പാറമട എന്നു പറയുമ്പോള് എന്തൊക്കെയാണ് മനസ്സില് വരുന്നത്? യന്ത്രസാമഗ്രികളുടെ കാതടപ്പിക്കുന്ന ശബ്ദം, പൊടിനിറഞ്ഞ അന്തരീക്ഷം, തലങ്ങും വിലങ്ങും ടിപ്പര് ലോറികളുടെ ഇരമ്പല്, നെടുകേ പിളര്ന്നിട്ട ഭൂമി… അങ്ങനെ പലതും ചേര്ന്നൊരു ചിത്രമാകും. എന്നാല് നീലേശ്വരം നഗരസഭയുടെ കിഴക്കേയറ്റത്ത് ചായ്യോം ബസാറിന് സമീപത്തുള്ള സണ്ണിച്ചേട്ടനെന്നു വിളിക്കുന്ന എ.എ. ജോസിന്റെ ഉടമസ്ഥതയിലുള്ള റോയല് ക്രഷേഴ്സില് ചെന്നാല് മനസ്സിലെ ചിത്രമാകെ മാറും. ഇവിടെ ക്രഷറിനെയും യന്ത്രസാമഗ്രികളെയുമൊക്കെ ഒരരുക്കാക്കി മാറ്റിവച്ചിരിക്കുകയാണ്. ബാക്കിയുള്ള ഒരേക്കറിലേറെ സ്ഥലത്ത് അസ്സലൊരു കൃഷിത്തോട്ടമാണ്. മൈനിംഗ് ആന്ഡ് ജിയോളജി വകുപ്പില് നിന്നും പരിശോധനയ്ക്കെത്തുന്ന ഉദ്യോഗസ്ഥര് പോലും വഴിതെറ്റിപ്പോയോ എന്ന് സംശയിച്ചുപോകും. പക്ഷികളുടെ ലോകം ക്രഷറിന്റെ പ്രധാന ഗേറ്റുകടന്ന് അകത്തു കയറിയാല് സ്വാഗതം ചെയ്യുന്നത് കോഴികളുടെയും താറാവിന്റെയും അരയന്നങ്ങളുടെയുമൊക്കെ ശബ്ദമാണ്. അപൂര്വ ഇനം കരിങ്കോഴികളും അങ്കക്കോഴികളും ടര്ക്കിയും അരയന്നങ്ങളും മുയലുകളുമൊക്കെ മതിലിനോടു ചേര്ന്ന കമ്പിവേലിക്കകത്തും മരക്കൊമ്പുകളിലും നിരന്നുനില്പാണ്. എല്ലാവര്ക്കുമുള്ള കൂടുകളും അതിനകത്തുതന്നെ…
Read Moreപാറമട എന്നു പറയുമ്പോള് എന്തൊക്കെയാണ് മനസ്സില് വരുന്നത്? സണ്ണിച്ചേട്ടന്റെ ഉടമസ്ഥതയിലുള്ള റോയല് ക്രഷേഴ്സില് ചെന്നാല് മനസ്സിലെ ചിത്രമാകെ മാറും…
