പേരാമ്പ്ര: പ്ലാന്റേഷൻ കോർപ്പറേഷന്റെ പേരാമ്പ്ര എസ്റ്റേറ്റിൽ കാട്ടുപോത്തിനെ കൊന്നു ഇറച്ചി വീതം വച്ചു ഭക്ഷിച്ച പ്രതികളെന്നു സംശയിക്കുന്ന രണ്ടു പേർ കൂടി പിടിയിൽ. ചക്കിട്ടപാറ ഗ്രാമപഞ്ചായത്തിലെ മുതുകാട് സ്വദേശികളായ സജി എന്ന സെബാസ്റ്റ്യൻ (48), കുട്ടൻ എന്ന സുനിൽ (38) എന്നിവർ കണ്ണൂർ ജില്ലയിലെ ആറളം ഫാം മേഖലയിൽ നിന്നാണു ഫോറസ്റ്റധികൃതരുടെ വലയിലായത്. പെരുവണ്ണാമുഴി റെയ്ഞ്ചർ ടി. റഹീസ് അറസ്റ്റു ചെയ്തവരെ പയ്യോളി കോടതിയിൽ ഹാജരാക്കി റിമാന്റ് ചെയ്തു. നേരത്തെ ഈ കേസിൽ തയ്യിൽ ജയ്മോൻ എന്ന യുവാവിനെ പിടിച്ചുകൊണ്ടുപോയ വനപാലകരുടെ നടപടിക്കെതിരെ വൻ പ്രതിഷേധമുയര്ന്നിരുന്നു. ഇതിനെ തുടർന്നു അമ്മയുടെ നിരാഹാര സമരമടക്കം പ്രക്ഷോഭവും അരങ്ങേറിയിരുന്നു. വൻ പ്രമാണിമാരടക്കം അൻപതിൽപ്പരം പേർക്കു ഇറച്ചികിട്ടിയിട്ടുണ്ടെന്നാണു നാട്ടിൽ പ്രചരിക്കുന്നത്. കാട്ടു പോത്തിറച്ചി ഭക്ഷിച്ചാണ് പലരും ഓണം ആഘോഷിച്ചതെന്ന സൂചനയും ലഭിക്കുന്നുണ്ട്. അന്വേഷണത്തിൽ വെള്ളം ചേർക്കാതെ മുഴുവൻ പ്രതികളെയും പക്ഷഭേദം കൂടാതെ…
Read MoreCategory: Kozhikode
ആര്പിഎഫ് പിടികൂടിയ രണ്ടു കോടിയുടെ സ്വര്ണത്തിന് 11 ലക്ഷം പിഴയടച്ചു; പിഴയടപ്പിച്ചത് ജിഎസ്ടി വിഭാഗം
കോഴിക്കോട്: ട്രെയിനില് കടത്തവെ ആര്പിഎഫ് പിടികൂടിയ 6.164 കിലോഗ്രാം സ്വര്ണത്തിന് ജിഎസ്ടി വിഭാഗം ഉടമസ്ഥനില് നിന്ന് 11 ലക്ഷം പിഴ ഈടാക്കി. മുംബൈ സ്വദേശിയായ സായ് ശിവം ജ്വല്ലേഴ്സ് ഉടമയില് നിന്നാണ് പിഴ ഈടാക്കിയത്. പിഴ അടച്ചതിനെ തുടര്ന്ന് സ്വര്ണം ഇന്നലെ ഉടമസ്ഥന് തിരിച്ചു നല്കി. കഴിഞ്ഞ വെള്ളിയാഴ്ചയാണ് 1.94 കോടി രൂപയുടെ സ്വര്ണം ആര്പിഎഫ് പിടികൂടിയത്. നികുതി വെട്ടിച്ചു കടത്തിയതിനാല് ഇവ പിന്നീട് ജിഎസ്ടി വിഭാഗത്തിന് ആര്പിഎഫ് കൈമാറുകയായിരുന്നു. സ്വര്ണത്തിന് 11 ലക്ഷം രൂപ പിഴ ഈടാക്കികൊണ്ടുള്ള നോട്ടീസ് ജിഎസ്ടി വിഭാഗം ശനിയാഴ്ച തന്നെ അയച്ചിരുന്നു. മഹാരാഷ്ട്ര സ്വദേശി രാജു (32) മംഗള എക്സ്പ്രസില് കൊണ്ടുവരുന്നതിനിടെയാണ് ആര്പിഎഫ് സ്വര്ണം പിടികൂടിയത്. ദുരിതാശ്വാസത്തിന്റെ മറവില് ട്രയിന് വഴി നികുതി വെട്ടിച്ച് സാധനങ്ങള് കടത്തുന്നുണ്ടെന്ന വിവരത്തിന്റെ അടിസ്ഥാനത്തിലായിരുന്നു പരിശോധന ശക്തമാക്കിയത്. ഉത്തര്പ്രദേശിലെ മുസാഫിര് നഗറില് നിന്ന് കൊച്ചുവേളിയിലേക്ക് നികുതി…
Read Moreമത്സരിക്കാത്തയാളെ ജില്ലാ ടീമിൽ ഉൾപ്പെടുത്തി സംസ്ഥാന ത്രോബോൾ മത്സരത്തിൽ പങ്കെടുപ്പിച്ചെന്ന് ആക്ഷേപം
നാദാപുരം: ജില്ലാ മത്സരത്തിൽ പങ്കെടുക്കാത്തയാളെ സംസ്ഥാന മത്സരത്തിൽ പങ്കെടുപ്പിച്ചതായി ആക്ഷേപം. എറണാകുളത്ത് കഴിഞ്ഞ ആഴ്ച നടന്ന സംസ്ഥാന ത്രോ ബോൾ മത്സരത്തിൽ പങ്കെടുത്ത മലബാറിലെ ഒരു ടീമിനെക്കുറിച്ചാണ് പരാതി. പെൺകുട്ടികളുടെ വിഭാഗത്തിൽ മത്സരിച്ച ടീമിനെപ്പറ്റിയാണ് പരാതി. രണ്ടാഴ്ച മുമ്പ് നടന്ന ജില്ലാതല ടൂർണമെന്റിൽ പന്ത്രണ്ടോളം ടീമുകളാണ് മത്സരിച്ചത്. അതിൽ പെൺകുട്ടികളുടെ വിഭാഗത്തിൽ വിജയികളായ ടീമിൽ നിന്ന് ഒൻപത് പേർക്ക് സെലക്ഷൻ കിട്ടിയിരുന്നു. എന്നാൽ അവരിൽ നിന്ന് ഒരാളെ തഴഞ്ഞ് ജില്ലാ തല മത്സരത്തിൽ പങ്കെടുക്കാത്ത മറ്റൊരാളെ സംസ്ഥാന മത്സരത്തിനുള്ള ജില്ലാ ടീമിൽ ഉൾപ്പെടുത്തുകയായിരുന്നു. പ്രാഥമിക മത്സരത്തിൽ പങ്കെടുക്കാത്തവരെ ഉയർന്ന തലത്തിലേക്ക് തെരഞ്ഞെടുക്കാൻ പാടില്ലെന്ന നിയമം നിലനിൽക്കെയാണ് ഗ്രൗണ്ടിലിറങ്ങി മത്സരിച്ച് ഒന്നാം സ്ഥാനം നേടിയ ഒരു കുട്ടിയെ മാത്രം ഒഴിവാക്കി മത്സരിക്കാത്തയാളെ സംസ്ഥാന മത്സരത്തിനയച്ചത്. ജില്ലാ ത്രോ ബോൾ അസോസിയേഷന്റെ കീഴിൽ നടത്തിയ ടീം സെലക്ഷനിലാണ് അർഹതയില്ലാത്ത കുട്ടിയെ…
Read More“ഒറ്റ ടയറു’മായി സ്കൂള് ബസുകൾ ; സ്കൂള് വിദ്യാര്ഥികളുടെ ജീവന് പുല്ലുവിലയുമായി സ്വകാര്യ സർവീസ് സ്കൂൾ ബസുകൾ
