യാത്രയ്ക്കിടെ നഷ്ടപ്പെട്ട പഴ്സ് തിരികെ ലഭിച്ചതിന്റെ സന്തോഷത്തിലാണ് ദുബായിലെ ഇന്ത്യൻ പ്രവാസിയായ വർത്തിക ശർമ്മ. പണവും രേഖകളും മാത്രമല്ല, തന്റെ അന്തരിച്ച അച്ഛന്റെ അവസാന ഫോട്ടോയും അതിലുണ്ടായിരുന്നതാണ് ഈ മടക്കയാത്രയെ വർത്തികയ്ക്ക് ഏറെ വൈകാരികമാക്കിയത്. ദുബായിൽ കാബിൽ യാത്ര ചെയ്യുന്നതിനിടയിലാണ് വർത്തികയ്ക്ക് തന്റെ പഴ്സ് നഷ്ടപ്പെട്ടത്. പഴ്സ് നഷ്ടപ്പെട്ട വിവരം തിരിച്ചറിഞ്ഞപ്പോൾ തന്നെ വർത്തികയുടെ നെഞ്ചിടിപ്പ് നിലച്ചു. പണവും കാർഡുകളും പാസ്പോർട്ടും അതിലുണ്ടായിരുന്നുവെങ്കിലും, അതിനേക്കാളെല്ലാമുപരി കഴിഞ്ഞ ഡിസംബറിൽ അന്തരിച്ച തന്റെ അച്ഛന്റെ ഒരേയൊരു പാസ്പോർട്ട് സൈസ് ഫോട്ടോ ആ പഴ്സിലുണ്ടായിരുന്നു. ഫോട്ടോ നഷ്ടപ്പെട്ടുവെന്ന ചിന്ത അവരെ വല്ലാതെ തളർത്തി. ഏകദേശം 10 മണിക്കൂറുകൾക്ക് ശേഷം കെയർക്യാബ് കെയറിൽ നിന്ന് വർത്തികയ്ക്ക് ഒരു ഫോൺ വന്നു. കാബ് ഡ്രൈവർ എബനേസർ അഫിബി പഴ്സ് കണ്ടെത്തുകയും ആപ്പിൽ റിപ്പോർട്ട് ചെയ്യുകയും ചെയ്തിരുന്നു. ഒടുവിൽ പഴ്സ് വർത്തികയ്ക്ക് തിരികെ ലഭിച്ചപ്പോൾ, പണവും…
Read MoreDay: October 4, 2026
അമരീന്ദറും യാസിറും ടീമിൽ; സൂപ്പർ താരങ്ങളെ ഒപ്പംകൂട്ടി ബ്ലാസ്റ്റേഴ്സ്
കൊച്ചി: ഐഎസ്എൽ പുതിയ സീസണിന് മുന്നോടിയായി ടീമിനെ ശക്തിപ്പെടുത്തി കേരള ബ്ലാസ്റ്റേഴ്സ്. ഇന്ത്യൻ ഗോൾകീപ്പർ അമരീന്ദർ സിംഗിനെയും മിഡ്ഫീൽഡർ മുഹമ്മദ് യാസിറിനെയും ഒരു വർഷത്തെ കരാറിൽ ടീമിലെത്തിച്ചു. ചെന്നൈയിൽ നടക്കുന്ന പ്രീ സീസൺ ക്യാമ്പിൽ ഇരുവരും ചേർന്ന് പരിശീലനം ആരംഭിച്ചു. ഒഡീഷ എഫ്സിയിൽ നിന്നാണ് 33കാരനായ അമരീന്ദർ സിംഗ് ബ്ലാസ്റ്റേഴ്സിലെത്തുന്നത്. ഐഎസ്എല്ലിലും ഇന്ത്യൻ ഫുട്ബോളിലും ദീർഘകാല പരിചയസമ്പത്തുള്ള താരം മുംബൈ സിറ്റി എഫ്സി, ബംഗളൂരു എഫ്സി, മോഹൻ ബഗാൻ, ഒഡീഷ എഫ്സി തുടങ്ങിയ ടീമുകൾക്കായി കളിച്ചിട്ടുണ്ട്. ഇന്ത്യൻ സീനിയർ ടീമിനായും ഗോൾവല കാത്തിട്ടുണ്ട്. ആഭ്യന്തര, അന്താരാഷ്ട്ര തലങ്ങളിൽ കിരീടം നേടിയ ടീമുകളുടെ ഭാഗമായിട്ടുള്ള അമരീന്ദർ സമ്മർദഘട്ടങ്ങളിലെ ശാന്തതയ്ക്കും കൃത്യമായ പൊസിഷനിങ്ങിനും പേരുകേട്ട താരമാണ്. അതേസമയം എഫ്സി ഗോവയിൽ നിന്നാണ് മുഹമ്മദ് യാസിർ ബ്ലാസ്റ്റേഴ്സിന്റെ മഞ്ഞക്കുപ്പായത്തിലെത്തുന്നത്. വിങ്ങുകളിലും മധ്യനിരയിലും ഒരുപോലെ കളിക്കാൻ മികവുള്ള യാസിർ 2017-18 സീസൺ മുതൽ…
Read Moreയൂണിവേഴ്സിറ്റി ഹോസ്റ്റലിലെ സംഘർഷം; ചെന്നിത്തലയ്ക്ക് കത്തയച്ച് പിണറായി
തിരുവനന്തപുരം: യൂണിവേഴ്സിറ്റി ഹോസ്റ്റലിലെ സംഘർഷവുമായി ബന്ധപ്പെട്ട് ആഭ്യന്തരമന്ത്രി രമേശ് ചെന്നിത്തലയ്ക്ക് കത്തയച്ച് പ്രതിപക്ഷ നേതാവ് പിണറായി വിജയൻ. യൂണിവേഴ്സിറ്റി ഹോസ്റ്റലിൽ യൂത്ത് കോൺഗ്രസും പൊലിസും ആസൂത്രിതവും ഏകപക്ഷീയവുമായ ആക്രമണം നടത്തിയെന്നും വിഷയത്തില് അടിയന്തരശ്രദ്ധയും കർശന ഇടപെടലും വേണമെന്ന് പിണറായി കത്തില് ആവശ്യപ്പെട്ടു. കൂടാതെ ഹോസ്റ്റൽ പരിസരത്തുനിന്ന് യൂത്ത് കോൺഗ്രസ് സമരം തുടങ്ങിയതില് ദുരൂഹതയുണ്ടെന്നും ഇതിന് പൊലിസ് അനുമതി ഉണ്ടോ എന്ന് അടിയന്തരമായി അന്വേഷിക്കണം, സംഘർഷം നോക്കി നിൽക്കുകയല്ലാതെ അക്രമികളെ പൊലിസ് തടഞ്ഞില്ല, ഇത് ഗുരുതരമായ കൃത്യവിലോപമാണ് എന്നും അദ്ദേഹം കത്തില് ചൂണ്ടിക്കാട്ടി. പൊലിസ് തേർവാഴ്ചക്കെതിരെ പ്രതിഷേധിച്ച കടകംപള്ളി സുരേന്ദ്രൻ, വി. ജോയ് എന്നിവർക്കെതിരെ പൊലിസ് ജാമ്യമില്ല വകുപ്പുകൾ ചുമത്തിയെന്നും എന്നാൽ യൂത്ത് കോൺഗ്രസിനോട് സ്വീകരിക്കുന്നത് മൃദു സമീപനമാണ്. പാർട്ടി ഓഫീസിൽ കയറി അറസ്റ്റ് ചെയ്യും എന്നുള്ള എസ്ഐയുടെ ഭീഷണി രാഷ്ട്രീയ പ്രവർത്തനത്തിന് വിഘാതമുണ്ടാക്കും. പൊലിസ് ഉദ്യോഗസ്ഥർക്കെതിരെ കർശന…
