പ്ര​തി​ക​ളെ തൂ​ക്കി​കൊ​ല്ലു​ന്ന​തോ​ടെ കു​റ്റ​കൃ​ത്യ​ങ്ങ​ൾ അ​വ​സാ​നി​ക്കു​മോ? വ​ധ​ശി​ക്ഷ ന​ട​പ്പാ​ക്കു​ന്ന​തി​ലൂ​ടെ ഇ​ര​യു​ടെ മാ​താ​പി​താ​ക്ക​ൾ​ക്ക് നീ​തി ന​ൽ​കാ​നാ​വി​ല്ല; നി​ർ​ഭ​യ പ്ര​തി​ക​ളെ തൂ​ക്കി​കൊ​ല്ലു​ന്ന​തി​നെ​തി​രെ ജസ്റ്റീസ് കുര്യൻ ജോസഫ്

ന്യൂ​ഡ​ൽ​ഹി: നി​ർ​ഭ​യ പ്ര​തി​ക​ളെ തൂ​ക്കി​കൊ​ല്ലു​ന്ന​തോ​ടെ ഇ​ത്ത​രം കു​റ്റ​കൃ​ത്യ​ങ്ങ​ൾ അ​വ​സാ​നി​ക്കു​മോ? മു​ൻ സു​പ്രീം കോ​ട​തി ജ​ഡ്ജി​യും മ​ല​യാ​ളി​യു​മാ​യ ജ​സ്റ്റീ​സ് കു​ര്യ​ൻ ജോ​സ​ഫി​ന്‍റേ​താ​ണ് ചോ​ദ്യം.

നി​ർ​ഭ​യ പ്ര​തി​ക​ളു​ടെ വ​ധ​ശി​ക്ഷ ന​ട​പ്പാ​ക്കു​ന്ന​തി​ലൂ​ടെ ഇ​ര​യു​ടെ മാ​താ​പി​താ​ക്ക​ൾ​ക്ക് നീ​തി ന​ൽ​കാ​നാ​വി​ല്ലെ​ന്നും അ​ദ്ദേ​ഹം പ​റ​ഞ്ഞു.

ഈ ​ആ​ളു​ക​ളെ തൂ​ക്കി​ക്കൊ​ല്ലു​ന്ന​തി​ലൂ​ടെ, ഇ​ത്ത​രം കു​റ്റ​കൃ​ത്യ​ങ്ങ​ൾ അ​വ​സാ​നി​ക്കു​മോ? അ​പൂ​ർ​വ​ങ്ങ​ളി​ൽ അ​പൂ​ർ​വ​മാ​യ കേ​സു​ക​ളി​ൽ വ​ധ​ശി​ക്ഷ ന​ൽ​കാ​മെ​ന്ന് ബ​ച്ച​ൻ സിം​ഗ് കേ​സി​ൽ സു​പ്രീം കോ​ട​തി പ​റ​ഞ്ഞി​രു​ന്നു.

അ​തും മ​റ്റെ​ല്ലാ സാ​ധ്യ​ത​ക​ളും സം​ശ​യാ​സ്പ​ദ​മാ​യി അ​ട​യു​മ്പോ​ൾ മാ​ത്ര​മാ​ണ്-​എ​എ​ൻ​ഐ​ക്കു ന​ൽ​കി​യ അ​ഭി​മു​ഖ​ത്തി​ൽ‌ അ​ദ്ദേ​ഹം പ​റ​ഞ്ഞു. ജീ​വ​പ​ര്യ​ന്തം ആ​ളു​ക​ളെ ജ​യി​ലി​ലേ​ക്ക് അ​യ​ച്ചാ​ൽ, ഇ​ത്ത​രം കു​റ്റ​കൃ​ത്യ​ങ്ങ​ളു​ടെ വി​ധി ഇ​താ​യി​രി​ക്കു​മെ​ന്ന് സ​മൂ​ഹ​ത്തോ​ട് പ​റ​യാ​ൻ ക​ഴി​യും. എ​ന്നാ​ൽ വ​ധ​ശി​ക്ഷ ന​ട​പ്പാ​ക്കി​യാ​ൽ കു​റ്റ​കൃ​ത്യം ആ​ളു​ക​ൾ മ​റ​ക്കും.

നാ​ല് പ്ര​തി​ക​ളെ​യും തൂ​ക്കി​ക്കൊ​ല്ലു​ന്ന​തി​ലൂ​ടെ നി​ർ​ഭ​യ​യു​ടെ മാ​താ​പി​താ​ക്ക​ൾ​ക്ക് നീ​തി ല​ഭി​ക്കു​മെ​ന്ന് ക​രു​തു​ന്നി​ല്ല. ക​ണ്ണി​ന് ക​ണ്ണ് എ​ന്ന നി​ല ലോ​ക​ത്തെ അ​ന്ധ​നാ​ക്കു​മെ​ന്ന് ഗാ​ന്ധി​ജി പ​റ​ഞ്ഞി​രു​ന്നു.

അ​തി​നാ​ൽ ക്രി​മി​ന​ൽ നീ​തി​ന്യാ​യ ന​ട​പ​ടി​ക​ൾ പ്ര​തി​കാ​ര​മാ​കാ​ൻ പാ​ടി​ല്ല. ഞാ​ൻ നി​ങ്ങ​ളു​ടെ ജീ​വ​നെ​ടു​ത്താ​ൽ അ​തി​ന​ർ​ഥം നി​ങ്ങ​ൾ എ​ന്‍റേ​ത് എ​ടു​ക്കും എ​ന്നാ​ണോ? ഇ​ത് നീ​തി​യ​ല്ല. പ്ര​തി​കാ​ര​വും ന്യാ​യ​വി​ധി​യും ര​ണ്ട് വ്യ​ത്യ​സ്ത ആ​ശ​യ​ങ്ങ​ളാ​ണെ​ന്നും അ​ദ്ദേ​ഹം പ​റ​ഞ്ഞു.

ശി​ക്ഷ​യു​ടെ ല​ക്ഷ്യം എ​ന്ന​ത് ന്യാ​യ​വി​ധി, പ​ശ്ചാ​ത്താ​പം, ന​വീ​ക​ര​ണം എ​ന്നി​വ​യാ​ണ്. പ്ര​തി​ക​ളു​ടെ ദ​യാ​ഹ​ർ​ജി പ​രി​ഗ​ണി​ക്കു​മ്പോ​ൾ കോ​ട​തി ഏ​തെ​ങ്കി​ലും ഒ​രു​കാ​ര്യം വി​ട്ടു​പോ​യെ​ങ്കി​ൽ അ​തും ക​ണ​ക്കി​ലെ​ടു​ക്കേ​ണ്ട​ത് രാ​ഷ്ട്ര​പ​തി​യു​ടേ​യും സ​ർ​ക്കാ​രി​ന്‍റെ​യും ക​ട​മ​യാ​ണെ​ന്നും കു​ര്യ​ൻ ജോ​സ​ഫ് കൂ​ട്ടി​ച്ചേ​ർ​ത്തു.