മുക്കം( കോഴിക്കോട്): ആഴ്ചയില് അഞ്ചുദിവസവും മന്ത്രിമാര് തലസ്ഥാനത്ത് ഉണ്ടാവണമെന്ന മുഖ്യമന്ത്രിയുടെ നിര്ദേശത്തിനെതിരേ ഇടതുമുന്നണി പ്രാദേശിക ഘടകങ്ങളിലും മറ്റും എതിര്പ്പ് ശക്തമാകുന്നു. മന്ത്രിമാരെ ഉദ്ഘാടനത്തിനും പാര്ട്ടി പരിപാടികള്ക്കും മറ്റും മുന്പത്തെ പോലെ ലഭിക്കാത്തതാണ് എതിര്പ്പുയരാന് കാരണം. ഇതിലുള്ള നീരസം പല നേതാക്കളും മേല് ഘടകങ്ങളെ അറിയിച്ചതായാണ് സൂചന. സിപിഎം അണികള്ക്കിടയിലും പ്രാദേശിക നേതാക്കള്ക്കിടയിലും ഇടതുപക്ഷം ഭരിക്കുന്ന തദ്ദേശ സ്വയംഭരണ സ്ഥാപനങ്ങള്ക്കിടയിലുമാണ് മുഖ്യമന്ത്രിയുടെ നിര്ദേശത്തിനെതിരെ വലിയരീതിയിലുള്ള മുറുമുറുപ്പുകള് ഉയര്ന്നുവരുന്നത്. എല്ഡിഎഫ് മന്ത്രിസഭ അധികാരത്തിലേറിയപ്പോള് തന്നെ മുഖ്യമന്ത്രി പിണറായി വിജയന് മന്ത്രിമാര് ആഴ്ചയില് അഞ്ചു ദിവസമെങ്കിലും തലസ്ഥാനത്ത് ഉണ്ടാകണമെന്ന നിര്ദേശം വച്ചിരുന്നു. എന്നാല് പല മന്ത്രിമാരും ഇത് അനുസരിക്കാന് തയ്യാറായിരുന്നില്ല. കഴിഞ്ഞമാസം അടിയന്തരമായി ചേര്ന്ന മന്ത്രിസഭായോഗത്തില് ക്വാറം തികയാതെ വന്നത് വലിയ വിവാദമായ സാഹചര്യത്തില് ഈ നിര്ദേശം മുഖ്യമന്ത്രി വീണ്ടും ശക്തമായി ഉയര്ത്തുകയായിരുന്നു.പല ഭരണപരമായ കാര്യങ്ങള്ക്കും മന്ത്രിമാരെ കിട്ടുന്നില്ലെന്ന വിമര്ശനവും മുഖ്യമന്ത്രി…
Read MoreCategory: Kozhikode
കർണാടക വനം ഉദ്യോഗസ്ഥർ വണ്ടിക്കടവ് കോളനിയിലെ ആദിവാസി യുവാവിനുനേരെ നിറയൊഴിച്ചതായി പരാതി
