കണ്ണൂർ: ഇക്കഴിഞ്ഞ ജൂൺ മാസം കണ്ണൂർ ജില്ലയിലെ വിവിധ റേഷൻ ഷോപ്പുകൾ വഴി വിതരണം ചെയ്ത ഗോതന്പിൽ നിറയെ മാലിന്യങ്ങൾ. കടുക്, മുത്താറി തുടങ്ങിയവയ്ക്കു പുറമെ ഗോതന്പിൽ നിറയെ എലിക്കാഷ്ഠം, മൺക്കട്ട, പല്ലിക്കാഷ്ഠം തുടങ്ങിയവയാണ്. ഒരു കിലോഗ്രാം ഗോതന്പിൽ അരക്കിലോയോളം മാലിന്യങ്ങളാണ്. ഇതുകാരണം പലരും വീട്ടിൽ കൊണ്ടുവന്ന ഗോതന്പ് കഴുകി ഉണക്കി മാലിന്യങ്ങൾ വേർത്തിരിക്കുകയാണ്. പഞ്ചിംഗ് സംവിധാനം നിലവിൽ വന്നതോടെ മണിക്കൂറുകൾ കാത്തിരുന്നാണ് പലർക്കും റേഷൻ ഷോപ്പിൽനിന്ന് സാധനങ്ങൾ ലഭിക്കുന്നതു തന്നെ. പഞ്ചിംഗിനിടെ വിരൽ പതിയാത്തതിനാൽ തലേന്ന് മടങ്ങിയവർക്ക് വീണ്ടും സാധനത്തിനായി ക്യൂ നില്ക്കേണ്ടി വരുന്നു. ഇത്തരത്തിൽ മണിക്കൂറുകളുടെ കാത്തിരിപ്പിന് ശേഷം കിട്ടുന്ന ഭക്ഷ്യവസ്തുക്കളാകട്ടെ കന്നുകാലികൾക്കു പോലും കൊടുക്കാൻ പറ്റാത്തവയാണ്. ഭക്ഷ്യ ഉത്പന്നങ്ങളിലേയും മത്സ്യങ്ങളിലേയും മായം കണ്ടെത്താൻ സർക്കാർ കർശന നടപടി സ്വീകരിക്കുമെന്ന് പറയുന്പോഴാണ് സമൂഹത്തിലെ ഏറ്റവും താഴേയ്ക്കിടയിലുള്ളവരും സാധാരണക്കാരും ആശ്രയിക്കുന്ന റേഷൻഷോപ്പു വഴി മാലിന്യം നിറഞ്ഞ…
Read MoreCategory: Kannur
കണ്ണൂർ വിമാനത്താവളത്തിലേക്കുള്ള എയ്റോബ്രിഡ്ജ് കുരുക്കില്ലാതെ മാഹി കടന്നു
മാഹി: കണ്ണൂർ വിമാനത്താവളത്തിലേക്കുള്ള എയ്റോബ്രിഡ്ജുമായി എത്തിയ മൂന്നാമത്തെ കണ്ടെയ്നർ ലോറി കുരുക്കുകളില്ലാതെ മാഹി പാലം കടന്നു. ഇന്ന് രാവിലെ 6.45 ന് മാഹി അതിർത്തിയായ പൂഴിത്തലയിൽ എത്തിയ കണ്ടെയ്നർ 40 മിനുട്ടുകൊണ്ടാണ് മാഹി അതിർത്തിപിന്നിട്ടത്. ലോറി സ്റ്റാച്യു ജംഗ്ഷനിൽ അനായാസം മുന്നോട്ടെടുത്തു. കഴിഞ്ഞ ആഴ്ച വിമാനത്താവളത്തിലേക്ക് എയ്റോബ്രിഡ്ജുമായി മാഹിയിൽ എത്തിയ രണ്ട് കണ്ടെയ്നുകൾ മൂന്നു മണിക്കൂറോളം ടാഗോർ പാർക്കിന് സമീപം സ്റ്റാച്യു ജംഗഷനിൽ കുടുങ്ങുകയും ഗതാഗതകുരുക്ക് അനുഭവപ്പെടുകയും ചെയ്തിരുന്നു. മാഹി എസ്ഐ വിബൽകുമാർ, ന്യൂ മാഹി