തങ്ങളുടെ ജീവിതത്തിലെ നല്ലൊരു ഭാഗവും മക്കൾക്കായി ചിലവഴിക്കുന്ന മാതാപിതാക്കളാണ് മിക്കവരും. അവരുടെ സന്തോഷവും ജീവനും ജീവിതവുമൊക്കെ മക്കളാണ്. മക്കൾ വളർന്ന് കഴിഞ്ഞാൽ എപ്പോഴെങ്കിലും നിങ്ങൾ ചിന്തിച്ചിട്ടുണ്ടോ നമ്മുടെ അച്ഛനമ്മമാർക്ക് നഷ്ടമായിപ്പോയ സന്തോഷങ്ങളും സ്നേഹവുമൊക്കെ തിരികെക്കൊടുക്കണമെന്ന്. ചൈനയിൽ ഇപ്പോൾ റി-പേരന്റിംഗ് ആണ് ട്രെന്റ് ആകുന്നത്.
അച്ഛനമ്മമാർക്ക് പുതിയ കാര്യങ്ങൾ പഠിപ്പിച്ച് കൊടുക്കുകയും അവരോടൊത്ത് കൂടുതൽ സമയം ചിലവഴിക്കുകയുമൊക്കെ ചെയ്യുന്നതാണ് റി-പേരന്റിംഗ്. ചെറിയ പ്രായത്തിൽ നമ്മളെ അവർ നടക്കാനും ഓടാനും ചാടാനുമൊക്കെ പഠിപ്പിച്ചത് പോലെ നമ്മൾ വലുതായ ശേഷം ഇന്നത്തെ ആധുനിക സാങ്കേതിക യുഗത്തിൽ പുതുയ ടെക്നോളജികൾ ഉപയോഗിക്കാനും സെൽഫിയെടുക്കാനും പുതിയ ആപ്പുകൾ ഉപയോഗിക്കാനുമൊക്കെ മക്കൾ മാതാപിതാക്കളെ പഠിപ്പിക്കുന്നു.
മാതാപിതാക്കളെ കൂട്ടുകാരെപ്പോലെ കണ്ട് അവരോടൊപ്പം കൂടുതൽ സമയം ചെലവഴിക്കണമെന്നൊക്കെയാണ് -പേരന്റിംഗ് കൊണ്ട് ഉദ്ദേശിക്കുന്നത്. എന്തായാലും ഇതി വളരെ നല്ല കാര്യമാണെന്നാണ് സോഷ്യൽ മീഡിയയിൽ ഒന്നടങ്കം പറയുന്നത്.
