ലക്നോ: ഉത്തർപ്രദേശിൽ സ്ത്രീധനത്തിന്റെ പേരിൽ ഭാര്യയെ കൊലപ്പെടുത്തിയ സംഭവത്തിൽ യുവാവ് അറസ്റ്റിൽ. 25 വയസുകാരനായ പ്രമോദ് കുമാറാണ് അറസ്റ്റിലായത്. മോഹൻലാൽഗഞ്ച് പോലീസ് സ്റ്റേഷൻ പരിധിയിവാണ് സംഭവം. സ്ത്രീധന പീഡനത്തെ തുടർന്ന് തന്റെ മകൾ കൊല്ലപ്പെട്ടതായി പരാതിക്കാരനായ റാം ഗുലാം ഓഗസ്റ്റ് 28 ന് രേഖാമൂലം പരാതി നൽകിയിരുന്നതായി പോലീസ് അറിയിച്ചു. ഭാരതീയ ന്യായ സംഹിതയിലെ (ബിഎൻഎസ്) 80(2) (സ്ത്രീധന മരണം), 85 (സ്ത്രീയുടെ ഭർത്താവോ ബന്ധുവോ ക്രൂരതയ്ക്ക് ഇരയാക്കൽ) വകുപ്പുകളും സ്ത്രീധന നിരോധന നിയമവും പ്രകാരം മോഹൻലാൽഗഞ്ച് പോലീസ് കേസ് രജിസ്റ്റർ ചെയ്തു. സാങ്കേതികവും മാനുവലവുമായ തെളിവുകളും രഹസ്യാന്വേഷണ വിവരങ്ങളും ഉപയോഗിച്ചാണ് പ്രമോദ് കുമാറിനെ പോലീസ് പിടികൂടിയത്. കേസിൽ ഉൾപ്പെട്ട മറ്റ് പ്രതികൾക്കായുള്ള തെരച്ചിൽ തുടരുകയാണെന്ന് പോലീസ് വ്യക്തമാക്കി.
Read Moreഉത്തർപ്രദേശിൽ സ്ത്രീധനത്തിന്റെ പേരിൽ ഭാര്യയെ കൊലപ്പെടുത്തിയ യുവാവ് അറസ്റ്റിൽ
