കോട്ടയം: എയിംസ് സ്ഥാപിക്കുന്നതുമായി ബന്ധപ്പെട്ട് നിലപാട് വ്യക്തമാക്കി കേന്ദ്രസഹമന്ത്രി സുരേഷ് ഗോപി. തൃശൂർ അല്ലെങ്കിൽ ആലപ്പുഴ എന്ന നിലപാടിൽ മാറ്റമില്ലെന്ന് കേന്ദ്രമന്ത്രി പറഞ്ഞു. കേരളം സമർപ്പിച്ച ഒമ്പത് സ്ഥലങ്ങളുടെ പട്ടികയിൽനിന്ന് തൃശൂരിനെ ഒഴിവാക്കിയ നടപടി രാഷ്ട്രീയപ്രേരിതമാണെന്നും അദ്ദേഹം ആരോപിച്ചു. കോട്ടയത്ത് കേന്ദ്രാവിഷ്കൃത പദ്ധതികളുടെ അവലോകനയോഗത്തിലായിരുന്നു മന്ത്രിയുടെ പ്രതികരണം. എയിംസിന്റെ പേരിൽ തന്നെ ഒരുപാട് ട്രോളിയിട്ടുണ്ട്. താൻ അറിയാതെ കേരളത്തിൽ എയിംസ് അനുവദിക്കില്ല. തൃശൂരാണ് ഏറ്റവും മികച്ച സ്ഥലം. അതല്ലെങ്കിൽ ആലപ്പുഴ പരിഗണിക്കണമെന്നും സുരേഷ് ഗോപി പറഞ്ഞു. യോഗത്തിൽ വെള്ളൂരിനെ എയിംസിനായി പരിഗണിക്കണമെന്ന ആവശ്യം ഉയർന്നപ്പോഴാണ് കേന്ദ്രമന്ത്രിയുടെ പ്രതികരണം. വെള്ളൂരിലെ കേരള പേപ്പർ പ്രോഡക്ട്സ് ലിമിറ്റഡിന്റെ ഭൂമിയിൽ 200 ഏക്കറോളം സ്ഥലം എയിംസിനായി പരിഗണിക്കാമെന്ന നിർദേശവും നിലവിലുണ്ട്. അതേസമയം എയിംസിനായി വ്യവസായവകുപ്പിന്റെ ഭൂമി വിട്ടുനൽകാൻ സംസ്ഥാനം തയാറായിരുന്നുവെന്നും തുടർനടപടികൾ കേന്ദ്രത്തിന്റെ ഭാഗത്തുനിന്ന് ഉണ്ടായില്ലെന്നും മുൻ വ്യവസായമന്ത്രി പി. രാജീവ്…
Read MoreDay: October 3, 2026
മുട്ടിൽ മരം മുറിക്കേസ്: ദുരൂഹത വർധിക്കുന്നുവെന്ന് മന്ത്രി ഷിബു ബേബി ജോൺ
കൊല്ലം: മുട്ടിൽ മരം മുറിക്കേസിൽ പ്രതികരണവുമായി മന്ത്രി ഷിബു ബേബി ജോൺ. ദുരൂഹത വർധിക്കുന്നുവെന്നും ജയതിലകിന്റെ ഉത്തരവിൽ അന്വേഷണം ഉണ്ടാകുമെന്നും ഉത്തരവിന്റെ മറവിൽ കൊള്ള നടന്നുവെന്നും ഷിബു ബേബി ജോൺ പറഞ്ഞു. ഗൂഢാലോചന അന്വേഷിക്കണം. ജയതിലകിന്റെ ഉത്തരവിന്റെ അടിസ്ഥാനത്തിൽ 75 ദിവസം കൊണ്ടാണ് മരങ്ങൾ മുറിച്ച് മാറ്റിയത്. നിയമലംഘനമാണ് ഉണ്ടായത്. മരം കൊള്ളയ്ക്ക് അപ്പുറം പാവപ്പെട്ടവരെ പറ്റിക്കുക കൂടിയാണ് ചെയ്തത്. എന്തൊക്കെ വനത്തിൽ നിന്ന് പോയെന്ന് ഇപ്പോഴും അറിയില്ലെന്നും അന്ന് അന്വേഷിക്കാൻ തീരുമാനിച്ച കമ്മിറ്റിയുടെ ഫയൽ അഞ്ച് വർഷത്തിന് ശേഷം ഇപ്പോഴാണ് തന്റെ മുന്നിൽ എത്തിയതെന്നും മന്ത്രി കൊല്ലത്ത് പറഞ്ഞു.
Read Moreകരുവന്നൂര് കള്ളപ്പണ ഇടപാട്: കേസ് രാഷ്ട്രീയപ്രേരിതം, വിടുതല് ഹര്ജി നല്കി സിപിഎം നേതാക്കള്
കൊച്ചി: കരുവന്നൂര് സഹകരണ ബാങ്ക് കള്ളപ്പണ ഇടപാട് കേസില് വിടുതല് ഹര്ജി നല്കി. കേസില് നിന്നും ഒഴിവാക്കണമെന്ന് ആവശ്യപ്പെട്ടാണ് പ്രതികളായ എ.സി. മൊയ്തീന് എംഎല്എ, കെ. രാധാകൃഷ്ണന് എംപി, എം.എം. വര്ഗീസ് എന്നിവരും സിപിഐഎമ്മും പിഎംഎല്എ കോടതിയില് വിടുതല് ഹര്ജി നല്കിയിരിക്കുന്നത്. കേസ് രാഷ്ട്രീയപ്രേരിതമാണ്. കേസുമായി ഒരു ബന്ധവുമില്ല. തങ്ങള് കള്ളപ്പണ ഇടപാടിന്റെ ഭാഗമല്ലെന്നും വിചാരണ ചെയ്യാന് മതിയായ തെളിവുകളില്ലെന്നുമാണ് പ്രതികളുടെ വാദം. വിചാരണയ്ക്ക് മുമ്പ് തന്നെ തങ്ങളെ പ്രതിപട്ടികയില് നിന്നും ഒഴിവാക്കണമെന്ന് ആവശ്യപ്പെട്ടാണ് സിപിഎം ജില്ലാ നേതൃത്വവും മൂന്ന് നേതാക്കളും വിടുതല് ഹര്ജി നല്കിയത്. നേരത്തെ നേതാക്കള്ക്കെതിരെ പ്രഥമ ദൃഷ്ട്യാ തെളിവുകള് ഉണ്ടെന്ന് വിലയിരുത്തിയ കോടതി വിചാരണ നേരിടാന് നിര്ദേശം നല്കിയിരുന്നു. കേസില് ഇഡി സമര്പ്പിച്ച രണ്ട് കുറ്റപത്രങ്ങളിലായി 83 പ്രതികള് ആണുള്ളത്. 28 പ്രതികളുടെ അനുബന്ധ കുറ്റപത്രം ഇഡി കോടതിയില് സമര്പ്പിച്ചിരുന്നു. അടുത്ത 23ന്…
Read Moreനമ്മൾ എന്തുകൊണ്ട് തോറ്റു?; മലപ്പുറത്തെ തിരിച്ചടിയിൽ തിരുത്തലുമായി സിപിഎം
മലപ്പുറം: നിയമസഭാ തെരഞ്ഞെടുപ്പിലെ തിരിച്ചടിക്ക് പിന്നാലെ സിപിഎം മലപ്പുറം ജില്ലാ കമ്മിറ്റിയിൽ അഴിച്ചുപണിക്ക് സാധ്യത. പാർട്ടിയുടെ സ്വാധീനമേഖലയായിരുന്ന പൊന്നാനി ഉൾപ്പെടെയുള്ള മണ്ഡലങ്ങളിലുണ്ടായ തിരിച്ചടി ജില്ലാ കമ്മിറ്റി വിശദമായി പരിശോധിക്കും. സ്ഥാനാർഥി നിർണയം ഉൾപ്പെടെയുള്ള വിഷയങ്ങളിൽ താഴെത്തട്ടിലെ പ്രവർത്തകരിൽനിന്ന് ഉയർന്ന വിമർശനങ്ങളും യോഗത്തിൽ ചർച്ചയായേക്കും. പൊന്നാനിയിലെ പ്രാദേശിക