പുൽപ്പള്ളി: പ്രാഥമികാവശ്യത്തിനു കാട്ടിൽ കയറിയ യുവാവിന് നേരെ കർണാടക വനം ഉദ്യോഗസ്ഥർ നിറയൊഴിച്ചതായി പരാതി. കേരള-കർണാടക അതിർത്തിയിലെ വണ്ടിക്കടവ് ആദിവാസി കോളനിയിൽ നാരായണന്റെ മകൻ വിനോദിനു (25) നേരെയാണ് ഇന്നലെ വൈകുന്നേരം അഞ്ചരയോടെ വനം ഉദ്യോഗസ്ഥർ വെടിവച്ചത്. ഉന്നം പിഴച്ചതിനാൽ വിനോദ് രക്ഷപ്പെട്ടു. അതിർത്തിയിലൂടെ ഒഴുകുന്ന കന്നാരംപുഴയിൽ കൂട്ടുകാരനായ ബിജുവിനോടൊപ്പം കുളിക്കാനെത്തിയപ്പോഴാണ് വിനോദ് പ്രാഥമികാവശ്യം നിറവേറ്റുന്നതിനായി വനത്തിൽ പ്രവേശിച്ചത്. ബേഗൂർ റേഞ്ചിലെ വാച്ചർ തോക്കുചൂണ്ടിയതു കണ്ട് ഓടിയതാണ് വിനോദിനു രക്ഷയായത്. ഓട്ടത്തിനിടെ വീണ വിനോദിന്റെ കൈകാലുകളിൽ പരിക്കുണ്ട്. സംഭവത്തെത്തുടർന്ന് വിനോദ് കോളനിക്കാർക്കും നാട്ടുകാർക്കുമൊപ്പം പോലീസ് സ്റ്റേഷനിലും വണ്ടിക്കടവ് ഫോസ്റ്ററ്റ് ഓഫീസിലും എത്തി പരാതി നൽകി. കേസെടുത്ത പോലീസ് അന്വേഷണം ആരംഭിച്ചു. നിറയൊഴിച്ച വാച്ചർക്കെതിരെ കർണാടക വനം വകുപ്പും നടപടി സ്വീകരിച്ചതായി സൂചനയുണ്ട്.
Read Moreപാതിരാത്രി ബോർഡ് നശിപ്പിച്ച സംഭവം; ലീഗ് മണ്ഡലം സെക്രട്ടറി ഒ.കെ.കുഞ്ഞബ്ദുള്ളയെ തൽസ്ഥാനത്ത് നിന്നു നീക്കി
വടകര: ലീഗ് വടകര മണ്ഡലം സെക്രട്ടറി ഒ.കെ.കുഞ്ഞബ്ദുള്ളയെ ജില്ലാ നേതൃത്വം തൽസ്ഥാനത്ത് നിന്നു നീക്കി. ഓർക്കാട്ടേരിയിൽ മദ്രസ അധ്യാപകനും ലീഗിന്റെ മുതിർന്ന നേതാവുമായ എ.വി.അബൂബക്കർ മൗലവിയെ ആദരിക്കുന്ന പരിപാടിക്ക് വേണ്ടി സ്ഥാപിച്ച ബോർഡ് പാതിരാത്രി നശിപ്പിച്ച സംഭവത്തിലാണ് നടപടി. ഇതു സംബന്ധിച്ച ജില്ലാകമ്മിറ്റിയുടെ കത്ത് വടകര മണ്ഡലം പ്രസിഡന്റിന് കൈമാറി. പാർട്ടിക്ക് ഏറെ ദോഷമുണ്ടാക്കിയ കുഞ്ഞബ്ദുള്ളക്കെതിരെ പാർട്ടിക്കകത്ത് ശക്തമായ എതിർപ്പ് ഉയർന്നിരുന്നു. സെക്രട്ടറിയെ മാറ്റണമെന്ന് മണ്ഡലത്തിലെ നാല് പഞ്ചായത്ത് കമ്മിറ്റികളും വടകര മുനിസിപ്പൽ കമ്മിറ്റിയും ഒറ്റക്കെട്ടായി ആവശ്യപ്പെടുകയുണ്ടായി. ഇതിനെ തുടർന്നാണ് കുഞ്ഞബ്ദുള്ളയെ പാർട്ടി സ്ഥാനങ്ങളിൽ നിന്നു മാറ്റി നിർത്തിയുള്ള നടപടി. കാർത്തികപള്ളി മഹല്ല് കമ്മിറ്റിയിലേക്ക് നടന്ന തെരഞ്ഞെടുപ്പിൽ ഒ.കെ.കുഞ്ഞബ്ദുള്ള സെക്രട്ടറിയായ പാനൽ തോൽക്കാൻ എ.വി.അബൂബക്കർ മൗലവി പ്രവർത്തിച്ചതിന്റെ പേരിലായിരുന്നു കുഞ്ഞബ്ദുള്ളയുടെ വിവാദ പ്രവൃത്തി. ഇദ്ദേഹം പാതിരാത്രി ഓർക്കാട്ടേരിയിൽ നിന്നു ബോർഡ് നശിപ്പിക്കുന്നത് സമീപത്തെ പള്ളിയിലെ സിസിടിവിയിൽ പതിഞ്ഞിരുന്നു.…
Read Moreകളഞ്ഞുകിട്ടിയ പഴ്സും പണവും തിരിച്ചുനൽകി യുവാവ് മാതൃകയായി; വളയം സ്വദേശി നിനീഷ് പോലീസ് സാന്നിധ്യത്തിലാണ് പഴ്സ് കൈമാറിയത്
നാദാപുരം:റോഡില് നിന്ന് ലഭിച്ച പണമടങ്ങിയ പഴ്സും, മൊബൈല് ഫോണും ഉടമയ്ക്ക് തിരിച്ചേല്പിച്ച് യുവാവ് മാതൃകയായി. വളയം സ്വദേശിയായ ഇടക്കണ്ടി നിനീഷാണ് ഞായറാഴ്ച വൈകുന്നേരം റോഡരികില് നിന്ന് ലഭിച്ച പഴ്സും പണവും എടച്ചേരി പോലിസില് ഏല്പിച്ചത്. എടച്ചേരി സ്വദേശിയായ സ്റ്റേഷന് പരിസരത്തെ പൂവത്താം കണ്ടി താഴകുനി ശശിയുടെ ഭാര്യ വിനീതയുടെതായിരുന്നു പഴ്സ്.ബൈക്കില് പോവുകയായിരുന്ന വിനീത മൊബൈല് ഫോണും പേഴ്സും ഒരു സഞ്ചിയില് ബൈക്കില് തൂക്കിയിട്ടതായിരുന്നു. പഴ്സില് യുവതിയുടെ പേരിലുള്ള ബാങ്ക് പാസ്സ് ബുക്ക് കണ്ടാണ് നിതീഷ് എടച്ചേരി സ്റ്റേഷനില് ഏല്പിച്ചത്. വളയത്ത് നിന്നും ബൈക്കില് വടകരയ്ക്ക് പോകും വഴി പുറമേരി പോപ്പി മുക്ക് പരിസരത്തുനിന്നാണ് നിനീഷിന് പണം കളഞ്ഞുകിട്ടുന്നത്. വിവരമറിയിച്ചതിനെ തുടര്ന്ന് സ്റ്റേഷനിലെത്തിയ യുവതിക്ക് പൊലിസുകാരനായ രാജന്റെ സാന്നിധ്യത്തില് നിനീഷ് പഴ്സ് കൈമാറി.
