തളിപ്പറമ്പ്: കീഴാറ്റൂര് വയലില് വീണ്ടും സമരം വിളയും. അന്തിമ വിജ്ഞാപനം വന്നതോടെ കീഴാറ്റൂരില് വയല് കിളികളും ഐക്യദാര്ഡ്യ സമിതിയും സമരരംഗത്തിറങ്ങും. ഇന്നലെ രാത്രി ചേര്ന്ന വയല് കിളികളുടെയും ഐക്യദാര്ഡ്യ സമിതിയുടേയും അനൗപചാരിക യോഗത്തിലാണ് തീരുമാനം. രണ്ട് ദിവസത്തിനകം ഐക്യദാരസമിതിയുടെ വിപുലമായ യോഗം വിളിച്ചുചേര്ത്ത് സമരം ഏത് രീതിയിലാവണമെന്നതിനെക്കുറിച്ച് വിശദമായ ചര്ച്ചകള് നടത്തും. നിരാഹാര സമരം ഉള്പ്പെടെ പരിഗണനയിലുണ്ടെന്ന് ഐക്യദാര്ഡ്യസമിതി കണ്വീനര് നോബിള് പൈകട പറഞ്ഞു. ശരിയായ ദിശയില് മുന്നോട്ട് നീങ്ങിയ വയല്ക്കിളി സമരം പിന്തുണയുമായുള്ള ബിജെപിയുടെ രംഗപ്രവേശനത്തോടെയാണ് കരുത്ത് നഷ്ടപ്പെട്ടനിലയിലായതെന്ന് വിമര്ശനമുയര്ന്നു. സമരത്തിന്റെ ഊര്ജവും നിശ്ചയദാര്ഢ്യവും ചോര്ന്നുപോയത് ബിജെപി പിന്തുണയോടെയാണെന്ന് യോഗം വിലയിരുത്തി. ലോംഗ് മാര്ച്ച് ഉള്പ്പെടെ കേരളത്തില് വളരെ വിപുലമായ ഒരു പരിസ്ഥിതി സമരം ഉയര്ത്തിക്കൊണ്ടുവരാനുള്ള നീക്കം ബിജെപിയുടെ ഇടപെടലോടെയാണ് ഇല്ലാതായത്. അത്തരത്തിലുള്ള സമരത്തിന് വീണ്ടും പ്രസക്തിയുണ്ടെന്ന നിലപാടാണ് ഐക്യദാര്ഡ്യസമിതി പ്രവര്ത്തകര് ഇന്നലത്തെ യോഗത്തില് മുന്നോട്ടുവെച്ചത്.…
Read MoreCategory: Kozhikode
വയല്ക്കിളി സമരത്തിന് ബിജെപി യാതൊരു ഉറപ്പും നല്കിയിട്ടില്ലെന്ന് സി.കെ.പത്മനാഭന്
കോഴിക്കോട്: വയല്ക്കിളിസമരവുമായി ബന്ധപ്പെട്ട് ബിജെപി ഇടപെട്ടത് ആത്മാര്ഥമായിതന്നെയാണെന്ന് ബിജെപി മുന് സംസ്ഥാന അധ്യക്ഷന് സി.കെ.പത്മനാഭൻ. ബിജെപി വഞ്ചിച്ചെന്ന തരത്തിലുള്ള സമരനേതാക്കളുടെ പ്രതികരണത്തോട് യോജിപ്പില്ലെന്നും അദ്ദേഹം പറഞ്ഞു. കീഴാറ്റുര് ബൈപാസിന്റെ രൂപ രേഖയില് മാറ്റം വരുത്തുമെന്ന് ബിജെപി ആര്ക്കും ഉറപ്പുനല്കിയിട്ടില്ലെന്നാണ് മനസിക്കുന്നത്. ഇത്തരം പ്രചരണം ശരിയല്ല. ഇക്കാര്യത്തില് പാര്ട്ടി ഇനിയും സമരക്കാര്ക്കൊപ്പം ഉണ്ടാകും. വിഷയത്തില് അന്തിമവിഞ്ജാപനമായിട്ടില്ല. ഇപ്പോഴും ഇത് കേന്ദ്രസര്ക്കാര് പരിഗണനയില് തന്നെയാണെന്നും അദ്ദേഹം കൂട്ടിച്ചേർത്തു.