Read Moreആർ. ശ്രീലേഖ ആശുപത്രിയിൽ
തിരുവനന്തപുരം: തിരുവനന്തപുരം കോർപ്പറേഷൻ കൗൺസിലർ ആർ. ശ്രീലേഖ രാജിവച്ചുവെന്ന വാർത്ത ശരിയല്ലെന്ന് ബിജെപി സംസ്ഥാന ജനറൽ സെക്രട്ടറി എസ്.സുരേഷ്. ശാരീരിക അസ്വാസ്ഥ്യത്തെ തുടർന്ന് ആർ. ശ്രീലേഖ ആശുപത്രിയിലാണെന്നും അവരെ സന്ദർശിക്കുന്ന ചിത്രം പങ്കുവച്ചുകൊണ്ട് എസ്.സുരേഷ് അറിയിച്ചു. ശാരീരിക അസ്വസ്ഥതകളെ തുടർന്ന് ജനപ്രതിനിധി എന്ന നിലയിലുള്ള ചുമതല വേണ്ടവണ്ണം നിർവഹിക്കാൻ കഴിയില്ലെന്ന ചിന്തയും ഉത്കണ്ഠയും അവർക്കുണ്ട്. അത് വേണ്ടപ്പെട്ടവരുടെ ശ്രദ്ധയിൽപ്പെടുത്തിയെന്ന് മാത്രമേയുള്ളൂവെന്നും സുരേഷ് ഫേസ്ബുക്കിലൂടെ അറിയിച്ചു. തിരുവനന്തപുരം കോർപ്പറേഷൻ ബിജെപി തന്നെ ഭരിക്കുമെന്ന് പറഞ്ഞ സുരേഷ്, ഭരണം വീഴുമെന്ന് സ്വപ്നം കണ്ടവർ ആ വെള്ളം വാങ്ങിവച്ചോളൂവെന്നും പറഞ്ഞു.
Read Moreവയലാർ അവാർഡ് ആർ. രാജശ്രീക്ക്
തിരുവനന്തപുരം: അൻപതാമത് വയലാർ അവാർഡ് ആർ. രാജശ്രീക്ക്. ആത്രേയകം എന്ന നോവലിനാണ് അവാർഡ്. ഒരു ലക്ഷം രൂപയും കാനായി കുഞ്ഞിരാമൻ വെങ്കലത്തിൽ തീർത്ത ശില്പവും പ്രശസ്തിപത്രവുമടങ്ങുന്നതാണ് പുരസ്കാരം. വയലാർ രാമവർമയുടെ ചരമദിനമായ ഒക്ടോബർ 27-ന് വൈകുന്നേരം 5:30-ന് തിരുവനന്തപുരം നിശാഗന്ധി ഓഡിറ്റോറിയത്തിൽ നടക്കുന്ന ചടങ്ങിൽ മുഖ്യമന്ത്രി വി.ഡി. സതീശൻ അവാർഡ് സമ്മാനിക്കും. കണ്ണൂർ ജില്ലയിലെ പറശ്ശിനിക്കടവിൽ 1977 ജൂലൈ 22-ന് പി.എൻ. രാജപ്പൻ മാസ്റ്ററുടെയും ആർ. രാജമ്മയുടെയും മകളായാണ് ആർ. രാജശ്രീ ജനിച്ചത്. ‘സ്ത്രീ സ്വത്വനിർമ്മിതി സ്ത്രീരചനകളിൽ’ എന്ന വിഷയത്തിൽ കണ്ണൂർ സർവകലാശാലയിൽ നിന്ന് പിഎച്ച്ഡി നേടിയിട്ടുണ്ട്. 2000 മുതൽ 2005 വരെ കോഴിക്കോട് സെന്റ് ജോസഫ്സ് ആംഗ്ലോ ഇന്ത്യൻ ഗേൾസ് എച്ച്എസ്എസിലും തുടർന്ന് വിവിധ ഗവൺമെന്റ് ഹയർസെക്കൻഡറി സ്കൂളുകളിലും അധ്യാപികയായി സേവനം അനുഷ്ഠിച്ചു. കോഴിക്കോട് ഗവൺമെന്റ് ആർട്സ് കോളജ്, കണ്ണൂർ കെ.എം.എം. ഗവൺമെന്റ് വനിതാ കോളജ്,…