എസ്ഐ. സുമേഷ്, മാഹി വൈദ്യുതി ബോർഡ്, പൊതുമരാമത്ത് വകുപ്പ് ഉദ്യോഗസ്ഥർ എന്നിവർ കണ്ടെയ്നർ കടന്നുപോകുവാൻ സൗകര്യം ഒരുക്കി. മാഹി ദേശീയപാതയിലെ വൈദ്യുതി രാവിലെ ആറിന് ഓഫാക്കിയിരുന്നു. മാഹി പാലത്തിൽ നിന്ന് കോഴിക്കോട് ഭാഗത്തേക്ക് പോകേണ്ട വാഹനങ്ങളെ ഒളവിലം വഴി തിരിച്ചുവിട്ടു. തലശേരി പോലീസ് സെയ്താർ പള്ളിയിൽ നിന്ന് മാഹിയിലേക്ക് പോകുന്ന…
Read Moreബിനീഷ് കോടിയേരിയെ കേരള ക്രിക്കറ്റ് അസോസിയേഷൻ അംഗമായി തെരഞ്ഞെടുത്തു
തലശേരി: സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്റെ മകൻ ബിനീഷ് കോടിയേ രിയെ കേരള ക്രിക്കറ്റ് അസോസിയേഷൻ മെമ്പറായി തെരഞ്ഞെടുത്തു. തലശേരി കോണോർവയൽ ക്രിക്കറ്റ് സ്റ്റേഡിയത്തിൽ നടന്ന കണ്ണൂർ ജില്ല ക്രിക്കറ്റ് അസോസിയേഷൻ എക്സിക്യൂട്ടീവ് കമ്മിറ്റി യോഗത്തിലാണ് ബിനീഷ് കോടിയേരിയെ ജില്ലയിൽ നിന്നുള്ള കെസിഎ പ്രതിനിധിയായി തെരഞ്ഞെടുത്തത്. യോഗത്തിൽ പ്രസിഡന്റ് കെ.പി. സുരേഷ് ബാബു അധ്യക്ഷത വഹിച്ചു. സെക്രട്ടറി വി.പി. അനസ്, ട്രഷറർ എ.സി.എം. ഫിജാസ് അഹമ്മദ് എന്നിവർ പ്രസംഗിച്ചു.
Read Moreദോഷം മാറാൻ ചൊവ്വാഴ്ച ക്ലാസ്; ദുഷ്പേര് മാറ്റി പോലീസിനെ നന്നാക്കാൻ ഇനി ആഴ്ച ക്ലാസ് സംഘടിപ്പിക്കാൻ ആഭ്യന്തര വകുപ്പ്
സജീവൻ പൊയ്ത്തുംകടവ് കണ്ണൂർ: സംസ്ഥാനത്ത് സമീപകാല സംഭവങ്ങളിൽ പോലീസിനുണ്ടായ ദുഷ്പേര് മാറ്റാൻ എല്ലാ പോലീസ് സ്റ്റേഷനിലും പ്രത്യേക ക്ലാസ് സംഘടിപ്പിക്കാൻ ആഭ്യന്തര വകുപ്പ് ഉത്തരവ് നൽകി. കാറ്റിസം ക്ലാസെന്ന പേരിൽ എല്ലാ ചൊവ്വാഴ്ചയും എല്ലാ പോലീസ് സ്റ്റേഷനിലും ഇത്തരം ക്ലാസുകൾ സംഘടിപ്പിക്കും. അതാത് പോലീസ് സ്റ്റേഷനിലെ എസ്എച്ച്ഒമാരാണ് ക്ലാസെടുക്കുക. രാവിലെ 7.30 മുതൽ 8.30 വരെ ഒരുമണിക്കൂർ ക്ലാസാണ് നൽകുക. ദിനംപ്രതി സ്റ്റേഷൻ പരിധിയിൽ പ്രയോഗിക്കുന്ന വകുപ്പുകളെ കുറിച്ചാണ് പ്രധാനമായും പോലീസുകാരെ ബോധവത്കരിക്കുക. ഇതിനായി തലേദിവസം ജില്ലാ പോലീസ് മേധാവിയുടെ ഓഫീസിൽ നിന്നും ക്ലാസെടുക്കേണ്ട വിഷയത്തെക്കുറിച്ച് അതാത് പോലീസ് സ്റ്റേഷനുകളിലെ ഇൻസ്പെക്ടർമാർക്ക് വിവരം നൽകും. ഇതിന്റെ അടിസ്ഥാനത്തിലായിരിക്കും ക്ലാസ് നൽകുക. പരാതിയുമായി സ്റ്റേഷനിൽ എത്തുന്നവരോടുള്ള പോലീസിന്റെ സമീപനം, പൊതുജനങ്ങളോടുള്ള മനോഭാവം എന്നിവയിൽ കാര്യമായ മാറ്റം വരുത്താൻ ഇത്തരം ക്ലാസുകൾ കൊണ്ട് സാധിക്കുമെന്നാണു കരുതുന്നത്. കൂടാതെ പോലീസ് ഡിപ്പാർട്ടുമെന്റുകളിൽ…
Read Moreയൂണിയന് തീരുമാനം! അന്യസംസ്ഥാന മത്സ്യങ്ങള്ക്ക് തളിപ്പറമ്പില് പ്രവേശനമില്ല
തളിപ്പറമ്പ്: അന്യസംസ്ഥാനങ്ങളില് നിന്ന് ഇറക്കുമതി ചെയ്യുന്ന മത്സ്യങ്ങള് ഭക്ഷ്യസുരക്ഷാ മാനദണ്ഡം ലംഘിക്കുന്നു എന്ന് ബോധ്യപ്പെട്ടതിനാല് തളിപ്പറമ്പ് മത്സ്യ മാര്ക്കറ്റില് അന്യസംസ്ഥാന മത്സ്യങ്ങളുടെയും വളര്ത്ത് മത്സ്യങ്ങളുടെയും വില്പന പൂര്ണമായും നിര്ത്തലാക്കുന്നു. സ്വതന്ത്ര മത്സ്യവില്പന തൊഴിലാളി യൂണിയന് (എസ്ടിയു) മുനിസിപ്പല് കമ്മിറ്റിയാണ് ഇത്തരത്തില് തീരുമാനമെടുത്തത്. പ്രാദേശികമായി ലഭിക്കുന്ന പുതിയ മത്സ്യങ്ങള് മാത്രമേ വില്ക്കുവാന് അനുവദിക്കുകയുള്ളൂവെന്നും യൂണിയന് തീരുമാനമെടുത്തു. വന്കിട കയറ്റുമതി കമ്പനികളിലേക്ക് കൊണ്ടു പോകുന്ന മത്സ്യം ആരോഗ്യ വകുപ്പ് പിടിച്ചെടുത്തിട്ടും കമ്പനികള്ക്കെതിരെ നടപടികള് സ്വീകരിക്കാത്ത സര്ക്കാര് നയത്തില് യോഗം പ്രതിഷേധിച്ചു. ഇത്തരം കമ്പനികളുടെ പേരുകള് പോലും വെളിപ്പെടുത്താതെ മത്സ്യ വില്പനയെ മാത്രം ആശ്രയിച്ച് ജീവിക്കുന്ന തൊഴിലാളികളെ ബാധിക്കുന്ന വിധത്തില് പ്രചാരണങ്ങള് നടക്കുന്നതിലും യോഗം പ്രതിഷേധിച്ചു. കേരള തീരങ്ങളില് സുലഭമായി ലഭിക്കുന്ന മത്സ്യങ്ങള് ഇപ്പോള് എന്ത് കൊണ്ടാണ് ലഭിക്കാത്തതെന്നും എന്തുകൊണ്ടാണ് അന്യസംസ്ഥാന മേഖലയെ ആശ്രയിക്കേണ്ടി വരുന്നതെന്നും മനസ്സിലാക്കി ശക്തമായ നടപടിയും പൊതുജനത്തിന്…
Read Moreസൗഹൃദം തുടങ്ങിയിട്ട് മൂന്ന് വര്ഷം! ഫേസ്ബുക്കിലൂടെ പരിചയം, പീഡനം; വിദേശത്തേക്ക് രക്ഷപ്പെടാന് ശ്രമിച്ച യുവാവ് ഇരിക്കൂറില് അറസ്റ്റില്
