വ്യത്യസ്ത തരം ആശയങ്ങളാകും ആളുകൾക്ക്, പലർക്കും പല വേറിട്ട ചിന്തകളായിരിക്കും മനസിൽ നിറയുന്നത് അങ്ങനെ വ്യത്യസ്തമായ പുതിയൊരു ആശയത്തിനു രൂപം നല്കിയ 23 കാരിയാണ് ഇപ്പോൾ സമൂഹ മാധ്യമങ്ങളിലെ താരം. ഉറക്കമുണരുന്പോൾ പക്ഷികളുടെ കളകളഗാനം കേട്ടുണരുന്നതിനെകുറിച്ച് ആലോച്ചിട്ടുണ്ടോ, എന്നാൽ അതുപോലെയൊരു സൗകര്യമാണ് ഈ 23കാരി നല്കുന്നത്. പക്ഷേ ചെറിയ ഒരു ട്വിസ്റ്റ് മാത്രം, ഉണരുമ്പോൾ നിങ്ങളുടെ അടുത്ത് ഒരു ജിറാഫ് ഉണ്ടാകുമെന്ന് മാത്രം.
അമേരിക്കയിലെ ഒക്ലഹോമയിലുള്ള 23 വയസ്സുകാരിയായ കംറിൻ ഗ്രാന്റാണ് ലോകത്തെ തന്നെ അപൂർവ്വമായ ജിറാഫ് എയർ ബിഎൻബി ഒരുക്കി വാർത്തകളിൽ ഇടം നേടിയത്. കംറിൻ തന്റെ ഫാമിലെ പഴയൊരു കളപ്പുര മനോഹരമായ ഒരു താമസസ്ഥലമാക്കി മാറ്റുകയായിരുന്നു. അവിടെ അതിഥികൾക്ക് യോഷി എന്ന ജിറാഫിന്റെ തൊട്ടടുത്ത് കിടന്നുറങ്ങാനും അതിന് ഭക്ഷണം നൽകാനും സാധിക്കും.ജിറാഫിനെ കൂടാതെ സീബ്രകൾ, ഒട്ടകങ്ങൾ, കംഗാരുക്കൾ, ഓട്ടറുകൾ തുടങ്ങി നൂറിലധികം മൃഗങ്ങൾ കംറിന്റെ ഈ മൃഗശാലയിലുണ്ട്.
ടിക് ടോക്കിലൂടെയും ഇൻസ്റ്റാഗ്രാമിലൂടെയും തന്റെ വെറൈറ്റി ആശയത്തിന് കോടിക്കണക്കിന് കാഴ്ചക്കാരെയാണ് കംറിന് ലഭിച്ചത്. മൃഗസ്നേഹികൾ ദൂരസ്ഥലങ്ങളിൽ നിന്ന് മണിക്കൂറുകളോളം യാത്ര ചെയ്ത് ഇവിടെ താമസിക്കാൻ എത്തുന്നുണ്ട്. വന്യജീവികളെ സംരക്ഷിക്കുന്നതിനും ഇത്തരത്തിൽ താമസസൗകര്യം ഒരുക്കുന്നതിനുമായി ലൈസൻസ് ഉൾപ്പെടെയുള്ള എല്ലാ ഔദ്യോഗിക അനുമതികളും കംറിൻ നേടിയിട്ടുണ്ട്.
അവിടെ താമസത്തിനായി എത്തുന്ന അതിഥികളെ മനോഹരമായാണ് കംറിൻ സ്വീകരിക്കുന്നതും അവർക്ക് വേണ്ട ക്രമീകരണങ്ങൾ ചെയ്തുകൊടുക്കുന്നതും. ചെറുപ്പത്തിൽ മനസിലുണ്ടായ ഒരു ആശയമാണ് ഇന്ന് ഇത്ര വലിയ ബിസിനസ് ആയി മാറിയതെന്നും ആദ്യകാലങ്ങളിൽ ജിറാഫിന് പകരം ലെമുവർ ആയിരുന്നുവെന്നും പല വിനോദ സഞ്ചാരികളും ഇവിടെ താമസിക്കാനായി മണിക്കൂറുകൾ യാത്ര ചെയ്ത് വന്ന കഥയുമൊക്കെ കംറിൻ വ്യക്തമാക്കുന്നു. did not begin with giraffes.https://www.instagram.com/reel/DW0OH0lDRCB/embed/captioned/?cr=1&v=14&wp=540&rd=https%3A%2F%2Fwww.ndtv.com&rp=%2Foffbeat%2Fthis-23-year-old-woman-built-an-airbnb-where-you-wake-up-next-to-a-giraffe-11460188#%7B%22ci%22%3A0%2C%22os%22%3A3708%2C%22ls%22%3A2356%2C%22le%22%3A3419%7D
