തലയോലപ്പറമ്പ്: വീട്ടിൽ ഉറങ്ങിക്കിടന്ന സ്കൂൾ വിദ്യാർഥിനിയെ കടന്നുപിടിച്ച കേസിൽ ബസ് ഡ്രൈവറെ പൊലീസ് അറസ്റ്റുചെയ്തു. തലയോലപ്പറമ്പ് പ്യാലിക്കുന്നേൽ ഗിരീഷ് കുമാറിനെയാണ് തലയോലപ്പറമ്പ് പൊലീസ് അറസ്റ്റുചെയ്തത്.
കഴിഞ്ഞ ഒൻപതാം തീയതിയായിരുന്നു കേസിനാസ്പദമായ സംഭവം. പെൺകുട്ടി അധ്യാപകരോട് വിവരം പറഞ്ഞതിനെ തുടർന്ന് സ്കൂൾ അധികൃതർ പോലീസിൽ വിവരം അറിയിക്കുകയായിരുന്നു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
