നെയ്യാറ്റിന്‍കര: ട്രെയിന്‍ യാത്രക്കിടെ പരിചയപ്പെട്ട പെണ്‍കുട്ടിയെ പ്രണയം നടിച്ച് വിവാഹവാഗ്ദാനം നല്‍കി പീഡിപ്പിക്കുകയും അശ്ലീല ചിത്രങ്ങള്‍ വാട്സ് അപ്പിലൂടെ പ്രചരിപ്പിക്കുകയും ചെയ്ത കേസില്‍ യുവാവ് അറസ്റ്റിൽ. അവണാകുഴി താന്നിമൂട് മണലുവിള വീട്ടില്‍ രഞ്ചു ശിവരാജ (26) നെയാണ് പോലീസ് അറസ്റ്റ് ചെയ്തത്.
പീഡനത്തിനു ശേഷം പ്രതി വിദേശത്തേയ്ക്ക് രക്ഷപ്പെട്ടു. പിന്നീട് ഫോണിലൂടെ പെണ്‍കുട്ടിയെ ഭീഷണിപ്പെടുത്തുകയും വാട്സ് അപ്പ് ഗ്രൂപ്പില്‍ അശ്ലീല ചിത്രങ്ങള്‍ പ്രചരിപ്പിക്കുകയും ചെയ്തതായി പോലീസ് പറഞ്ഞു. പ്രതി നാട്ടിലെത്തിയ വിവരം അറിഞ്ഞാണ് നെയ്യാറ്റിന്‍കര സിഐയുടെ നേതൃത്വത്തില്‍ പോലീസെത്തി പ്രതിയെ പിടികൂടിയത്.
