അഞ്ചല്: ഏരൂരില് പാമ്പുകടിയേറ്റ് ചികിത്സയിലായിരുന്ന രണ്ടാമനും മരിച്ചു. ഏരൂര് സ്വദേശി സജു രാജ് (35) ആണ് മരിച്ചത്. തെക്കേവയല് ഭാഗത്ത് കാടു വെട്ടിനീക്കുന്നതിനിടെ ഞായറാഴ്ചയാണ് സജുരാജിനു പാമ്പുകടിയേല്ക്കുന്നത്. പിന്നീട് സജുരാജിനെ അഞ്ചലിലെ സ്വകാര്യാശുപത്രിയിലും നില വഷളായതോടെ കൊട്ടിയത്തെ സ്വകാര്യാശുപത്രിയിലും പ്രവേശിപ്പിക്കുകയായിരുന്നു. വെന്റിലേറ്റര് സഹായത്തോടെയാണ് ജീവന് നിലനിര്ത്തിവന്നത്. എന്നാല് ഇന്നലെ രാത്രിയോടെ മരണപ്പെടുകയായിരുന്നു. ഇതോടെ പ്രദേശത്ത് പാമ്പുകടിയേറ്റ് മരിച്ചവരുടെ എണ്ണം രണ്ടായി. ഏരൂർ തെക്കേവയൽ മായാ വിലാസത്തിൽ രാമചന്ദ്രൻ ( 65 ) കഴിഞ്ഞ ദിവസം പാന്പുകടിയേറ്റ് മരിച്ചിരുന്നു. ഇക്കഴിഞ്ഞ 24 ന് ഉച്ചയോടെ വീടിനുസമീപത്ത് റോഡില് വച്ചായിരുന്നു പാമ്പുകടിച്ചത്. ഉടന് നാട്ടുകാര് അഞ്ചലിലെ സ്വകാര്യ ആശുപത്രിയില് പ്രവേശിപ്പിച്ചശേഷം പുനലൂര് താലൂക്ക് ആശുപത്രിയിലേക്കു മാറ്റി. താലൂക്കാശുപത്രിയിൽ ചികിത്സയില് ഇരിക്കെ കഴിഞ്ഞ ദിവസം മരിച്ചു.
Read MoreCategory: Edition News
വാർഡ് പുനർവിഭജനം;നഗരസഭയിലും കോര്പറേഷനിലും 10 ശതമാനം പോലും പട്ടികജാതി സംവരണ വാർഡുകളില്ല
കൊച്ചി: സംസ്ഥാനത്തെ തദ്ദേശ സ്വയം ഭരണ സ്ഥാപനങ്ങളായ നഗരസഭയിലും കോര്പറേഷനുകളിലും വാർഡ് പുനർവിഭജനം നടന്നപ്പോൾ പത്തു ശതമാനം പോലും പട്ടികജാതി സംവരണ സീറ്റുകളില്ല. തദ്ദേശ സ്വയം ഭരണ വകുപ്പ് 2024 സെപ്റ്റംബര് 10 ന് പുറത്തിറക്കിയ വിജ്ഞാപന പ്രകാരം സംസ്ഥാനത്തെ മുനിസിപ്പല് കോര്പറേഷന് വാര്ഡുകളുടെ എണ്ണവും അതില് എസ്സി/എസ്ടി സംവരണ വാര്ഡുകളും നിശ്ചയിച്ചിട്ടുണ്ട്. ഇതിലാണ് എസ്സി/എസ്ടി വിഭാഗത്തിന് പത്തു ശതമാനം പോലും സംവരണം ലഭിച്ചിട്ടില്ലെന്ന് വ്യക്തമാക്കുന്നത്. പട്ടികജാതി വിഭാഗങ്ങള്ക്ക് ഓരോ തദ്ദേശ സ്വയം ഭരണ സ്ഥാപനത്തിലും ലഭിക്കേണ്ട 10 ശതമാനം സംവരണം നിയമങ്ങളിലെ പഴുതുകളിലൂടെ അട്ടിമറിക്കപ്പെടുന്നുവെന്നാണ് ഈ കണക്കുകള് സൂചിപ്പിക്കുന്നത്.തിരുവനന്തപുരം കോര്പറേഷനില് നിലവില് 100 വാര്ഡുകളില് 10 പട്ടികജാതി സംവരണ സീറ്റുകള് ഉണ്ട്. എന്നാല് 2024 ലെ പുതിയ വിജ്ഞാപന പ്രകാരം 101 വാര്ഡുകള് നിലവില് വരുമ്പോള് സംവരണ സീറ്റുകള് ഒമ്പത് ആയി കുറഞ്ഞു. കൊല്ലം, തൃശൂര്…
