കോഴിക്കോട്: സൗദി ബാലന് കൊല്ലപ്പെട്ട കേസില് 18 വര്ഷമായി റിയാദിലെ ജയിലില് കഴിയുന്ന കോഴിക്കോട് ഫറോക്ക് കോടമ്പുഴ സ്വദേശി മച്ചിലകത്ത് അബ്ദുല് റഹീമിന്റെ മോചന ഹര്ജിയില് അന്തിമ വിധി പറയുന്നത് റിയാദ് കോടതി വീണ്ടും മാറ്റിവച്ചു. 12നാണ് ഇനി അടുത്ത സിറ്റിംഗ്. അന്ന് മോചന ഉത്തരവുണ്ടാകുമെന്നാണ് പ്രതീക്ഷയെന്ന് റഹീമിന്റെ അഭിഭാഷകന് ഒസാമ അല് അമ്പറും റിയാദ് സഹായസമിതി ഭാരവാഹികളും അറിയിച്ചു. ഇന്നലെ റിയാദ് ക്രിമിനല് കോടതിയില് നടന്ന സിറ്റിംഗില് റഹീമിന്റെ മാതാവും കുടുംബാംഗങ്ങളും നാട്ടുകാരും ഏറെ പ്രതീക്ഷയിലായിരുന്നു. ഇത് മൂന്നാംതവണയാണ് റഹീമിന്റെ മോചന ഹര്ജിയില് തീരുമാനമെടുക്കാതെ സിറ്റിംഗ് മാറ്റിയത്.സൗദി ബാലന്റെ മരണത്തില് റഹീമിന്റെ പങ്ക് സംബന്ധിച്ച് പ്രോസിക്യൂഷന് നിലപാട് നേരത്തെ കോടതിയെ അറിയിച്ചിരുന്നു. ഇക്കാര്യത്തില് റഹീമിന് പറയാനുള്ളതും കോടതിയില് സമര്പ്പിച്ചു. ഇവ സ്വീകരിച്ച ശേഷമാണ് അന്തിമ വിധിയിലേക്ക് കടക്കാതെ കോടതി കേസ് മാറ്റിയത്. സാങ്കേതിക കാരണങ്ങളാണ് കേസ്…
Read MoreCategory: Edition News
ഹേമ കമ്മിറ്റി റിപ്പോര്ട്ട്; അതിജീവിതകള്ക്ക് നോഡല് ഓഫീസര് ജി. പൂങ്കുഴലിയെ ബന്ധപ്പെടാം
കൊച്ചി: ഹേമ കമ്മിറ്റി റിപ്പോര്ട്ടുമായി ബന്ധപ്പെട്ട കേസുകളിലെ അതിജീവിതകള്ക്ക് പരാതിയുണ്ടെങ്കില് നോഡല് ഓഫീസര് ജി.പൂങ്കുഴലിയെ ബന്ധപ്പെടാം. ഭീഷണി അടക്കമുള്ള ഏത് അടിയന്തര സാഹചര്യത്തിലും നോഡല് ഓഫീസറുടെ സംരക്ഷണം തേടാം. ഹേമ കമ്മിറ്റി റിപ്പോര്ട്ടില് നോഡല് ഓഫീസറെ നിയമിക്കണമെന്ന് പ്രത്യേക അന്വേഷണ സംഘത്തോട് (എസ്ഐടി) ഹൈക്കോടതി നിര്ദേശിച്ചിരുന്നു. പരാതിക്കാര് നേരിടുന്ന ആക്ഷേപങ്ങളെക്കുറിച്ച് നോഡല് ഓഫീസറെ അറിയിക്കാം. ഹേമ കമ്മിറ്റിക്ക് മൊഴി നല്കിയവര് ഭീഷണി നേരിടുന്നതായി ഡബ്ല്യുസിസി ആരോപിച്ചിരുന്നു. ഇതിനെ തുടര്ന്നാണ് എസ്ഐടിയോട് നോഡല് ഓഫീസറെ നിയമിക്കാന് ഹൈക്കോടതി നിര്ദേശിച്ചത്. ഭീഷണി സന്ദേശങ്ങള് ലഭിച്ചാല് പരാതിക്കാര്ക്ക് നോഡല് ഓഫീസറെ അറിയിക്കാം. പരാതികള് പരിശോധിച്ച് നോഡല് ഓഫീസര് നടപടിയെടുക്കണമെന്നും ഹൈക്കോടതി നിര്ദേശിച്ചിരുന്നു. ഇക്കഴിഞ്ഞ ഓഗസ്റ്റ് 19നായിരുന്നു ഹേമ കമ്മിറ്റി റിപ്പോര്ട്ട് പുറത്തുവിട്ടത്. ഹേമ കമ്മിറ്റി റിപ്പോര്ട്ടിന്മേല് ഇതുവരെ ലഭിച്ച പരാതികളില് അന്വേഷണം പുരോഗമിക്കുന്നതായി എഐജി ജി. പൂങ്കുഴലി പറഞ്ഞു.
Read Moreപാലക്കാട് ധോണിയിൽ പുലി: കോഴിക്കൂട് തകർത്തു കോഴിയെ പിടിച്ചു
പാലക്കാട്: പാലക്കാട് ധോണിയിൽ മായാപുരത്തിനു സമീപം പുലിയിറങ്ങി. കൂടുതകർത്ത് കോഴിയെ കടിച്ചുപിടിച്ചു നീങ്ങുന്ന പുലിയുടെ ദൃശ്യങ്ങൾ സിസിടിവി കാമറയിൽ പതിഞ്ഞു. വനംവകുപ്പധികൃതർ സ്ഥലത്തെത്തി പരിശോധന നടത്തി. ഇന്നലെ രാത്രി മായാപുരത്തെ ജയശ്രീ എന്ന സ്ത്രീയുടെ വീട്ടിലാണു പുലി എത്തിയത്. മായാപുരം മേഖല പുലിഭീഷണി നേരിടുന്ന സ്ഥലമാണ്. നിരന്തരം വന്യമൃഗങ്ങളെത്തുന്ന സ്ഥലമാണിത്. നാട്ടുകാർ പലതവണ വനംവകുപ്പധികൃതർക്ക് പരാതി നൽകിയിരുന്നു. ജയശ്രീയുടെ വീടിനു സമീപത്തെ വീടുകളിലും കഴിഞ്ഞ ദിവസം പുലിയെത്തിയതായി സൂചനകളുണ്ട്. പുലിയുടെ കാൽപാടുകൾ പലയിടത്തും കണ്ടതായി നാട്ടുകാർ പറഞ്ഞു. വനംവകുപ്പുദ്യോഗസ്ഥർ പുലിയെ പിടികൂടാനുള്ള കൂട് സ്ഥാപിക്കാൻ ആലോചിക്കുന്നുണ്ട്. നേരത്തെയും ഈ പ്രദേശത്ത് കൂടുവച്ചിരുന്നെങ്കിലും പുലിയെ പിടികൂടാനായിരുന്നില്ല.
Read Moreഎലത്തൂരിലെ ഡീസല് ചോര്ച്ച: ഉന്നതസംഘം പരിശോധന തുടങ്ങി
കോഴിക്കോട്: ഹിന്ദുസ്ഥാന് പെട്രോളിയം കോര്പറേഷന്റെ എലത്തൂരിലെ ഡിപ്പോയില്നിന്ന് ഡീസല് ചോര്ച്ചയുണ്ടായ സാഹചര്യത്തില് മുംബൈയില്നിന്ന് എച്ച്പിസിഎലിന്റെ ഉയര്ന്ന ഉദ്യോഗസ്ഥരുടെ സംഘം എലത്തൂരിലെത്തി. സാങ്കേതിക തകരാറുകള് അടക്കമുള്ള കാര്യങ്ങളാണ് ഇവർ പരിശോധിക്കുന്നത്. ഡീസല് ചോര്ന്ന സാഹചര്യത്തില് ഡിപ്പോ ചുമതലയുള്ള ഗോവയിലെ സീനിയര് ഡിപ്പോ മാനേജർ, എലത്തൂര് ഡിപ്പോ മാനേജര് എന്നിവര്ക്ക് ഫാക്ടറീസ് ആന്ഡ് ബോയിലേഴ്സ് വകുപ്പ് കോഴിക്കോട് ജോയിന്റ് ഡയറക്ടര് കാരണം കാണിക്കല് നോട്ടീസ് നല്കിയിട്ടുണ്ട്. പതിനാലു ദിവസത്തിനകം മറുപടി നല്കാനാണ് നോട്ടീസ്. മറുപടി ലഭിച്ചശേഷം ഇവര്ക്കെതിരേ കേസെടുക്കുന്ന കാര്യം തീരുമാനിക്കും. നഷ്ടപരിഹാരത്തിനുള്ള നടപടികള്ക്ക് മലിനീകരണ നിയന്ത്രണബോര്ഡ് ഉടനെ തുടക്കം കുറിക്കും. ഇവിടെനിന്ന് ശേഖരിച്ച വെള്ളത്തിന്റെ സാമ്പിള് എറണാകുളത്തെ മലിനീകരണ നിയന്ത്രണബോര്ഡ് ലാബിലേക്ക് അയച്ചിട്ടുണ്ട്. റിസള്ട്ട് കിട്ടിയശേഷം റിപ്പോര്ട്ട് ജില്ലാ കളക്ടര്ക്കു നല്കും. ബോര്ഡ് ചെയര്മാനും കൈമാറും. ഒരാഴ്ചയ്ക്കകം റിസള്ട്ട് കിട്ടും. എച്ച്പിസിഎലിന്റെ ഭാഗത്തുനിന്ന് ഗുരുതര വീഴ്ചയുണ്ടായെങ്കിലും സാങ്കേതിക തകരാറാണ്…
Read Moreകാനനവാസാ കലിയുഗ വരദാ… അഗസ്ത്യാർകൂടത്തിലെ വനവാസികൾ ദർശനപുണ്യംതേടി ശബരിമലയിൽ
ശബരിമല.അഗസ്ത്യാർകൂടത്തിലെ വനവാസികൾ ഇത്തവണയും അയ്യപ്പദർശനപുണ്യം തേടി ശബരിമലയിലെത്തി. തിരുവനന്തപുരം ജില്ലയിലെ കോട്ടൂർ മുണ്ടണി മാടൻ തമ്പുരാൻ ക്ഷേത്ര ട്രസ്റ്റി വിനോദ് മുണ്ടണിയുടെ നേതൃത്വത്തിലുള്ള 145 അംഗ സംഘമാണ് ഇത്തവണ വന വിഭവങ്ങളുമായി എത്തിയത്. എല്ലാവർഷവും മണ്ഡലകാലത്ത് അയ്യപ്പന് സമർപ്പിക്കാനായി തേൻ, കാട്ടുപൂക്കൾ, കദളിക്കുല തുടങ്ങിയ വിഭവങ്ങളുമായാണ് ഇവർ മല ചവിട്ടുന്നത്. തിരുവനന്തപുരത്തെ പാറ്റാംപാറ, കുന്നത്തേരി, പ്ലാവിള, കമലകം, മുക്കോത്തിവയൽ, പൊടിയം, കൊമ്പിടി, ചോനാംപാറ, മാങ്കോട്, മുളമൂട്, കൈതോട്, പാങ്കാവ്, ആമല തുടങ്ങിയ മേഖലകളിൽ നിന്നുള്ളവരും തമിഴ്നാട്ടിലെ കന്യാകുമാരി ജില്ലയിലെ പ്രാവിള, കോതയാർ, ആറുകാണി നിവാസികളുമാണ് ഇത്തവണത്തെ സംഘത്തിൽ ഉൾപ്പെട്ടത്.സംഘാംഗമായ ഭിന്ന ശേഷിക്കാരൻ അയ്യപ്പൻ കാണി ഇഴഞ്ഞാണ് മല കയറിയത്. 45 കാരനായ ഇദ്ദേഹം ഇത് മൂന്നാം തവണയാണ് ശബരിമല ദർശനത്തിനായി എത്തുന്നത്. മുളംകുറ്റികളിൽ നിറച്ച കാട്ടുതേൻ, കദളിക്കുല, കുന്തിരിക്കം, കരിമ്പ് തുടങ്ങിയ വനവിഭവങ്ങളും പൂക്കൂടകൾ, പൂവട്ടികൾ തുടങ്ങിയ…
Read Moreകംബോഡിയയിലേക്ക് മനുഷ്യക്കടത്ത്; കൂടുതൽ പ്രതികൾക്കായി തെരച്ചിൽ
കോഴിക്കോട്: കംബോഡിയയിലേക്ക് മനുഷ്യക്കടത്തു നടത്തുന്ന സംഘത്തിലെ പ്രധാന പ്രതി കോഴിക്കോട് തോടന്നൂര് പിടികയുള്ളതില് തെക്കേമലയില് അനുരാഗിനെ (25) പോലീസ് കസ്റ്റഡിയില് വാങ്ങും. നിരവധി യുവാക്കളില് നിന്ന് പണംവാങ്ങി തൊഴില് തട്ടിപ്പു നടത്തിയ കേസിലാണ് ഇയാള് ഇന്നലെ അറസ്റ്റിലായത്. കംബോഡിയയില് സൈബര് തട്ടിപ്പ് സംഘത്തിലേക്ക് മലയാളികളെ റിക്രൂട്ട് ചെയ്യുന്നതിനു നേതൃത്വം കൊടുത്ത അനുരാഗിനെ നെടുമ്പാശേരി വിമാനത്താവളത്തില് നിന്നാണു പോലീസ് പിടികൂടിയത്. ഇയാള്ക്കെതിരേ ലുക്കൗട്ട് നോട്ടീസ് പുറപ്പെടുവിച്ചിരുന്നു. കേസിലെ മറ്റു പ്രതികളെ പിടികൂടുന്നതിനുള്ള നടപടികള് പോലീസ് ഊര്ജിതമാക്കി. പേരാമ്പ്ര കൂത്താളി പനക്കാട് മാമ്പള്ളി അബിന് ബാബു (25), കിഴക്കന് പേരാമ്പ്ര കുന്നുമ്മല് രാജീവന് (46) എന്നിവരടക്കം പേരാമ്പ്ര, വടകര ഭാഗങ്ങളില് നിന്നായി നിരവധി പേരാണ് തട്ടിപ്പിനിരയായത്. അബിന്ബാബുവിന്റെ പരാതിയിലാണ് അറസ്റ്റ്. ഒരു ലക്ഷത്തോളം രൂപ ശമ്പളമുള്ള ജോലി വാഗ്ദാനം ചെയ്താണ് ഇവരെ സംഘം വലയിലാക്കിയത്. തട്ടിപ്പു സംഘത്തില് നിന്നു ദിവസങ്ങളോളം…
Read Moreയൂണിവേഴ്സിറ്റി കോളജിൽ ഭിന്നശേഷിക്കാരനു മർദനം; പ്രതികളായ എസ്എഫ്ഐക്കാർ ഒളിവിലെന്ന് പോലീസ്