Read Moreഫാൻസി കടയിൽ വിദ്യാർഥിനിക്ക് പീഡനം; മുൻപും സമാന രീതിയിലുള്ള സംഭവങ്ങൾ ഉണ്ടായിട്ടുണ്ടെന്ന് അധ്യാപകർ
മഞ്ചേരി: ഫാൻസി കടയിൽ കമ്മൽ വാങ്ങാൻ എത്തിയ സ്കൂൾ വിദ്യർഥിനിയെ കയറിപിടിച്ച് ലൈംഗികാതിക്രമം കാണിച്ചതിന് അറസ്റ്റിലായ പ്രതിയെ കോടതി റിമാൻഡ് ചെയ്തു. കാരകുന്ന് ചെറുപള്ളിക്കൽ സ്വദേശി അബ്ദുൾ അസീസ് (40)നെയാണ് മഞ്ചേരി ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതി 14 ദിവസത്തേക്ക് റിമാൻഡ് ചെയ്തത്. ഇക്കഴിഞ്ഞ ദിവസം മഞ്ചേരി ഗേൾസ് ഹയർസെക്കൻഡറി സ്കൂൾ പരിസരത്തെ ഫാൻസി കടയിലാണ് സംഭവം. പഠനോപകരണങ്ങൾ വാങ്ങൂന്നതിനായി കടയിലെത്തിയ 14 കാരിയെ ജിവനക്കാരനായ പ്രതി പീഡനത്തിന് ശ്രമിക്കുകയായിരുന്നു. ഭയന്നു നിലവിളിച്ച് കുട്ടി ക്ലാസിലേക്ക് ഓടിയതോടെ സഹവിദ്യാർഥികൾ പ്രധാനാധ്യാപകനെ വിവരമറിയിക്കുകയായിരുന്നു. തുടർന്ന് അധ്യാപകരുടെ പരാതിയിൽ മഞ്ചേരി സിഐ എൻ.ബി.ഷൈജു പ്രതിയെ അറസ്റ്റ് ചെയ്യുകയായിരുന്നു. മറ്റൊരു പേരിൽ പ്രവർത്തിച്ചിരുന്ന ഈ ഫാൻസി ഷോപ്പിൽ മുൻപും സമാന രീതിയിലുള്ള സംഭവങ്ങൾ ഉണ്ടായിട്ടുണ്ടെന്ന് സ്കൂളിലെ അധ്യാപകർ പറഞ്ഞു. വിദ്യാർഥികൾ പരാതിപ്പെട്ടതിന്റെ അടിസ്ഥാനത്തിൽ സ്കൂളിലെ അധ്യാപകർ കടയിലെ ജീവനക്കാർക്ക് വിദ്യാർഥികളോട്…
Read Moreഇരുട്ടിന്റെ മറവിലെ അക്രമം!ഒരാഴ്ചക്കിടെ ഉണ്ടായ മൂന്ന് അക്രമങ്ങള്; ഇരുട്ടിൽത്തപ്പി പോലീസ്
തേഞ്ഞിപ്പലം: ഒരാഴ്ചക്കിടെ ഉണ്ടായ മൂന്ന് അക്രമങ്ങളിൽ പ്രതികളെ പിടികൂടാനാകാതെ പോലീസ് ഇരുട്ടിൽത്തപ്പുന്നു. ശബരിമലക്ക് പോകാൻ തയാറായി യാത്ര തിരിച്ച കണ്ണൂരിലെ രേഷ്മ നിശാന്ത് അടക്കമുള്ള യുവതികൾക്ക് പത്രസമ്മേളനം നടത്തുവാൻ സൗകര്യം ചെയ്തു കൊടുത്ത കാക്കഞ്ചേരി സ്വദേശിനി അപർണ ശിവകാമിയുടെ വീടിന്ന് നേരെ കല്ലേറുണ്ടാകുകയും കല്ലേറിൽ വീടിന്റെ ഏതാനും ജനൽ ചില്ലുകൾ തകരുകയും ചെയ്തിരുന്നു. ബുധനാഴ്ച രാത്രി രണ്ട് മണിക്ക് ശേഷം ബൈക്കിലെത്തിയ സംഘമാണ് ആക്രമം നടത്തിയിരുന്നത്. ഈ കേസിൽ പ്രതികളെ പിടികൂടിയിട്ടില്ല. എന്നാൽ ഹർത്താൽ ദിവസം ചെട്ടിയാർ മാട് സ്വദേശി കോഴിശേരി ഹൈദ്രോസിന്റെ കാർ വള്ളിക്കുന്നിൽ വെച്ച് ഹർത്താൽ അനുകൂലികൾ തകർത്തിരുന്നു. ഈ സംഭവത്തിൽ കുറ്റക്കാരെ പിടികൂടാനുണ്ട്. കാർ തകർത്ത സംഭവത്തിൽ പരപ്പനങ്ങാടി പോലീസിൽ പരാതിയുണ്ട്. എന്നാൽ കഴിഞ്ഞ ദിവസം ചെട്ടിയാർമാട്ടുള്ള വീട്ട് മുറ്റത്ത് നിർത്തിയിട്ട അതെ കാറിന് നേരെ വീണ്ടും ആക്രമണമുണ്ടായിരുന്നു. രാത്രിയിൽ വീടിന്റെ മതിൽ…
Read Moreഅടിസ്ഥാന സൗകര്യങ്ങളുടെ അപര്യാപ്തത! വീര്പ്പുമുട്ടലൊഴിയാതെ കോഴിക്കോട് മെഡിക്കല് കോളജ്; ഗൈനക്കോളജി വിഭാഗത്തിന് സമീപം അനധികൃത പാര്ക്കിംഗ്
കോഴിക്കോട്: ആശുപത്രി വികസനത്തിനായി കോടികള് ചെലവഴിക്കുമ്പോഴും അസൗകര്യങ്ങളാല് വീര്പ്പുമുട്ടുകയാണ് കോഴിക്കോട് മെഡിക്കല് കോളജിലെത്തുന്ന രോഗികള്. മലബാറിലെ ഏറ്റവും വലിയ ഈ ആശുപത്രിയില് ദിനംപ്രതി ആയിരക്കണക്കിന് രോഗികളാണ് ചികിത്സ തേടിയെത്തുന്നത്. നിപ്പ ബാധയേയും പ്രകൃതി ദുരന്തത്തേയുമെല്ലാം അതിജീവിക്കുന്നതില് മാതൃകയായി നിന്ന ഈ ആശുപത്രിയില് പക്ഷെ രോഗികള്ക്ക് ഇന്നും ദുരിതംതന്നെ. വിദഗ്ധരായ ഡോക്ടര്മാരുടെ സേവനം 24 മണിക്കൂറം ലഭ്യമാകുമെന്നതിനാല് മലബാറിലെ എല്ലാ ജില്ലകളില് നിന്നും അത്യാസന്ന നിലയിലുള്ളവരുള്പ്പെടെ രോഗികളെ ചികിത്സയ്ക്കായി രാപ്പകല് ഭേദമന്യേയാണ് ഇവിടേക്കെത്തിക്കുന്നത്. സ്വകാര്യ ആശുപത്രികള്പോലും അത്യാസന്ന നിലയിലുള്ള രോഗികളെ ഇവിടേയ്ക്ക് റഫര് ചെയ്യുകയാണ് ചെയ്യുന്നത്. ഒപി. വിഭാഗത്തിലും ഡോക്ടര്മാര്ക്ക് പരിശോധിക്കാന് കഴിയുന്നതിലും ഏറെയാണ് രോഗികള് എത്തുന്നത്. ഒ പി കളിലെത്തുന്ന അവശരായ രോഗികള്ക്ക് മിക്കപ്പോഴും ഇരിക്കാന് പോലും കഴിയാത്ത അവസ്ഥയാണ് ഇവിടെ. ആവശ്യത്തിന് ഇരിപ്പിടങ്ങള് ഇല്ലാത്തതാണ് ഇവര്ക്ക് ദുരിതമാകുന്നത്. അത്യാഹിത വിഭാഗത്തിലും ഇതുതന്നെയാണ് അവസ്ഥ. അത്യാസന്ന നിലയിലെത്തുന്ന…
Read Moreമത്സ്യത്തൊഴിലാളികളുടെ ക്ഷേമപദ്ധതികള് അട്ടിമറിച്ചു; ചികിത്സയ്ക്ക് നല്കി വന്നിരുന്ന 1350 രൂപ സഹായം നിര്ത്തി
