ഒറ്റ ദിവസംകൊണ്ട് വിവാഹം നടത്താൻ നിങ്ങൾക്ക് സാധിക്കുമോ ? എന്നാൽ അത് തെളിയിക്കുന്ന ഒരു വീഡിയോയാണ് സമൂഹ മാധ്യമങ്ങളിൽ ചർച്ചയാകുന്നത്. വെറും 24 മണിക്കൂറിനുള്ളിൽ ആസൂത്രണം ചെയ്ത് നടത്തിയ വിവാഹമാണ് തംരംഗം.
ചണ്ഡീഗഢിൽ ദമ്പതികൾ മാതാപിതാക്കളെപ്പോലും അറിയിക്കാതെ, കേവലം 30 അതിഥികളെ മാത്രം പങ്കെടുപ്പിച്ചാണ് പെട്ടെന്ന് വിവാഹം നടത്തിയത്. മാസങ്ങൾ നീളുന്ന പ്ലാനിംഗും വലിയ ഒരുക്കങ്ങളും ഒഴിവാക്കി ലളിതമായി വിവാഹം കഴിക്കാൻ വധുവായ ആകാൻക്ഷ വർമ്മയാണ് ആദ്യം തീരുമാനമെടുത്തത്.
വിവാഹത്തെക്കുറിച്ച് ആലോചിച്ചപ്പോൾ തന്നെ അന്നുതന്നെ അത് നടത്തിക്കൂടെ എന്ന് വധു ചോദിക്കുകയായിരുന്നു. വധുവിന്റെ ആഗ്രഹം പങ്കുവച്ചപ്പോൾ വരനും , അതുപോലെ ഇരുവരുടെയും കുടുംബങ്ങളും വിവാഹത്തിന് സന്തോഷത്തോടെ സമ്മതിച്ചു.
ആഡംബരങ്ങൾ എല്ലാം ഒഴിവാക്കി വളരെ ലളിതവും ഒരു ചെറിയ ചടങ്ങ് മാത്രമായി വെറും 30 അതിഥികൾ മാത്രമാണ് പങ്കെടുക്കുന്ന രീതിയിലാണ് വിവാഹം നടത്തിയത്. അനാവശ്യ സമർദ്ദങ്ങളും കോലാഹലങ്ങളും ഇല്ലാതെ സ്നേഹത്തിന് പ്രാധാന്യം നൽകിക്കൊണ്ട് ലളിതമായ രീതിയിൽ വിവാഹം നടത്താമെന്ന് ഈ ദമ്പതികൾ തെളിയിച്ചു.
ആകാൻക്ഷ വർമ്മ തന്റെ ഇൻസ്റ്റാഗ്രാം ഹാൻഡിലിലൂടെ പങ്കുവെച്ച വീഡിയോകൾക്ക് വലിയ സ്വീകാര്യതയാണ് ലഭിക്കുന്നത്. മറ്റാരേക്കാളും ഉപരിയായി എന്റെ മാതാപിതാക്കൾക്ക് പോലും ഇതിനെക്കുറിച്ച് അറിവില്ലായിരുന്നു എന്നാണ് താരം തന്റെ പോസ്റ്റിൽ കുറിച്ചത്.
