ന്യൂയോർക്ക് നഗരത്തിലെ തിരക്കുകളിൽ നിന്നും മാനസിക സമർദ്ദങ്ങളിൽ നിന്നും രക്ഷപ്പെടാൻ എല്ലാ മാസവും ഡിസ്നി വേൾഡിലേക്ക് ഒറ്റയ്ക്ക് യാത്ര ചെയ്യുന്ന സിഡ്നി സ്റ്റിന്നർ എന്ന യുവതിയുടെ പോസ്റ്റ് സോഷ്യൽ മീഡിയയിൽ വൈറലായിരിക്കുകയാണ്. ടെക് മേഖലയിൽ ജോലി ചെയ്യുന്ന ഈ ന്യൂയോർക്ക് സ്വദേശിനി, തന്റെ ഈ യാത്രകളെ കുറിച്ചുള്ള വിവരങ്ങൾ ടിക് ടോക്കിലൂടെ പങ്കുവെച്ചതോടെയാണ് ശ്രദ്ധേയയായത്.
ന്യൂയോർക്കിലെ അതിവേഗ ജീവിതശൈലിയും കഠിനമായ ജോലിയും ഉണ്ടാക്കുന്ന മാനസിക സമർദ്ദം കുറയ്ക്കുക.ഒരു ദിവസം മാത്രമുള്ള പെട്ടെന്നുള്ള ഒറ്റയ്ക്കുള്ള യാത്രകൾ .പുലർച്ചെ 3:00 അല്ലെങ്കിൽ 4:00 മണിക്ക് എഴുന്നേറ്റ് ന്യൂയോർക്കിൽ നിന്നുള്ള ആദ്യ വിമാനത്തിൽ ഓർലാൻഡോയിലേക്ക് തിരിക്കുന്നു. രാവിലെ 9:00 മണിക്ക് ഡിസ്നി വേൾഡിൽ എത്തും.
ഒരു ദിവസം മുഴുവൻ ഡിസ്നി വേൾഡിൽ ചിലവഴിച്ച ശേഷം, രാത്രിയിലെ അവസാന വിമാനത്തിൽ തിരിച്ച് അർദ്ധരാത്രിയോടെ ന്യൂയോർക്കിലെ വീട്ടിൽ മടങ്ങിയെത്തും. പണം ലാഭിക്കാനായി ഡിസ്നി വേൾഡിന്റെ വാർഷിക പാസ് സ്വന്തമാക്കി. ന്യൂയോർക്കിൽ നിന്നും ഓർലാൻഡോയിലേക്ക് ഏറ്റവും കുറഞ്ഞ നിരക്കിലുള്ള റൗണ്ട് ട്രിപ്പ് ഫ്ലൈറ്റ് ടിക്കറ്റുകളാണ് സിഡ്നി തെരഞ്ഞെടുക്കുന്നത്.
ഡിസ്നി വേൾഡ് എപ്പോഴും എന്റെ സന്തോഷത്തിന്റെ ഇടമാണ്. ജീവിതം കഠിനമാകുമ്പോൾ, മാസത്തിലൊരിക്കൽ എനിക്കായി മാത്രം മാറ്റിവെക്കാൻ കുറച്ചു സമയം ഉണ്ടെന്ന് അറിയുന്നത് സന്തോഷം നൽകുന്നു” എന്ന് സിഡ്നി വ്യക്തമാക്കുന്നു.
