കാട്ടാക്കട : ഊരൂട്ടമ്പലം ജംക്ഷനിൽ ആർ എസ്എസ് നേതാവിനെ കുത്തിപ്പരിക്കേൽപ്പിച്ച കേസിലെ നാല് പ്രതികൾ ഇന്നലെ രാത്രി മാറനല്ലൂർ പോലീസിൽ കീഴടങ്ങി. ഡിവൈഎഫ്ഐ പ്രവർത്തകരായ മണ്ണടിക്കോണം പാപ്പാക്കോട് സ്വദേശി അഭിജിത്ത് (22), ഇയാളുടെ സഹോദരൻ അഭിശക്തി (25), ഊരൂട്ടമ്പലം പ്ലാവറത്തല സ്വാദേശി ജിഷ്ണു (20), ഊരൂട്ടമ്പലം സ്വദേശി അനൂപ് (18) എന്നിവരാണ് കീഴടങ്ങിയത്.
കഴിഞ്ഞ 26 ന് വൈകിട്ട് ആർ. എസ്. എസ്. മണ്ഡലം ശാരീരിക് പ്രമുഖ് ശിവപ്രസാദിനെ ഊരൂട്ടമ്പലം ജംക്ഷനിൽ വച്ച് കുത്തി പരുക്കേൽപ്പിച്ചതിനെ തുടർന്ന് മാറനല്ലൂർ പോലീസ് പത്തോളം ഡിവൈഎഫ്ഐ പ്രവർത്തകർക്കെതിരെ കേസെടുത്തിരുന്നു. രാത്രി തന്നെ മജിസ്ട്രേറ്റിനു മുന്നിൽ പോലീസ് ഹാജരാക്കിയ പ്രതികളെ റിമാൻഡ് ചെയ്തു.
