വാണിയംപാറ (തൃശൂർ): ദേശീയപാത വാണിയംപാറയിൽ ആംബുലൻസിൽ കടത്താൻ ശ്രമിച്ച 280 ഗ്രാം എംഡിഎംഎ പിടികൂടി. സംഭവത്തിൽ രണ്ടുപേർ അറസ്റ്റിലായി. വെട്ടിക്കൽ സ്വദേശി ഫെയ്ത്ത്, അഞ്ചേരി സ്വദേശി സന്ദീപ് എന്നിവരാണ് അറസ്റ്റിലായത്.
ശാരോൻ എന്ന പേരിലുള്ള ആംബുലൻസിലാണ് ലഹരി മരുന്ന് കടത്തിയത്. ഇന്ന് രാവിലെ 6.30നാണ് സംഭവം. ബീക്കൺ ലൈറ്റ് ഇട്ട് വരികയായിരുന്ന ആംബുലൻസ് വാണിയംപാറ ചെക്ക് പോസ്റ്റിൽ നടത്തിയ പരിശോധനയ്ക്കിടെയാണ് പ്രതികൾ തൃശൂർ ഡിസ്ട്രിക്റ്റ് ആന്റി നാർകോട്ടിക്സ് സ്പെഷ്യൽ ആക്ഷൻ ഫോഴ്സ് സംഘത്തിന്റെ പിടിയിലാത്.
പോലീസിന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ ബംഗളൂരുവിൽ നിന്നും വരികയായിരുന്ന ആംബുലൻസിൽ നടത്തിയ പരിശോധനയിലാണ് ആംബുലൻസിലെ ബീക്കൺ ലൈറ്റിനുള്ളിൽ ഒളിപ്പിച്ച നിലയിൽ ലഹരിമരുന്ന് കണ്ടെത്തിയത്.
