കൊച്ചി: ഹേമ കമ്മിറ്റി റിപ്പോര്ട്ടിനു പിന്നാലെ പിരിച്ചുവിട്ട താരസംഘടനയായ “അമ്മ’ എക്സിക്യൂട്ടീവ് കമ്മിറ്റി പുനഃസംഘടിപ്പിക്കാന് നീക്കം. മൂന്നര മാസങ്ങള്ക്ക് ശേഷം അമ്മയെ പുനഃസംഘടിപ്പിക്കാനുള്ള ശ്രമത്തിലാണ് അഡ്ഹോക് കമ്മിറ്റി. അഡ്ഹോക് കമ്മിറ്റി നിയന്ത്രിക്കുന്ന അമ്മയുടെ കുടുംബ സംഗമം ജനുവരി ആദ്യവാരം കൊച്ചിയില് നടക്കും. നടന്മാരായ സിദ്ദിഖും ജയസൂര്യയും ഇടവേള ബാബുവും അടക്കം പ്രമുഖര് ലൈംഗിക പീഡനക്കേസുകളില് പ്രതികളായതോടെയാണ് കഴിഞ്ഞ ഓഗസ്റ്റ് 27ന് അമ്മ പ്രസിഡന്റ് മോഹന്ലാല് ഉള്പ്പെടെയുള്ള ഭാരവാഹികള് കൂട്ടത്തോടെ രാജിവച്ചത്. എക്സിക്യുട്ടീവ് അംഗങ്ങളെ അഡ്ഹോക് കമ്മിറ്റിയാക്കിയാണ് നിലവില് സംഘടനയുടെ പ്രവര്ത്തനം. രണ്ട് മാസത്തിനകം ജനറല് ബോഡി ചേര്ന്ന് പുതിയ കമ്മിറ്റി രൂപീകരിക്കുമെന്ന് പ്രഖ്യാപിച്ചിരുന്നെങ്കിലും നടന്നില്ല. ആദ്യ പരിപാടിയായി അമ്മയിലെ അംഗങ്ങളുടെ കുടുംബസംഗമം ജനുവരി നാലിന് കടവന്ത്രയില് നടക്കും.
Read MoreCategory: Edition News
ഇടുക്കിയിൽ മൂന്നു സ്കൂള് വിദ്യാര്ഥികളെ കാണാതായി; കത്തെഴുതിവച്ചിട്ട് കുട്ടികൾ പോയത് ചെന്നൈയിലേക്ക്
ഇടുക്കി: പതിനഞ്ചുകാരായ മൂന്നു സ്കൂള് വിദ്യാര്ഥികളെ കാണാതായി. ഇടുക്കി രാജകുമാരി സ്വദേശികളായ മൂന്ന് ഒമ്പതാം ക്ലാസ് വിദ്യാര്ഥികളെയാണ് ഞായറാഴ്ച മുതല് കാണാതായത്. ഹൈറേഞ്ചിലെ ഒരു എയ്ഡഡ് സ്കൂളിലെ ഒമ്പതാം ക്ലാസ് വിദ്യാര്ഥികളാണ് കാണാതായ മൂന്നു പേരും. രാജാക്കാട് പോലീസ് നടത്തിയ അന്വേഷണത്തില് ഇവര് തമിഴ്നാട് ബോഡി നായ്ക്കന്നൂരില് എത്തിയതിന്റെ സിസിടിവി ദൃശ്യങ്ങള് ലഭിച്ചിരുന്നു. ഈ ദൃശ്യങ്ങള് കേന്ദ്രീകരിച്ചാണ് അന്വേഷണം. ബോഡിനായ്ക്കന്നൂരില് നിന്ന് ട്രെയിന് മാര്ഗം കുട്ടികള് ചെന്നൈയിലേക്ക് പോവുകയായിരുന്നു. മൂന്നു കുട്ടികളും കത്തെഴുതി വച്ചിട്ടാണ് വീട്ടില്നിന്ന് പുറപ്പെട്ടത്. ഇന്നലെ രാവിലെ ഇവര് ചെന്നൈയിലെത്തിയെന്നും തമിഴ്നാട് പോലീസിനും ആര്പിഎഫിനും വിവരങ്ങള് കൈമാറിയിട്ടുണ്ടെന്നും രാജാക്കാട് സിഐ വി. വിനോദ് കുമാര് പറഞ്ഞു. രാജാക്കാട് സ്റ്റേഷനില് നിന്നുള്ള അന്വേഷണസംഘവും ബന്ധുക്കളും ചെന്നൈയിലേക്കു തിരിച്ചിട്ടുണ്ട്.
