ആരാണ് ആ വാര്‍ത്ത ചമയ്ച്ചതെന്നറിയില്ല ! ഞങ്ങളുടെ അടുത്ത ലക്ഷ്യം ആ രണ്ടു സ്വപ്‌നങ്ങള്‍ സാക്ഷാത്കരിക്കുക എന്നത്; പ്രിയങ്ക ചോപ്ര പറയുന്നതിങ്ങനെ…

ഏതൊരു നടിയും കൊതിക്കുന്ന ജീവിതം നയിക്കുന്ന താരമാണ് പ്രിയങ്ക ചോപ്ര. ഭര്‍ത്താവും പോപ്സ്റ്റാറുമായ നിക് ജോനാസും പ്രിയങ്കയും തമ്മിലുള്ള ചിത്രങ്ങള്‍ ആരാധകര്‍ ആവേശത്തോടെയാണ് ഏറ്റെടുക്കാറ്. പഴയ മിസ് വേള്‍ഡില്‍ നിന്നും പ്രിയങ്കയുടെ വളര്‍ച്ച അസൂയാവഹമായിരുന്നു. കരിയറിന്റെ തുടക്കത്തില്‍ പ്രിയങ്ക മുംബൈയില്‍ ഒരു ഫ്‌ളാറ്റ് വാങ്ങിയിരുന്നു. എന്നാല്‍ പിന്നീട് ഹോളിവുഡിലേക്ക് ചേക്കേറിയപ്പോള്‍ ആ ഫ്‌ളാറ്റ് ആളില്ലാതെ ഒഴിഞ്ഞു കിടന്നു. മുംബൈയും ന്യൂയോര്‍ക്കും ഇന്ന് പ്രിയങ്കയ്ക്ക് ഇന്ന് ഒരുപോലെയാണ്. താരം അക്ഷരാര്‍ഥത്തില്‍ രണ്ടു രാജ്യങ്ങളില്‍ പറന്നു നടക്കുകയാണ്.

ഏതാനും വര്‍ഷങ്ങള്‍ക്കു മുമ്പാണ് പ്രിയങ്ക ന്യൂയോര്‍ക്കില്‍ ഒരു ഫ്‌ളാറ്റ് സ്വന്തമാക്കിയത്. ന്യൂയോര്‍ക്ക് നഗരത്തിന്റെ മനോഹരമായ വ്യൂ ലഭിക്കുന്ന ഏറ്റവും ഉയരമുള്ള കെട്ടിടങ്ങളിലൊന്നിലാണ് പ്രിയങ്കയുടെ ഫ്‌ളാറ്റ്. തന്റെ വളര്‍ത്തുനായ ഡയാനയുടെ കൂടെ ന്യൂയോര്‍ക്കിലെ വീട്ടില്‍ ചെലവിടുന്ന ചിത്രങ്ങള്‍ പ്രിയങ്ക പങ്കുവച്ചത് ഏറെ ശ്രദ്ധിക്കപ്പെട്ടിരുന്നു. എന്നാല്‍ വിവാഹശേഷം പ്രിയങ്ക നിക്കിന്റെ വീട്ടിലേക്ക് മാറുകയായിരുന്നു.

ഇരുവരും ബെവര്‍ലി ഹില്‍സില്‍ ഒരു ആഡംബര വീട് സ്വന്തമാക്കിയിരുന്നു എങ്കിലും അടുത്തിടെ അത് വിറ്റു. ഇതുമൂലം ഇരുവരും പിരിയുകയാണെന്ന രീതിയില്‍ വരെ വാര്‍ത്തകള്‍ പ്രചരിച്ചു. എന്നാല്‍ ഇത് അടിസ്ഥാരഹിതമാണ് എന്ന് പ്രിയങ്ക പറയുന്നു. ഇരുവരും ഇപ്പോള്‍ ലൊസാഞ്ചലസിലാണ് കൂടുതല്‍ സമയവും ചെലവഴിക്കുന്നത്. അടുത്തിടെ ഒരു രാജ്യാന്തര മാധ്യമത്തിന് നല്‍കിയ അഭിമുഖത്തില്‍ അടുത്തതായി സാധ്യമാക്കാന്‍ ആഗ്രഹിക്കുന്ന രണ്ടാഗ്രഹങ്ങള്‍ പ്രിയങ്ക പങ്കുവച്ചു. ഒന്ന് ഒരു കുഞ്ഞിന് ജന്മം നല്‍കുക. രണ്ടാമത് ലൊസാഞ്ചലസില്‍ ഒരു സുന്ദരഭവനം സ്വന്തമാക്കുക. ‘എന്നെ സ്‌നേഹിക്കുന്ന ആളുകള്‍ ഉള്ള ഇടങ്ങളെല്ലാം എനിക്ക് സ്വന്തം വീടുതന്നെയാണ്. എങ്കിലും ഞാനും നിക്കും ഞങ്ങളുടെ കുഞ്ഞും മാത്രമുള്ള ഒരു കൊച്ചു വീട് ഞാന്‍ ഇപ്പോള്‍ സ്വപ്നം കണ്ടുതുടങ്ങിയിരിക്കുന്നു’. പ്രിയങ്ക പറയുന്നു.

Related posts