Read Moreതാങ്കൾക്കൊപ്പം അഭിനയിക്കാൻ സാധിക്കുന്നത് വലിയൊരു അനുഗ്രഹമാണ്; മോഹൻലാലിനോട് ഭാഗ്യശ്രീ
മോഹൻലാലിനൊപ്പം അഭിനയിക്കാനായതിന്റെ സന്തോഷം പങ്കുവെച്ച് ഭാഗ്യശ്രീ ബോർസെ. ശ്രീ ഗോകുലം മൂവീസിന്റെ ബാനറിൽ ഒരുങ്ങുന്ന ‘ഓപ്പറേഷൻ ഗംഗ’ എന്ന ചിത്രത്തിന്റെ ജോർജിയയിലെ ഷൂട്ടിംഗിനിടയിലെ ചിത്രങ്ങൾ പങ്കുവെച്ചുകൊണ്ടാണ് താരം തന്റെആരാധകരുമായി ഈ സന്തോഷം പങ്കുവെച്ചത്. താങ്കൾക്കൊപ്പം ഒരു സഹനടിയായി അഭിനയിക്കാൻ സാധിക്കുന്നത് വലിയൊരു അനുഗ്രഹമാണ്. ഷൂട്ടിന്റെ ഓരോ ദിവസവും നിങ്ങളുടെ കണ്ണുകളിലൂടെ സിനിമയെ കാണാനും പാഠങ്ങൾ ഉൾക്കൊള്ളാനും എനിക്ക് സാധിക്കുന്നു. നിങ്ങൾ ഒരു യഥാർത്ഥ പ്രതിഭയാണ് സർ,” – ഭാഗ്യശ്രീ കുറിച്ചു.ശ്രീ ഗോകുലം മൂവിസിന്റെ ബാനറില് നിര്മിക്കുന്ന ‘ഓപ്പറേഷൻ ഗംഗ’യിൽ അർജുൻ രാംപാൽ, പാർഥിപൻ എന്നിവരും അഭിനയിക്കുന്നു.‘പുഷ്പ’യുടെ കാമറാമാനായ മിറോസ്ലാവ് കുബാ ബ്രൊസേക് ആണ് ഈ ചിത്രത്തിന്റെ ഛായാഗ്രാഹകന്. ബോളിവുഡിലെ സാങ്കേതിക വിദഗ്ധരും ഈ ചിത്രത്തിന്റെ ഭാഗമാകുന്നുണ്ട്. ഉക്രെയ്ൻ- റഷ്യ യുദ്ധത്തിന്റെ പശ്ചാത്തലത്തിൽ ഇന്ത്യ നടത്തിയ ചരിത്രപ്രധാനമായ രക്ഷാദൗത്യമാണ് ‘ഓപ്പറേഷൻ ഗംഗ’. ഈ പശ്ചാത്തലത്തില് ഒരുങ്ങുന്ന ചിത്രമാണിത്.പോളണ്ട്, ജോർജിയ,…
Read Moreഭാരം നിയന്ത്രിക്കുന്നില്ല, ഐശ്വര്യയ്ക്കെതിരെ അതിരൂക്ഷ ബോഡി ഷെയിംമിംഗ്
പാരീസ് ഫാഷൻ വീക്കിൽ ലോറിയൽ പാരീസിന്റെ ലീഡ് അംബാസിഡറായി വീണ്ടും കളം നിറഞ്ഞ് ഐശ്വര്യ റായ്. കറുത്ത കോർസെറ്റ് വെൽവെറ്റ് ഗൗണിൽ റോയൽ ലുക്കിലെത്തിയ താരത്തിന്റെ കാറ്റ്വാക്കും ശൈലിയും ലോകവേദിയുടെ ശ്രദ്ധ പിടിച്ചുപറ്റി. സിറിയൻ ബ്രാൻഡായ യാര ഷൂമേക്കർ ഡിസൈൻ ചെയ്ത വസ്ത്രത്തിൽ അതീവ സുന്ദരിയായാണ് താരം വേദിയിലെത്തിയത്. എന്നാൽ ഫാഷൻ ഷോയുടെ ചിത്രങ്ങളും വീഡിയോകളും പുറത്തുവന്നതിന് പിന്നാലെ ഐശ്വര്യയ്ക്കെതിരെ കടുത്ത ബോഡി ഷെയ്മിംഗ് വിമർശനങ്ങളും ഉയർന്നു. ശരീരഭാരം നിയന്ത്രിക്കുന്നില്ലെന്നും, സൗന്ദര്യം നിലനിർത്താൻ ശ്രമിക്കുന്നില്ലെന്നുമായിരുന്നു പ്രധാന ആക്ഷേപങ്ങൾ. പ്രായത്തിനനുസരിച്ചുള്ള മാറ്റങ്ങളെ ഉൾക്കൊള്ളാതെ മറ്റു നടിമാരെ കണ്ടുപഠിക്കണമെന്നും മോശം കമന്റുകൾ ഉയർന്നു. നടി, ശിൽപ്പ ഷെട്ടിയെ കണ്ടുപഠിക്കണമെന്നും വിമർശകർ പറയുന്നു. ഐശ്വര്യ സ്റ്റൈലിസ്റ്റിനെ മാറ്റണമെന്നും മുൻ വർഷങ്ങളിലെ ഫാഷൻ വീക്കിനേതിന് സമാനമായാണ് ഇത്തവണയും സ്റ്റൈൽ ചെയ്തിരിക്കുന്നത് എന്നും വിമർശനമുണ്ട്. ഇത്തരം കവർ അപ് ഗൗണുകൾ ശരീരഭാരം മറയ്ക്കാനാണ് ഐശ്വര്യ…
Read Moreപൊലിസിൽ പരാതി നൽകി; പിന്നാലെ അയൽവാസിയെ എയർഗൺ കൊണ്ട് വെടിവച്ച് യുവാവ്
കോഴിക്കോട്: വെള്ളയിൽ ബിജി റോഡിൽ അയൽവാസിയുടെ നേരെ എയർഗൺ ഉപയോഗിച്ച് വെടിയുതിർത്ത സംഭവത്തിൽ യുവാവ് കസ്റ്റഡിയിൽ. വെള്ളയിൽ സ്വദേശിനി പുഷ്പലതയ്ക്കാണ് പരിക്കേറ്റത്. സംഭവത്തിൽ അയൽവാസിയായ ഷിംജിത്തിനെ വെള്ളയിൽ പൊലിസ് കസ്റ്റഡിയിലെടുത്തു. ഷിംജിത്ത് വളർത്തുന്ന കുതിര ഉൾപ്പെടെയുള്ള മൃഗങ്ങൾ നാട്ടുകാർക്ക് നിരന്തരം ബുദ്ധിമുട്ടുണ്ടാക്കുന്നതായി പ്രദേശത്ത് പരാതിയുണ്ടായിരുന്നു. ഇതുമായി ബന്ധപ്പെട്ട് പൊലിസിൽ പരാതി നൽകാൻ പുഷ്പലത സ്റ്റേഷനിൽ പോയി മടങ്ങിയെത്തിയപ്പോഴാണ് ആക്രമണം ഉണ്ടായത്. പരാതി നൽകി എത്തിയ ഉടൻ ഷിംജിത്ത് പുഷ്പലതയെ സൗഹൃദപൂർവം വിളിച്ചുവരുത്തി വെടിയുതിർക്കുകയായിരുന്നു. നെഞ്ചിലും വയറിന്റെ ഭാഗത്തുമാണ് പരിക്കേറ്റത്. പരിക്കേറ്റ പുഷ്പലതയെ ഉടൻതന്നെ ആശുപത്രിയിൽ പ്രവേശിപ്പിച്ചു.