Read Moreവയനാട്ടിൽ ഡിസിസി ട്രഷററും മകനും ആത്മഹത്യചെയ്ത സംഭവം അന്വേഷണത്തിനു പ്രത്യേകസംഘം
കല്പ്പറ്റ: വയനാട്ടിൽ ഡിസിസി ട്രഷറർ എൻ.എം. വിജയനും മകൻ ജിജേഷും ജീവനൊടുക്കിയ സംഭവത്തിൽ അന്വേഷണത്തിനായി പോലീസിന്റെ പ്രത്യേക സംഘം. ഉത്തരമേഖല ഡിഐജി രാജ്പാൽ മീണയുടെ നിർദേശപ്രകാരം രൂപീകരിച്ച ഏഴംഗസംഘമാണ് കേസ് അന്വേഷിക്കുന്നത്. ബത്തേരി ഡിവൈഎസ്പി കെ.കെ. അബ്ദുൾ ഷെരീഫിനാണ് അന്വേഷണച്ചുമതല. കോൺഗ്രസ് ഭരിക്കുന്ന സഹകരണ സംഘങ്ങളിൽ നിയമനം വാഗ്ദാനംചെയ്ത് കോഴവാങ്ങിയതുമായി ബന്ധപ്പെട്ട് ഉയര്ന്ന ആരോപണങ്ങളാണോ ആത്മഹത്യയിലേക്കു നയിച്ചതെന്ന കാര്യമാണ് അന്വേഷിക്കുന്നത്. എൻ.എം. വിജയനെ ഇടനിലക്കാരനാക്കി 1.18 കോടി രൂപ ഉദ്യോഗാർഥികളിൽനിന്ന് കോൺഗ്രസ് നേതാക്കൾ കോഴവാങ്ങിയെന്നാണ് ആക്ഷേപം. കബളിപ്പിക്കപ്പെട്ടതോടെ ബാധ്യത വിജയന്റെ ചുമലിലായി. നേതാക്കൾ വാങ്ങിയ പണം ഉദ്യോഗാർഥികൾക്കു തിരികെ നൽകുന്നതിൽ ഇടപെടണമെന്ന് ആവശ്യപ്പെട്ട് വിജയൻ കെപിസിസി പ്രസിഡന്റ് കെ. സുധാകരനു കത്ത് നൽകിയെങ്കിലും നടപടി ഉണ്ടായിട്ടില്ലെന്നും ആരോപണമുയര്ന്നിട്ടുണ്ട്. ഈ മാസം 24-നാണ് വിജയനെയും മകനെയും വിഷം കഴിച്ച നിലയിൽ വീടിനുള്ളിൽ കണ്ടെത്തിയത്. കോഴിക്കോട് മെഡിക്കല് കോളജില് ചികില്സയിലിരിക്കേയായിരുന്നു…
Read Moreകാട്ടാന നിയന്ത്രണം: പ്രത്യേക പദ്ധതി തയാറാക്കി ഇടുക്കി പാക്കേജില് ഉള്പ്പെടുത്തുമെന്ന് മന്ത്രി റോഷി അഗസ്റ്റിൻ
തൊടുപുഴ; മുള്ളരിങ്ങാട് മേഖലയിലെ കാട്ടാന ശല്യം നിയന്ത്രിക്കാന് ഇടുക്കി പാക്കേജില് ഉള്പ്പെടുത്തി പദ്ധതി തയാറാക്കുമെന്ന് മന്ത്രി റോഷി അഗസ്റ്റിന് പറഞ്ഞു. കാട്ടാന ആക്രമണത്തില് മരിച്ച അമര് ഇബ്രാഹിമിന്റെ വീട്ടില് സന്ദര്ശനം നടത്തിയ ശേഷം സംസാരിക്കുകയായിരുന്നു അദ്ദേഹം. പ്രദേശത്ത് ഫെന്സിംഗ് സംവിധാനം കാര്യക്ഷമല്ലെന്നാണ് മനസിലായത്. അടിയന്തരമായി ഇത്തരം സംവിധാനങ്ങള് സജ്ജമാക്കാന് നിര്ദേശം നല്കും. ജില്ലയില് കാട്ടാന ശല്യം വ്യാപാകമായ മേഖലകളില് എംപി, എംഎല്എ ഫണ്ട് ഉപയോഗിച്ച് ഫെന്സിംഗ് ഉള്പ്പെടെയുള്ള പ്രതിരോധ സംവിധാനങ്ങള് ഒരുക്കാന് പദ്ധതി തയാറാക്കുമെന്നും അദ്ദേഹം പറഞ്ഞു.
