ആലപ്പുഴ: പ്രളയത്തിന്റെയും ദുരിതത്തിന്റെയും കഥകളെ പിന്നിലാക്കി കലോത്സവതാളം ഉണർന്നു, ഉയർന്നു. അതിജീവനത്തിന്റെ കഥ മാലോകർക്കു മുന്നിൽ വിളിച്ചോതി 59-ാമത് സംസ്ഥാന സ്കൂൾ കലോത്സവത്തിന് ആലപ്പുഴയിൽ തുടക്കമായി. രാവിലെ എട്ടരയ്ക്ക് ഗവണ്മെന്റ് മോഡൽ ഗേൾസ് എച്ച്എസ്എസിൽ പൊതുവിദ്യാഭ്യാസ ഡയറക്ടർ കെ.വി. മോഹൻകുമാർ പതാക ഉയർത്തി. 59-ാമത് കലോത്സവത്തിന്റെ ഓർമകളുണർത്തി 59 വിദ്യാർഥികൾ ചിരാതുകളും കൊളുത്തി. സഹായ കേന്ദ്രങ്ങൾ പ്രവർത്തനം തുടങ്ങി ആലപ്പുഴ: കലോത്സവ പ്രതിഭകൾക്ക് സഹായങ്ങൾക്കായി സഹായകേന്ദ്രങ്ങൾ പ്രവർത്തന സജ്ജമായി. ബസിലും ട്രെയിനിലും എത്തുന്ന മത്സരാർഥികളുടെ സംശയദുരീകരണത്തിന് ആലപ്പുഴ ബസ് സ്റ്റാൻഡിലും റെയിൽവേസ്റ്റേഷനിലും 24 മണിക്കൂറും പ്രവർത്തിക്കുന്ന കേന്ദ്രങ്ങളാണ് സജ്ജീകരിച്ചിരിക്കുന്നത്. തദ്ദേശീയരായ അധ്യാപകരാണ് നിർദേശങ്ങൾ നൽകാനായി പ്രവർത്തിക്കുന്നത്. സെന്റ് ആന്റണീസ് കാർമൽ എൽപി സ്കൂളിലാണ് പ്രധാന സഹായകേന്ദ്രം. കൂടാതെ വേദികൾ സജ്ജീകരിച്ച എല്ലാ സ്കൂളുകളിലും സഹായകേന്ദ്രം തുറന്നിട്ടുണ്ട്. കലോത്സവം സമാപിക്കുന്ന ഒന്പതിനു രാത്രിവരെ സഹായകേന്ദ്രങ്ങളുണ്ടാകും. കലോത്സവത്തിലെ ഗതാഗതത്തിന്റെ ചുമതലയുള്ള…
Read MoreCategory: Alappuzha
കോയിപ്രം ബ്ലോക്കിൽ 13 അംഗ ഭരണസമിതിയിൽ അവിശ്വാസ ചർച്ച 13ന്; നിർണായകമായി ബിജെപിയുടെ ഒരു സീറ്റ്
കോഴഞ്ചേരി: കോയിപ്രം ബ്ലോക്ക് പഞ്ചായത്ത് പ്രസിഡന്റിനും വൈസ് പ്രസിഡന്റിനുമെതിരെ എൽഡിഎഫ് നൽകിയ അവിശ്വാസ പ്രമേയത്തിൻമേൽ 13നു ചർച്ച നടക്കും.13 അംഗ ഭരണസമിതിയിൽ യുഡിഎഫിനും എൽഡിഎഫിനും ആറു വീതമാണ് അംഗബലം. ബിജെപിക്ക് ഒരു അംഗവുമുണ്ട്. കഴിഞ്ഞ തദ്ദേശസ്ഥാപന തെരഞ്ഞെടുപ്പിനുശേഷം പ്രസിഡന്റായി കോണ്ഗ്രസിലെ നിർമല മാത്യൂസും വൈസ് പ്രസിഡന്റായി കേരള കോണ്ഗ്രസ് എമ്മിലെ അക്കാമ്മ ജോണ്സണും നറുക്കെടുപ്പിലൂടെ തെരഞ്ഞെടുക്കപ്പെടുകയായിരുന്നു. ബിജെപി അംഗം വിട്ടുനിന്നതോടെ ഇരുമുന്നണി സ്ഥാനാർഥികൾക്കും ആറു വീതം വോട്ടുകളാണ് ലഭിച്ചത്. അവിശ്വാസം പാസാകണമെങ്കിൽ ഏഴ് അംഗങ്ങളുടെ പിന്തുണ വേണം. ബിജെപി സഹായത്തോടെ അവിശ്വാസം പാസാക്കാമെന്നാണ് എൽഡിഎഫ് പ്രതീക്ഷ. എന്നാൽ ഭരണത്തിലെത്താൻ ബിജെപിയുടെ സഹായം തേടില്ലെന്നും അവർ പറയുന്നു. കോയിപ്രം ബ്ലോക്കിൽ പ്രസിഡന്റു പദം ജനറലാണെങ്കിലും കഴിഞ്ഞ തെരഞ്ഞെടുപ്പിനുശേഷം കോണ്ഗ്രസ് പാർട്ടി അന്തരിച്ച ഡിസിസി വൈസ് പ്രസിഡന്റ് മാത്യൂസ് പി. ഏബ്രഹാമിന്റെ പത്നി എന്ന നിലയിൽ നിർമലാ മാത്യൂസിന് സ്ഥാനം…
Read Moreസംസ്ഥാന സ്കൂൾ കലോത്സവം; വേദികൾ നാളെ ചിലങ്കയണിയു; പ്രതിഭകളും തിലകങ്ങളും എത്തിത്തുടങ്ങി
ആലപ്പുഴ: കലയുടെ മാമാങ്കത്തിന് തിരശീല ഉയരാൻ മണിക്കൂറുകൾ മാത്രം ശേഷിക്കേ കിഴക്കിന്റെ വെനീസിലേക്ക് പ്രതിഭകൾ ഒഴുകിത്തുടങ്ങി. നാളെ മുതൽ നഗരത്തിന്റെ വിവിധയിടങ്ങളിലായുള്ള 29 വേദികളും ചിലങ്കയണിയും. മത്സരങ്ങൾ നാളെ രാവിലെ ഒന്പതുമുതൽ തന്നെ ആരംഭിക്കും. പതിവ് ഉദ്ഘാടന ചടങ്ങുകൾ ഒന്നും തന്നെയില്ല. മന്ത്രിമാർക്കു പകരം 59-ാമത് കലോത്സവത്തിന് 59 കുട്ടികൾ മണ്ചെരാതുകൾ തെളിയിച്ചാണ് ഉദ്ഘാടനം. ലളിതവും ഗംഭീരവുമെന്ന മുദ്രാവാക്യമുയർത്തി പരമാവധി ചെലവു ചുരുക്കിയാണ് ഇത്തവണത്തെ കലോത്സവം. അതുകൊണ്ടുതന്നെ ഘോഷയാത്രയും ഇക്കുറിയില്ല. പണച്ചെലവില്ലാതെ ഒരുക്കിയ സ്വാഗതഗാനവും സൈക്കിൾറാലികളുമൊക്കെയാണ് കലോത്സവത്തെ വരവേൽക്കുന്നത്. മത്സരങ്ങൾ അഞ്ചിൽ നിന്നും മൂന്നാക്കിയും ചുരുക്കി. രചനാമത്സരങ്ങൾക്ക് സംസ്ഥാനതലത്തിൽ മത്സരങ്ങളുമില്ല. ജില്ലാതല വിജയികളുടെ രചനകൾ സംസ്ഥാനതലത്തിൽ മൂല്യനിർണയം നടത്തിയാണ് വിജയികളെ തീരുമാനിക്കുക. പന്തലുകളുണ്ടാകില്ലെന്ന് ആദ്യം പറഞ്ഞിരുന്നെങ്കിലും ഒന്നാംവേദിയായ ലിയോ തേർട്ടീന്തിൽ മൂവായിരത്തോളം പേർക്ക് ഇരിക്കാവുന്ന തരത്തിൽ 15,000 ചതുരശ്രയടി വിസ്തീർണത്തിൽ പന്തൽ ഒരുക്കുന്നുണ്ട്.മത്സരാർഥികൾക്കുള്ള രജിസ്ട്രേഷൻ ആലപ്പുഴ എസ്ഡിവി…
