ചങ്ങരംകുളം: രണ്ടായിരം രൂപ നനഞ്ഞതിനെത്തുടർന്നു നിറംമാറി. ഇതേത്തുടർന്നു നോട്ട് വെയിലത്തു വച്ച് ഉണക്കിയെങ്കിലും നീല കളർ പ്രത്യക്ഷപ്പെടുകയായിരുന്നു. നന്നംമുക്ക് സ്വദേശിയായ അജ്മലിന്‍റേതാണ് പണം. കഴിഞ്ഞദിവസം എടിഎമ്മിൽ നിന്നു എടുത്തതാണ് 2000 രൂപ.
പിന്നീട് നോട്ട് നനയാൻ ഇടയായി. ഇതോടെ കളർ പോയ നോട്ടുമായി ചങ്ങരംകുളത്തെ സൗത്ത് ഇന്ത്യൻ ബാങ്ക് ശാഖയെ സമീപിച്ചെങ്കിലും ബാങ്കിൽ ഇത്തരം നോട്ടുകൾ മാറ്റിക്കൊടുക്കാനുളള ഉത്തരവു ലഭിച്ചിട്ടില്ലെന്നാണ് അറിയിച്ചത്.