ശ്രീകണ്ഠപുരം: ഫെയ്സ്ബുക്ക് വഴി പരിചയപ്പെട്ട 20 കാരിയെ പീഡിപ്പിച്ചെന്ന പരാതിയിൽ യുവാവ് അറസ്റ്റിൽ. ഇരിക്കൂർ വയക്കാങ്കോട് പൈസായിയിലെ മേനോത്ത് റഫീഖി (23) നെയാണ് ശ്രീകണ്ഠപുരം സിഐ വി.വി. ലതീഷ്, എസ്ഐ സി. പ്രകാശൻ എന്നിവർ അറസ്റ്റ് ചെയ്തത്. വിദേശത്തായിരുന്ന ഇയാൾ കഴിഞ്ഞ മൂന്ന് വർഷത്തോളമായി യുവതിയുമായി സൗഹൃദത്തിലായിരുന്നതായി പറയുന്നു. തുടർന്ന് നാട്ടിലെത്തിയ ഇയാൾ യുവതിക്ക് വിവാഹ വാഗ്ദാനം നൽകി മലപ്പുറത്ത് ഉറൂസിൽ പങ്കെടുക്കാനെന്ന് പറഞ്ഞ് കൊണ്ടുപോയി കോഴിക്കോട് ലോഡ്ജിൽ വെച്ച് പീഡിപ്പിച്ചതായാണ് പരാതി. വിദേശത്തേക്ക് രക്ഷപ്പെടാൻ ശ്രമിച്ച പ്രതിയെ ഇന്ന് പുലർച്ചെ ഇരിക്കൂർ ടൗണിൽ വെച്ചാണ് അറസ്റ്റ് ചെയ്തത്. പ്രതിയെ ഇന്ന് ഉച്ചകഴിഞ്ഞ് തലശേരി സിജെഎം കോടതിയിൽ ഹാജരാക്കും.
Read Moreടി.പി വധക്കേസ് പ്രതികളുമായുള്ള മുഖ്യമന്ത്രിയുടെ കൂടികാഴ്ചയ്ക്കെതിരേ കെ.സുരേന്ദ്രൻ; “പെണ്ണുംപിള്ളയുമായി കൂടെ കിടക്കാൻ കഴിയാത്തതൊഴിച്ച് കണ്ണൂർ സെൻട്രൽ ജയിലിൽ എന്തും നടക്കും’
കണ്ണൂർ: പെണ്ണുംപിള്ളയുമായി കൂടെ കിടക്കാൻ കഴിയാത്തതൊഴിച്ച് കണ്ണൂർ സെൻട്രൽ ജയിലിൽ എന്തും നടക്കുമെന്ന് ബിജെപി നേതാവ് കെ. സുരേന്ദ്രൻ. ടി.പി. ചന്ദ്രശേഖരൻ വധക്കേസിൽ പ്രതികളായ കെ.സി. രാമചന്ദ്രൻ, ടി.കെ. രജീഷ് എന്നിവരുമായി കണ്ണൂർ സെൻട്രൽ ജയിലിൽ ഇന്നലെ മുഖ്യമന്ത്രി പിണറായി വിജയൻ പ്രത്യേക കൂടിക്കാഴ്ച നടത്തിയിരുന്നു. ഇതിനെതിരേയാണ് സമൂഹ മാധ്യമമായ ഫെയ്സ് ബുക്കിലൂടെ സുരേന്ദ്രൻ പ്രതികരിച്ചത്. കെ.സുരേന്ദ്രൻ ഫെയ്സ്ബുക്ക് പോസ്റ്റിന്റെ പൂർണ രൂപം ചുവടെ: മുഖ്യമന്ത്രി പിണറായി വിജയൻ കണ്ണൂർ സെൻട്രൽ ജയിലിൽ ടി.