊച്ചിയിലെത്തും.
മധ്യപ്രദേശ് സര്‍ക്കാരിന്‍റെ കീഴിൽ വയനാട്ടിലുള്ള 500 ഏക്കര്‍ കാപ്പിത്തോട്ടം ലീസിന് വാങ്ങിനല്‍കാമെന്ന് വിശ്വസിപ്പിച്ച് പാലാ സ്വദേശി രാജീവില്‍നിന്നു 1.62 കോടി രൂപ തട്ടിയെടുത്ത കേസില്‍ മോന്‍സനെ മൂന്നു ദിവസത്തേക്കു ക്രൈംബ്രാഞ്ച് കസ്റ്റഡിയില്‍ വിട്ടു.
അഞ്ച് കേസുകളാണ് മോന്‍സനെതിരേ ക്രൈംബ്രാഞ്ച് രജിസ്റ്റര്‍ ചെയ്തിട്ടുള്ളത്.