Read More’സേഫ് പൊന്നാനി’; വിവാഹസമ്മാനമായി പുതിയൊരു ആപ്ലിക്കേഷനുണ്ടാക്കി വിവാഹാഘോഷം വേറിട്ടതാക്കി സൽമാൻ
എടപ്പാൾ: വിവാഹസമ്മാനമായി പുതിയൊരു ആപ്ലിക്കേഷനുണ്ടാക്കി സൽമാൻ ശ്രദ്ധേയനാകുന്നു. സമൂഹത്തിനൊന്നാകെ ഗുണപരമായി മാറുന്ന ആൻഡ്രോയിഡ് ആപ്ലിക്കേഷൻ അവതരിപ്പിച്ചാണ് പൊന്നാനി സ്വദേശിയായ സയ്യിദ് സൽമാൻ വിവാഹാഘോഷം വേറിട്ടതാക്കിയത്. ജനങ്ങളുടെ ഏതുതരത്തിലുള്ള പരാതിയും ഏതുസമയത്തും ഫോട്ടോ, വീഡിയോ, ഓഡിയോ സഹിതം പോലീസിൽ അറിയിക്കാമെന്നതാണ് ’സേഫ് പൊന്നാനി’ ആപ്ലിക്കേഷന്റെ പ്രത്യേകത. കൂടാതെ സ്ത്രീകൾ ആക്രമിക്കപ്പെടുമെന്ന സാഹചര്യത്തിൽ ആപ്പിലെ പാനിക് ബട്ടന്റെ സഹായത്തോടെ പോലീസിനെ തത്സമയം വിവരമറിയിക്കാം.പോലീസിന് ഇവരുടെ സ്ഥലമറിഞ്ഞ് പിന്തുടരാനുള്ള സംവിധാനവും ഇതിലുണ്ട്. വിവിധ കുറ്റകൃത്യങ്ങളിൽപെട്ട് ഒളിവിൽ കഴിയുന്നവരോ പോലീസ് തേടുന്നവരോ ആയ വ്യക്തികളെക്കുറിച്ചുള്ള വിവരങ്ങൾ ലഭ്യമാകുന്ന വാണ്ടഡ് ലിസ്റ്റ്, കാണാതായവരെക്കുറിച്ചുള്ള വിവരങ്ങൾ ഉൾക്കൊള്ളിച്ചുള്ള മിസിങ് ലിസ്റ്റ്, അടിയന്തര അറിയിപ്പുകൾ കൈമാറാനുള്ള ജനങ്ങളറിയാൻ എന്ന സംവിധാനം, പൊതുജനങ്ങളറിയേണ്ട നിയമങ്ങൾ, മോട്ടോർവാഹന പിഴകളെക്കുറിച്ചുള്ള വിവരങ്ങൾ, സൈബർ കുറ്റകൃത്യങ്ങൾ ഉൾക്കൊള്ളിച്ചുള്ള സംവിധാനം, സേഫ്റ്റി ടിപ്സ് തുടങ്ങിയ നിരവധി വിവരങ്ങൾ ഉൾക്കൊള്ളിച്ചതാണ് ആപ്ലിക്കേഷൻ. പോലീസിൽ പരാതിപറയാൻ സ്റ്റേഷനിൽ…
Read Moreകോടിയേരിയുടെ ടി.പി.ചന്ദ്രശേഖരൻ അനുകൂല പ്രസംഗം; ടിപിയെ എന്തിന് കൊന്നു ? ഒഞ്ചിയത്തെങ്ങും ചോദ്യം അലയടിക്കുന്നു
വടകര: സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ ടി.പി.ചന്ദ്രശേഖരൻ അനുകൂല പ്രസംഗം നടത്തിയതോടെ ഒഞ്ചിയത്തെങ്ങും ഒരു ചോദ്യം അലയടിക്കുന്നു. ടിപിയെ എന്തിന് കൊന്നു എന്ന ചോദ്യം.