പെരുന്പടവ്: ജനങ്ങൾ ഉള്ളിടത്തു വികസനം നടപ്പിലാക്കുക എന്നതാണു സർക്കാറിന്റെ പ്രഖ്യാപിത നയമെന്നു മന്ത്രി ജി. സുധാകരൻ. കക്കറയിൽ വെള്ളോറ -കക്കറ- കടുക്കാരംമുക്ക് റോഡ് പ്രവൃത്തി ഉദ്ഘാടനം നിർവഹിച്ചു പ്രസംഗിക്കുകയായിരുന്നു അദ്ദേഹം. പ്രസ്തുത റോഡ് കിഫ്ബി പദ്ധതിയിൽ ഉൾപ്പെടുത്തിയാണ് അഭിവൃദ്ധിപ്പെടുത്തുന്നത്. സ്വാതന്ത്ര്യലബ്ദിക്കുശേഷം കഴിഞ്ഞ 70 വർഷം കൊണ്ടു പയ്യന്നൂർ നിയോജക മണ്ഡലത്തിൽ പൊതുമരാമത്ത് വകുപ്പിൽ ചെലവഴിച്ചതിന്റെ ഇരട്ടിതുക ഈവർഷം നീക്കിവച്ചിട്ടുണ്ടെന്നും മലയോര ഹൈവേയ്ക്കു 233 കോടി ഉൾപ്പെടെ 1050 കോടി രൂപ നിയോജക മണ്ഡലത്തിൽ പൊതുമരാമത്ത് വകുപ്പ് വകയിരുത്തിയതായി മന്ത്രി പറഞ്ഞു. പയ്യന്നൂർ നിയോജക മണ്ഡലത്തിലെ എരമം-കുറ്റൂർ, പെരിങ്ങോം-വയക്കര പഞ്ചായത്തുകളിലൂടെ കടന്നുപോകുന്ന പ്രസ്തുത റോഡിന് 2465 ലക്ഷം രൂപയാണു വകയിരുത്തിയിരിക്കുന്നത്. 18 മാസം കൊണ്ടു പണി പൂർത്തീകരിക്കേണ്ട റോഡ് ഊരാളുങ്കൽ ലേബർ കോൺട്രാക്ട് കോ-ഓപ്പറേറ്റീവ് സൊസൈറ്റി ലിമിറ്റഡാണു ടെൻഡർ ചെയ്ത് കരാർ എടുത്തിരിക്കുന്നത്. 11.215 കിലോമീറ്റർ ദൂരമുള്ള റോഡ്…
Read MoreCategory: Kannur
അപകടത്തില് പരിക്കേറ്റയാളെ ആശുപത്രിയില് എത്തിച്ച് ഓട്ടോ ഡ്രൈവർക്ക് ക്രൂരമർദനം; സംഭവമറിഞ്ഞെത്തിയ പരിക്കേറ്റയാളുടെ സുഹൃത്തുക്കള് വിജയനെ മർദിക്കുകയായിരുന്നു; എട്ടുപേർക്കെതിരേ കേസ്
തളിപ്പറമ്പ്: അപകടത്തില് പരിക്കേറ്റയാളെ ആശുപത്രിയില് എത്തിച്ച ഓട്ടോ ഡ്രൈവറെ മർദ്ദിച്ച സംഭവത്തിൽ കണ്ടാലറിയാവുന്ന എട്ടുപേർക്കെതിരേ കേസെടുത്തു. പരിക്കേറ്റ ഓട്ടോ ഡ്രൈവര് അരിയിലെ മഠത്തില് വളപ്പില് കൃഷ്ണനെ(45) ഇന്നലെ താലൂക്ക് ആശുപത്രിയില് പ്രവേശിപ്പിച്ചു. വ്യാഴാഴ്ച്ച വൈകുന്നേരം ആറോടെയാണ് സംഭവം. അരിയിലെ വീട്ടിലേക്ക് പോവുകയായിരുന്ന കൃഷ്ണന് പുളിമ്പറമ്പിലെ പഴയ ഹരിഹര് ടാക്കീസിനു