‘എ​നി​ക്കു ശ്വാ​സം മു​ട്ടു​ന്നു’; കറുത്ത വർഗക്കാരനെ നടുറോഡിൽ കൊന്നതിനെതിരേ അമേരിക്ക ഇളകി; പോലീസ് സ്റ്റേഷൻ അടിച്ചു തകർത്തു

വാ​ഷിം​ഗ്ട​ണ്‍: മി​നി​യാ​പൊ​ളി​സി​ൽ പോ​ലീ​സ് മ​ർ​ദ​ന​ത്തെ​ത്തു​ട​ർ​ന്ന് ക​റു​ത്ത​വ​ർ​ഗ​ക്കാ​ര​നാ​യി ജോ​ർ​ജ് ഫ്ലോ​യി​ഡ് കൊ​ല്ല​പ്പെ​ട്ട​തി​ൽ വ്യാ​പ​ക പ്ര​തി​ഷേ​ധം. മി​നി​യാ​പൊ​ളി​സി​ൽ പോ​ലീ​സ് സ്റ്റേ​ഷ​ൻ പ്ര​തി​ഷേ​ധ​ക്കാ​ർ ​അ​ടി​ച്ചു​ത​ക​ർ​ത്തു. ക​ഴു​ത്തി​ൽ കാ​ൽ​മു​ട്ട് അ​മ​ർ​ത്തി ശ്വാ​സം മു​ട്ടി​ച്ചാ​ണ് ജോ​ര്‌​ജി​നെ പോ​ലീ​സ് കൊ​ന്ന​ത്.

‘എ​നി​ക്കു ശ്വാ​സം മു​ട്ടു​ന്നു’ എ​ന്ന ജോ​ർ​ജി​ന്‍റെ നി​ല​വി​ളി പ്ര​തി​ഷേ​ധ​ക്കാ​ർ ഏ​റ്റെ​ടു​ത്തി​രി​ക്കു​ക​യാ​ണ്. എ​നി​ക്ക് ശ്വ​സി​ക്കാ​ന്‍ വ​യ്യ, ഫ്ലോ​യി​ഡി​ന് നീ​തി വേ​ണം തു​ട​ങ്ങി​യ പ്ല​ക്കാ​ര്‍​ഡു​ക​ളു​മാ​യി ആ​ണ് പ്ര​തി​ഷേ​ധ​ക​ര്‍ തെ​രു​വി​ലി​റ​ങ്ങി​യി​രി​ക്കു​ന്ന​ത്.

“നി​ങ്ങ​ളു​ടെ കാ​ല്‍​മു​ട്ട് എ​ന്‍റെ ക​ഴു​ത്തി​ലാ​ണ്. എ​നി​ക്ക് ശ്വ​സി​ക്കാ​ന്‍ വ​യ്യ..” എ​ന്ന് ജോ​ര്‍​ജ് ഫ്ലോ​യി​ഡ് ക​ര​യു​ന്ന വീ​ഡി​യോ വൈ​റ​ലാ​യി​രു​ന്നു. മി​നി​യാ​പൊ​ളി​സി​ൽ പോ​ലീ​സ് സ്റ്റേ​ഷ​ന്‍റെ മു​ന്നി​ല്‌ ഇ​പ്പോ​ഴും പ്ര​തി​ഷേ​ധം തു​ട​രു​ക​യാ​ണ്.

കു​റ്റ​ക്കാ​ർ​ക്കെ​തി​രേ കൊ​ല​ക്കു​റ്റ​ത്തി​ന് കേ​സെ​ടു​ക്ക​ണ​മെ​ന്നാ​ണ് പ്ര​തി​ഷേ​ധ​ക്കാ​രു​ടെ ആ​വ​ശ്യം. പ്രാ​ദേ​ശി​ക സ​മ​യം തി​ങ്ക​ളാ​ഴ്ച വൈ​കി​ട്ടു പോ​ലീ​സ് കാ​റി​ൽ നി​ന്നി​റ​ക്കി നി​ല​ത്തി​ട്ടു ക​ഴു​ത്തി​ൽ കാ​ൽ​മു​ട്ടൂ​ന്നി​നി​ന്നു ശ്വാ​സം മു​ട്ടി​ച്ച​പ്പോ​ഴാ​ണു ജോ​ർ​ജ് ഫ്ലോ​യി​ഡ് മ​രി​ച്ച​ത്.

വേ​ദ​ന​യെ​ടു​ക്കു​ന്നെ​ന്നും ശ്വാ​സം മു​ട്ടു​ന്നെ​ന്നും വെ​ള്ളം വേ​ണ​മെ​ന്നും ജോ​ർ​ജ് ക​ര​ഞ്ഞ​പേ​ക്ഷി​ച്ചി​ട്ടും അ​ഞ്ച് മി​നി​ട്ടോ​ളം പോ​ലീ​സ് ബ​ലം പ്ര​യോ​ഗി​ച്ചു. ഷ​ർ​ട്ട​ഴി​ച്ചു വി​ല​ങ്ങ​ണി​യി​ച്ചി​രു​ന്ന​യാ​ളു​ടെ മേ​ലാ​യി​രു​ന്നു അ​തി​ക്ര​മം. ഏ​താ​നും നി​മി​ഷ​ങ്ങ​ൾ​ക്കു​ള്ളി​ൽ ച​ല​ന​മ​റ്റ ജോ​ർ​ജി​നെ ആം​ബു​ല​ൻ​സി​ൽ ആ​ശു​പ​ത്രി​യി​ലെ​ത്തി​ച്ച​തി​നു പി​ന്നാ​ലെ മ​ര​ണം സം​ഭ​വി​ച്ചു.

സം​ഭ​വ​വു​മാ​യി ബ​ന്ധ​പ്പെ​ട്ട് നാ​ല് പോ​ലീ​സ് ഉ​ദ്യോ​ഗ​സ്ഥ​രെ പി​രി​ച്ചു​വി​ട്ടി​രു​ന്നു. ജോ​ർ​ജി​ന്‍റെ അ​റ​സ്റ്റ് ചെ​യ്യാ​നു​ള്ള കാ​ര​ണം സം​ബ​ന്ധി​ച്ചും അ​വ്യ​ക്ത​ത തു​ട​രു​ക​യാ​ണ്.

സ്ഥ​ല​ത്തെ പ​ല​ച​ര​ക്കു​ക​ട​യി​ലു​ണ്ടാ​യ അ​ക്ര​മ​സം​ഭ​വു​മാ​യി ബ​ന്ധ​പ്പെ​ട്ടെ​ത്തി​യ​പ്പോ​ൾ ജോ​ർ​ജി​നെ ക​ണ്ടു തെ​റ്റി​ദ്ധ​രി​ച്ചു ക​സ്റ്റ​ഡി​യി​ൽ എ​ടു​ക്കു​ക​യാ​യി​രു​ന്നെ​ന്ന ഒ​രു വാ​ദ​വും ക​ള്ള​നോ​ട്ട് ന​ല്‍​കി​യെ​ന്ന കേ​സി​ലാ​ണ് അ​റ​സ്റ്റെ​ന്ന മ​റ്റൊ​രു വി​ശ​ദീ​ക​ര​ണ​വു​മാ​ണ് പോ​ലീ​സ് ന​ൽ​കു​ന്ന​ത്.

Related posts

Leave a Comment