കോഴിക്കോട്: സ്കൂള് വിദ്യാര്ഥികളുടെ ജീവന് പുല്ലുവിലയുമായി സ്വകാര്യ വാഹനങ്ങള്. പിഞ്ചു കുഞ്ഞുങ്ങളെ കുത്തിനിറച്ചും അപകടകരമാംവിധത്തിലുമാണ് സ്കൂള് വാഹനങ്ങള് യാത്ര തുടരുന്നത്. നാലുചക്രമുള്ള ചെറിയ ബസുകളും വാനുകളുമാണ് ഇത്തരത്തില് അപകടകരമാം വിധം യാത്ര തുടരുന്നത്. ഇത്തരത്തിലുള്ള ബസുകളില് അനുവദനീയമായതിലും കൂടുതല് കുട്ടികളെ നിറച്ചുള്ള യാത്ര പലപ്പോഴും അപകടങ്ങള്ക്ക് വഴിയൊരുക്കുന്നുണ്ടെങ്കിലും ഇത് തടയാന് മോട്ടോര്വാഹനവകുപ്പിനും പോലീസിനും സാധിക്കുന്നില്ല. ബസിന്റെ ബോഡിയുടെ ഭാരം ടയറുകള്ക്ക് താങ്ങാനാവാതെയാണ് ഇത്തരം ബസുകള് മറിയുന്നത്. അപകടമുണ്ടാവുമ്പോള് മാത്രം നടപടിയുമായി രംഗത്തെത്തുന്ന അധികൃതര് ഇത്തരം വാഹനങ്ങളെ സ്കൂള് വാഹനങ്ങളുടെ ഗണത്തില്നിന്നും മാറ്റാന് തയാറാവുന്നില്ല. അതേസമയം, മോട്ടോര്വാഹന വകുപ്പിന്റെ പരിശോധന പൂര്ത്തിയായ വലിയ വാഹനങ്ങള് മാത്രമാണ് സ്കൂള് വാഹനങ്ങളായി ഉപയോഗിക്കുന്നുള്ളൂവെന്ന് എൻഫോഴ്സ്മെന്റ് ആർടിഒ സി.ജെ. പോള്സണ് പറഞ്ഞു. മറ്റു സ്വകാര്യ വാഹനങ്ങള് സ്കൂളില്നിന്നും കുട്ടികളുമായി പോകുന്നുണ്ടെങ്കില് അത് നിയമവിരുദ്ധമാണ്. സ്കൂള് വാഹനങ്ങള്ക്ക് സമാനമായ രീതിയില് കുട്ടികളുമായി പോവുന്ന അനധികൃത…
Read Moreമത്സരക്കച്ചവടം..!മുക്കത്ത് കോഴിയിറച്ചി; ചെറുവാടിയിൽ മത്സ്യം; കോഴിയിറച്ചിക്ക് 100; ചെറുവാടിയിൽ ഐക്കൂറ 200-250
മുക്കം: മത്സരംമുറുകിയതോടെ മുക്കത്തും പരിസര പ്രദേശങ്ങളിലും കോഴിയിച്ചി വില ഗണ്യമായി കുറഞ്ഞു. മുക്കം ടൗണിൽ കോഴിക്ക് 70 രൂപയും കോഴിയിറച്ചിക്ക് 100 രൂപയുമാണിപ്പോഴത്തെ വില. നെല്ലിക്കാപറമ്പ് ജികെഎസ് ചിക്കൻ സ്റ്റാളിൽ കഴിഞ്ഞ ദിവസം മുതൽ കോഴിയിറച്ചി വില 100 രൂപയാക്കി കുറച്ചിരുന്നു. ഇതോടെ സമീപ പ്രദേശങ്ങളിലും