മങ്കൊന്പ്: ഒരു മാസക്കാലമായി നടത്തിവന്ന അറ്റകുറ്റപ്പണികൾ ഏകദേശം പൂർത്തിയായതോടെ ആലപ്പുഴ-ചങ്ങനാശേരി റോഡിൽ ഇനി സുഗമസഞ്ചാരം. പരാതികൾ ഏറെ ഉയർന്നെങ്കിലും കുണ്ടും, കുഴിയുമായി തകർന്നുകിടന്നിരുന്ന കളർകോട് മുതൽ പെരുന്നവരെയുള്ള 24 കിലോമീറ്റർ റോഡ് ടാറിംഗ് നടത്തി ഗതാഗത യോഗ്യമാക്കിയിട്ടുണ്ട്. ടാറിംഗിനൊപ്പം റോഡിന്റെ ഏറെ താഴ്ന്ന ഏഴു പ്രദേശങ്ങൾ മണ്ണിട്ടുയർത്തി. ആലപ്പുഴ ഭാഗത്തുനിന്നാരംഭിച്ച പണികൾ ഇപ്പോൾ പെരുന്ന പ്രദേശത്താണ് അവസാന ഘട്ടത്തിലെത്തി നിൽക്കുന്നത്. ഏറെ തിരക്കുള്ള റോഡിൽ നടക്കുന്ന പണികൾ പലപ്പോഴും ഗതാഗതത്തിനു തടസമായിരുന്നെങ്കിലും യാത്രികരും പൂർണമായി സഹകരിച്ചിരുന്നു. അറ്റകുറ്റപ്പണികൾ നടത്തി റോഡ് സഞ്ചാരയാഗ്യമാക്കുന്നതിനു പത്തരകോടി രൂപയാണ് അനുവദിച്ചിരുന്നത്. രാത്രികാലങ്ങളിലാണു പ്രധാനമായും പണികൾ നടക്കുന്നത്. ചങ്ങനാശേരി ഭാഗത്തെ അവശേഷിക്കുന്ന ജോലികൾ രാത്രി വൈകിയും പുരോഗമിക്കുകയാണ്. അതേസമയം അറ്റകുറ്റപ്പണികൾ സംബന്ധിച്ച് മാന്പുഴക്കരി പ്രദേശത്ത് പരാതികൾ ഉയർന്നിരുന്നു. മഴ പെയ്താൽ പോലും വെള്ളക്കെട്ടുണ്ടാകുന്ന ഈ പ്രദേശം ഉയർത്താതിരുന്നതാണ് യാത്രക്കാരുടെ പ്രതിഷേധത്തിനിടയാക്കിയത്. വാട്ടർ അഥോറിറ്റിയുടെ…
Read MoreCategory: Alappuzha
വള്ളികുന്നത്ത് ഡിവൈഎഫ്ഐ പ്രവർത്തകന് വെട്ടേറ്റു; വീടിനു നേരെയും ആക്രമണം; സംഭവത്തിനു പിന്നിൽ ആർഎസ്എസുകാരെന്ന് ഡിവൈഎഫ്ഐ
ചാരുംമൂട് : വള്ളികുന്നത്ത് ഡിവൈഎഫ്ഐ പ്രവർത്തകന് വെട്ടേറ്റു. വള്ളികുന്നം ഡിവൈഎഫ്ഐ മേഖല ജോയിന്റ് സെക്രട്ടറി പടയണിവെട്ടം കാഞ്ഞിരവിളയിൽ ഉദിത് ശങ്കറി(26)നാണ് വെട്ടേറ്റത്. ഇയാളെ കായംകുളം താലൂക്കാശുപത്രിയിൽ പ്രവേശിപ്പിച്ചു. ഇന്നലെ രാത്രി 10.30 ഓടെ ആയിരുന്നു സംഭവം. മാരകായുധങ്ങളുമായി എത്തിയ സംഘമാണ് ആക്രമിച്ചത്. സംഭവത്തിനു പിന്നിൽ ആർഎസ്എസ് ആണെന്ന് ഡിവൈഎഫ്ഐ ആരോപിച്ചു. സമീപത്തെ ഒരു വീടിനു നേരെയും ആക്രമണം ഉണ്ടായി. വള്ളികുന്നം പടയണിവെട്ടം ശ്രീരാഗത്തിൽ ശ്രീകുമാരിയുടെ വീടിനു നേരെയാണ് ആക്രമണമുണ്ടായത്. വീടിന്റെ ജനാലകളും മറ്റും അടിച്ചു തകർത്തു. മുന്പ് ഡിവൈഎഫ്ഐ- ആർഎസ്എസ് സംഘർഷത്തിൽ ആർഎസ്എസ് പ്രവർത്തകരെ ആക്രമിച്ച കേസിൽ റിമാൻഡിൽ കഴിഞ്ഞിരുന്ന ഉദിത്ശങ്കർ കഴിഞ്ഞ ദിവസമാണ് ജയിലിൽ നിന്നും പുറത്തിറങ്ങിയത്. ഇതിനു പിന്നാലെയാണ് ഇയാൾക്കു നേരെ ഇന്നലെ രാത്രി ആക്രമണമുണ്ടായത്. വള്ളികുന്നം പോലീസ് അന്വേഷണം ആരംഭിച്ചു. സംഘർഷ സാധ്യത കണക്കിലെടുത്ത് സ്ഥലത്ത് പോലീസ് ക്യാന്പ് ചെയ്യുകയാണ്.
Read Moreകുമ്പളാംപൊയ്ക ബാങ്ക് തട്ടിപ്പ്: മത്തായി ചാക്കോയെ സിപിഎം ജില്ലാ കമ്മിറ്റിയിൽ നിന്ന് പുറത്താക്കി; നടപടി ഏറെ ചർച്ചകൾക്കുശേഷം
പത്തനംതിട്ട: കുന്പളാംപൊയ്ക സർവീസ് സഹകരണ ബാങ്ക് ശാഖയിലെ സാന്പത്തിക ക്രമക്കേടുമായി ബന്ധപ്പെട്ട് ബാങ്ക് പ്രസിഡന്റു കൂടിയായ മത്തായി ചാക്കോയെ സിപിഎം ജില്ലാ കമ്മിറ്റിയിൽ നിന്ന് പുറത്താക്കി. മറ്റൊരു ജില്ലാ കമ്മറ്റിയംഗവും ബാങ്ക് ഡയറക്ടർ ബോർഡ് മെബറുമായ കോമളം അനിരുദ്ധനെ താക്കീത് ചെയ്യും. ഇന്നലെ ചേർന്ന ജില്ലാ കമ്മറ്റി യോഗമാണ് മത്തായി ചാക്കോയെ പുറത്താക്കാൻ തീരുമാനമെടുത്തത്. സംസ്ഥാന പരിവർത്തിത ക്രൈസ്തവ വികസന കോർപറേഷൻ ഡയറക്ടർ കൂടിയാണ് മത്തായി ചാക്കോ. ഏറെ ചർച്ചകൾക്കുശേഷമാണ് നടപടികളുണ്ടായത്. ജില്ലാ സെക്രട്ടേറിയറ്റ് രണ്ടംഗസമിതിയെ ഇതിനായി നിയോഗിച്ചിരുന്നു. കുന്പളാംപൊയ്ക ബാങ്കിന്റെ തലച്ചിറ ശാഖയിലെ ജീവനക്കാരനും വടശേരിക്കര പഞ്ചായത്ത് മുൻവൈസ് പ്രസിഡന്റും സിപിഎം ലോക്കൽ സെക്രട്ടറിയുമായിരുന്ന പ്രവീണ് പ്രഭാകരനാണ് പലപ്പോഴായി അഞ്ചു കോടി തട്ടിയതായി പരാതി ഉണ്ടായത്. പ്രവീണ് പ്രഭാകരനെതിരെ ബാങ്ക് പോലീസിൽ പരാതി നൽകുകയും പിന്നീട് കോടതിയിൽ കീഴടങ്ങുകയുമുമുണ്ടായി. ഇയാൾക്കെതിരെ പാർട്ടിയും നടപടിയെടുത്തിരുന്നു. സിപിഎം നേതൃത്വം…