Read Moreകുഞ്ഞിമംഗലത്ത് നിര്മാണം നടക്കുന്ന വീട്ടില് മോഷണം;15 ലക്ഷം രൂപയുടെ നഷ്ടം; കേസെടുത്ത് പോലീസ്
പയ്യന്നൂര്: കുഞ്ഞിമംഗലത്ത് നിര്മാണം നടക്കുന്ന വീട്ടില് അതിക്രമിച്ച് കയറി നാശനഷ്ടങ്ങള് വരുത്തുകയും നിര്മാണത്തിനായി കരുതിവച്ചിരുന്ന സാധനങ്ങള് മോഷ്ടിക്കുകയും ചെയ്ത സംഭവത്തില് പയ്യന്നൂര് പോലീസ് കേസെടുത്തു. കുഞ്ഞിമംഗലം കുതിരുമ്മലിലെ ടി.വി. വിനീതിന്റെ പരാതിയിൽ കുഞ്ഞിമംഗലത്തെ മനോജിനെതിരേയാണ് കേസെടുത്തത്.ഈ മാസം ഏഴിനുശേഷം നടന്ന സംഭവം ഇന്നലെ രാവിലെയാണ് പുറത്തറിഞ്ഞത്. കുഞ്ഞിമംഗലം ആണ്ടാംകൊവ്വലില് പരാതിക്കാരന് പുതിയതായി നിര്മിക്കുന്ന വീട്ടില് അതിക്രമിച്ച് കയറിയാണ് പ്രതി അക്രമവും മോഷണവും നടത്തിയത്. വീട്ടിലെ നിരീക്ഷണക്കാമറകളും കേബിളുകളും സ്വിച്ച് ബോര്ഡുകളിലേക്കുള്ള വയറുകളും നശിപ്പിച്ചിരുന്നു. കാര്ഡ്ബോര്ഡ് ബോക്സില് സൂക്ഷിച്ചിരുന്ന അഞ്ച് ലക്ഷത്തോളം വിലവരുന്ന സാനിട്ടറി സാധനങ്ങള് മോഷ്ടിച്ചെന്നും 15 ലക്ഷത്തോളം രൂപയുടെ നഷ്ടമുണ്ടായെന്നും പരാതിയിൽ പറയുന്നു.
Read Moreഹോസ്റ്റൽ റൂമിലെ അമ്മുവിന്റെ സാധനങ്ങൾ ഏറ്റുവാങ്ങി; പൊട്ടിക്കരഞ്ഞ് മാതാപിതാക്കൾ; എഴുതിപൂർത്തിയാക്കാത്ത ആത്മഹത്യാകുറിപ്പ് കണ്ടെത്തി
പത്തനംതിട്ട: ചുട്ടിപ്പാറ എസ്എംഇ നഴ്സിംഗ് കോളജിലെ വിദ്യാർഥിനി അമ്മു സജീവിന്റെ മരണത്തെത്തുടർന്ന് ഹോസ്റ്റൽ മുറിയിലെ സാധനങ്ങൾ ഇന്നലെ മാതാപിതാക്കൾക്കു കൈമാറി. അത്യന്തം വികാരനിർഭരമായ രംഗങ്ങൾക്കാണ് വെട്ടിപ്പുറത്തെ സ്വകാര്യ ഹോസ്റ്റൽ സാക്ഷ്യംവഹിച്ചത്.