കോഴിയിറച്ചിക്ക് വില കുറയ്ക്കുകയായിരുന്നു. വില കുറച്ചതോടെ ദൂര സ്ഥലങ്ങളിൽ നിന്നടക്കം നിരവധി പേരാണ് നെല്ലിക്കാപറമ്പിലും മുക്കത്തുമൊക്കെയായി എത്തുന്നത്. ഒരാഴ്ച മുൻപ് വരെ 180 രൂപയായിരുന്നു വില. രണ്ടാഴ്ച മുൻപ് ചെറുവാടി ചുള്ളിക്കാപറമ്പിൽ മത്സ്യ കച്ചവടവും മത്സരമായതോടെ വില ഗണ്യമായി കുറഞ്ഞിരുന്നു. നാട്ടുകാരായ കച്ചവടക്കാർക്കിടയിലേക്ക് കോഴിക്കോട് സ്വദേശികൾ കച്ചവടവുമായെത്തിയതോടെയാണ് ഇവിടെ മത്സ്യ വില കുറഞ്ഞത്. 600 മുതൽ800 രൂപ വരെയുണ്ടായിരുന്ന ആവോലി, അയ്ക്കൂറ ഉൾപ്പെടെയുള്ള മത്സ്യങ്ങൾക്ക് ഇപ്പോൾ 200 മുതൽ 250 വരെയാണ് വില. അയല, മത്തി ഉൾപ്പെടെയുള്ള ചെറിയ മത്സ്യങ്ങൾക്ക്…
Read Moreഅമിത ജോലിഭാരം; അബ്ദുൾ നാസറിന്റെ മരണത്തിൽ ദുരൂഹത; ജുഡീഷ്യൽ അന്വേഷണം വേണമെന്ന് വിവിധ സംഘടനകൾ
മഞ്ചേരി: ഇന്നലെ വീടിനകത്ത് തൂങ്ങിമരിച്ച നിലയിൽ കണ്ടെത്തിയ ചുങ്കത്തറ കമ്മ്യൂണിറ്റി ഹെൽത്ത് സെന്റർ ഫാർമസിസ്റ്റ് അബ്ദുൾ നാസറിന്റെ മരണത്തിൽ ദുരൂഹതയുണ്ടെന്നും സംഭവത്തിൽ ജുഡീഷ്യൽ അന്വേഷണം നടത്തണമെന്നും ഐഎൻടിയുസി സംസ്ഥാന സെക്രട്ടറി വി.പി.ഫിറോസ്, സ്റ്റേറ്റ് എംപ്ലോയീസ് യൂണിയൻ ജില്ലാ സെക്രട്ടറി വി.പി.ഷമീർ എന്നിവർ ആവശ്യപ്പെട്ടു. അമിത ജോലി ഭാരമാണ് അബ്ദുൾ നാസറിനെ മരണത്തിലേക്ക് തള്ളിവിട്ടതെന്നു ഇവർ പറഞ്ഞു. ഇക്കഴിഞ്ഞ ജൂണ് 23നാണ് അബ്ദുൾനാസർ ജോലിയിൽ പ്രവേശിച്ചത്. മങ്കട പള്ളിപ്പുറം സ്വദേശിയായ നാസറിനെ സമീപ പ്രദേശമായ ആനക്കയത്തും മഞ്ചേരിയിലും ഒഴിവുണ്ടായിരിക്കെ അന്പതോളം കിലോമീറ്റർ അകലെയുള്ള കോട്ടോപ്പാടം സിഎച്ച്സിയിലേക്ക് മാറ്റിയത് ഭരണാനുകൂല സംഘടനയിൽ അംഗത്വമെടുക്കാത്തതിനെന്ന് ആരോപണമുണ്ട്. ജോലിഭാരം താങ്ങാനാവാതെയാണ് അബ്ദുൾനാസർ ആത്മഹത്യ ചെയ്തതെന്നാരോപിച്ച് വിവിധ സംഘടനകൾ മുന്നോട്ടു വന്നിട്ടുണ്ട്.