Read Moreചിത്രകലയിലെ മികവിന്റെ കേന്ദ്രമായിരുന്ന മാവേലിക്കരയിലെ രാജാരവിവർമ സെന്റർ ഓഫ് എക്സലൻസ് ഫോർ വിഷ്വൽ ആർട്ട്സ് പടിയിറങ്ങുന്നു
മാവേലിക്കര: ചിത്രകലയിലെ അന്താരാഷ്ട്ര നിലവാരമുള്ള കോഴ്സുകൾ ഉൾപ്പെടുത്തി നടത്തുന്ന സ്ഥാപനമെന്ന് പ്രഖ്യാപിച്ച് ഉദ്ഘാടന മാമാങ്കം കൊണ്ടാടിയ രാജാരവിവർമ സെന്റർ ഓഫ് എക്സലൻസ് ഫോർ വിഷ്വൽ ആർട്ട്സ് സ്ഥലപരിമിതി കാരണം മാവേലിക്കരയിൽ നിന്നും തിരുവനന്തപുരത്തേക്ക് മാറ്റി സ്ഥാപിക്കാൻ നീക്കം. മാവേലിക്കരയിൽ തന്നെ കോളജിനു സ്ഥലം ഏറ്റെടുത്ത് നൽകണമെന്ന ആവശ്യവുമായി സാംസ്കാരിക കൂട്ടായ്മ സംഘടിപ്പിച്ചു. ബിരുദാനന്തര ബിരുദം ലഭിക്കുന്ന പെയിന്റിംഗ്, ആർട്ട് ഹിസ്റ്ററി എന്നീ വിഷങ്ങളാണ് കേരളാ യൂണിവേഴ്സിറ്റിയുടെ കീഴിലുള്ള കോളേജിൽ ഇപ്പോൾ നിലവിലുള്ളത്. അടുത്ത ബാച്ചിലേക്ക് പ്രവേശനം നടത്തണമെങ്കിൽ ക്ലാസ് മുറികളും സ്റ്റുഡിയോ സൗകര്യവും വേണം. കഴിഞ്ഞ എൽഡിഎഫ് സർക്കാരിന്റെ കാലത്താണ് ബിരുദാനന്തര ബിരുദം നൽകുന്ന കോളജ് ആരംഭിക്കുന്നിനുള്ള നടപടി ക്രമങ്ങൾ പൂർത്തിയായത്. അന്നത്തെ മുഖ്യമന്ത്രിയും വിദ്യാഭ്യാസ മന്ത്രിയും കുറച്ചു വർഷങ്ങൾകൊണ്ട് ഇതിനെ അന്താരാഷ്ട്ര നിലവാരത്തിലുള്ള കോളജ് ആക്കി മാറ്റുമെന്ന് പ്രഖ്യാപിക്കുകയും ചെയ്തിരുന്നു. എന്നാൽ ഷീറ്റ് പാകിയ അഞ്ചുമുറി…
Read Moreമങ്കൊന്പ് സിവിൽസ്റ്റേഷനിൽ നിന്നുള്ള വഴി തെളിഞ്ഞില്ല; ചുറ്റിക്കറങ്ങി നാട്ടുകാർ; കാൽനടയാത്ര പോലും അസാധ്യമായിട്ടും അധികൃതർ കണ്ണുതുറക്കുന്നില്ലെന്ന് പരാതി