സമീപമെത്തിയപ്പോള് ബൈക്കിലെത്തിയ ഒരാള് കൃഷ്ണന്റെ ഓട്ടോയെ മറികടക്കാന് ശ്രമിക്കുന്നതിനിടയില് ഓട്ടോറിക്ഷയിലിടിച്ച് തെറിച്ചുവീഴുകയായിരുന്നത്രെ. ഉടന് തന്നെ കൃഷ്ണന് ഇയാളെ തന്റെ ഓട്ടോയില് കയറ്റി തളിപ്പറമ്പ് താലൂക്ക് ആശുപത്രിയിലെത്തിക്കുകയും ചെയ്തു. സംഭവമറിഞ്ഞ് കാറില് എത്തിയ പരിക്കേറ്റയാളുടെ സുഹൃത്തുക്കള് ഇയാളെ പരിയാരം മെഡിക്കല് കോളേജ് ആശുപത്രിയിലേക്ക് കൊണ്ടുപോവുകയാണെന്ന് പറഞ്ഞ് കൃഷ്ണനോട് സംഘം ആശുപത്രിക്ക് മുമ്പിലുണ്ടായിരുന്ന കാറില് കയറുവാന് ആവശ്യപ്പെട്ടു. തനിക്ക് വീട്ടിലേക്ക് ഫോണ് ചെയ്ത് കാര്യങ്ങള് അറിയിക്കണമെന്ന് കൃഷ്ണന് സംഘത്തോട് ആവശ്യപ്പെട്ടെങ്കിലും ഇതിനു സമ്മതിക്കാതെ കൃഷ്ണനെ ബലമായി കാറിലേക്ക് വലിച്ച് കയറ്റാന്…
Read Moreറിട്ട.ഡെപ്യൂട്ടി സഹകരണരജി സ്ട്രാറുടെ മരണം, സ്വത്ത് തട്ടിയെടുക്കല്; കൂട്ടുപങ്കാളികളെ പ്രതിചേര്ക്കാന് പോലീസ് നിയമോപദേശം തേടി
പയ്യന്നൂര്: തിരുവനന്തപുരത്തെ മുന് റിട്ട.ഡെപ്യൂട്ടി സഹകരണ രജിസ്ട്രാര് തളിപ്പറമ്പ് തൃച്ചംമ്പരത്തെ പി.ബാലകൃഷ്ണന്റെ മരണവും സ്വത്ത് തട്ടിയെടുക്കലുമായി ബന്ധപ്പെട്ട സംഭവത്തില് പോലീസ് നിയമോപദേശം തേടി. തൃശൂര് ക്രൈം ഡിറ്റാച്ച്മെന്റ് ബ്യൂറോ ഡിവൈഎസ്പി യുടെ നേതൃത്വത്തില് നടത്തിയ അന്വേഷണം പൂര്ത്തീകരണത്തിലെത്തിയതിനെ തുടര്ന്നാണ് പരേതന്റെ സ്വത്ത് തട്ടിയെടുത്ത സംഭവവുമായി ബന്ധപ്പെട്ടവരെകൂടി പ്രതിചേര്ക്കാന് പയ്യന്നൂര് പോലീസ് നടപടികളാരംഭിച്ചത്. ഇതിനായി കേസന്വേഷണ ചുമതലയുള്ള സ്റ്റേഷന് എസ്എച്ച്ഒ കെ.വിനോദ്കുമാര് കഴിഞ്ഞ ദിവസം സര്ക്കാര് അഭിഭാഷകനുമായി കൂടിക്കാഴ്ച നടത്തി. കൃത്രിമ വിവാഹ ഫോട്ടോയും വിവാഹ സര്ട്ടിഫിക്കറ്റുൾപ്പെടെ മറ്റു കൃത്രിമ രേഖകള് നിര്മിച്ച് നല്കിയവര്, വ്യാജ തെളിവുകളുടെ അടിസ്ഥാനത്തില് പിന്തുടര്ച്ചാവകാശ സര്ട്ടിഫിക്കറ്റ് നല്കിയ വില്ലേജ് ഓഫീസര്, ബാലകൃഷ്ണന്റെ വിധവയെന്ന പേരില് പെന്ഷന് തരപ്പെടുത്തി സര്ക്കാരിന് ലക്ഷങ്ങളുടെ നഷ്ടം വരുത്തിയവര്, ബാലകൃഷ്ണന്റെ സ്വത്തുക്കള് ക്രയവിക്രയം ചെയ്യുന്നതിന് കൂട്ടുനിന്നവര്, ബാലകൃഷ്ണന്റെ സ്ഥലത്തെ ലക്ഷങ്ങള് വിലമതിക്കുന്ന തേക്ക് മരങ്ങള് മുറിച്ച് കടത്തിയവര് എന്നിവരെ…
Read Moreകണ്ണൂർ അന്താരാഷ്ട്ര വിമാനത്താവളം; മഞ്ഞിലും മഴയത്തും റൺവേ കാണാൻ പറ്റുന്ന ഇൻസ്ട്രുമെന്റ് ലാൻഡിംഗ് സിസ്റ്റം ഘടിപ്പിച്ചു
മട്ടന്നൂർ: കണ്ണൂർ അന്താരാഷ്ട്ര വിമാനത്താവളം വാണിജ്യാടിസ്ഥാനത്തിൽ പ്രവർത്തനം ആരംഭിക്കാനിരിക്കെ ഇൻസ്ട്രുമെന്റ് ലാൻഡിംഗ് സിസ്റ്റം (ഐഎൽഎസ് ) ഘടിപ്പിക്കുന്ന പ്രവൃത്തി പൂർത്തിയായി. ഒരു മാസത്തോളം സമയമെടുത്താണ് പ്രവൃത്തി പൂർത്തീകരിച്ചത്. സിവിൽ ഏവിയേഷൻ ഡയറക്ടറേറ്റിൽ നിന്നുള്ള വിദഗ്ധ സംഘം സ്ഥലത്തെത്തിയായിരുന്നു ഇൻസ്ട്രുമെന്റ് ലാൻഡിംഗ് സിസ്റ്റത്തിന്റെ പ്രവൃത്തി ആരംഭിച്ചത്. വിമാനങ്ങളുടെ ടേക്ക് ഓഫും ലാൻഡിംഗും പൂർണമായും സുരക്ഷിതമാക്കാനുള്ള അത്യാധുനിക ഉപകരണ സംവിധാനമാണ് ഐഎൽഎസ്. മഞ്ഞും മഴയുമുള്ളപ്പോഴും മറ്റും പൈലറ്റിനു റൺവേ കൃത്യമായി കാണാൻ കഴിയാത്ത സാഹചര്യമുണ്ടാകും. ഇതു അപകടങ്ങൾക്ക് കാരണമാകാം. ഇത്തരം സാഹചര്യങ്ങളിൽ വിമാനമിറക്കുന്നതിനാണ് ഐഎൽഎസ് സംവിധാനം ഒരുക്കിയത്. റൺവേയിൽ ഐഎൽഎസ് സംവിധാനം ഘടിപ്പിച്ചു കഴിഞ്ഞതിനാൽ കാലിബ്രേഷൻ ഫ്ളൈറ്റ് പരീക്ഷണ പറക്കൽ നടത്തണം. വിമാനത്തിന്റെ കോക്പിറ്റിലും റൺവേയിലുമുള്ള ഐ എൽഎസ് ഉപകരണങ്ങളുടെ പ്രവർത്തനവും ഏകോപനവും പരിക്ഷിക്കുന്നതിനാണിത്. ഐഎൽ എസ് ഘടിപ്പിക്കുന്നതിനു മാസങ്ങൾക്ക് മുമ്പേ സാമഗ്രികൾ പദ്ധതി പ്രദേശത്തു എത്തിച്ചിരുന്നുവെങ്കിലും കഴിഞ്ഞ മാസമാണ്…
Read Moreസാമൂഹിക സുരക്ഷാ പെൻഷൻ; തെറ്റായി സസ്പെൻഡ് ചെയ്യപ്പെട്ടവരുടെ പെൻഷൻ പുനസ്ഥാപിക്കുന്നു