Read Moreഅധികൃതരുടെ അനാസ്ഥ; അടയ്ക്ക പറിക്കുന്നതിനിടെ യുവാവ് ഷോക്കേറ്റ് മരിച്ച സംഭവം; അന്വേഷണം വേണമെന്ന് നാട്ടുകാർ പറയുന്നതിന്റെ കാരണം ഇങ്ങനെ…
പേരാമ്പ്ര: അടയ്ക്ക പറിക്കുന്നതിനിടെ കുടുംബനാഥൻ ഷോക്കേറ്റ് മരിച്ച സംഭവത്തിൽ സമഗ്ര അന്വേഷണം വേണമെന്ന് നാട്ടുകാർ. ഓട്ടോ ഡ്രൈവറായ ചക്കിട്ടപാറ പിള്ളപെരുവണ്ണയിലെ ഇടിക്കുഴി മുകളേല് ഷിബു (42) ആണ് കഴിഞ്ഞ ദിവസം മരിച്ചത്. അലൂമിനിയം ഗോവണി ഉപയോഗിച്ച് കമുകില് കയറി അടയ്ക്ക പറിക്കാനുള്ള ശ്രമത്തിനിടെ സമീപത്തെ ഹൈടെന്ഷന് ലൈനില് നിന്ന് ഷോക്കേല്ക്കുകയായിരുന്നു. ഷോക്കേറ്റ് വീണ ഷിബുവിനെ പിടിച്ച ഭാര്യ ജിൻസിക്കും ഗുരുതര പരിക്കേറ്റിരുന്നു. ഇവർ ഇപ്പോൾ കോഴിക്കോട് സ്വകാര്യ ആശുപത്രിയിൽ ചികിത്സയിലാണ്. അപകടം നടന്ന ഭാഗത്ത് 11 കെവി ലൈൻ വളരെ താഴ്ന്നാണുള്ളത്. ഇരു വശത്തും മരങ്ങൾ ലൈനിനോട് ചേർന്നാണുള്ളത്. അപകടം നടന്ന കമുകും വൈദ്യുതി ലൈനും തമ്മിലുള്ള അകലം 70 സെന്റിമീറ്ററിൽ താഴെയാണ്. പെരുവണ്ണാമൂഴി ചക്കിട്ടപാറ റൂട്ടിൽ 40 വർഷം മുമ്പ് സ്ഥാപിച്ച ലൈനാണിത്. അന്നിവിടം നെൽവയലാണ്. പിന്നീടിവിടം കൃഷിഭൂമിയായി. വീടുകളും വന്നു. ലൈനിന്റെ ചുവട്ടിലടക്കം റബറും…
Read Moreപയ്യോളിയിലെ കോണ്ഗ്രസ് സൊസൈറ്റി ബിജെപിക്ക് “വിറ്റതായി’ ആരോപണം; പിന്നില് തിക്കോടി ഗ്രാമപഞ്ചായത്തംഗം..?