അഭിപ്രായവ്യത്യാസങ്ങളും സ്ഥാനാർഥി നിർണയവുമായി ബന്ധപ്പെട്ട അതൃപ്തിയും നേതൃത്വത്തിന് മുന്നിൽ ഉന്നയിക്കപ്പെടുമെന്നാണ് സൂചന. മന്ത്രിയായിരുന്ന വി. അബ്ദുറഹ്മാൻ മണ്ഡലം മാറി മത്സരിച്ചതും താഴെത്തട്ടിൽ വിമർശനത്തിന് ഇടയാക്കിയതായി പാർട്ടി വൃത്തങ്ങളിൽ ചർച്ചയുണ്ട്. മെസിയുടെ പേരുമായി ബന്ധപ്പെട്ട് ഉയർന്ന തട്ടിപ്പ് ആരോപണവും വിപുലീകൃത ജില്ലാ കമ്മിറ്റി യോഗത്തിൽ ഉന്നയിച്ചേക്കും. ന്യൂനപക്ഷ വിഭാഗങ്ങൾക്കിടയിൽ പാർട്ടിക്കുണ്ടായിരുന്ന വിശ്വാസത്തിൽ ഇടിവുണ്ടായെന്ന വിലയിരുത്തലും സിപിഎം പരിശോധിക്കും. ന്യൂനപക്ഷങ്ങളുടെ വിശ്വാസം വീണ്ടെടുക്കുന്നതിനുള്ള രാഷ്ട്രീയ-സംഘടനാ നടപടികളും യോഗത്തിൽ ചർച്ചയാകുമെന്നാണ് സൂചന. വെള്ളാപ്പള്ളിയുടെ പ്രസ്താവനയുമായി ബന്ധപ്പെട്ട് ആലപ്പുഴയിലെ വിപുലീകൃത ജില്ലാ കമ്മിറ്റി ഉദ്ഘാടനത്തിൽ മുഖ്യമന്ത്രി…
Read Moreമാറ്റിപാര്പ്പിക്കേണ്ടത് 78 കുടുംബങ്ങളെ; മുണ്ടംവേലി ഫ്ലാറ്റ് നിവാസികളുടെ പുനരധിവാസം വെല്ലുവിളി
കൊച്ചി: മുണ്ടംവേലി ലൈഫ് മിഷന് ഫ്ലാറ്റിലെ കുടുംബങ്ങളുടെ പുനരധിവാസം വെല്ലുവിളിയാകുന്നു. ഫ്ലാറ്റ് നിവാസികളുടെ സമരം 70 ദിവസം പിന്നിട്ടിട്ടും പുനരധിവാസത്തെ കുറിച്ച് തീരുമാനമായില്ല. 78 കുടുംബങ്ങളെയാണ് മാറ്റി പാര്പ്പിക്കേണ്ടത്. എന്നാല് പുനരധിവസിപ്പിക്കാനുള്ള സ്ഥലം കണ്ടെത്താനുള്ള നീക്കത്തിലാണ് തദ്ദേശവകുപ്പ് നിര്മാണം പൂര്ത്തിയായ തുരുത്തി ഫ്ലാറ്റിലേക്ക് മാറ്റി താമസിപ്പിക്കാനുള്ള കലക്ടറുടെ നിര്ദേശം കോര്പറേഷന് തള്ളി. മുഴുവന് ആളുകള്ക്കും പട്ടയം നല്കി പുനരധിവസിപ്പിക്കണമെന്നാണ് മുണ്ടംവേലി ഫ്ലാറ്റ് നിവാസികളുടെ ആവശ്യം. അതേസമയം, ഫ്ലാറ്റ് നിര്മാണവുമായി ബന്ധപ്പെട്ട് കരാര് ഏജന്സിക്ക് മൊബിലൈസേഷന് അഡ്വാന്സ് നല്കിയത് ലൈഫ് മിഷന്റെ സ്ഥിരീകരണം ഇല്ലാതെയാണെന്ന് തെളിയിക്കുന്ന രേഖകള് പുറത്തുവന്നു. മുന് ചെയര്മാന് വി. സലിം ജിസിഡിഎ ഓഡിറ്റിംഗ് വിഭാഗത്തിന് പരിശോധനയ്ക്ക് സമയം അനുവദിക്കാതെ പണം നല്കാന് ആവശ്യപ്പെടുകയായിരുന്നു. ഓണ്ലൈന് പെയ്മെന്റിന് പകരം ചെക്കായാണ് 2.49 കോടി രൂപ അനുവദിച്ചതെന്ന് വെളിപ്പെടുത്തുന്ന ജിസിഡിഎ നോട്ട് ഷീറ്റിന്റെ പകര്പ്പാണ് പുറത്ത് വന്നത്.…
Read Moreമിഥി നദി സാമ്പത്തിക തട്ടിപ്പ്; നടൻ ഡിനോ മോറിയ അറസ്റ്റിൽ
മുംബൈ: മിഥി നദി സാമ്പത്തിക തട്ടിപ്പ് കേസിൽ ബോളിവുഡ് നടൻ ഡിനോ മോറിയ അറസ്റ്റിൽ. മുംബൈ പൊലിസിന്റെ സാമ്പത്തിക കുറ്റാന്വേഷണ വിഭാഗമാണ് അറസ്റ്റ് ചെയ്തത്.വെള്ളിയാഴ്ച ഡിനോ മോറിയയെ ബാന്ദ്രയിലെ വസതിയിൽ എട്ട് മണിക്കൂറോളം ചോദ്യം ചെയ്തിരുന്നു. മിഥി നദിയിലെ മാലിന്യ നീക്കവുമായി ബന്ധപ്പെട്ട കരാറിൽ ഡിനോ മോറിയ ഉൾപ്പെട്ട കമ്പനി മുംബൈ മുനിസിപ്പൽ കോർപ്പറേഷന് 65 കോടി രൂപയുടെ നഷ്ടമുണ്ടാക്കിയെന്നാണ് കേസ്. ദിനോ മോറിയയുടെ സഹോദരൻ സാന്റിനോ മോറിയ ഡയറക്ടറായ കമ്പനിക്ക് കരാറിൽ നിന്ന് സാമ്പത്തിക നേട്ടമുണ്ടായതായി കണ്ടെത്തിയിരുന്നു. കേസുമായി ബന്ധപ്പെട്ട് മുൻപ് എൻഫോഴ്സ്മെന്റ് ഡയറക്ടറേറ്റും അദ്ദേഹത്തിന്റെ വസതിയിൽ പരിശോധന നടത്തിയിരുന്നു. കൊച്ചി ആസ്ഥാനമായുളള മാറ്റ് പ്രോപ് കമ്പനിയിലെ ജീവനക്കാരും കേസിൽ പ്രതികളാണ്. കഴിഞ്ഞ ദിവസം മുംബൈ പൊലിസിന്റെ സാമ്പത്തിക കുറ്റാന്വേഷണ വിഭാഗം ഡിനോ മോറിയയെ ആറ് മണിക്കൂർ ചോദ്യം ചെയ്തിരുന്നു. ചോദ്യം ചെയ്യലിന് ശേഷം നടനെ…
Read Moreരാഹുല് മാങ്കൂട്ടത്തിലിന് എതിരായ മൂന്നാം ബലാത്സംഗക്കേസ്: പത്തനംതിട്ട സെഷന്സ് കോടതിയിലേയ്ക്ക് മാറ്റി