Read Moreസാമ്പത്തിക തട്ടിപ്പ് കേസ്: സ്വകാര്യ ധനകാര്യ സ്ഥാപന ഉടമ അറസ്റ്റിൽ
തിരുവനന്തപുരം: സാമ്പത്തിക തട്ടിപ്പ് കേസിൽ സ്വകാര്യ ധനകാര്യ സ്ഥാപന ഉടമ അറസ്റ്റിൽ. വെഞ്ഞാറമൂട് ജംഗ്ഷനിൽ ധനകാര്യ സ്ഥാപനം നടത്തിയിരുന്ന തൈക്കാട് സ്വദേശിയായ ബിജു(52) വിനെയാണ് വെഞ്ഞാറമൂട് പൊലിസ് അറസ്റ്റ് ചെയ്തത്. അമ്പലംമുക്ക് സ്വദേശിയയ വീട്ടമ്മ നൽകിയ പരാതിയിലാണ് അറസ്റ്റ്. സ്ഥാപനത്തിൽ സ്വർണം പണയംവെച്ചതിൽ തട്ടിപ്പ് നടത്തിയെന്നാണ് പരാതി. നേരത്തെയും സാമ്പത്തിക തട്ടിപ്പുമായി ബന്ധപ്പെട്ട് നിരവധി പരാതികൾ ബിജുവിനെതിരെ വെഞ്ഞാറമൂട് സ്റ്റേഷനിൽ നിലവിലുണ്ടെന്ന് പൊലീസ് പറഞ്ഞു. കോടതിയിൽ ഹാജരാക്കിയ പ്രതിയെ റിമാൻഡ്ചെയ്തു.
Read Moreആർ. ശ്രീലേഖ കൗൺസിലർ ആയി തുടരും; നൽകിയത് പ്രവർത്തനങ്ങൾ സ്മൂത്ത് ആക്കാനുള്ള കത്ത്: വി.വി. രാജേഷ്
തിരുവനന്തപുരം: ബിജെപി കൗൺസിലർ ആർ. ശ്രീലേഖ രാജിക്കത്ത് നൽകിയിട്ടില്ലെന്ന് തിരുവനന്തപുരം കോർപറേഷൻ മേയർ വി.വി. രാജേഷ്. പ്രവർത്തനങ്ങൾ സ്മൂത്താക്കാനുള്ള നിർദേശങ്ങളടങ്ങിയ കത്തൊണ് ലഭിച്ചത് എന്നാണ് മേയറുടെ വിശദീകരണം. ശ്രീലേഖ കൗൺസിലർ ആയി തുടരും. എല്ലാ കൗൺസിലർമാരും മേയർക്ക് കത്ത് നൽകാറുണ്ടെന്നും രാജേഷ് പറഞ്ഞു. കൗൺസിലർ എന്ന നിലക്ക് ശ്രീലേഖയ്ക്ക് ആരോഗ്യ പ്രശ്നം ഉണ്ടെന്ന് അദേഹം പറഞ്ഞു. ഭരണം നന്നായി പോകണം അത്രേ അല്ലേ ഉള്ളൂവെന്നും പ്രതിസന്ധി ഇല്ലായെന്നും മേയർ വിവി രാജേഷ് വ്യക്തമാക്കി. ശ്രീലേഖ നൽകിയ പ്രവർത്തനങ്ങൾ സ്മൂത്താക്കാനുള്ള നിർദേശങ്ങളിൽ ചിലതിൽ പാർട്ടിയും ചിലതിൽ താനും ഇടപെടേണ്ടതാണെന്ന് രാജേഷ് മാധ്യമങ്ങളോട് വിശദീകരിച്ചു. ഒരു സ്വതന്ത്രന്റെ പിന്തുണയോടെ കോർപ്പറേഷൻ ഭരിക്കുന്ന ബിജെപിയ്ക്ക് ശ്രീലേഖയുടെ അപ്രതീക്ഷിത നടപടി വലിയ വെല്ലുവിളിയായിരുന്നു.
Read More