മുക്കം: ഡാറ്റാ ബേസിൽനിന്ന് തെറ്റായി സസ്പെൻഡ് ചെയ്യപ്പെട്ടവരുടെ സാമൂഹിക സുരക്ഷാ പെൻഷൻ പുന:സ്ഥാപിക്കുന്നു. ഡിബിടി സംവിധാനത്തിൽ വിതരണം ചെയ്തു വരുന്ന വിവിധ സാമൂഹിക സുരക്ഷാ പെൻഷൻ ഗുണഭോക്താക്കളുടെ വിവരങ്ങൾ കൃത്യമാക്കുന്നതിനും അനർഹരെ കണ്ടെത്തി ഒഴിവാക്കുന്നതിനും ഇത് സംബന്ധിച്ച നടപടികൾ കർശനമാക്കിയിരുന്നു. ഇതിന്റെ അടിസ്ഥാനത്തിൽ നടത്തിയ പരിശോധനകളിൽ ധാരാളം ഗുണഭോക്താക്കളെ പ്രാദേശിക സർക്കാരുകൾ തെറ്റായ വിവരങ്ങളുടെ അടിസ്ഥാനത്തിൽ സസ്പെൻഡ് ചെയ്യപ്പെട്ടതായുള്ള പരാതികൾ ഉയർന്നതിനെ തുടർന്നാണ് സർക്കാർ മാർഗനിർദേശങ്ങൾ പുറപ്പെടുവിച്ചത്. തെറ്റായി സസ്പെൻഡ് ചെയ്യപ്പെട്ടവരുടെ പെൻഷൻ ഉടൻ തന്നെ പുനസ്ഥാപിച്ചു നൽകണമെന്ന് കർശനനിർദേശം പ്രാദേശിക സർക്കാരുകൾക്ക് നൽകിയിട്ടുണ്ട്. എന്നാൽ വ്യക്തമായ കാരണത്താൽ സസ്പെൻഡ് ചെയ്യപ്പെട്ടവരുടെ പെൻഷൻ പുനസ്ഥാപിക്കേണ്ടതില്ല. രണ്ട് പെൻഷൻ വാങ്ങിക്കുന്നവരുടെ കാര്യത്തിൽ അധികമായി വാങ്ങിയ തുക തിരിച്ചടച്ചതിന് ശേഷം വ്യക്തമായ അന്വേഷണത്തിന്റെ അടിസ്ഥാനത്തിൽ മാത്രമേ പുന:സ്ഥാപിച്ചു നൽകാൻ പാടുള്ളൂ. അർഹതയില്ലാത്തവർക്കും അധികമായി വാങ്ങിയ തുക തിരിച്ചടക്കാത്തവർക്കും പെൻഷൻ പുന:സ്ഥാപിച്ചു…
Read Moreവാർത്ത തുണയായി; ജാനുവിന്റെ ദുരിതജീവിതത്തിന് അറുതിയാകുന്നു; സുമനസുകൾ കൈകോർത്ത് ജാനുവിനെ സുരക്ഷിതമായ വീട്ടിലേക്ക് മാറ്റി
കൂത്തുപറമ്പ്: പ്ലാസ്റ്റിക് ഷീറ്റിനു കീഴെ തനിച്ചു താമസിച്ചു വന്ന മൂര്യാട് അയോധ്യാ നഗർ ചുള്ളി ഭാഗത്തെ കാരായി ജാനുവിന്റെ ദുരിത ജീവിതത്തിന് അറുതിയാകുന്നു. സുമനസുകൾ കൈകോർത്തതോടെ ഇനി ഇവർക്ക് സുരക്ഷിതമായി വാടക വീട്ടിൽ കഴിയാം. വർഷങ്ങളായി താമസിച്ചു വന്ന വീട് തകർന്നതിനെ തുടർന്ന് ഇതിന്റെ ഒരു ഭാഗത്ത് പ്ലാസ്റ്റിക് ഷീറ്റ് മേഞ്ഞ ഷെഡിനകത്തായിരുന്നു എഴുപതുകാരിയായ ജാനു മൂന്ന് വർഷത്തോളമായി