പത്തനംതിട്ട: പാലക്കാട് മുൻ എംഎൽഎ രാഹുൽ മാങ്കൂട്ടത്തിലിന് എതിരായ മൂന്നാം ബലാൽസംഗ കേസ് പത്തനംതിട്ട ജില്ലാ സെഷൻസ് കോടതിയിലേയ്ക്ക് മാറ്റി. വിചാരണഘട്ടത്തിലേയ്ക്ക് കടക്കുന്നതിൻ്റെ ഭാഗമായാണ് കോടതി മാറ്റം. ബലാത്സംഗ കേസുകളിൽ വിചാരണ നടപടികൾക്കുള്ള അധികാരം ജില്ലാ സെഷൻസ് കോടതികൾക്കാണ്. നേരത്തെ തിരുവല്ല മജിസ്ട്രേറ്റ് കോടതിയിലായിരുന്നു കേസിൽ കുറ്റപത്രം സമർപ്പിച്ചത്. കുറ്റപത്രം നേരത്തെ തിരുവല്ല കോടതി അംഗീകരിച്ചിരുന്നു. കഴിഞ്ഞ മാസം 30 ന് രാഹുൽ മാങ്കൂട്ടത്തിൽ തിരുവല്ല കോടതിയിൽ ഹാജരായിരുന്നു. തിരുവല്ല മജിസ്ട്രേറ്റ് കോടതിയിലെ നടപടിക്രമങ്ങൾ പൂർത്തിയാക്കിയാണ് കേസ് സെഷൻസ് കോടതിയിലേയ്ക്ക് മാറ്റിയത്. വിചാരണ എവിടെ വേണമെന്ന് ജില്ലാ സെഷൻസ് കോടതിയാണ് തീരുമാനമെടുക്കുക. 2026 മേയ് മാസത്തിലായിരുന്നു രാഹുൽ മാങ്കൂട്ടത്തിലിിന് എതിരായ മൂന്നാം ബലാത്സംഗ കേസിൽ പ്രത്യേക അന്വേഷണസംഘം കുറ്റപത്രം സമർപ്പിച്ചത്. വിദേശത്ത് താമസിക്കുന്ന മലയാളിയായ 31 വയസുകാരിയുടെ പരാതിയിലായിരുന്നു പൊലിസ് കേസെടുത്തത്. ഇതിന് പിന്നാലെ ജനുവരി 10ന്…
Read Moreഅമിത് ഷായ്ക്ക് നേരെ യൂത്ത് കോൺഗ്രസ് പ്രതിഷേധം; ബിജെപി ഗവർണർക്ക് നിവേദനം നൽകി
കോട്ടയം: കേന്ദ്ര ആഭ്യന്തരമന്ത്രി അമിത് ഷായ്ക്ക് നേരെ യൂത്ത് കോൺഗ്രസ് പ്രവർത്തകർ കരിങ്കൊടി കാണിച്ച സംഭവത്തിൽ സുരക്ഷാവീഴ്ച ആരോപിച്ച് ബിജെപി ഗവർണർ രാജേന്ദ്ര ആർലേക്കറിന് നിവേദനം നൽകി. ബിജെപി നേതാക്കളായ പി.കെ.കൃഷ്ണദാസ്, എസ്. സുരേഷ്, ഷോൺ ജോർജ് എന്നിവരടങ്ങിയ സംഘമാണ് ഗവർണറെ സന്ദർശിച്ച് നിവേദനം നൽകിയത്. അമിത് ഷായുടെ വാഹനവ്യൂഹത്തിന് സമീപം പ്രതിഷേധക്കാർ എത്തിയ സംഭവം ഗൗരവമായി അന്വേഷിക്കണം. ഉത്തരവാദികളായവർക്കെതിരെ നടപടി സ്വീകരിക്കണമെന്നും സംഘം ആവശ്യപ്പെട്ടു. അമിത് ഷായെ ലക്ഷ്യമിട്ട് നടന്നത് ക്രിമിനൽ ഗൂഢാലോചനയാണെന്ന ഗുരുതര ആരോപണവും പി.