മിനിസ്ക്രീൻ പ്രേക്ഷകരുടെ ഇഷ്ടതാരങ്ങളിലൊന്നാണ് നടി അപ്സര. തന്റെ കരിയറിനെക്കുറിച്ചും ജീവിതത്തിലെടുത്തിട്ടുള്ള തീരുമാനങ്ങളെക്കുറിച്ചും കൂടുതൽ കാര്യങ്ങൾ തുറന്നു പറഞ്ഞുകൊണ്ടുള്ള അപ്സരയുടെ പുതിയ അഭിമുഖവും ശ്രദ്ധിക്കപ്പെടുകയാണ്.
‘ഞാന് ഒരുപാട് വിഷമമുള്ള സമയത്താണ് ബിഗ്ബോസിലേക്ക് പോയത്. എനിക്ക് അവിടെ ഭയങ്കര സന്തോഷമായിരുന്നു. എനിക്ക് കിട്ടിയ ഓരോ ജോലിയും ഏറെ ഹാപ്പി ആയിട്ടാണ് ചെയ്തത്. ഞാന് പോലും അറിയാതെ അവിടെ നിന്ന് ഇറങ്ങേണ്ടിവന്നു.
എന്റെ 100 ശതമാനം എഫര്ട്ട് അവിടെ കൊടുത്തിട്ടുണ്ട്. എന്നാല് വിവാദമായ കാര്യങ്ങള് മാത്രമാണ് പുറത്തു വരാന് തുടങ്ങിയത്. നല്ല കാര്യങ്ങളൊന്നും പുറത്തുവന്നില്ല. എന്തൊക്കെയോ പ്രതീക്ഷിച്ചുപോയ ഒരു കുഞ്ഞു കുട്ടിയാണ് ഞാന്.
അവിടെനിന്ന് ഒന്നുമില്ലാതെ പുറത്തിറങ്ങേണ്ടി വരുന്നു. പുറത്തുവന്നപ്പോള് അകത്തുണ്ടായതിനേക്കാള് ഭീകരമായ അവസ്ഥയാണ് നേരിടേണ്ടി വന്നത്. നമ്മള് എന്തു പ്രതീക്ഷിച്ചാണോ അങ്ങോട്ടു പോയത് അതിനു നേരെ വിപരീതമാണ് ലൈഫില് ഉണ്ടായത്.
ഇപ്പോഴും അതിന്റെ ആഫ്റ്റര് എഫക്ട്സ് ഉണ്ട്. തിരിഞ്ഞുനോക്കുമ്പോള് കുറെ ആള്ക്കാര് കുറ്റം പറയുന്നു. ജീവിതത്തില് കുറെ പ്രശ്നങ്ങള്.. കുറെ സങ്കടങ്ങള്…. കുറെ നല്ല കാര്യങ്ങളും ഉണ്ടായിട്ടുണ്ട്’ എന്ന് അപ്സര രത്നാകരൻ പറഞ്ഞു.