താമസിച്ചു വന്നത്. ഇവരുടെ ദുരിത ജീവിതം കഴിഞ്ഞ ദിവസം രാഷ് ട്രദീപിക വാർത്ത പ്രസിദ്ധീകരിച്ചിരുന്നു. തുടർന്ന് ഇവർക്ക് സുരക്ഷിത സ്ഥലത്ത് താമസമൊരുക്കാൻ സുമനസുകളും രംഗത്തെത്തി. ഈ കാര്യം ശ്രദ്ധയിൽ പെട്ടതിനെ തുടർന്നാണ് നഗരസഭാ ചെയർമാൻ എം.സുകുമാരന്റെ നേതൃത്വത്തിൽ നഗരസഭാധികൃതരും നാട്ടുകാരും ചേർന്ന് സമീപത്തായി വാടക വീട് കണ്ടെത്തി അവിടേക്ക് മാറ്റിയത്. നേരത്തെ ലൈഫ്മിഷൻ പദ്ധതിയിൽ വീട് നിർമാണ അപേക്ഷ അനുവദിച്ചിരുന്നു. എന്നാൽ ജാനുവിന്റെ പേരിൽ സ്വന്തമായി ഭൂമിയില്ലെന്ന…
Read Moreജ്വല്ലറി കവർച്ച: വർച്ചക്കാരെ പിടികൂടിയ പോലീസ് ഓഫീസർമാർക്കും അന്വേഷണ സംഘാംഗങ്ങൾക്കും പൗരാവലിയുടെ സ്വീകരണം
പഴയങ്ങാടി: അൽഫത്തീബി ജ്വല്ലറി കവർച്ചക്കാരെ പിടികൂടിയ പോലീസ് ഓഫീസർമാർക്കും അന്വേഷണ സംഘാംഗങ്ങൾക്കും പഴയങ്ങാടി പൗരാവലിയുടെ ആദരം. തളിപ്പറന്പ് ഡിവൈഎസ്പി കെ.വി. വേണുഗോപാൽ, പഴയങ്ങാടി എസ്ഐ പി.എ. ബിനുമോഹൻ എന്നിവരെയും അന്വേഷണ സംഘത്തിലെ പോലീസ് ഉദ്യോഗസ്ഥ രേയുമാണ് ആദരിച്ചത്. ടി.വി. രാജേഷ് എംഎൽഎ ഉദ്ഘാടനം ചെയ്തു. മാടായി പഞ്ചായത്ത് പ്രസിഡന്റ് കെ. ആബിദ അധ്യക്ഷത വഹിച്ചു. വി. വിനോദ്, ഏഴോം പഞ്ചായത്ത് പ്രസിഡന്റ് ഡി. വിമല, ആർ. അജിത, എം.പി. ഉണ്ണികൃഷ്ണൻ, കെ.വി. രാമചന്ദ്രൻ, കെ. പദ്മനാഭൻ, പി.എം. ഹനീഫ്, പി.വി. അബ്ദുള്ള എന്നിവർ അനുമോദിച്ചു. അന്വേഷണത്തിന് നേതൃത്വം നൽകിയ ഓഫീസർമാരേയും സംഘാംഗങ്ങളെയും സൈബർസെൽ ഉൾപ്പെടെയുള്ള എല്ലാ സ്ക്വാഡ് അംഗങ്ങളേയും ടി.വി. രാജേഷ് എംഎൽഎ ഉപഹാരം നൽകി ആദരിച്ചു. പഴയങ്ങാടിയിലെ മാധ്യമപ്രവർത്തകരേയും ചടങ്ങിൽ ആദരിച്ചു. പഴയങ്ങാടി ബസ്സ്റ്റാൻഡ് പരിസരത്ത് നിന്ന് വാദ്യമേളങ്ങളുടെ അകന്പടിയോടെ ജനപ്രതിനിധികളും നൂറുകണക്കിനു പൗരാവലിയും സ്വീകരണത്തിൽ…
Read Moreകണ്ണൂർ വിമാനത്താവളം: വിമാനത്തിനു ഇന്ധനം നിറയ്ക്കുന്നതിനുള്ള ടാങ്കറുകൾ എത്തിച്ചു