ടിപിയെ വാഴ്ത്തിയുള്ള കോടിയേരിയുടെ പ്രസംഗം സിപിഎമ്മിന്റെ പരിഹാസ്യത വെളിപ്പെടുന്നതാണെന്നാണ് ആക്ഷേപം. സിപിഎമ്മിന്റെ വലതുപക്ഷ വ്യതിയാനത്തിനെതിരെ പടനയിച്ച് 2008ൽ പുറത്തുപോയ ചന്ദ്രശേഖരനെ കൊന്നുതള്ളിയവർ തന്നെ അദ്ദേഹത്തെ പുകഴ്ത്തുന്ന നിലപാട് സ്വീകരിച്ചത് എങ്ങും ചർച്ചയായിരിക്കുകയാണ്. കഴിഞ്ഞ ശനിയാഴ്ച രാത്രിയാണ് ഓർക്കാട്ടേരി കച്ചേരി മൈതാനിയിൽ രാഷ്ട്രീയ വിശദീകരണ യോഗത്തിൽ കോടിയേരി ബാലകൃഷ്ണൻ ആർഎംപിഐ നേതാവായിരുന്ന ചന്ദ്രശേഖരനെ വാഴ്ത്തി സംസാരിച്ചത്. ചന്ദ്രശേഖരൻ സിപിഎം നശിച്ചുകാണാൻ ആഗ്രഹിക്കാതിരുന്ന നേതാവായിരുന്നുവെന്നാണ് കോടിയേരിയുടെ പ്രതികരണം. ചന്ദ്രശേഖരൻ സിപിഎം വിരുദ്ധനായിരുന്നില്ലെന്നും പാർട്ടിയോട് അടുക്കാൻ ആഗ്രഹിച്ചിരുന്നെന്നും എന്നാൽ ആർഎംപിഐയുടെ ഇപ്പോഴത്തെ നേതൃത്വം യുഡിഎഫുമായി അടുക്കാൻ ശ്രമിക്കുന്നുവെന്നുമായിരുന്നു കോടിയേരിയുടെ പ്രസംഗം. ആർഎംപിഐ നേതാക്കളെ മാറ്റി നിർത്തി അണികളെ സിപിഎമ്മിലേക്ക് അടുപ്പിക്കാൻ വേണ്ടി പ്രസംഗിച്ച കോടിയേരി ചന്ദ്രശേഖരനെ…
Read Moreകുലം കുത്തി പ്രയോഗം തിരുത്തി പിണറായി വിജയൻ ജനങ്ങളോട് മാപ്പ് പറയണം: എൻ.വേണു
കോഴിക്കോട്: കുലംകുത്തി പ്രയോഗം തിരുത്തി പിണറായി വിജയൻ ജനങ്ങളോട് മാപ്പ് പറയണമെന്ന് ആ ർഎംപിഐ സംസ്ഥാന സെക്രട്ടറി എൻ.വേണു പറഞ്ഞു. ടിപി വധം സിപിഎം നേതാക്കളെ വിടാതെ പിൻതുടരു ബോൾ കൊലയാളി പാർട്ടി എന്ന നിലയിൽ അവർ ജനങ്ങളിൽ നിന്നും ഒറ്റപ്പെട്ടുകൊണ്ടിരിക്കുകയാണ്. ടിപിയുടെ നിലപാടിൽനിന്നും ആർഎംപിഐ വ്യതിചലിച്ചെന്ന കോടിയേരിയുടെ വിമർശനം വൈകിയാണെങ്കിലും ടിപിയെയും അദ്ദേഹത്തിന്റെ പാർട്ടിയെയും അ ഗീകരിക്കാൻ സിപിഎം നിർബന്ധിതമായതിന്റെ തെളിവാണ് ആർഎംപിഐക്കെതിരെ കഴിഞ്ഞ 10 വർഷമായി നിരന്തര അക്രമണങ്ങും അപവാദ പ്രചാരണങ്ങളും നടത്തിയിട്ടും പാർട്ടിയെ ഒരു പോറലേല്പ്പിക്കാനം കഴിഞ്ഞില്ല എന്നു മാത്രമല്ല അഖിലേന്ത്യാ അടിസ്ഥാനത്തിൽ പ്രവർത്തിക്കുന്ന രാഷ്ടീയ പാർട്ടിയായി മാറുകയും ചെയ്തു. പിണറായി സർക്കാർ അധികാരത്തിൽ വന്നതിനു ശേഷം സമാനതകളില്ലാത്ത ആക്രമണങ്ങളും കള്ളക്കേസുകളുമാണ് നേരിടേണ്ടി വന്നത് പോലീസ് കാഴ്ചക്കാരായി മാറുകയാണ്. ഈ ഫാസിസത്തെ നേരിടാൻ എല്ലാ ജനാധിപത്യ പ്രസ്ഥാനങ്ങളെയും യോജിപ്പിച്ച് കൊണ്ട് പ്രതിരോധം തീർക്കുമ്പോൾ…
