കൊച്ചി: ഹെല്മറ്റ് ധരിക്കാതെ ഇരുചക്ര വാഹനങ്ങള് ഓടിച്ചതിന് സംസ്ഥാനവ്യാപകമായി നടത്തിയ പരിശോധനയില് പിഴ ഈടാക്കിയത് 2,55,97,600 രൂപ. ഹെല്മെറ്റ് ഓണ് സേഫ് റൈഡ് എന്ന ഒരാഴ്ച നീണ്ട സ്പെഷല് ഡ്രൈവില് സംസ്ഥാനത്ത് ഒട്ടാകെ 1,19,414 ഇരുചക്ര വാഹനങ്ങളാണ് പരിശോധിച്ചത്. ഇതില് 50,969 നിയമലംഘനങ്ങള് കണ്ടെത്തി.
സമീപകാലത്ത് ഇരുചക്ര വാഹനാപകടങ്ങളില് നിരവധി പേര്ക്കാണ് ജീവന് നഷ്ടമായത്. ഇതില് ഭൂരിഭാഗംപേരും അപകട സമയത്ത് ഹെല്മറ്റ് ധരിച്ചിരുന്നില്ല. 2026 ജനുവരി 11, 12 തീയതികളില് മാത്രം 11 പേര്ക്കാണ് ഇത്തരത്തില് ജീവന് നഷ്ടമായത്.