മട്ടന്നൂർ: കണ്ണൂർ അന്താരാഷ്ട്ര വിമാനത്താവളം വാണിജ്യാടിസ്ഥാനത്തിൽ പ്രവർത്തനമാരംഭിക്കാനിരിക്കെ വിമാനത്തിനു ഇന്ധനം നിറയ്ക്കുന്നതിനു ടാങ്കറുകൾ പദ്ധതി പ്രദേശത്തു എത്തിച്ചു.നാലു ടാങ്കറുകളാണ് ഹരിയാനയിൽ നിന്നെത്തിച്ചത്. പദ്ധതി പ്രദേശത്തെ ഇന്ധന പാടത്തിൽ നിന്നും ഇന്ധനം നിറച്ചു ഏപ്രണിൽ നിർത്തിയിടുന്ന വിമാനത്തിൽ ഇന്ധനം നിറയ്ക്കുന്നതിനാണ് ടാങ്കറുകൾ എത്തിച്ചത്. ഒന്നിനു 50 ലക്ഷത്തിലധികം രൂപ ചിലവു വരുന്ന ടാങ്കറുകൾ ഹരിയാനയിൽ നിന്നു റോഡുമാർഗമാണ് വിമാനത്താവള പദ്ധതി പ്രദേശത്തു എത്തിച്ചത്. ടാങ്കറിന്റെ കമ്പനി അധികൃതർ തന്നെയാണ് നാലു ടാങ്കറുകളും വിമാനത്താവളത്തിലെത്തിച്ചത്. ഇന്ധന പാടത്തിന്റെ നിർമാണം ഒരു വർഷം മുമ്പേ പൂർത്തിയായിരുന്നു. ടാങ്കറുകൾ എത്തിച്ചതിനാൽ ഇന്ധന പാടം അടുത്ത മാസത്തോടെ പ്രവർത്തന സജ്ജമാക്കും. കൊച്ചിയിൽ നിന്നാണ് വിമാനത്തിനുള്ള ഇന്ധനം എത്തിക്കുക. പദ്ധതി പ്രദേശത്തെ രണ്ടു ടാങ്കുകളിൽ നിറയ്ക്കുന്ന ഇന്ധനം പിന്നീട് ടാങ്കറിലാക്കിയാണ് വിമാനത്തിൽ നിറയ്ക്കുക.
Read Moreഭര്ത്താവ് ഭാര്യയെ വെട്ടിക്കൊലപ്പെടുത്തിയ സംഭവം! ഞെട്ടല് മാറാതെ മാവിലായി ഗ്രാമം; ശാന്തനും സൗമ്യനുമായിരുന്നു പ്രദീപ്; നാട്ടുകാര് പറയുന്നത് ഇങ്ങനെ…
കണ്ണൂർ: കുടുംബവഴക്കിനെത്തുടർന്ന് ഭർത്താവ് ഭാര്യയെ വെട്ടിക്കൊലപ്പെടുത്തിയ സംഭവത്തിന്റെ ഞെട്ടലിൽനിന്ന് ഇനിയും മാവിലായി ഗ്രാമം മുക്തമായിട്ടില്ല. മാവിലായി യുപി സ്കൂളിനു സമീപം താമസിക്കുന്ന കുഴിക്കലായിയിലെ പൂനത്തറ ശ്രീലത(42)യാണ് ഉറക്കത്തിനിടെ ദാരുണമായി കൊല്ലപ്പെട്ടത്. സംഭവവുമായി ബന്ധപ്പെട്ട് ഭർത്താവ് പ്രദീപനെ (48) എടക്കാട് എസ്ഐ മഹേഷ് കണ്ടന്പേത്തിന്റെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തു. ആളുകളോട് അധികം ബന്ധം പുലർത്തിയിരുന്നില്ലെങ്കിലും