Read Moreഇനി നാലുനാൾ; കൗമാരമേളയ്ക്ക് കാതോർത്ത് ആലപ്പുഴ; 29 വേദികളിലായി നടക്കുന്ന മത്സരങ്ങളിൽ 12,000 വിദ്യാർഥികൾ പങ്കെടുക്കും
ആലപ്പുഴ: പ്രളയാനന്തര വേദിയിൽ കലയുടെ മാസ്മരിക ചുവടുവയ്പുകളുയരാൻ ഇനി നാലുനാൾ മാത്രം. ഏറെ നാളിനു ശേഷം കിഴക്കിന്റെ വെനീസിലേക്കെത്തിയ കലാമേളയെ ലളിതവും പ്രൗഢവുമാക്കുന്നതിന്റെ അന്തിമ ഒരുക്കങ്ങളിലാണ് അധികൃതരും ദേശവാസികളും .29 വേദികളിലായി നടക്കുന്ന മത്സരങ്ങളിൽ 12,000 വിദ്യാർഥികളാണ് പങ്കെടുക്കാനെത്തുന്നത്. പരാതിക്കിട നൽകാത്തവിധം പ്രവർത്തനം ഏകോപിപ്പിക്കുമെന്നും മേള വൈസ് ചെയർമാനും ജില്ല പഞ്ചായത്ത് പ്രസിഡന്റുമായ ജി. വേണുഗോപാൽ പറഞ്ഞു. 29 വേദികളുടെയും പെയിന്റിംഗ് ഉൾപ്പടെയുള്ള കാര്യങ്ങൾ അന്തിമഘട്ടത്തിലാണെന്ന് പ്രോഗ്രാം കമ്മിറ്റി അധ്യക്ഷനായ നഗരസഭ ചെയർമാൻ തോമസ് ജോസഫ് വ്യക്തമാക്കി. വിവിധ വേദികളുടെ അറ്റകുറ്റപ്പണിക്കായി 25 ലക്ഷം രൂപയാണ് നഗരസഭ ചെലവഴിക്കുന്നത്. കലോത്സവമാകെ ഹരിതചട്ടം പാലിക്കുന്നുവെന്നുറപ്പാക്കാൻ നഗരസഭയുടെ മുഴുവൻ സംവിധാനവും ഉപയോഗിക്കും.ആറിനു രാവിലെ രജിസ്ട്രേഷൻ നടപടികൾ തുടങ്ങും. ഇവർക്കും അധ്യാപകർക്കും സംഘാടകർക്കും ഉൾപ്പടെയുള്ളവർക്ക് നൽകാനുള്ള ബാഡ്ജുകൾ അഞ്ചിനു തന്നെ തയാറാകും. 14 കേന്ദ്രങ്ങളിലായി 60 അധ്യാപകരാണ് രജിസ്ട്രേഷൻ കൗണ്ടറിലുണ്ടാവുക. അറവുകാട്…
Read Moreമോചനദ്രവ്യം ആവശ്യപ്പെട്ട് വിദ്യാർഥിയെ തട്ടിക്കൊണ്ടുപോയ സംഭവം; അന്വേഷണം കർണാടകയിലേക്ക്; പത്തനംതിട്ടയിൽ നടന്ന സംഭവത്തിൽ പോലീസ് അന്വേഷണം ഇങ്ങനെയൊക്കെ