കെ. കൃഷ്ണദാസ് ഉന്നയിച്ചു. പ്രതിഷേധത്തിന് നിർദേശം നൽകിയതായി മന്ത്രി ഒ.ജെ. ജനീഷ് വ്യക്തമാക്കിയിരുന്നു. ഇതിന്റെ അടിസ്ഥാനത്തിൽ മന്ത്രിക്കെതിരെ ഭരണഘടനാപരമായ നടപടി സ്വീകരിക്കണമെന്നും മന്ത്രിസ്ഥാനത്തുനിന്ന് നീക്കണമെന്നും ഗവർണറോട് ആവശ്യപ്പെട്ടതായി കൃഷ്ണദാസ് പറഞ്ഞു. അതേസമയം സംഭവത്തിൽ സുരക്ഷാവീഴ്ചയുണ്ടായെന്ന ബിജെപിയുടെ ആരോപണം പൊലിസ് നിഷേധിച്ചിട്ടുണ്ട്. അമിത് ഷായുടെ വാഹനവ്യൂഹത്തിന് ഒരു സെക്കൻഡ് പോലും…
Read Moreഗാസയിൽ വ്യോമാക്രമണം നടത്തി ഇസ്രയേൽ; അഞ്ച് പേർ മരിച്ചു
ജറുസലേം: ഗാസ സിറ്റിയുടെ പടിഞ്ഞാറൻ മേഖലയിൽ വ്യോമാക്രമണം നടത്തി ഇസ്രയേൽ. ആക്രമണത്തിൽ അഞ്ച് പേർ മരിച്ചു. ആറ് പേർക്ക് ഗുരുതരമായി പരിക്കേൽക്കുകയും ചെയ്തു. ഇന്ന് പുലർച്ചെയാണ് ഗസ സിറ്റിയിലെ അൽ അസാല കെട്ടിടത്തിലെ അപ്പാർട്ട്മെൻ്റിന് നേരെ ആക്രമണമുണ്ടായത്. ഗസ സിറ്റിയിലെ ഏറ്റവും ജനസാന്ദ്രതയേറിയ മേഖലകളിലൊന്നാണ് റിമാൽ. അപ്പാർട്ട്മെന്റിനുള്ളിലുണ്ടായിരുന്നവർ കൊല്ലപ്പെട്ടതായാണ് അൽ ജസീറ റിപ്പോർട്ട് ചെയ്തത്. ആക്രമണത്തെ തുടർന്ന് കെട്ടിടത്തിൽ തീപിടിക്കുകയും ചെയ്തു. പിന്നീട് പലസ്തീൻ സിവിൽ ഡിഫൻസ് സംഘമാണ് തീ നിയന്ത്രണവിധേയമാക്കിയത്. കാണാതായവരെ കണ്ടെത്തുന്നതിനായി സിവിൽ ഡിഫൻസ് സംഘം തെരച്ചിൽ തുടരുകയാണ്.
Read Moreമരുന്ന് പ്രതിസന്ധിയില്ല, ആവശ്യത്തിന് മരുന്നുണ്ട്: ആരോഗ്യമന്ത്രി
തിരുവനന്തപുരം: സംസ്ഥാനത്ത് മരുന്ന് പ്രതിസന്ധി ഇല്ലെന്നും ആവശ്യത്തിന് മരുന്നുണ്ടെന്നും ആരോഗ്യമന്ത്രി കെ. മുരളീധരൻ. പ്രതിസന്ധി ഉണ്ടാക്കുന്നത് മാധ്യമങ്ങളാണെന്നും മുരളീധരൻ കുറ്റപ്പെടുത്തി. ചില മരുന്ന് കമ്പനിക്കാർ വടിയും വാളുമായി ഇറങ്ങിയിട്ടുണ്ട്. എന്നാൽ താൻ അത് കണ്ട് പേടിക്കുന്നവൻ അല്ലെന്നും മുരളീധരൻ പറഞ്ഞു.
Read More