Read Moreകാട്ടാന ആക്രമണം; വണ്ണപ്പുറത്ത് ഹർത്താൽ’; അമറിന്റെ സംസ്കാരം നടത്തി; മേഖലയില് വന് പ്രതിഷേധം
തൊടുപുഴ: ഇന്നലെ കാട്ടാന ആക്രമണത്തില് കൊല്ലപ്പെട്ട യുവാവിന്റെ സംസ്കാരം നടത്തി. മുള്ളരിങ്ങാട് അമയല്തൊട്ടി പാലിയത്ത് ഇബ്രാഹിമിന്റെ മകന് അമര് ഇബ്രാഹിമിന്റെ (22) സംസ്കാരം ഇന്നു രാവിലെ മുള്ളരിങ്ങാട് ജുമാ മസ്ജിദിലാണ് നടത്തിയത്. കാട്ടാനാക്രമണത്തിൽ പ്രതിഷേധിച്ച് വണ്ണപ്പുറം പഞ്ചായത്തില് യുഡിഎഫും എല്ഡിഎഫും പ്രഖ്യാപിച്ച ഹര്ത്താല് തുടരുകയാണ്. ഇന്നലെ ഉച്ച കഴിഞ്ഞ് മുള്ളരിങ്ങാട് അമയല്തൊട്ടിയില് അമറിന്റെ വീടിനു സമീപത്തു തന്നെയായിരുന്നു സംഭവം. വീടിന് സമീപമുള്ള തേക്ക് പ്ലാന്റേഷനില് മേയാന് വിട്ടിരുന്ന പശുവിനെ അഴിക്കാനാണ് അമറും സുഹൃത്ത് ബ്ലാങ്കരയില് മന്സൂറും (41) പോയത്. ഇതിനിടെ ഇഞ്ചക്കാട്ടില് നിന്ന രണ്ട് ആനകള് ഇവര്ക്ക് നേരെ പാഞ്ഞടുക്കുകയായിരുന്നു. ഭയന്നോടുന്നതിനിടെ അമറിനെ കാട്ടാന ചവിട്ടി കൊലപ്പെടുത്തുകയായിരുന്നു. സുഹൃത്ത് മന്സൂറിന് ആനയുടെ ആക്രമണത്തില് സാരമായി പരിക്കേറ്റു. രണ്ടു കാലുകള്ക്കും പരിക്കേറ്റ ഇയാള് തൊടുപുഴയിലെ സ്വകാര്യ ആശുപത്രിയില് ചികില്സയിലാണ്. അമറിന്റെ മൃതദേഹം തൊടുപുഴയിലെ ജില്ലാ ആശുപത്രിയിലാണ് പോസ്റ്റുമോര്ട്ടം നടപടികള്…
Read Moreഅടുത്ത വർഷത്തിൽ 200 വന്ദേ സ്ലീപ്പർ ട്രെയിനുകൾ; നടപടികൾ ആരംഭിച്ച് റെയിൽവേ മന്ത്രാലയം
കൊല്ലം: രാജ്യത്ത് അടുത്ത വർഷം 200 വന്ദേഭാരത് സ്ലീപ്പർ ട്രെയിനുകൾ അവതരിപ്പിക്കാൻ റെയിൽവേ മന്ത്രാലയം നടപടികൾ ആരംഭിച്ചു. ഇതിന്റെ അടിസ്ഥാനത്തിൽ 10 റേക്കുകളുടെ നിർമാണം ചെന്നൈയിലെ ഇന്റഗ്രൽ കോച്ച് ഫാക്ടറിയിൽ ആരംഭിച്ചു കഴിഞ്ഞു. അതേ സമയം ചെന്നൈ ഐസിഎഫിൽ നിർമിച്ച വന്ദേ സ്ലീപ്പർ ട്രെയിനിൻ്റെ ആദ്യ റേക്ക് സിമുലേഷൻ പരിശോധകൾക്കായി പുറത്തിറക്കി. വിവിധ സെക്ഷനുകളിലെ ട്രാക്കുകളിൽ ഭാരം നിറച്ചുള്ള സിമുലേഷൻ പരീക്ഷണങ്ങൾ ഇപ്പോൾ നടന്നുവരികയാണ്. ഇത് വിജയകരമായി പൂർത്തിയാക്കിയ ശേഷം 130 മുതൽ 180 കിലോ മീറ്റർ വരെ വേഗതയിലുള്ള പ്രകടനം വിലയിരുത്തും. ട്രെയിനിൻ്റെ സ്ഥിരത, സ്പീഡ്, ഭാരം വഹിച്ചുള്ള സിമുലേഷൻ പരിശോധനകൾ എന്നിവ വിലയിരുത്തന്നതിൻ്റെ മേൽനോട്ട ചുമതല നൽകിയിരിക്കുന്നത് ലഖ്നൗവിലെ റിസർച്ച് ഡിസൈൻസ് ആൻ്റ് സ്റ്റാൻഡാർഡ് ഓർഗനൈസേഷനാണ് ( ആർഡിഎസ്ഒ). പരമാവധി 180 കിലോമീറ്റർ വേഗത്തിൽ ഓടുന്ന തരത്തിലാണ് ആദ്യ വന്ദേ സ്ലീപ്പർ ട്രെയിൻ രൂപകൽപ്പന…
Read Moreകശുവണ്ടി ഫാക്ടറിയുടെ ചിമ്മിനി തകര്ന്നുവീണ് വിദ്യാര്ഥി മരിച്ചു
കൊല്ലം: കശുവണ്ടി ഫാക്ടറിയുടെ ചിമ്മിനി തകര്ന്നുവീണ് വിദ്യാര്ഥി മരിച്ചു. ചാത്തിനാംകുളം പുത്തന്കുളങ്ങരയില് ബിജു-അജിതകുമാരി ദമ്പതികളുടെ മകന് അനന്ദു (16) ആണ് മരിച്ചത്. ചാത്തിനാംകുളം അംബേദ്കര് കോളനിയിലെ സ്വകാര്യ കശുവണ്ടി ഫാക്ടറിയിലാണ് സംഭവം. ഈ ഫാക്ടറി പൂട്ടികിടക്കുകയാണ്. ഇന്നലെ വൈകുന്നേരം ഇതിന്റെ പരിസരത്ത് സുഹൃത്തുക്കളായ അഞ്ച് പേര്ക്കൊപ്പം ഇരിക്കുകയായിരുന്നു അനന്ദു. ഇതിനിടെയാണ് ചിമ്മിനി തകര്ന്നുവീണത്. സംഭവം കണ്ട് ഇവർ ഓടിരക്ഷപ്പെട്ടു. അനന്ദുവും കൂടെയുണ്ടെന്നാണ് സുഹൃത്തുക്കള് കരുതിയത്. രാത്രിയാണ് അനന്ദുവിനെ കാണാനില്ലെന്ന് സുഹൃത്തുക്കള് മറ്റുള്ളവരെ അറിയിക്കുന്നത്. തുടര്ന്ന് ജെസിബി ഉള്പ്പടെയുള്ളവ എത്തിച്ച് നടത്തിയ തെരച്ചിലില് രാത്രി 9.30ഓടെയാണ് അനന്ദുവിന്റെ മൃതദേഹം കണ്ടെത്തിയത്. തുടർന്ന് മൃതദേഹം കൊല്ലം ജില്ലാ ആശുപത്രിയിലേക്ക് മാറ്റി. പോസ്റ്റ് മോർട്ടത്തിന് ശേഷം ഇന്നു ബന്ധുക്കൾക്ക് വിട്ടുകൊടുക്കും.