പത്തനംതിട്ട: മഞ്ഞനിക്കരയിൽ 25 ലക്ഷം മോചനദ്രവ്യം ആവശ്യപ്പെട്ട് ഹയർ സെക്കൻഡറി വിദ്യാർഥിയെ മാതൃസഹോദരീ പുത്രൻ അടങ്ങുന്ന ക്വട്ടേഷൻ സംഘം തട്ടിക്കൊണ്ടു പോയ കേസിൽ അന്വേഷണം കർണാടകയിലേക്ക്. കേസിലെ മുഖ്യസൂത്രധാരൻ കുട്ടിയുടെ ബന്ധു കൂടിയായ മുരളീധരനെ കസ്റ്റഡിയിലെടുക്കുകയെന്ന ലക്ഷ്യവും പോലീസിനുണ്ട്. കുട്ടിയുടെ മാതാപിതാക്കളെയും വിശദമായി ചോദ്യം ചെയ്യും. വെള്ളിയാഴ്ച രാത്രി പത്തരയോടെയാണ് മഞ്ഞനിക്കരയിൽ നിന്നും വിദ്യാർഥിയെ തട്ടിക്കൊണ്ടുപോയത്. മുത്തശിയോടൊപ്പം വീട്ടിലായിരുന്ന കുട്ടിയെ വലിച്ചിഴച്ചു കൊണ്ടുപോകുകയായിരുന്നുവെന്ന് പറയുന്നു. മുത്തശിയെ ആക്രമിക്കുകയും അവരുടെ കഴുത്തിൽകിടന്ന സ്വർണമാല അപഹരിക്കുകയും ചെയ്തു. കേസിൽ ചിക്കമംഗളൂർ രംഗനഹള്ളി തരിക്കേരി മുദുഗോഡ് സ്വദേശികളായ അവിനാഷ് (25), പ്രേംദാസ് (31), ചന്ദ്രശേഖർ (24), ഹനീഫ (33), അലക്സ് ജോണ് (35) എന്നിവരെ പോലീസ് ഇൻസ്പെക്ടർ ജി. സുനിൽകുമാറിന്റെ നേതൃത്വത്തിൽ അറസ്റ്റ് ചെയ്തിരുന്നു. ഇവർ റിമാൻഡിലാണ്. അവിനാഷിന്റെ പിതാവ് മുരളീധരനാണ് കേസിലെ മുഖ്യസൂത്രധാരനെന്നും ഇയാൾ ഒളിവിലാണെന്നും പോലീസ്പറഞ്ഞു. വിദ്യാർഥിയുമായി കടന്നുകളഞ്ഞ…
Read Moreശബരിമല വിഷയം പഠിക്കാനെത്തിയ എംപിമാരുടെ സംഘം പന്തളം കൊട്ടാരം സന്ദർശിച്ചു
പന്തളം: ശബരിമല വിഷയവുമായി ബന്ധപ്പെട്ടുള്ള പ്രശ്നങ്ങൾ പഠിക്കാനായി ബിജെപി അധ്യക്ഷൻ അമിത് ഷാ നിയോഗിച്ച എംപിമാരുടെ സംഘം പന്തളം കൊട്ടാരത്തിലെത്തി. ദേശീയ ജനറൽ സെക്രട്ടറി സരോജ് പാണ്ഡെ എംപിയുടെ നേതൃത്വത്തിൽ പട്ടികജാതി മോർച്ച ദേശീയ അധ്യക്ഷൻ വിനോദ് സോംകാർ, പ്രഹ്ലാദ് ജോഷി, നളിൻ കുമാർ കട്ടീൽ എന്നിവരടങ്ങിയ സംഘമാണ് എത്തിയത്. ശബരിമലയുടെ മൂലസ്ഥാനമായ പന്തളം വലിയകോയിക്കൽ ശ്രീധർമശാസ്താ ക്ഷേത്രത്തിൽ ദർശനം നടത്തി മേൽശാന്തിയിൽ നിന്നും പ്രസാദവും സ്വീകരിച്ച സംഘം സ്രാന്പിക്കൽ കൊട്ടാരത്തിലെ തിരുവാഭരണ മാളികയിലെത്തി തിരുവാഭരണങ്ങളും കണ്ടു തൊഴുതതിനു ശേഷമാണ് കൊട്ടാരം നിർവാഹക സംഘം പ്രസിഡന്റ് പി.