മങ്കൊന്പ്: മങ്കൊന്പ് സിവിൽ സ്റ്റേഷനിൽ നിന്നും പടിഞ്ഞാറു ഭാഗത്തേക്ക് ആറ്റുതീരംവഴിയുള്ള നടപ്പാത സഞ്ചാരയോഗ്യമാക്കണമെന്ന ആവശ്യം ശക്തമാകുന്നു. വർഷങ്ങളായി ഇതുവഴി കാൽനടയാത്ര പോലും അസാധ്യമായിട്ടും ബന്ധപ്പെട്ടവർ കണ്ണുതുറക്കുന്നില്ലെന്നാണ് നാട്ടുകാരുടെ പരാതി. ആറിനു മറുകരെയുള്ളവർക്കു റോഡുമാർഗം യാത്രചെയ്യാൻ പ്രധാനമായും ഈ വഴിയെയാണ് ആശ്രയിച്ചിരുന്നത്. ആലപ്പുഴ-ചങ്ങനാശേരി റോഡിൽ നിന്നും ബ്ലോക്കു ജംഗ്ഷൻ വഴിയെത്തുന്ന മങ്കൊന്പ്, കായൽപ്പുറം, പുളിങ്കുന്ന്, ചതുർഥ്യാകരി തുടങ്ങിയ പ്രദേശങ്ങളിലെ ജനങ്ങൾ ഉപയോഗിക്കുന്ന വഴിയുടെ ശോചനീയാവസ്ഥയ്ക്കു രണ്ടു പതിറ്റാണ്ടിന്റെ പഴക്കമുണ്ട്. ത്രിതല പഞ്ചായത്തുമുതൽ എംപി വരെയുള്ളവരോട് പലതവണ പറഞ്ഞിട്ടും വഴി തെളിഞ്ഞില്ലെന്നാണ് നാട്ടുകാർ ആരോപിക്കുന്നത്. ആറിനക്കരെയുള്ളവർ മങ്കൊന്പ് നെല്ലുഗവേഷണ കേന്ദ്രം, മിനി സിവിൽ സ്റ്റേഷൻ, പോലീസ് സ്റ്റേഷൻ, കഐസ്ഇബി ഓഫിസ് തുടങ്ങിയ സ്ഥലങ്ങളിലേക്കു എത്തുന്നതു ഇതുവഴിയാണ്. വഴിക്കും ആറിനുമിടയിലുള്ള കൽക്കെട്ട് തകർന്നതിനെ തുടർന്ന് പലയിടത്തും വഴിയിൽ വെള്ളം കയറി. വഴി സഞ്ചാര യോഗ്യമല്ലാതായതോടെ ആളുകൾ കല്ലുകെട്ടിലൂടെ മാത്രം നടക്കാൻ തുടങ്ങി.…
Read Moreഅജ്ഞാതരോഗം ബാധിച്ച് കന്നുകാലികൾ ചത്തൊടുങ്ങുന്നു; ഭീതിയൊഴിയാതെ വീയപുരത്തെ ക്ഷീരകർഷകർ
ഹരിപ്പാട്: അജ്ഞാതരോഗം ബാധിച്ച് കന്നുകാലികൾ ചത്തൊടുങ്ങുന്നു. വീയപുരത്താണ് അജ്ഞാതരോഗം ബാധിച്ച് കന്നുകാലികൾ ചത്തൊടുങ്ങുന്നത്. പശുക്കളും ആടുകളുമാണ് ചത്തൊടുങ്ങിയത്. പത്തിലധികം പശുക്കളും അതുപോലെ പന്ത്രണ്ടോളം ആടുകളുമാണിവിടെ ചത്തത്. വീയപുരം കിഴക്കേരയിലെ കന്നുകാലികളാണ് ചത്തൊടുങ്ങിയത്. നന്ദൻകേരിൽ അബ്ദുൾസത്താറിന്റെ 60000 രൂപയോളം വിലവരുന്ന കറവപശുവാണ് ഇന്നലെ ചത്തത്. പാളയത്തിൽ കോളനിയിൽ സുധാകരൻ, അടിച്ചേരിൽ സജീവ്, പോളത്തുരുത്തേൽ ഷാനി, പോളത്തുരുത്തേൽ കുഞ്ഞുമോൻ, പോളത്തുരുത്തേൽ അബ്ദുൾമജീദ്, നന്ദൻകേരിൽ കൊച്ചുമോൻ, പാളയത്തിൽ സോമൻ എന്നിവരുടെ പശുക്കളാണ് കഴിഞ്ഞ രണ്ടാഴ്ചക്കുള്ളിൽ ചത്തത്. രോഗം എന്തെന്ന് അറിയാത്തതിനാൽ കൂടുതൽ പരിശോധനക്കായി