Read Moreഡ്രൈവറുടെ ഫോൺവിളി; യാത്രക്കാരിക്ക് വീണു പരിക്ക്; നാട്ടുകാര് ബസ് തടഞ്ഞ് പോലീസില് ഏല്പ്പിച്ചു; ബസിൽ അനധികൃത “ഫാസ്റ്റ് ടൈം’ ബോര്ഡും
പയ്യോളി: മത്സര ഓട്ടത്തിനിടെ യാത്രക്കാരിക്ക് ബസില് വീണ് പരിക്കേറ്റതിനെ തുടര്ന്ന് ബസ് പോലീസ് കസ്റ്റഡിയില് എടുത്തു. ഡ്രൈവറുടെ മൊബൈല് വിളിയാണ് അപകട കാരണമെന്ന് മറ്റ് യാത്രക്കാര് പറഞ്ഞതോടെയാണ് നാട്ടുകാര് ബസ് തടഞ്ഞ് പോലീസില് ഏല്പ്പിച്ചത്. ബസ് ഡ്രൈവര് കണ്ണൂര് ചേലോറ മവ്വന് ചേരി മാവില വീട്ടില് ലിജു (37) വിനെതിരെ കേസെടുക്കുമെന്ന് പയ്യോളി എസ്ഐ എ.കെ. സജീഷ് പറഞ്ഞു. കോഴിക്കോട് നിന്ന് കണ്ണൂര്, കാസര്ഗോഡ് റൂട്ടിലോടുന്ന കെഎല്13 എജി 6375 ധന്യ ബസ് ഇന്നലെ വൈകീട്ട് ഏഴിന് പയ്യോളിയില് എത്തിയപ്പോഴാണ് സംഭവം നടന്നത്. ബസ് പയ്യോളി സ്റ്റാന്ഡില് കയറ്റാതെ ആളെ ഇറക്കി ധൃതിയില് പോകാന് ശ്രമിക്കുന്നതിനിടെയായിരുന്നു അപകടം. പെട്ടെന്ന് ബ്രേക്ക് ചെയ്തപ്പോള് ബസില് യാത്ര ചെയ്തിരുന്ന തലശ്ശേരിയിലേക്ക് ടിക്കറ്റ് എടുത്ത പ്രായം ചെന്ന സ്ത്രീ വീണ് കാലിന് പരിക്കേല്ക്കുകയായിരുന്നു. ഇതോടെ ക്ഷുഭിതരായ യാത്രക്കാര് ജീവനക്കാരുമായി തര്ക്കത്തിലായി. പ്രശ്നം…
Read Moreഇനി എന്താകുമോ എന്തോ? ഇടത് എംഎല്എമാര്ക്കും താത്പര്യമില്ല; ലൈറ്റ് മെട്രോയ്ക്ക് ഫുള്സ്റ്റോപ്പാകുന്നു
കോഴിക്കോട്: കോഴിക്കോട്ടുകാര് ഏറെ പ്രതീക്ഷയോടെ കാത്തിരുന്ന ലൈറ്റ് മെട്രോ എന്ന സ്വപ്നം ഇനി എന്താകുമെന്ന കാര്യം ചോദ്യചിഹ്നമാകുന്നു. ജില്ലയിലെ എല്ഡിഎഫ് എല്എല്എമാര് ഉള്പ്പെടെയുള്ളവര്ക്ക് നേരത്തെ തന്നെ ലൈറ്റ് മെട്രോയോട് താത്പര്യമില്ലായിരുന്നു. മേല്പ്പാലങ്ങളും വീതിയുള്ള റോഡുകളുമാണ് ജില്ലയില് വേണ്ടതെന്ന