മാര്‍വലിന്റെ പുതിയ സൂപ്പര്‍ഹീറോ ചിത്രമായ ഷാംഗ് ചി: ദ ലജന്‍ഡ് ഓഫ് ടെന്‍ റിംഗ്സിന് വന്‍വരവേല്‍പ്പാണ് ലഭിക്കുന്നത്. ഡിസ്‌നിപ്ലസ് ഹോട്ട്‌സ്റ്റാറിലൂടെയാണ് ചിത്രത്തിന്റെ റിലീസ്.
ഡിസ്‌നിപ്ലസ് ഹോട്ട്സ്റ്റാര് മലയാളം ഉള്‍പ്പെടെ ഇന്ത്യയിലെ പ്രമുഖ ഭാഷകളിലേക്ക് ചിത്രം മൊഴിമാറ്റം ചെയ്ത് അവതരിപ്പിച്ചിരിക്കുകയാണ്.
ചിത്രത്തില്‍ നായകനായ ഷാംഗ് ചിയെ അവതരിപ്പിക്കുന്നത് സിമുലിയുവും കാറ്റി എന്ന കഥാപാത്രത്തെ അവതരിപ്പിക്കുന്നത് അക്വാഫിനയുമാണ്.
ഇരുവരും വിമാനത്തില്‍ സഞ്ചരിക്കുന്ന ഒരു രംഗമുണ്ട് ചിത്രത്തില്‍ , ഈ രംഗത്തില്‍ എയര്‍ഹോസ്റ്റസ് ഇവരോട് എന്തു ഭക്ഷണമാണ് വേണ്ടതെന്ന് ചോദിക്കുമ്പോള്‍ ബീഫ് മാത്രം ലഭ്യമായതിനാല്‍ അത് മതിയെന്ന് അക്വാഫിന മറുപടി നല്‍കുന്നു.
ഇത് ഹിന്ദിയില്‍ മൊഴിമാറ്റം നടത്തിയപ്പോള്‍ ബീഫിനു പകരം അത് വെജ് ബിരിയാണിയായി. മാംസാഹാരം ലഭ്യമല്ലെന്നും എയര്‍ഹോസ്റ്റസ് പറയുന്നുണ്ട്.
മതവികാരം കണക്കിലെടുത്ത് ഹോട്ട്സ്റ്റാര് ബുദ്ധിപൂര്‍വ്വം പ്രവര്‍ത്തിച്ചതാണെന്നാണ് ഇതിനെതിരെ സമൂഹമാധ്യമങ്ങളില്‍ ഉയര്‍ന്നു വരുന്ന പ്രതികരണം.
അതേസമയം ചിത്രം മലയാളത്തിലും തമിഴിലും മൊഴിമാറ്റിയാല്‍ യഥാക്രമം പുട്ടും ഇഡ്ഡലിയും ഉപ്പുമാവുമൊക്കെയാകുമെന്നാണ് ചിലര്‍ കുറിയ്ക്കുന്നത്.