ആന്തരികാവയവങ്ങൾ ആലപ്പുഴക്ക് അയച്ചിരിക്കുകയാണെന്ന് വീയപുരം വെറ്ററിനറി സർജൻ പറഞ്ഞു. ദഹനക്കുറവാണെന്നായിരുന്നു ഡോക്ടർമാരുടെ പ്രാഥമിക നിഗമനം. നാവിൽ നിന്ന് ഉമിനീർ വരികയും തുടർന്ന് തീറ്റയെടുക്കാതെ നുരയും പതയും വരികയും ശ്വാസംമുട്ടൽ അനുഭവപ്പെടുകയും പിന്നീട് മരണത്തിന് കീഴടങ്ങുകയുമാണ് പതിവെന്ന് കർഷകർ പറയുന്നു. ഈമേഖലയിലെ കൂടുതൽ പശുക്കൾക്ക് ഇത്തരം ലക്ഷണം കണ്ടിട്ടുണ്ട്.…
Read Moreസംസ്ഥാന സ്കൂൾ കലോത്സവം; കലയുടെ മാമാങ്കത്തിന് ഇനി മണിക്കൂറുകൾ മാത്രം; രജിസ്ട്രേഷൻ നാളെ രാവിലെ മുതൽ
ആലപ്പുഴ: 59-ാമത് സംസ്ഥാന സ്കൂൾ കലോത്സവത്തിനു തിരശീല ഉയരാൻ ഇനി മണിക്കൂറുകൾ മാത്രം. ഒരുക്കങ്ങൾ അവസാനഘട്ടത്തിൽ. രജിസ്ട്രേഷൻ നടപടികൾ നാളെ തുടങ്ങും. രാവിലെ മുതൽ തന്നെ രജിസ്ട്രേഷൻ നടപടിക്രമങ്ങൾ ആരംഭിക്കും. 14 കേന്ദ്രങ്ങളിലായി 60 അധ്യാപകരാണ് രജിസ്ട്രേഷൻ കൗണ്ടറിലുണ്ടാകും. ഇവർക്കും അധ്യാപകർക്കും സംഘാടകർക്കും ഉൾപ്പടെയുള്ളവർക്കു നൽകാനുള്ള ബാഡ്ജുകൾ ഇന്നു തന്നെ തയാറാകും. 29 വേദികളിലായി നടക്കുന്ന 188 മത്സര ഇനങ്ങളിലായി 12000-ഓളം കലാകാരൻമാരും കലാകാരികളും അരങ്ങിൽ വിസ്മയം തീർക്കും. പ്രോഗ്രാമുകളുടെ നടത്തിപ്പ് കെപിഎസ്ടിഎയുടെ നേതൃത്വത്തിൽ സൗജന്യമായി നടത്താനും തീരുമാനിച്ചിട്ടുണ്ട്. 400 അധ്യാപകരെ പ്രോഗ്രാം നടത്തിപ്പിനു വേണ്ടി മാത്രമായി നിയോഗിച്ചിട്ടുണ്ട്. കലോത്സവ മാനുവൽ പ്രകാരം നാലു മത്സരയിനങ്ങൾ പ്രത്യേകമാക്കിയിരുന്നു. ഇതുപ്രകാരം കഥകളി, തുള്ളൽ, നാടോടിനൃത്തം, മിമിക്രി എന്നിവയ്ക്ക് ആണ്-പെണ് വിഭാഗങ്ങളിൽ മത്സരമുണ്ടാകും. ഇതോടൊപ്പം ചില മത്സരയിനങ്ങളിൽ ഉപകരണ സംഗീതം ഉപയോഗിക്കുന്നതിലും ഭേദഗതി വരുത്തിയിട്ടുണ്ട്. പന്തലിൽ വേദികളുണ്ടാകില്ലെന്നാണ് ആദ്യം പറഞ്ഞിരുന്നെങ്കിലും…
Read Moreഎൽഡിഎഫുമായി കൈകോർക്കുന്നുവെന്ന സൂചന നല്കി വനിതാമതിലിന് പിന്തുണയുമായി തുഷാർ വെള്ളാപ്പള്ളി