Read Moreദേശീയപാത വികസനത്തിന്റെ ഭാഗമായി സ്ഥാപിച്ച സ്ലാബ് താഴെ വീണു
അമ്പലപ്പുഴ: ദേശീയപാത വികസനത്തിന്റെ ഭാഗമായി സ്ഥാപിച്ച സ്ലാബ് താഴെ വീണു. യാത്രക്കാരുടെ ജീവൻ ഭീഷണിയിൽ. ദേശീയപാതയിൽ പായൽക്കുളങ്ങര ക്ഷേത്രത്തിന് എതിർവശത്തായാണ് സ്ലാബ് വീണത്.ദേശീയ പാത പുനർനിർമാണത്തിന്റെ ഭാഗമായി ഗതാഗതം ക്രമീകരിക്കുന്നതിനായാണ് സ്ലാബുകൾ സ്ഥാപിച്ചത്. ഇതിലൊരെണ്ണമാണ് തൊട്ടടുത്ത കുഴിയിലേക്ക് വീണത്. വാഹനങ്ങൾ കടന്നു പോകുന്ന സ്ഥലത്തോടു ചേർന്നാണ് ഈ കുഴിയുള്ളത്. വഴിവിളക്കു പോലുമില്ലാത്ത ഈ ഭാഗത്ത് സ്ലാബില്ലാത്തത് വലിയ അപകടങ്ങൾക്കു കാരണമാകുമെന്ന് ആശങ്കയുയർന്നിട്ടുണ്ട്. ഒരു വാഹനത്തെ മറി കടന്നെത്തുന്ന വാഹനം നിയന്ത്രണം തെറ്റിയാൽ സ്ലാബില്ലാത്തതു മൂലം ഈ കുഴിയിൽ വീഴും. സ്ലാബ് വീണുകിടന്നിട്ട് ദിവസങ്ങൾ പിന്നിട്ടിട്ടും ഇത് പൂർവസ്ഥിതിയിലാക്കാൻ ഉദ്യോഗസ്ഥർ തയാറായിട്ടില്ല.
Read Moreഅധികാരികളെ കണ്ണ് തുറക്കൂ… മുറിഞ്ഞപുഴ പഴയ പാലവും പരിസരവും വിശ്രമകേന്ദ്രമാക്കാൻ നടപടി സ്വീകരിക്കണം
വൈക്കം: എറണാകുളം-കോട്ടയം റൂട്ടിലെ ചെമ്പ് മുറിഞ്ഞപുഴയിലെ പഴയപാലവും പരിസരവും വിനോദസഞ്ചാരികൾക്കും വഴിയാത്രക്കാർക്കും വിശ്രമകേന്ദ്രമാക്കുന്നതിനു ഭൗതിക സാഹചര്യമൊരുക്കണമെന്ന ആവശ്യം ശക്തമാകുന്നു. കാലപ്പഴക്കവും അനധികൃത മണൽവാരൽ മൂലവും ഗതാഗതയോഗ്യം അല്ലാതായിത്തീർന്ന പഴയ പാലത്തിനു സമാന്തരമായി പുതിയ പാലം നിർമിച്ചതോടെ പഴയപാലവും പരിസരവും വിനോദ സഞ്ചാരികളുടെയും യാത്രികരുടെയും ഇഷ്ടകേന്ദ്രമായി മാറിയിട്ടും വികസനത്തിനു സഹായകരമായ പ്രവൃത്തികളൊന്നും അധികൃതർ ചെയ്യുന്നില്ലെന്ന് നാട്ടുകാർ ആരോപിക്കുന്നു. ചെമ്പ് പഞ്ചായത്ത് കുടുംബശ്രീ സിഡിഎസ് മൂന്ന് ഊഞ്ഞാലും ഒരു ചാരു ബഞ്ചും സ്ഥാപിച്ച് അവളിടം സ്ത്രീ സൗഹൃദപാർക്കാണെന്ന് സൂചിപ്പിക്കുന്ന ബോർഡ് സ്ഥാപിച്ചിട്ടുണ്ട്. ചില സന്നദ്ധ സംഘടനകൾ കലാപരിപാടികൾ നടത്തി പഴയ പാലവും പരിസരവും ശ്രദ്ധാകേന്ദ്രമാക്കിയിരുന്നു. സഞ്ചാരികൾക്കു തണലിടമൊരുക്കി കുടുംബശ്രീയുടെ നാടൻ ഭക്ഷണശാല ആരംഭിച്ചാൽ ഇവിടെ എത്തുന്ന വിനോദ സഞ്ചാരികൾക്കും വാഹന യാത്രികർക്കും ഉപകാരപ്രദമാകുമായിരുന്നു. കഴിഞ്ഞ തവണ ചെമ്പിലരയൻ സ്മാരക വള്ളംകളി മുറിഞ്ഞപുഴയിൽ നടത്തിയപ്പോൾ വേദിയായത് ഇവിടത്തെ പഴയ പാലമായിരുന്നു. മുവാറ്റുപുഴയാറിന്റെ…
Read Moreകണ്ണടച്ച് അധികൃതർ: ചങ്ങനാശേരിയിൽ തെരുവുനായ ശല്യം രൂക്ഷം
ചങ്ങനാശേരി: ചങ്ങനാശേരി നഗരത്തിൽ തെരുവുനായ ശല്യം രൂക്ഷമാകുന്നു. അക്രമകാരികളായ നായ്ക്കളുടെ വിളയാട്ടം നഗരവാസികള്ക്കും കാല്നടയാത്രക്കാര്ക്കും ഇരുചക്രവാഹന സഞ്ചാരികള്ക്കും കടുത്തഭീഷണിയാകുന്നു. നഗരത്തിലെ മാര്ക്കറ്റുകള്, വണ്ടിപ്പേട്ട, കുരിശുംമൂട്, പാറേല് പള്ളി, ഫാത്തിമാപുരം ഉൾപ്പെടയുള്ള പ്രദേശങ്ങളിലാണ് തെരുവുനായ ശല്യം രൂക്ഷമായിരിക്കുന്നത്. അനധികൃതമായി പ്രവര്ത്തിക്കുന്ന ഇറച്ചിക്കടകളുടെ പരിസരങ്ങള് കേന്ദ്രീകരിച്ചാണ് തെരുവുനായ്ക്കള് വിഹരിക്കുന്നത്. തെരുവ് നായ്ക്കളുടെ നിയന്ത്രണത്തിനുള്ള എബിസി പ്രോഗ്രാം നടപടികള് നിലച്ചതോടെയാണ് ഇവയുടെ എണ്ണം ക്രമാതീതമായി വര്ധിച്ചത്. അസംപ്ഷന്, എസ്ബി കോളജുകളിലേക്കു വിദ്യാര്ഥികള് കാല്നടയായി സഞ്ചരിക്കുന്ന പി.പി ജോസ് റോഡില് അലഞ്ഞുതിരിയുന്ന നായക്കൂട്ടങ്ങള് വലിയ ഭീഷണിയാണ്. ളായിക്കാട്-പാലാത്രച്ചിറ-ചങ്ങനാശേരി ബൈപാസിലും നായ്ക്കളുടെ ശല്യം രൂക്ഷമാണ്. തൃക്കൊടിത്താനം പഞ്ചായത്തിലെ പുലിക്കേട്ടുപടി, കുന്നുംപുറം, അമര, ചാഞ്ഞോടി, മാടപ്പള്ളി പഞ്ചായത്തിലെ തെങ്ങണ, മാമ്മൂട്, വെങ്കോട്ട പായിപ്പാട് പഞ്ചായത്തിലെ പായിപ്പാട്, നാലുകോടി കവലകള് തുടങ്ങിയ സ്ഥലങ്ങളിലും തെരുവ് നായ്ക്കളുടെ ശല്യം രൂക്ഷമാണ്. തെരുവ് നായ്ക്കളുടെ നിയന്ത്രണത്തിന് അടിയന്തിരനടപടികള് സ്വീകരിക്കണമെന്ന് എന്സിപി…
Read More