കോഴിക്കോട്: മത്സ്യത്തൊഴിലാളികളുടെ ക്ഷേമ പദ്ധതികള് സര്ക്കാര് അട്ടിമറിച്ചു. അവകാശപ്പെട്ട ആനുകൂല്യങ്ങള് പോലും നിഷേധിക്കുന്നുവെന്നാണ് മത്സ്യത്തൊഴിലാളികളുടെ പരാതി. മത്സ്യഫെഡ് ,ക്ഷേമനിധി ബോര്ഡ് പ്രവര്ത്തനങ്ങള്, തണല്, ഭവനപദ്ധതികള് ഉള്പ്പെടെയുള്ള പദ്ധതികള് പൂര്ണ്ണമായി നിര്ത്തലാക്കി മത്സ്യത്തൊഴിലാളികളെ സര്ക്കാര് കൂടുതല്പ്രതിരോധത്തിലാക്കിയിരിക്കുകയാണ് . മത്സ്യത്തൊഴിലാളികള്ക്കുള്ള ഭവന നിര്മ്മാണ പദ്ധതിയും നിര്ത്തലാക്കി. രണ്ടര സെന്റ് ഭൂമിയുള്ള മത്സ്യതൊഴിലാളിക്ക് രണ്ടു ലക്ഷം രൂപ ഭവനനിര്മ്മാണത്തിന് നല്കുന്ന പദ്ധതി യുഡിഎഫ് സര്ക്കാരാണ് നടപ്പാക്കിയത്. അപക്ഷേ ക്ഷണിച്ച് അതില് നിന്നും അര്ഹരായവരെ നറക്കെടുപ്പിലൂടെ കണ്ടെത്തിയാണ് ഭവനനിര്മ്മാണത്തിന് തുക നല്കിയിരുന്നത്. കടല് ക്ഷോഭത്തിന് നിലം പൊത്തുന്ന വീടുകള്ക്ക് അറ്റകുറ്റപ്പണിക്ക് 50,000 രൂപ വീതവും നല്കിയിരുന്നു. എന്നാല് സര്ക്കാര് അധികാരത്തിലേറിയതിനു ശേഷം പദ്ധതി മരവിപ്പിക്കുകയും പിന്നീട് ലൈഫ് പദ്ധതിയിലേക്ക് മത്സ്യത്തൊഴിലാളി ഭവന പദ്ധതിയും ഉള്പ്പെടുത്തിയെന്ന് വിശദീകരണം നല്കുകയുമായിരുന്നു. മത്സ്യതൊഴിലാളികള്ക്ക് മാത്രമായി ഇന്ന് ഒരു പദ്ധതിയും അവശേഷിക്കുന്നില്ല. ചികിത്സയ്ക്ക് നല്കി വന്നിരുന്ന 1350 രൂപ…
Read Moreസിപിഎം ജില്ലാകമ്മിറ്റി ഓഫീസിനു നേരേ ബോംബെറ്: പ്രതികള് കസ്റ്റഡിയില്; അറസ്റ്റ് ഉടന് രേഖപ്പെടുത്തുമെന്ന് പോലീസ്
കോഴിക്കോട് : സിപിഎം ജില്ലാകമ്മിറ്റി ഓഫീസിനു നേരേ ബോംബെറിയുകയും ജില്ലാസെക്രട്ടറിയെ വധിക്കാന് ശ്രമിച്ചതുമുള്പ്പെടെയുള്ള കേസിലെ പ്രതികളെ പോലീസ് കസ്റ്റഡിയില് എടുത്തതായി സൂചന.അടുത്ത ദിവസം തന്നെ അറസ്റ്റ് രെഖപ്പെടുത്തും. വളയം നാദാപുരം മേഖലകളില് നിന്നുള്ള സംഘപരിവാര് പ്രവര്ത്തകരാണ് പിടിയിലായത്. ഇവരുടെ അറസ്റ്റ് രേഖപ്പെടുത്തിയശേഷം കൂടുതല് വിവരങ്ങള് വെളിപ്പെടുത്തുമെന്നാണ് ക്രൈംബ്രാഞ്ച് പറയുന്നത്. പ്രതികളെ തിരിച്ചറിഞ്ഞെങ്കിലും സംഭവത്തിന് പിന്നില് ഗൂഢാലോചന നടത്തിയവരെ കൂടി