നിലപാടായിരുന്നു ഇടത് എംഎല്എമാര് തുടക്കം മുതലേ സ്വീകരിച്ചിരുന്നത്. അതുകൊണ്ടുതന്നെ ഈ സര്ക്കാര് കാലത്ത് ലൈറ്റ്മെട്രോ പ്രവര്ത്തനങ്ങള് മുന്നോട്ടുപോകാനുള്ള സാധ്യത ഇല്ല. പദ്ധതിയില്നിന്ന് പിന്മാറാന് ഡല്ഹി മെട്രോ റെയില് കോര്പറേഷന് (ഡിഎംആര്സി) തീരുമാനിച്ചതോടെ ലൈറ്റ് മെട്രോ യാഥാര്ഥ്യമാകില്ലെന്ന് ഇപ്പോള് ഉറപ്പാകുകയും ചെയ്തു. ലൈറ്റ് മെട്രോയുടെ പ്രവര്ത്തനങ്ങള്ക്ക് കോഴിക്കോട് ബൈപാസിലെ ഹൈലൈറ്റ് മാളില് പ്രവര്ത്തിച്ചിരുന്ന ഡിഎംആര്സിയുടെ ഓഫീസ് കഴിഞ്ഞ മാസം 28ന് അടച്ചുപൂട്ടിയിരുന്നു. ഈ ഓഫീസിലുള്ള വസ്തുക്കളെല്ലാം ഈ മാസം പതിനഞ്ചിനകം മാറ്റും. എല്ലാ ജീവനക്കാരെയും തിരിച്ചുവിളിച്ചുകഴിഞ്ഞു. മൂന്ന് എന്ജിനീയര്മാരടക്കം അഞ്ചു ജീവനക്കാരാണ് ഇവിടെ ഉണ്ടായിരുന്നത്. ഫെബ്രുവരി പതിനഞ്ചിനകം ലൈറ്റ്മെട്രോ സംബന്ധിച്ച്…
Read Moreവിനോദ യാത്രപോയ വിദ്യാർഥികളുടെ ബാഗിൽ അധ്യാപകർ മദ്യം കടത്തിയ സംഭവം; മൂന്നംഗ സമിതി അന്വേഷിക്കും; . ആരോപണങ്ങളെ തള്ളി അധ്യാപകർ
കോഴിക്കോട്: ചെമ്പ്കടവ് ഗവ.യുപി സ്കൂളില്നിന്ന് വിനോദ യാത്രപോയ വിദ്യാർഥികളുടെ ബാഗിൽ അധ്യാപകർ മദ്യം കടത്തിയ സംഭവം മൂന്നംഗ സമിതി അന്വേഷിക്കും. ജില്ലാ വിദ്യാഭ്യാസ ഡയറക്ടർ വിളിച്ച് ചേർത്ത സർവകക്ഷി യോഗത്തിലാണ് തീരുമാനം. സമിതി തിങ്കളാഴ്ച റിപ്പോർട്ട് സമർപ്പിക്കും. സ്കൂളില്നിന്ന് പഠനയാത്രക്ക് പോയ കുട്ടികളുടെ ബാഗില് അധ്യാപകര് മദ്യം കടത്തിയെന്നും അഴിയൂര് ചെക്ക് പോസ്റ്റ്കടവിന് സമീപത്തുവച്ച് എക്സൈസ് പിടികൂടിയെന്നുമായിരുന്നു ആരോപണം. ഇതേ തുടര്ന്ന് രണ്ട് അധ്യാപകരോടും ഒരു അനധ്യാപക ജീവനക്കാരനോടും അവധിയില് പോകാന് എഇഒ നിര്ദേശിച്ചിരുന്നു. ബാഗില്നിന്നും എക്സൈസ് ഒരു പൊതി കണ്ടെടുക്കുകയും ഇങ്ങനെയാണോ കുട്ടികള്ക്ക് അധ്യാപകര് മാതൃകയാവുന്നതെന്ന് ചോദിച്ചതായും കുട്ടികള് പറയുന്നു. ആരോപണങ്ങളെ അധ്യാപകരും അനധ്യാപകരും പൂര്ണമായും തള്ളി.
Read More