പേരൂര്ക്കട: യുവതിയുടെ മുന്നില് നഗ്നതാ പ്രദര്ശനം നടത്തിയ ആളെ പേരൂര്ക്കട പോലീസ് അറസ്റ്റുചെയ്തു. കാച്ചാണി ചിലക്കുഴി കൃഷ്ണവിലാസം വീട്ടില് സന്തോഷ് കുമാര് (53) ആണ് അറസ്റ്റിലായത്. തിങ്കളാഴ്ച രാവിലെ 8.30നാണ് കേസിനാസ്പദമായ സംഭവം. കരൂര്ക്കോണം സ്വദേശിനിയായ 22-കാരിയാണ് അപമാനിക്കപ്പെട്ടത്.
മണ്ണാമ്മൂല കണ്കോര്ഡിയ സ്കൂളിനു പിറകുവശത്ത് സ്കൂട്ടറില് എത്തിയ പ്രതി യുവതിയോട് വഴി ചോദിക്കുകയായിരുന്നു. വഴി പറഞ്ഞുനൽകി യുവതി മുന്നോട്ടു നടക്കവെ സ്കൂട്ടര് വഴിയില് നിര്ത്തിയ പ്രതി നഗ്നതാ പ്രദര്ശനം നടത്തുകയായിരുന്നു.
യുവതി ബഹളം വച്ചപ്പോള് സ്ഥലത്തുനിന്നു രക്ഷപ്പെട്ട സന്തോഷിനെ സിറ്റി പോലീസ് കമ്മീഷണര് കെ. കാര്ത്തികിന്റെ നിര്ദേശപ്രകാരം പേരൂര്ക്കട സിഐ എം. ഉമേഷും സംഘവുമാണ് കസ്റ്റഡിയിലെടുത്തത്. ഇയാളെ ഇന്നു കോടതിയില് ഹാജരാക്കും.