ജി. ശശികുമാർ വർമയുമായി ചർച്ച നടത്തിയത്. ബിജെപി സംസ്ഥാന അധ്യക്ഷൻ പി.എസ്. ശ്രീധരൻപിള്ള, സംഘടനാ ജന. സെക്രട്ടറി എൻ. ഗണേശൻ, ജനറൽ സെക്രട്ടറിമാരായ സംസ്ഥാന ജനറൽ സെക്രട്ടറി ശോഭാ സുരേന്ദ്രൻ, വക്താവ് ബി. ഗോപാലകൃഷ്ണൻ, പത്തനംതിട്ട ജില്ലാ പ്രസിഡന്റ് അശോകൻ…
Read Moreമുഖ്യമന്ത്രിയുടെ ദുരിതാശ്വാസനിധി വൈകാതെ മൂവായിരംകോടിയിൽ എത്തുമെന്ന് പിണറായി വിജയൻ
ചെങ്ങന്നൂർ: മുഖ്യമന്ത്രിയുടെ ദുരിതാശ്വാസനിധി വൈകാതെ മൂവായിരം കോടിയിൽ എത്തുമെന്ന് മുഖ്യമന്ത്രി പിണറായി വിജയൻ. സർക്കാർ ക്രൗഡ് ഫണ്ടിംഗ് ആരംഭിച്ചിട്ടുണ്ട്. പ്രളയാനന്തരമുള്ള ഏതു പദ്ധതിയും ഇതിലൂടെ ഏറ്റെടുക്കാം. മുടക്കിയ പണം എന്തുചെയ്തു എന്നറിയാൻ പോർട്ടലിൽ സംവിധാനവുമുണ്ടെന്നും അദ്ദേഹം പറഞ്ഞു. മൂന്നുമാസത്തിനുള്ളിൽ രണ്ടായിരം വീടുകളുടെ പണി പൂർത്തിയാക്കും. പ്രളായനന്തര പുനർനിർമാണത്തിന്റെ ഭാഗമായി സഹകരണ വകുപ്പിന്റെ ’കെയർ ഹോം’ പദ്ധതിയുടെ സംസ്ഥാനതല ഉദ്ഘാടനം ചെങ്ങന്നൂരിൽ നിർവഹിച്ചു സംസാരിവേയായിരുന്നു മുഖ്യമന്ത്രി ഇക്കാര്യം വിശദീകരിച്ചത്. കേരളത്തിന്റെ പ്രളയാനന്തര പുനർനിർമാണം സർക്കാർ സമയബന്ധിതമായി പൂർത്തിയാക്കും. പുറമേ നിന്നും സഹായിക്കാൻ സ്വയമേവ ആരെങ്കിലും സന്നദ്ധരായാൽ അതു സ്വീകരിക്കാൻ നിയമതടസമില്ല. ഗുജറാത്ത് മുഖ്യമന്ത്രിയായിരുന്നപ്പോൾ പ്രധാനമന്ത്രി നരേന്ദ്രമോദി ഇങ്ങനെ സഹായം സ്വീകരിച്ചിട്ടുണ്ട്. എന്നാൽ കേരളത്തിനു കിട്ടേണ്ട സഹായം എന്തുകൊണ്ട് ലഭിക്കാതാക്കി എന്നത് വ്യക്തമല്ല.യുഎഇയിൽ നിന്ന് 700 കോടി കേരളത്തിന് നൽകാൻ സന്നദ്ധത അറിയിച്ചതാണ്. കേന്ദ്രം അത് പരിഗണിച്ചില്ല. ഇതുവഴി സമാന…
Read Moreകേരളത്തിൽ എച്ച്ഐവി ബാധിതരുടെ എണ്ണം കുറയുന്നു; വിവാഹവേദിയിൽ ബോധവത്കരണവുമായി നവദന്പതിമാർ
ആലപ്പുഴ: കേരളത്തിൽ എച്ച്ഐവി ബാധിതരുടെ എണ്ണം കുറഞ്ഞു വരുന്നതായി ആരോഗ്യവകുപ്പിന്റെ റിപ്പോർട്ട്. 2018 സെപ്റ്റംബർ വരെ കേരളത്തിൽ 886 എച്ച്ഐവി കേസുകളാണ് റിപ്പോർട്ട് ചെയ്തത്. കഴിഞ്ഞവർഷം 1299 എച്ച്ഐവി കേസുകളാണ് റിപ്പോർട്ട് ചെയ്തത്. 2005ൽ 2627 കേസുകൾ കേരളത്തിൽ റിപ്പോർട്ട് ചെയ്തിരുന്നു. ഈ വർഷം ഇതുവരെ 6,69,622 പേർ സംസ്ഥാനത്ത് എച്ച്ഐവി പരിശോധനയ്ക്ക് വിധേയരായി. എങ്കിലും എച്ച്ഐവി വാഹകരാണ് എന്നറിയാതെയും ആവശ്യമായ പരിശോധനയ്ക്ക് വിധേയരാകാതെയും ജീവിക്കുന്ന ഒട്ടേറെപ്പേർ ഉണ്ടെന്നാണ് കണ്ടെത്തൽ. ആഗോളതലത്തിൽ 2030 ഓടെ എച്ഐവി അണുബാധ ഭൂമുഖത്തുനിന്നും തുടച്ചുനീക്കുക എന്നതാണ് യുഎൻ ലക്ഷ്യമിടുന്നത്. കേരളത്തിൽ എച്ഐവി ബാധിതരായ 30,305 പേർ ഉണ്ടെന്നാണ് കണക്ക്. ആലപ്പുഴ ജില്ലയിൽ 2002 മുതൽ 2018വരെ 4,40,454 പേർ എച്ച്ഐവി പരിശോധനയ്ക്ക് വിധേയരായി. ഇതിൽ 1400പേർക്ക് എച്ച്ഐവി അണുബാധ സ്ഥിരീകരിച്ചിട്ടുണ്ട്. എച്ച്ഐവി അണുബാധ സ്ഥിരീകരിക്കാനും തുടച്ചു നീക്കാനുമായി കേരളത്തിൽ 530 ജ്യോതിസ്…
Read Moreചെട്ടികുളങ്ങരയിലെ അക്രമണ പരമ്പര; ബിജെപി ജില്ല പ്രസിഡന്റിന്റെ പ്രസ്താവന വസ്തുതാവിരുദ്ധമെന്ന് സിപിഎം
മാവേലിക്കര: ആർഎസ്എസ് തുടർച്ചയായി ആക്രമണങ്ങൾ അഴിച്ചു വിടുന്ന ചെട്ടികുളങ്ങരയിൽ സന്ദർശനം നടത്തിയ ബിജെപി ജില്ലാ പ്രസിഡന്റിന്റെ പ്രസ്താവന അസത്യവും വസ്തുകൾക്ക് നിരക്കാത്തതുമാണെന്ന് സിപിഎം മാവേലിക്കര ഏരിയാ സെക്രട്ടറി പത്രസമ്മേളനത്തിൽ പറഞ്ഞു. കഴിഞ്ഞ ആറു വർഷത്തിനിടയിൽ ആർഎസ്എസ് സമാനതകളില്ലാത്ത ആക്രമണങ്ങളാണ് സിപിഎമ്മിനു നേരേ നടത്തിവരുന്നത്. ഇക്കാലത്തിനിടയിൽ പല സമയങ്ങളിലായി ഒന്നിലേറെ തവണ പാർട്ടി പ്രവർത്തകർ അക്രമിക്കപ്പെട്ടു. നിരവധി പ്രചാരണ ബോർഡുകളും കൊടിമരങ്ങളുമാണ് പലപ്പോഴായി നശിപ്പിക്കപ്പെട്ടത്. ഈ സംഭവങ്ങളിലെല്ലാം ആർഎസ്എസുകാർ അറസ്റ്റ് ചെയ്യപ്പെടുകയും പലരും റിമാൻഡിലാവുകയും ചെയ്തിരുന്നു. ഇതിനു പുറമേയാണ് ബ്രാഞ്ച് സെക്രട്ടറിമാരും ഡിവൈഎഫ്ഐ നേതാക്കളും പ്രവർത്തകരും ഒരു രാഷ്ട്രീയപാർട്ടികളിലും പ്രവർത്തിക്കാത്തവരും നിരവധി തവണ ആക്രമിക്കപ്പെട്ടത്. ഏറ്റവുമൊടുവിൽ രണ്ടു മാസത്തിലേറെയായി ആർഎസ്എസ് ആക്രമണപരന്പര അരങ്ങേറുന്ന ചെട്ടികുളങ്ങരയിൽ ബിജെപി ജില്ലാ പ്രസിഡന്റ് സോമൻ നടത്തിയ സന്ദർശനം പരിഹാസ്യമായി. രണ്ടുതവണ ആക്രമണം നടന്ന ചെട്ടികുളങ്ങര ഗ്രാമപഞ്ചായത്ത് പ്രസിഡന്റ് സി. കൃഷ്ണമ്മയുടെ വീടും ഇതിനു…
Read Moreമുല്ലയ്ക്കൽ ചിറപ്പ് ലേലം ; തർക്കം തുടരുന്നതിനിടെ കടകൾ സ്ഥാപിക്കാൻ പൊതുമരാമത്ത് നടപടി തുടങ്ങി
ആലപ്പുഴ: നഗരസഭ-പൊതുമരാമത്ത് തർക്കം നിലനിൽക്കെ ചിറപ്പ് മഹോത്സവത്തോടനുബന്ധിച്ച് താത്കാലിക കടകൾ സ്ഥാപിക്കാൻ പൊതുമരാമത്ത് നടപടി തുടങ്ങി. ആലപ്പുഴ നിരത്തു വിഭാഗം എക്സിക്യട്ടീവ് എൻജിനിയറുടെ അധികാര പരിധിയിലുളള പൊതുമരാമത്ത് റോഡുകളിൽ താല്കാലിക കടകൾ സ്ഥാപിക്കുന്നതിനുളള ക്വട്ടേഷൻ ക്ഷണിച്ചുകൊണ്ടാണ് നടപടി തുടങ്ങിയത്. പത്തിനു രാവിലെ 11 വരെ ക്വട്ടേഷൻ സ്വീകരിക്കും. അന്നേ ദിവസം ഉച്ചകഴിഞ്ഞു രണ്ടിനു നിരത്ത് വിഭാഗം എക്സിക്യൂട്ടീവ് എൻജിനിയറുടെ കാര്യാലയത്തിൽ ലേല നടപടികൾ നടക്കും. അതേസമയം മുല്ലയ്ക്കൽ ചിറപ്പ് ലേലം വിഷയത്തിൽ നഗരസഭയും പിഡബ്ല്യുഡിയും തമ്മിലുള്ള തർക്കം പരിഹരിക്കാനുള്ള നടപടികളിൽ തീരുമാനമാകാതെ ഇന്നലെ ചേർന്ന നഗരസഭാ കൗണ്സിൽയോഗം പിരിഞ്ഞു. നഗരസഭാ ചെയർമാൻ തോമസ് ജോസഫും പൊതുമരാമത്ത് മന്ത്രി ജി. സുധാകരനുമായി നടത്തിയ കൂടിക്കാഴ്ചയിൽ ചിറപ്പ് ലേലത്തിന്റെ 70 ശതമാനം നഗരസഭയ്ക്കും 30 ശതമാനം പൊതുമരാമത്ത് വകുപ്പിനും പങ്കുവയ്ക്കാമെന്ന് നിർദേശം വന്നിരുന്നു. പൊതുമരാമത്ത് വകുപ്പിന് ലഭിക്കുന്ന 30 ശതമാനത്തിൽ…
Read More