പയ്യോളി: കീഴൂര് കേന്ദ്രമായി പ്രവര്ത്തിക്കുന്ന കോണ്ഗ്രസ് നിയന്ത്രണത്തിലുള്ള സൊസൈറ്റി ബിജെപിക്ക് “വിറ്റ’തായി ആരോപണം. 2012 നു പയ്യോളി, തുറയൂര് പഞ്ചായത്തുകള് പ്രവര്ത്തന മേഖലയായി നിശ്ചയിച്ച് പ്രവര്ത്തനം തുടങ്ങിയ കീഴൂരിലെ അഗ്രികള്ചറല് ഇംപ്രൂവ്മെന്റ് സൊസൈറ്റിയാണ് കോണ്ഗ്രസ്സിന്റെ നിയന്ത്രണത്തില് നിന്ന് മാറി ബിജെപി നിയന്ത്രണ ഭരണസമിതിയുടെ കീഴിലായത്. ഈ ഇടപാടുമായി ബന്ധപ്പെട്ട് ലക്ഷങ്ങളുടെ അഴിമതി നടന്നതായി കോണ്ഗ്രസ് പ്രവര്ത്തകര് ആരോപണം ഉന്നയിക്കുന്നുണ്ട്. സംഭവത്തിന് പിന്നില് തിക്കോടിയിലെ കോണ്ഗ്രസ് ഗ്രാമപഞ്ചായത്ത് അംഗമാണെന്നാണ് പ്രധാന ആരോപണം. സൊസൈറ്റി രൂപീകരണകാലം മുതല് സജീവമായി പ്രവര്ത്തിക്കുന്ന ഇയാള് സൊസൈറ്റി ഭരണസമിതിയെ കബളിപ്പിച്ച് രഹസ്യമായി ബിജെപി പ്രവര്ത്തകര്ക്ക് അംഗത്വം നല്കി സൊസൈറ്റി കയ്യിലാക്കാന് ബിജെപിക്ക് ഒത്താശ ചെയ്തതായാണ് കോണ്ഗ്രസ്സ് പ്രവര്ത്തകരുടെ ആരോപണം. ഇത് സംബന്ധിച്ച് സൊസൈറ്റിയുടെ മുന് പ്രസിഡന്റ് കുറ്റിയില് ഗോപാലന് ജില്ലാ കോണ്ഗ്രസ്സ് നേതൃത്വത്തിന് രേഖാമൂലം പരാതി നല്കി. ബിജെപിയുടെ തുറയൂര്, പയ്യോളി മേഖലകളിലെ മുതിര്ന്ന…
Read Moreഎടപ്പാളിൽ കാണാതായ യുവതിയെയും കുഞ്ഞിനെയും കുംഭകോണത്ത് കണ്ടെത്തി; മൂന്നു ദിവസം മാത്രം മുമ്പ് ഫേസ്ബുക്കിലൂടെ പരിചയപ്പെട്ട യുവാവിനോടൊപ്പം താൻ ഒളിച്ചോടിയതാണെന്ന് യുവതി
ചങ്ങരംകുളം: രണ്ടു മാസം മുന്പ് എടപ്പാളിൽ നിന്നു കാണാതായ യുവതിയെയും കുഞ്ഞിനെയും തമിഴ്നാട്ടിലെ കുംഭകോണത്ത് കണ്ടെത്തി. ഡോക്ടറെ കാണാനെന്നു പറഞ്ഞു വീട്ടിൽ നിന്നിറങ്ങിയ ഇരുപത്തിരണ്ടുകാരിയായ യുവതിയെയും രണ്ടു വയസുള്ള മകനെയുമാണ് കാണാതായത്. തുടർന്നു ഭർത്താവ് നൽകിയ പരാതിയിൽ പോലീസ് നടത്തിയ അന്വേഷണത്തിലാണ് തഞ്ചാവൂർ കുംഭകോണത്ത് വച്ച് കാസർഗോഡ് സ്വദേശിയായ യുവാവിനൊപ്പം യുവതിയെയും കുഞ്ഞിനെയും കണ്ടെത്തിയത്. മൂന്നു ദിവസം മാത്രം ഷെയർ ചാറ്റ് ചെയ്ത് പരിചയപ്പെട്ട കാസർഗോഡ് സ്വദേശിയായ യുവാവിനൊപ്പം ഒളിച്ചോടിയതാണെന്നു യുവതി സമ്മതിച്ചിട്ടുണ്ട്. കഴിഞ്ഞ ദിവസം തഞ്ചാവൂരിൽ മൂവരും ഉണ്ടെന്നറിഞ്ഞു സ്ഥലത്തെത്തിയ പോലീസ് ഇവരെ കസ്റ്റഡിയിലെടുക്കുകയായിരുന്നു. തിരൂർ ഡിവൈഎസ്പി ബിജുഭാസ്കറുടെ നേതൃത്വത്തിൽ ചങ്ങരംകുളം എസ്ഐ മനോജ്കുമാർ ആണ് അന്വേഷണം നടത്തിയിരുന്നത്. അഡീഷണൽ എസ്ഐ ബാബുരാജ്, എസ്സിപിഒ കുഞ്ഞിപ്പ, സിപിഒമാരായ രാജേഷ്, ശ്രീജിത്ത്, വിവേക്, അരുണ്, ആൻസി എന്നിവർ ചേർന്നാണ് ഇവരെ കണ്ടെത്തിയത്. ഇന്നു കോടതിയിൽ ഹാജരാക്കും.
