തിരുവനന്തപുരം: പ്രതിപക്ഷ നേതാവ് വി.ഡി.സതീശന് ധൈര്യമുണ്ടെങ്കിൽ നേമത്ത് മത്സരിക്കണമെന്ന് മന്ത്രി വി.ശിവന്കുട്ടി. സംഘപരിവാറിനെതിരെ പോരാടുന്ന വലിയ യോദ്ധാവായി സ്വയം ചമയാന് വി.ഡി.സതീശന് നടത്തുന്ന ശ്രമങ്ങള് കൗതുകകരമാണ്.
ബിജെപിയോടുള്ള മൃദുസമീപനവും കോണ്ഗ്രസിന്റെ നിലപാടില്ലായ്മയും കേരളീയ പൊതുസമൂഹത്തിന് കൃത്യമായി ബോധ്യമുള്ളതാണ്. വെറുതെ പ്രസംഗപീഠങ്ങളില് ഇരുന്നു വാചകക്കസര്ത്ത് നടത്തിയാല് സംഘപരിവാര് വിരുദ്ധത തെളിയിക്കാനാവില്ലെന്നും ശിവന്കുട്ടി പറഞ്ഞു.
വി.ഡി.സതീശൻ ക്ഷണം സ്വീകരിക്കുമെന്നാണ് തന്റെ പ്രതീക്ഷ. പോറ്റിയും ഗോവർധനും സോണിയ ഗാന്ധിയുടെ വീട്ടിൽ പോയത് എന്തിനാണെന്നും അദ്ദേഹം ചോദിച്ചു.