ശാന്തനും സൗമ്യനുമായിരുന്നു പ്രദീപനെന്നാണ് നാട്ടുകാരുടെ ഭാഷ്യം. ഇയാൾ ഇത്രയും വലിയ ക്രൂരത ചെയ്യുമെന്ന് നാട്ടുകാർക്ക് വിശ്വസിക്കാനേ കഴിയുന്നില്ല. പ്രദീപന്റെ സഹോദരങ്ങൾ ഇയാളുടെ വീടിന് സമീപമാണു താമസിക്കുന്നത്. എന്നാൽ ഭാര്യയെയും മക്കളെയും പോലും അവരുടെ വീടുകളിലേക്ക് അയയ്ക്കുവാനോ സൗഹൃദം സ്ഥാപിക്കാനോ ഇയാൾ അനുവദിക്കാറില്ല. ഭാര്യയെയും രണ്ടു പെൺമക്കളെയും പുറത്തുവിടുന്നതു തന്നെ അപൂർവമാണത്രെ. കൊലപാതക ദിവസം ഇയാൾ മദ്യപിച്ചിരുന്നതായും പറയുന്നു. ഭാര്യയെ കഴുത്തറുത്തു കൊലപ്പെടുത്തിയശേഷം വീടിന്റെ വാതിൽ തുറന്നു പുറത്തുവന്ന ഇയാൾ മറ്റൊരു…
Read Moreവാദി പ്രതിയായി! ടെന്പോ തടഞ്ഞുനിർത്തി പണം തട്ടിയെന്ന കേസ്; പരാതിക്കാരൻ അറസ്റ്റിൽ
മുള്ളേരിയ: കോഴിയെ കൊണ്ടുവരാൻ പോകുന്നതിനിടെ ടെന്പോ തടഞ്ഞു നിർത്തി പണം തട്ടിയ സംഭവത്തിൽ പരാതിക്കാരൻ പ്രതിയായി. കർണാടകയിലേക്ക് കോഴി കൊണ്ടു വരാൻ പോകുന്നതിനിടെ തന്നെയും സഹായിയേയും ആക്രമിച്ച് ഒന്നര ലക്ഷം രുപയും മൊബൈൽ ഫോണുകളും തട്ടിയെടുത്തെന്ന പരാതി ടെന്പോ ഡ്രൈവറുടെ ആസൂത്രണമാണെന്ന് പോലീസ് അേ ന്വഷണത്തിൽ തെളിഞ്ഞ തോടെ പരാതിക്കാരനെ അറസ്റ്റ് ചെയ്തു. കളനാട്ടെ ഫാറൂഖി(32)നെയാണ് ആദൂർ സിഐ എം.എ.മാത്യുവിന്റെ നേതൃത്വത്തിൽ അറസ്റ്റ് ചെയ്തത്. സംഭവവുമായി ബന്ധപ്പെട്ട് തളങ്കരയിലെ മുസ്താഖ് ഉൾപ്പടെ മൂന്നു പേരെ പോലീസ് അന്വേഷിച്ചുവരികയാണ്. 24ന് പുലർച്ചെ ആദൂർ സിഎ നഗറിൽ വച്ച് ആൾട്ടോ കാറിലെത്തിയ മൂന്നംഗ സംഘം തന്നെയും സഹായിയായ ഹബീബിനെയും ആക്രമിച്ച് പണം തട്ടിയെടുത്തുവെന്നാണ് ഫാറൂഖ് പോലീസിൽ പരാതി നൽകിയത്. ഇതേത്തുടർന്ന് പോലീസ് പഴുതുകളടച്ചു നടത്തിയ അന്വേഷണത്തിലാണ് പരാതിക്കാരൻ പ്രതിയാണെന്ന് തെളിഞ്ഞത്. മൊബൈൽ ടവർ കേന്ദ്രീകരിച്ചു നടത്തിയ അന്വേഷണത്തിൽ ഫാറൂഖിന്റെ ഫോണിലേക്കു…
Read More