മകളുടെ വസ്ത്രങ്ങളും പുസ്തകങ്ങളും അടക്കമുള്ളവയാണ് അച്ഛൻ സജീവും അമ്മ രാധാമണിയും ഏറ്റുവാങ്ങിയത്. മകൾ ജീവനൊടുക്കിയെന്ന് വിശ്വസിക്കാൻ ഇപ്പോഴും തങ്ങൾക്കാകുന്നില്ലെന്ന് സജീവ് പറഞ്ഞു. ഒട്ടേറെ സ്വപ്നങ്ങളുമായി നഴ്സിംഗ് പഠനത്തിനു പുറപ്പെട്ട മകളുടെ മടക്കം ഇത്തരത്തിലായതിന്റെ വിഷമം ഇപ്പോഴും മാറിയിട്ടില്ല. മകൾ ഒരിക്കലും ആത്മഹത്യ ചെയ്യുകയില്ലെന്നും സംഭവത്തിലെ ദുരൂഹതകൾ നീക്കണമെന്നും സജീവ് ആവശ്യപ്പെട്ടു. അധ്യാപകനെതിരേ കുടുംബം നഴ്സിംഗ് വിദ്യാർഥിനി അമ്മു സജീവിന്റെ മരണത്തിൽ കോളജിലെ ഒരു അധ്യാപകനെതിരേ കുടുംബം പോലീസിൽ പരാതി നൽകി. ലോഗ് ബുക്ക് കാണാതായെന്ന് പറഞ്ഞ് അമ്മുവിനെ അധ്യാപകനും കേസിൽ പ്രതികളായ വിദ്യാർഥിനികളും ചേര്ന്ന് മാനസികമായി പീഡിപ്പിച്ചതായി അച്ഛൻ സജീവിന്റെ പരാതിയിൽ പറയുന്നു. പോലീസ് അന്വേഷണത്തിൽ തൃപ്തിയുണ്ടെന്നും…
Read Moreപെൺകുട്ടിയെ വീഡിയോകോൾ ചെയ്ത ശേഷം യുവാവിന്റെ ആത്മഹത്യാശ്രമം; പെൺകുട്ടി ഓടിയെത്തിയപ്പോഴേക്കും അഭിജിത്ത് തൂങ്ങി മരിച്ചു
തിരുവല്ല: പെണ്കുട്ടിയെ വീഡിയോ കോള് ചെയ്ത് യുവാവ് തിരുമൂലപുരത്ത് ജീവനൊടുക്കിയ നിലയിൽ. കുമളി കൊല്ലംപട്ടട പുഷ്പശേരിൽ വീട്ടിൽ അഭിജിത്താണ് (23 ) മരിച്ചത്. ഇന്നലെ ഉച്ചയോടെയായിരുന്നു സംഭവം. വീഡിയോകോള് ചെയ്ത് പെണ്കുട്ടിയോട് താന് ആത്മഹത്യ ചെയ്യുകയാണെന്ന് അഭിജിത്ത് പറഞ്ഞു. പെണ്കുട്ടി ഉടന് അഭിജിത്തിന്റെ താമസസ്ഥലത്തേക്ക് എത്തിയെങ്കിലും അപ്പോഴേക്കും അഭിജിത്ത് ജീവനൊടുക്കിയിരുന്നതായി പറയുന്നു. തിരുമൂലപുരത്ത് വാടകയ്ക്കാണ് അഭിജിത്ത് താമസിച്ചിരുന്നത്. ഇരുവരും തിരുവല്ലയില് ഒരു വിദ്യാഭ്യാസ സ്ഥാപനത്തിലാണ് പഠിച്ചിരുന്നത്. ജര്മന് ഭാഷാ പഠനത്തിനായാണ് അഭിജിത്ത് തിരുവല്ലയില് എത്തിയത്. അവധി പ്രമാണിച്ച് നാട്ടിൽ പോയിരുന്ന അഭിജിത്ത് ഞായറാഴ്ച രാവിലെയാണ് തിരുവല്ലയിൽ മടങ്ങിയെത്തിയത്.