ചേർത്തല: വനിതാമതിലിന് പിന്തുണയുമായി ബിഡിജഐസ് നേതാവ് തുഷാർ വെള്ളാപ്പള്ളിയും രംഗത്ത്. ഇതോടെ സംസ്ഥാനത്ത് എൻഡിഎ യുടെ നിലനിൽപ് അവതാളത്തിലായി. നിലവിൽ എൻഡിഎയുടെ ഭാഗമായുള്ള ബിഡിജഐസ് ശബരിമല വിഷയത്തിൽ എൽഡിഎഫ് സർക്കാരിനെതിരെയുള്ള സമരത്തിൽ മുന്പന്തിയിൽ നിൽക്കവേയാണ് അപ്രതീക്ഷിതമായി തുഷാർ വെള്ളാപ്പളളി മലക്കം മറിയുന്നത്. ഇന്നലെ ചേർത്തലയിൽ കൂടിയ എസ്എൻഡിപി യോഗം അടിയന്തിര കൗണ്സിലിലാണ് തുഷാർ വെള്ളാപ്പള്ളി താൻ ഇതുവരെ സ്വീകരിച്ച രാഷ്ട്രീയ നിലപാടുകളിൽ നിന്നും എതിരായ നിലപാട് സ്വീകരിച്ചത്. ഇതോടെ എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശനൊപ്പം തുഷാർവെള്ളാപ്പള്ളിയും എൽഡിഎഫുമായി കൈകോർക്കുന്നുവെന്ന സൂചനയാണ് നല്കിയത്. സംസ്ഥാനത്ത് ഏറെ കൊട്ടിഘോഷിക്കപ്പെട്ട ബിജെപി നേതൃത്വം നല്കുന്ന എൻഡിഎ ഇതോടെ ശിഥിലമാകുകയാണ്. ഇന്നലെ ചേർത്തലയിൽ കൂടിയ എസ്എൻഡിപി യോഗം അടിയന്തര കൗണ്സിൽ സംസ്ഥാന സർക്കാർ മുൻകൈ എടുത്തുനടത്തുന്ന വനിതാമതിൽ വിജയിപ്പിക്കുവാൻ തീരുമാനിക്കുകയായിരുന്നു. തുഷാർ വെള്ളാപ്പള്ളിയുടെ സാന്നിധ്യത്തിലാണ് തീരുമാനം. ബിഡിജഐസ് നേതാവായ തുഷാർ…
Read Moreകെട്ടിട നമ്പർ കിട്ടിയില്ല; ആലപ്പുഴ ബീച്ചിൽ ലക്ഷങ്ങൾ മുടക്കി നിർമിച്ച ടോയ്ലെറ്റ് കെട്ടിടം വെറുതെകിടക്കുന്നുച പൊതുജനം ദുരിതത്തിൽ
ആലപ്പുഴ: ആലപ്പുഴ ബീച്ചിൽ ലക്ഷങ്ങൾ മുടക്കി നിർമിച്ച പബ്ലിക് ടോയ് ലെറ്റ് കെട്ടിടം മാസങ്ങളായി വെറുതേ കിടന്നു നശിക്കുന്നു.കെ.സി. വേണുഗോപാൽ എംപിയുടെ ആസ്തി വികസന ഫണ്ടിൽ നിന്നും 30 ലക്ഷം രൂപ ചെലവഴിച്ച,് ആലപ്പുഴ ബീച്ചിലെത്തുന്ന സഞ്ചാരികൾക്കും പൊതുജനങ്ങൾക്കുമായി നിർമിച്ച ടോയിലെറ്റ് കെട്ടിടമാണ് തുറന്നു കൊടുത്താത്തതിനാൽ വെറുതേ കിടക്കുന്നത്. നിർമിതി കേന്ദ്രത്തിനായിരുന്നു നിർമാണ ചുമതല. കഴിഞ്ഞ ഏപ്രിലിൽ നിർമാണം പൂർത്തിയായ കെട്ടിടം ഈ വർഷം അവസനിക്കാറായിട്ടും തുറന്നു കൊടുക്കാൻ അധികൃതർക്കു കഴിഞ്ഞിട്ടില്ല. തുറമുഖ വകുപ്പിന്റെ കീഴിലുള്ള സ്ഥലമായതിനാൽ കെട്ടിട നന്പർ കിട്ടാൻ കാലതാമസം നേരിടുന്നതാണ് ടോയ് ലെറ്റ് തുറന്നു കൊടുക്കാൻ വൈകുന്നതെന്നാണ് ഡിടിപിസി നൽകുന്ന വിശദീകരണം. നിലവിൽ ആലപ്പുഴ ബീച്ചിന്റെ വടക്കു വശത്തുമാത്രമാണ് ടോയ്ലെറ്റ് സൗകര്യങ്ങൾ ഉള്ളത്. ഇതാകട്ടെ പണം കൊടുത്ത് ഉപയോഗിക്കേണ്ടതും. മിക്ക ദിവസങ്ങളിലും വെള്ളമില്ലാത്തതിനാൽ അടച്ചിടുകയും ചെയ്യും. പണം കൊടുത്ത് ഉപയോഗിക്കുന്ന മറ്റൊരു ടോയ്ലെറ്റ്…
Read Moreകലാപൂരത്തിന്റെ വരവറിയിച്ച് ആലപ്പുഴ ബീച്ചിൽ വർണവിസ്മയം തീർത്ത് കുരുന്നുകൾ
ആലപ്പുഴ: ജില്ല ആതിഥ്യമരുളുന്ന 59-ാമത് സംസ്ഥാന സ്കൂൾ കലോത്സവത്തിന്റെ വിളംബരം ഉണർത്തി ബീച്ചിൽ വലിയ കാൻവാസിൽ വർണ വിസ്മയം തീർത്ത് കുരുന്നുകൾ.പ്രളയത്തെ അതിജീവിച്ച ജില്ലയുടെ സാംസ്കാരിക തനിമ വിളിച്ചോതുന്ന കലോത്സവത്തിനു മുന്നോടിയായാണ് വലിയ കാൻവാസിൽ പെയിന്റിംഗ് ആലപ്പുഴ ബീച്ചിൽ സംഘടിപ്പിച്ചത്. യുവജനോത്സവത്തിനു വിളംബരം അറിയിച്ചുകൊണ്ടുള്ള വർണോത്സവത്തിൽ പങ്കെടുക്കാൻ നിരവധി വിദ്യാർഥികളാണ് ബീച്ചിലെത്തിയത്. പലരും പ്രളയവും ആഘോഷവും ഇടകലർത്തി തങ്ങളുടെ സർഗവാസന വലിയ കാൻവാസിലേക്ക് പകർത്തി. ബീച്ചിൽ സംഘടിപ്പിച്ച കാൻവാസ് പെയിൻറിംഗ് സംസ്ഥാന യുവജനോത്സവത്തിന്റെ സംഘാടകസമിതിയുടെ വർക്കിംഗ് ചെയർമാൻകൂടിയായ ജില്ല പഞ്ചായത്ത് പ്രസിഡന്റ് ജി. വേണുഗോപാൽ ഉദ്ഘാടനം ചെയ്തു. വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ കെ.ടി. മാത്യു, വിദ്യാഭ്യാസ ഉപഡയറക്ടർ ധന്യ ആർ. കുമാർ എന്നിവർ സന്നിഹിതരായി. വിശാലമായ കാൻവാസിൽ ചിത്രം വരച്ചുകൊണ്ടാണ് ജില്ല പഞ്ചായത്ത് പ്രസിഡന്റ് പരിപാടിക്ക് തുടക്കമിട്ടത്. വിദ്യാഭ്യാസ വകുപ്പും കലാകാരൻമാരുടെ കൂട്ടായ്മയായ ഹാർമണിയും ചേർന്നാണ്…
Read More