പി കേസ് പ്രതികളുമായി കൂടിക്കാഴ്ച നടത്തിയത് വലിയ വാർത്തയായി മാധ്യമങ്ങൾ കൊടുത്തിട്ടുണ്ട്. ഇവരുടെ പരോളിനെക്കുറിച്ച് നിവേദനം നൽകാനാണത്രേ പ്രതികൾ പിണറായിയെ കണ്ടത്. മറ്റു തടവുകാരാരും മുഖ്യനെ കണ്ടതായി വാർത്തയുമില്ല. സിപിഎമ്മിനേയും പിണറായി വിജയനേയും അടുത്തറിയുന്നവർക്ക് ഇതൊരു വാർത്തയേ അല്ല. അല്ലെങ്കിൽ തന്നെ ഇവർക്കിനി എന്തു പരോളാണ് കൊടുക്കേണ്ടത്? ഈ പ്രതികൾക്ക് നിയമപരമായി ലഭിക്കേണ്ടതിനേക്കാൾ…
Read More‘തീക്കട്ട’യില് അരിച്ച ഉറുമ്പിനെക്കുറിച്ച് സൂചന; കൊളവല്ലൂർ എസ്ഐയുടെ വീട്ടിലെ മോഷണം: പ്രതി ഉടന് പിടിയിലാകും
തലശേരി: തുറന്നിട്ട വീട്ടിലെ അലമാരയില് നിന്നും രണ്ട് ലക്ഷം രൂപയുടെ സ്വര്ണാഭരണങ്ങള് കവര്ന്ന സംഭവത്തില് പോലീസ് അന്വേഷണം ഊര്ജിതമാക്കി. പ്രതിയെക്കുറിച്ച് വ്യക്തമായ സൂചനകള് ലഭിച്ചിട്ടുള്ളതായി അന്വേഷണ ഉദ്യോഗസ്ഥനായ തലശേരി ടൗൺ എസ്ഐ എം. അനില് രാഷ്ട്രദീപികയോട് പറഞ്ഞു. പ്രദേശവാസികളായ ചിലര് പോലീസിന്റെ നിരീക്ഷണത്തിലാണുള്ളത്. നിരവധി പേരെ പോലീസ് ഇതിനകം ചോദ്യം ചെയ്ത് കഴിഞ്ഞു. ജൂൺ 23 ന് പുലര്ച്ചെ ആറിനും 6.30 നും ഇടയ്ക്ക് കൊളവല്ലൂര് പോലീസ് സ്റ്റേഷനിലെ എസ്ഐ പെരുന്താറ്റിലെ സംഗീതില് വിനോദ്കുമാറിന്റെ ഭാര്യ സുഭാഷിണിയുടെ അഞ്ചര പവന്റെ താലിമാലയും വളകളും മോതിരവും ഉള്പ്പെടെയുള്ള സ്വര്ണാഭരണങ്ങളാണ് വീട്ടില് നിന്നും കവര്ച്ച ചെയ്യപ്പെട്ടത്. വിനോദ്കുമാര് കൊളവല്ലൂര് പോലീസ് സ്റ്റേഷനില് ഡ്യൂട്ടിയിലാണുണ്ടായിരുന്ന സമയത്താണ് കവര്ച്ച നടന്നത്. രാവിലെ വീടിന്റെ വാതില് തുറന്ന ശേഷം വീട്ടമ്മ അടുക്കളയിൽ ചായ ഇടാന് പോയ സമയത്താണ് കവര്ച്ച നടന്നത്. ജനങ്ങള് തിങ്ങി പാര്ക്കുന്ന…
Read Moreപരീക്ഷയ്ക്കെത്തിയ പ്ലസ് ടു വിദ്യാർഥിനിയെ പീഡിപ്പിച്ച കേസ്: പ്രതിയായ അധ്യാപകന് മുന്കൂര് ജാമ്യത്തിന്
തലശേരി: സേ പരീക്ഷക്കെത്തിയ പ്ലസ്ടു വിദ്യാർഥിനിയെ പീഡിപ്പിച്ച കേസിലെ പ്രതിയായ അധ്യാപകന് ജില്ലാ സെഷന്സ് കോടതിയില് മുന്കൂര് ജാമ്യ ഹർജി ഫയല് ചെയ്തു. ചൊക്ലി പന്ന്യന്നൂര് സ്വദേശിയാണ് മുന്കൂര് ജാമ്യഹർജി ഫയല് ചെയ്തത്. കേസ് നാളെ കോടതി