Read Moreപോലീസ് അമിത പിഴ ചുമത്തുന്നു: കണ്ണൂരിൽ ഇന്ന് സ്വകാര്യ ബസുകൾ ഓടില്ല
കണ്ണൂർ: ജില്ലയിൽ സ്വകാര്യ ബസുകൾ ഇന്ന് പണിമുടക്കുകയാണ്. പോലീസ് അമിത പിഴ ചുമത്തുന്നു എന്നാരോപിച്ചാണ് പണിമുടക്ക് നടത്തുന്നത്. ജില്ല ബസ് ഓപ്പറേറ്റേഴ്സ് കോ ഓര്ഡിനേഷന് കമ്മിറ്റിയാണ് പണിമുടക്ക് പ്രഖ്യാപിച്ചത്. പോലീസ് നടപടിയില് ബന്ധപ്പെട്ട അധികൃതര്ക്ക് പരാതി നല്കിയെന്നും പരിഹാരം ഉണ്ടാകാത്തതിനാലാണ് സൂചനാ പണിമുടക്കിന് ആഹ്വാനം ചെയ്തതെന്നും ബസ് ഉടമകള് അറിയിച്ചു. പ്രശ്നത്തിന് പരിഹാരം കാണാനായില്ലെങ്കില് ഈ മാസം 18 മുതൽ അനിശ്ചിതകാല പണിമുടക്ക് തുടങ്ങുമെന്ന് ബസ് ഓപ്പറേറ്റേഴ്സ് കോ ഓർഡിനേഷൻ കമ്മിറ്റി അറിയിച്ചു.
Read Moreവിമാനത്താവള പരിസരത്ത് സ്വർണക്കവർച്ച; രണ്ടുപേർ കസ്റ്റഡിയിൽ; അറസ്റ്റിലായവർ നാഗർകോവിൽ സ്വദേശികൾ
തിരുവനന്തപുരം: വിമാനത്താവള പരിസരത്ത് തമിഴ്നാട് സ്വദേശിയിൽ നിന്നു സ്വർണാഭരണങ്ങൾ തട്ടിയെടുത്ത കേസിൽ രണ്ട് പേരെ വലിയതുറ പോലീസ് കസ്റ്റഡിയിലെടുത്തു. നാഗർകോവിൽ സ്വദേശികളാണ് പ്രതികൾ. ഇവരുടെ അറസ്റ്റ് ഇന്ന് രേഖപ്പെടുത്തും. സിംഗപ്പൂരിൽ നിന്ന് എത്തിയ യാത്രക്കാരി സ്വർണക്കടത്ത് സംഘത്തിന് വേണ്ടി കൊണ്ടു വന്ന ആറ് പവൻ സ്വർണാഭരണങ്ങളാണ് പ്രതികൾ തട്ടിയെടുത്തത്. സ്വർണകടത്ത് സംഘത്തിന്റെ നിർദേശാനുസരണം യാത്രക്കാരിയിൽ നിന്നും സ്വർണാഭരണങ്ങൾ വാങ്ങിയ ശേഷം ചെന്നൈയിലുള്ള സ്വർണകടത്ത് സംഘത്തിന് എത്തിച്ച് കൊടുക്കാനെത്തിയ തമിഴ്നാട് സ്വദേശിയായ തങ്കപാണ്ഡിയിൽ നിന്നാണ് മറ്റൊരു സംഘത്തിൽപ്പെട്ട പ്രതികൾ സ്വർണം തട്ടിയെടുത്തതെന്നാണ് പോലീസ് വൃത്തങ്ങളിൽ നിന്നും ലഭിച്ച വിവരം. ബൈക്കിലെത്തിയ രണ്ടംഗ സംഘം സ്വർണാഭരണങ്ങൾ അപഹരിച്ച ശേഷം മറ്റൊരു വാഹനത്തിൽ രക്ഷപ്പെടുകയായിരുന്നു. വാഹനങ്ങളുടെ നന്പർ കേന്ദ്രീകരിച്ചും സിസിടിവി കാമറ ദൃശ്യങ്ങൾ പരിശോധിച്ചും പോലീസ് നടത്തിയ അന്വേഷണത്തിലാണ് പ്രതികൾ പിടിയിലായത്.
Read Moreകൈപ്പറ്റ് രസീത് നൽകുന്നില്ല… വിവരാവകാശ കമ്മീഷനോട് റിപ്പോർട്ട് ആവശ്യപ്പെട്ട് സംസ്ഥാന സർക്കാർ
തൃശൂർ: സംസ്ഥാന വിവരാവകാശ കമ്മീഷനിൽ ഇ – മെയിൽ വഴി സമർപ്പിക്കുന്ന പരാതികൾക്കും അപേക്ഷകൾക്കും കൈപ്പറ്റ് രസീത് നൽകുന്നില്ലെന്ന പരാതിയിൽ സർക്കാർ വിവരാവകാശ കമ്മീഷനോട് റിപ്പോർട്ട് ആവശ്യപ്പെട്ടു.നിയമപ്രകാരം ലഭിക്കേണ്ട പ്രാധാന്യം അർഹിക്കുന്ന കൈപ്പറ്റ് രസീത് പോലും അപേക്ഷകർക്ക് ലഭിക്കുന്നില്ല എന്ന പരാതിയിലാണ് സംസ്ഥാന സർക്കാർ റിപ്പോർട്ട് തേടിയത്. സംസ്ഥാന വിവരാവകാശ കമ്മീഷന്റെ പ്രവർത്തകനെ പറ്റിയുള്ള ചില വിവരങ്ങളും രേഖകൾ ആവശ്യപ്പെട്ടുകൊണ്ട് വിവരാവകാശ പ്രവർത്തകൻ പി.ബി. സതീഷ് കമ്മീഷന് അപേക്ഷ സമർപ്പിച്ചിരുന്നു. ഇതിനു പിറകെ അപേക്ഷയ്ക്ക് ഇ – മെയിൽ വഴി കൈപ്പറ്റ് രസീത് ലഭ്യമാക്കണമെന്ന് ആവശ്യപ്പെട്ട് സംസ്ഥാന വിവരാവകാശ കമ്മീഷൻ സെക്രട്ടറിയുടെ ഓഫിസിനെ ബന്ധപ്പെട്ടെങ്കിലും ഒരുമാസം പിന്നിട്ടിട്ടും രസീത് ലഭിച്ചില്ലെന്നും സതീഷ് ആരോപിച്ചു. ഇതേ തുടർന്ന് സതീഷ് പൊതുഭരണ ഏകോപന വകുപ്പ് പ്രിൻസിപ്പൽ സെക്രട്ടറിയെ സമീപിക്കുകയും വിവരാവകാശ കമ്മീഷൻ സെക്രട്ടറിക്കെതിരേ നൽകിയ പരാതിയിൽ സംസ്ഥാന സർക്കാർ വിവരാവകാശ കമ്മീഷനോട് റിപ്പോർട്ട്…
Read Moreഎഴുന്നള്ളിപ്പ്, വെടിക്കെട്ട് പ്രതിസന്ധി; പൂരപ്രേമിസംഘത്തിന്റെ ഏഴുമണിക്കൂർ ഉപവാസം നാളെ
തൃശൂർ: ആനയെഴുന്നള്ളിപ്പുകളും വെടിക്കെട്ടും കോടതിവിധികൾ മൂലം പ്രതിസന്ധിയിലായ സാഹചര്യത്തിൽ പ്രതിഷേധം കടുപ്പിക്കാനൊരുങ്ങി തൃശൂരിലെ പൂരപ്രേമിസംഘം. നാളെ രാവിലെ പത്തുമുതൽ വൈകീട്ട് അഞ്ചുവരെ തൃശൂർ കോർപറേഷൻ ഓഫീസിനു മുന്നിൽ പൂരപ്രേമിസംഘത്തിന്റെ നേതൃത്വത്തിൽ ഏഴുമണിക്കൂർ നീളുന്ന ഉപവാസം നടത്തും. വരും ദിവസങ്ങളിൽ ഇക്കാര്യവുമായി ബന്ധപ്പെട്ട് കൂടുതൽ ശക്തമായ പ്രതിഷേധങ്ങൾ നാടൊട്ടുക്കും സംഘടിപ്പിക്കാനാണ് പല സംഘടനകളും നിശ്ചയിച്ചിട്ടുള്ളത്. കഴിഞ്ഞ ദിവസം തൃശൂരിൽ ചേർന്ന ആചാരസംരക്ഷണ കൂട്ടായ്മ കോടതിവിധികൾക്കെതിരെ അലയടിക്കുന്ന പ്രതിഷേധങ്ങളുടെ നേർക്കാഴ്ചയായി. സമൂഹത്തിന്റെ വിവിധ മേഖലകളിൽ നിന്നുള്ള പ്രമുഖർ തന്നെ കൂട്ടായ്മയിൽ തങ്ങളുടെ അഭിപ്രായങ്ങൾ തുറന്നുപറയാനെത്തിയപ്പോൾ നൂറ്റാണ്ടുകളായി തുടർന്നു വരുന്ന പൂരം, വേല, പള്ളി പെരുന്നാളുകൾ, ആണ്ട് നേർച്ചകൾ തുടങ്ങിയവ സുഗമമായി നടത്താൻ നാടൊറ്റക്കെട്ടാണെന്ന് പ്രകടമായി ബോധ്യമാവുകയായിരുന്നു. ആഘോഷങ്ങളും ആചാരങ്ങളും കോടതിവിധികളിൽ തട്ടി മുടങ്ങുന്നതിലുള്ള ആശങ്കയും അമർഷവും പ്രതിഷേധവും പരിപാടിയിൽ പങ്കെടുക്കാനെത്തിയവർ പരസ്യമായി തുറന്നുപറഞ്ഞു. ആനയെഴുന്നള്ളിപ്പ്, വെടിക്കെട്ട് എന്നിവയ്ക്ക് നിയന്ത്രണങ്ങൾ വന്ന…
Read Moreവയനാട് ദുരന്തത്തിൽ ഉറ്റവരെ നഷ്ടപ്പെട്ട ശ്രുതി ഇനി സര്ക്കാര് ഉദ്യോഗസ്ഥ; റവന്യുവകുപ്പിൽ ക്ലാർക്കായി ചുമതലയേറ്റു.
കോഴിക്കോട്: വയനാട് ദുരന്തത്തിൽ വീടും ഉറ്റവരും പിന്നീടുണ്ടായ അപകടത്തിൽ പ്രതിശ്രുത വരനെയും നഷ്ടപ്പെട്ട ശ്രുതി ഇനി സര്ക്കാര് ഉദ്യോഗസ്ഥ. രാവിലെ പത്തിന് കളക്ടറേറ്റിൽ എത്തി റവന്യുവകുപ്പിൽ ക്ലാർക്കായി ശ്രുതി ചുമതലയേറ്റു. ഉരുൾപൊട്ടൽ ദുരന്തത്തിനു പിന്നാലെ ശ്രുതിക്ക് സർക്കാർജോലി നൽകുമെന്ന് മുഖ്യമന്ത്രിയും റവന്യു മന്ത്രി കെ.രാജനും പ്രഖ്യാപിച്ചിരുന്നു. കഴിഞ്ഞ മാസമാണ് റവന്യു വകുപ്പിൽ നിയമനം നൽകിയുള്ള സർക്കാർ ഉത്തരവ് പുറത്തിറങ്ങിയത്.ജോലിയിൽ പ്രവേശിക്കുന്ന ശ്രുതിയെ ടി.സിദ്ദിഖ് ഇന്നലെ വീട്ടിലെത്തി അഭിനന്ദിച്ചിരുന്നു. കഴിഞ്ഞ ജൂലൈ 30നുണ്ടായ ഉരുൾപൊട്ടലിലാണ് ശ്രുതിക്ക് കുടുംബാംഗങ്ങളെയും വീടും നഷ്ടമായത്. തുടര്ന്ന് താങ്ങായി നിന്ന പ്രതിശ്രുത വരന് ജെന്സണെയും വാഹനാപകടത്തില് നഷ്ടമായി. വയനാട് കൽപ്പറ്റയിലുണ്ടായ വാഹനാപകടത്തിൽ പരിക്കേറ്റ് ചികിത്സയിലിരിക്കെയാണ് ജെന്സണ് വിടപറഞ്ഞത്. ഉരുൾപൊട്ടലിനുശേഷം ബന്ധുവിനൊപ്പം കൽപ്പറ്റയിൽ കഴിയുന്ന ശ്രുതിയുടെ വിവാഹം കഴിഞ്ഞ മാസം നടത്താനിരിക്കെയായിരുന്നു വരന്റെ അപ്രതീക്ഷിത വിയോഗം.
Read More