നിന്ന് പുക വലിക്കുന്പോൾ പെട്ടന്ന് ക്ഷീണമുണ്ടാകുന്നു. അതിനാൽ ഇരുന്ന് പുകവലിക്കുന്നതിന് സാഹചര്യമുണ്ടാക്കണമെന്ന് പരാതിയുമായി വിദ്യാർഥി. ഇപ്പോഴിതാ വിദ്യാർഥിക്കുള്ള സർവകലാശാലയുടെ മറുപടിയാണ് വൈറലാകുന്നത്. ചൈനയിലെ ഷാൻസി പ്രവിശ്യയിലെ ഒരു സർവകലാശാലയിലാണ് കൗതുകകരമായ ഈ സംഭവം നടന്നത്.
സ്മോക്കിംഗ് ഏരിയയിൽ ആവശ്യത്തിന് ബെഞ്ചുകളില്ലാത്തതിനാൽ നിന്ന് പുകവലിക്കുന്നത് ഏറെ ബുദ്ധിമുട്ടുണ്ടാക്കുന്നുവെന്നും, അതിനാൽ കൂടുതൽ ഇരിപ്പിടങ്ങൾ ഒരുക്കണമെന്നുമാവശ്യപ്പെട്ടായിരുന്നു വിദ്യാർഥിയുടെ ഔദ്യോഗിക പരാതി.
സ്കൂളിന്റെ ഇന്റേണൽ ഫീഡ്ബാക്ക് സംവിധാനം വഴിയാണ് വിദ്യാർഥി പരാതി സമർപ്പിച്ചത്. വിദ്യാർഥിക്ക് മറുപടിയായി അധ്യാപകൻ അയച്ച കത്തിൽ പരാമർശിച്ചിരിക്കുന്ന കാര്യങ്ങളാണ് വൈറലാകുന്നത്.
സ്മോക്കിംഗ് ഏരിയ ആളുകൾക്ക് ഇരുന്നുകൂടാനും വിശ്രമിക്കാനുമുള്ള സ്ഥലങ്ങളല്ല. പെട്ടെന്ന് പുകവലി നിർത്താൻ കഴിയാത്തവർക്ക് താൽക്കാലികമായി ഉപയോഗിക്കാനും, മറ്റുള്ളവരിലേക്ക് പാസീവ് സ്മോക്കിംഗ് മൂലമുണ്ടാകുന്ന ആരോഗ്യപ്രശ്നങ്ങൾ കുറയ്ക്കാനും വേണ്ടി മാത്രമാണ് ഈ സ്ഥലം സജ്ജീകരിച്ചിരിക്കുന്നത്’ അധ്യാപകൻ കത്തിൽ കുറിച്ചു.