പരിഗണിക്കും. ഇതിനിടെ പ്രതിയെ തേടി തലശേരി പോലീസ് ഇന്ന് ചെന്നൈയിലേക്ക് തിരിക്കും. കഴിഞ്ഞ ദിവസം പ്രതിയ്ക്കായി പോലീസ് പ്രതിയുടെ വീട്ടിലും ജോലി ചെയ്യുന്ന സ്ഥാപനത്തിലും തിരച്ചില് നടത്തിയെങ്കിലും കണ്ടെത്താനായില്ല. കഴിഞ്ഞ മാസം 14 നാണ് കേസിനാസ്പദമായ സംഭവം. അധ്യാപകനില് നിന്നും ദുരനുഭവം ഏറ്റുവാങ്ങേണ്ടി വന്ന പെണ്കുട്ടി വിവരം വീട്ടിലറിയിക്കുകയും ചൈല്ഡ് ലൈനില് പരാതി നല്കുകയുമായിരുന്നു. ചൈല്ഡ് ലൈന് കൗണ്സിലര് പെണ്കുട്ടിയില് നിന്നും വിശദമായ മൊഴി രേഖപ്പെടുത്തിയ ശേഷം പോലീസിന് കൈമാറുകയും ടൗണ് പോലീസ് പോക്സോ പ്രകാരം കേസെടുക്കുകയുമായിരുന്നു.
Read Moreമട്ടന്നൂരിൽ സിപിഎം പ്രവർത്തകർക്ക് വെട്ടേറ്റ സംഭവം: അക്രമികളുടെ സിസിടിവി ദൃശ്യം ലഭിച്ചു; ഒൻപത് ബിജെപി, ആർഎസ്എസ് പ്രവർത്തകർക്കെതിരെ കേസെടുത്തു
മട്ടന്നൂർ: ബൈക്കിലെത്തിയ സംഘം കാർ തകർത്തു നാലു സിപിഎം പ്രവർത്തകരെ വെട്ടിപ്പരിക്കേൽപ്പിച്ച സംഭവത്തിൽ ഒൻപത് ബിജെപി, ആർഎസ്എസ് പ്രവർത്തകർക്കെതിരെ മട്ടന്നൂർ പോലീസ് കേസെടുത്തു. ഇന്നലെ വൈകുന്നേരം 3.15 ഓടെ മട്ടന്നൂർ -ഇരിട്ടി റോഡിൽ പഴയ മദ്യഷോപ്പിനു സമീപത്തുണ്ടായ സംഭവത്തിൽ കൈയ്ക്കും വയറിനും വെട്ടേറ്റ പുലിയങ്ങോട്, ഇടവേലിക്കൽ സ്വദേശികളായ പി. ലനീഷ് (32), പി. ലതീഷ് (28), ടി.ആർ.സായൂഷ് (34), എൻ.ശരത്ത് (28) എന്നിവർക്കാണ് വെട്ടേറ്റത്. ഗുരുതരമായി പരിക്കേറ്റ ലനീഷ് കോഴിക്കോട് ബേബി മെമ്മോറിയൽ ആശുപത്രിയിലും മറ്റുള്ളവർ കണ്ണൂർ എകെജി ആശുപത്രിയിലും ചികിൽസയിലാണ്. പരിക്കേറ്റവരുടെ പരാതിയിലാണ് പോലീസ് കേസെടുത്തു അന്വേഷണം ആരംഭിച്ചത്. സിപിഎം പ്രവർത്തകരെ വെട്ടിപ്പരിക്കേൽപ്പിച്ചതിനു ശേഷം അക്രമികളിൽ നാലുപേർ ഒരു ബൈക്കിൽ കയറി പോകുന്ന സിസിടിവി ദൃശ്യം പോലീസിനു ലഭിച്ചിട്ടുണ്ട്. സിപിഎം പ്രവർത്തകർ ഇരിട്ടി ഭാഗത്തു നിന്നു മട്ടന്നൂർ ടൗണിലേക്ക് വരുന്നതിനിടെ ബൈക്കിലെത്തിയ സംഘം കാറിനു കുറുകെ…
Read More