Read Moreതെറ്റായ അക്കൗണ്ട് നമ്പര് രേഖപ്പെടുത്തി വില്ലേജ് ഓഫീസുകള്; പ്രളയത്തിന്ശേഷം ദുരിതബാധിതര്ക്ക് അധികൃതര് വക പരീക്ഷണം
കോഴിക്കോട്: ദുരിത ബാധിതര്ക്ക് സര്ക്കാര് പ്രഖ്യാപിച്ച ഒറ്റത്തവണ സഹായധനമായ പതിനായിരം രൂപ വിതരണം ചെയ്യുന്നതിന് വില്ലേജ് ഒാഫീസ് ഉദ്യോഗസ്ഥരുടെ അനാസ്ഥ . അതാത് പഞ്ചായത്ത് മെമ്പര്മാര് വഴി വില്ലേജ് ഓഫീസുകളില് നിന്നും നല്കിയ ലിസ്റ്റുകളിലെ ബാങ്ക് അക്കൗണ്ടുകള് എന്റര് ചെയ്തപ്പോഴുണ്ടായ വ്യത്യാസങ്ങളാണ് അര്ഹരായ പലര്ക്കും ആനുകൂല്യങ്ങള് നല്കുന്നതിന് തടസ്സം സൃഷ്ടിച്ചത്. പലരുടെയും ബാങ്ക് അക്കൗണ്ടുകള് തെറ്റായാണ് കമ്പ്യൂട്ടറുകളില് അടിച്ചുചേര്ത്തത്. ഇങ്ങനെയുള്ള ലിസ്റ്റുകള് താലൂക്ക് ഓഫീസുകളില് നിന്നും മടക്കി അയച്ചുകൊണ്ടിരിക്കുകയാണ്. ഒരേ വാര്ഡുകളിലെ ദുരിതാശ്വാസത്തിന് അര്ഹരായ ആളുകളില് ചിലര്ക്ക് പണം ലഭിക്കുകയും മറ്റ് ചിലര്ക്ക് ലഭിക്കാതിരിക്കുകയും ചെയ്തതോടെയാണ് പരാതികളുമായി പലരും വില്ലേജ് ഓഫീസുകളിലും താലൂക്ക് ഓഫീസുകളിലും ബന്ധപ്പെട്ടത്. ഒരു വട്ടം താലൂക്ക് ഓഫീസിലേക്ക് അയച്ച ലിസ്റ്റ് വീണ്ടും മാറ്റി അക്കൗണ്ട് നമ്പര് കറക്ട് ചെയ്ത് അയക്കേണ്ട അവസ്ഥയിലാണ് ഉദ്യോഗസ്ഥര് . ഇതുമൂലം അര്ഹതപ്പെട്ടവര്ക്ക് ആനൂകൂല്യം വൈകുകയും ചെയ്യുന്നു. വിവിധ…
Read More