കണ്ടെത്തേണ്ടതിനാലാണ് അറസ്റ്റ് ഇതുവരേയും രേഖപ്പെടുത്താന് വൈകുന്നത്. അതീവ രഹസ്യമായാണ് പ്രതികളെ കുറിച്ചുള്ള വിവരങ്ങള് അന്വേഷണ സംഘം സൂക്ഷിക്കുന്നത്. ക്രൈംബ്രാഞ്ച് കോഴിക്കോട് യൂണിറ്റാണ് കേസ് അന്വേഷിക്കുന്നത്. കഴിഞ്ഞ വര്ഷം ജൂണ് ഒമ്പതിനായിരുന്നു കണ്ണൂര് റോഡില് ക്രിസ്ത്യന് കോളജിന് സമീപമുള്ള സിപിഎം ജില്ലാ കമ്മിറ്റി ഓഫീസായ സി.എച്ച്. കണാരന് സ്മാരകമന്ദിരത്തിനു നേരെ അജ്ഞാതര് ബോംബെറിഞ്ഞത്. തുടര്ന്ന് ലോക്കല് പോലീസിന്റെ പ്രത്യേകസംഘം അന്വേഷിച്ചെങ്കിലും കാര്യമായ പുരോഗതിയുണ്ടായില്ല. ഈ സാഹചര്യത്തില് മൂന്നാഴ്ചയ്ക്കു ശേഷം…
Read Moreതെരുവോര കച്ചവടക്കാര് ഇനി തെരുവിലാകില്ല; പുനരധിവാസ പദ്ധതിക്ക് തുടക്കം
മുക്കം: തെരുവോര കച്ചവടക്കാര്ക്ക് അടിസ്ഥാന സൗകര്യങ്ങള് നല്കി പുനരധിവസിപ്പിക്കുന്ന പദ്ധതിക്ക് സംസ്ഥാനത്ത് തുടക്കമായി. നഗരസഭാ പ്രദേശങ്ങളില് കുടുംബശ്രീയുടെ നേതൃത്വത്തിൽ ഇവര്ക്കായി പ്രത്യേക തെരുവു ചന്തകള് നിര്മിക്കുകയും നിലവിലുള്ളവ വിപുലീകരിക്കുകയും ചെയ്യുന്നതാണ് പദ്ധതി. ഇതു പ്രകാരം കാസര്കോട് പുതിയ ബസ് സ്റ്റാന്ഡിന് സമീപവും എറണാകുളം ജില്ലയിലെ വടക്കന് പറവൂരിലും തെരുവോര ചന്തകള് നിര്മിക്കുന്നതിനായി നഗരസഭകള് സമര്പ്പിച്ച വിശദമായ പദ്ധതി നിര്വഹണ രേഖയ്ക്ക് കുടുംബശ്രീ എക്സിക്യൂട്ടീവ് ഡയറക്ടര് അധ്യക്ഷനായ സംസ്ഥാനതല പ്രോജക്ട് സാങ്ങ്ഷനിംഗ് കമ്മിറ്റി അനുമതി നൽകി. കുടുംബശ്രീ മുഖേന നടപ്പാക്കുന്ന നഗര ദാരിദ്ര്യ നിര്മാര്ജന പദ്ധതിയായ ദേശീയ നഗര ഉപജീവന ദൗത്യത്തിന്റെ (എന്യുഎല്എം) ഭാഗമായാണ് പദ്ധതി നടപ്പിലാക്കുന്നത്. സംസ്ഥാനത്തെ മുഴുവൻ നഗര പ്രദേശങ്ങളിലും തെരുവോര കച്ചവട സംരക്ഷണ നിയമം നടപ്പാക്കി വരികയാണ്. കുടുംബശ്രീ മുഖേന നടപ്പാക്കുന്ന പദ്ധതിയില് ഇവരുടെ ജീവിത നിലവാരം മെച്ചപ്പെടുത്തുന്നതിനുള്ള വിവിധ മാര്ഗങ്ങള് ഉള്പ്പെടുത്തിയിട്ടുണ്ട്. ഈ…
Read Moreഅജ്മീർ ദർഗ സ്ഫോടനം; സുരേഷ് നായർ നാട്ടുകാര്ക്ക് “അപരിചിതന്’
കൊയിലാണ്ടി: 2007 -ൽ അജ്മീർ ദർഗ സ്ഫോടനവുമായി മൂന്ന് പേർ മരിക്കുകയും, 30 ഓളം പേർക്ക് പരിക്കേറ്റതുമായ സംഭവത്തിൽ ഗുജറാത്ത് തീവ്രവിരുദ്ധ സ്ക്വാഡിന്റെ പിടിയിലായ മുഖ്യ പ്രതി കോഴിക്കോട് കൊയിലാണ്ടി സ്വദേശി സുരേഷ് നായർ നാട്ടുകാർക്ക് അപരിചിതനാണ്. കൊയിലാണ്ടി എളാട്ടേരി സ്വദേശിയായ സുരേഷ് നായർ നർമ്മദാ തീരത്ത്നിന്ന് തീർത്ഥാടന കേന്ദ്രത്തിലേക്ക് പോകവെയാണ് കഴിഞ്ഞദിവസം തീവ്രവാദവിരുദ്ധ സ്ക്വാഡിന്റെ പിടിയിലാകുന്നത്. കോളിളക്കം സൃഷ്ടിച്ച കേസിൽ ഇയാളെ പിടികൂടാൻ സഹായിക്കുന്നവർക്ക് രണ്ട്ലക്ഷം ഇനാം പ്രഖ്യാപിച്ചിരുന്നു. ഈ കേസിൽ അറസ്റ്റിലായ സ്വാമി അസീമാനന്ദയെ കുറ്റവിമുക്തനാക്കുകയും മൂന്ന് പേർക്ക് ശിക്ഷ വിധിക്കുകയും ചെയ്തിട്ടുണ്ട്. രാജസ്ഥാൻ പോലീസ് മുസ്ലിം തീവ്രവാദ സംഘടനകളാണ് സംഭവത്തിന് പിന്നിൽ എന്ന് കരുതിയതെങ്കിലും സിബിഐ അന്വേഷണത്തിലാണ് തീവ്രഹിന്ദുത്വ സംഘടനകളാണ് പിന്നിലെന്ന് തെളിഞ്ഞത്. മുഖ്യപ്രതി സുരേഷ് നായർ ആണ് ടിഫിൻ ബോക്സിൽ മൂന്ന് ബോംബുകൾ കൊണ്ടുവച്ചത്. കേസിൽ ഏതാനും പേരെ കൂടി പിടികൂടാനുണ്ട്.പരേതനായ…
Read Moreഓണ്ലൈനിലൂടെ വാങ്ങിയ പെൻ കാമറയ്ക്കു തകരാർ; നഷ്ടപരിഹാരം നൽകാൻ കോടതി
പുതുക്കാട്: ഓണ്ലൈനിലൂടെ വാങ്ങിയ പെൻ കാമറയ്ക്കു തകരാർ സംഭവിച്ചിട്ടും വാറന്റി നൽകാത്ത കന്പനിയോടു നഷ്ടപരിഹാരം നൽകാൻ ഉപഭോക്തൃ തർക്കപരിഹാര ഫോറത്തിന്റെ വിധി. തൃക്കൂർ മുൻ പഞ്ചായത്ത് അംഗവും പരിസ്ഥിതി പ്രവർത്തകനുമായ കെ.എസ്. സജീവനാണ് പരാതിക്കാരൻ. കാമറയുടെ വിലയായ 999 രൂപയും 5000 രൂപ നഷ്ടപരിഹാരവും 2000 രൂപ കോടതി ചെലവും നൽകണമെന്നാണു ഫോറത്തിന്റെ വിധി. മലപ്പുറം ചങ്ങരംകുളത്തെ ടോറ സ്കൈ സൂപ്പർ ഷോപ്പ് എന്ന സ്ഥാപനമാണു നഷ്ടപരിഹാരം നൽകേണ്ടത്. ഈ സ്ഥാപനത്തിന്റെ പരസ്യം ടെലിവിഷനിൽ കണ്ടാണ് കാമറ വാങ്ങിയത്. വാറന്റി ലഭ്യമാക്കാൻ കാമറ നൽകി രണ്ടുവർഷം കഴിഞ്ഞിട്ടും കന്പനി കാമറയോ പണമോ തിരിച്ചുനൽകാത്തതിനെ തുടർന്നാണ് കേസ് നൽകിയത്. വക്കീലിന്റെ സഹായമില്ലാതെ പരാതിക്കാരൻ തന്നെയാണ് കേസ് വാദിച്ച് അനുകൂല വിധി സന്പാദിച്ചത്.
Read More