തിരുവനന്തപുരം : യൂണിവേഴ്സിറ്റി കോളജിൽ ഭിന്നശേഷിക്കാരനായ വിദ്യാർത്ഥിയെ മർദിച്ച സംഭവത്തിൽ പ്രതികൾ ഒളിവിലെന്ന് പോലീസ്. എസ്എഫ്ഐ ക്കാരായ നാലു പ്രതികളും ഒളിവിലാണെന്നാണ് കന്റോൺമെന്റ് പോലീസ് പറയുന്നത്. അതേ സമയം രാഷ്ട്രീയ ഇടപെടലുകൾ കാരണം പോലീസ് പ്രതികളെ പിടികൂടാൻ മടിക്കുന്നുവെന്ന ആരോപണവും ഉയർന്നിട്ടിട്ടുണ്ട്. യൂണിവേഴ്സിറ്റി കോളജിലെ ഇടിമുറിയിൽ കൊണ്ടുപോയി എസ്എഫ്ഐ യൂണിറ്റ് ഭാരവാഹികൾ തന്നെ ക്രൂരമായി മർദിച്ചെന്നുകാട്ടി ഭിന്നശേഷിക്കാരനായ മുഹമ്മദ് അനസ് ആണ് പരാതി നൽകിയത്. കോളജിലെ എസ്എഫ് ഐ യൂണിറ്റി ഭാരവാഹികളായ അമൽചന്ദ്, മിഥുൻ, അലൻ ജമാൽ, വിധു ഉദയ എന്നിവർക്കെതിരേയാണ് കന്റോണ്മെന്റ് പോലീസ് കേസെടുത്തത്. സംഭവത്തിൽ കോളജിലെ അച്ചടക്ക സമിതി ഇന്ന് അനസിൽ നിന്നും മൊഴിയെടുക്കും. കോളജ് അധികൃതരിൽ നിന്നും റിപ്പോർട്ട് തേടിയെന്നും പോലീസ് പറഞ്ഞു. കോളേജിലെ അച്ചടക്ക സമിതിക്കും പ്രിൻസിപ്പലിനും അനസ് പരാതി നൽകിയിരുന്നു. യൂണിവേഴ്സിറ്റി കോളജിലെ ഇടിമുറിയിൽ എസ് എഫ്ഐ യൂണിറ്റ് ഭാരവാഹികൾ…
Read Moreഅനർഹമായി ക്ഷേമനിധി പെന്ഷന് കൈപ്പറ്റി; തിരിച്ചടയ്ക്കാന് ഹൈക്കോടതി ഉത്തരവ്
കൊച്ചി: കേരള ടോഡി വര്ക്കേഴ്സ് വെല്ഫയര് ഫണ്ട് ബോര്ഡില്നിന്നും വിരമിച്ച് ആരോഗ്യവകുപ്പില് ഉദ്യോഗം ലഭിച്ച ശേഷവും ക്ഷേമനിധി പെന്ഷന് കൈപ്പറ്റികൊണ്ടിരുന്നയാള് പെന്ഷന് തുക തിരിച്ചടക്കാന് ഹൈക്കോടതി ഉത്തരവ്. തുക തിരിച്ചടക്കാന് ആവശ്യപ്പെട്ടുള്ള ബോര്ഡ് ഉത്തരവ് ചോദ്യം ചെയ്തുകൊണ്ടാണ് ഇദ്ദേഹം ഹൈക്കോടതിയെ സമീപിച്ചത്. എന്നാല് 2020 ല് പുറത്തിറക്കിയ സര്ക്കാര് വിജ്ഞാനപന പ്രകാരം കേന്ദ്ര, സംസ്ഥാന സര്ക്കാര് ശമ്പളമോ പെന്ഷനോ കൈപറ്റിക്കൊണ്ടിരിക്കുന്നവര്ക്ക് ക്ഷേമനിധി പെന്ഷന് യോഗ്യതയില്ലയെന്ന ബോര്ഡിന്റെ വാദം അംഗീകരിച്ച ജസ്റ്റീസ് എന്. നാഗരേഷ് അധ്യക്ഷനായ ബെഞ്ച് പരാതിക്കാരന്റെ റിട്ട് ഹര്ജി തള്ളിക്കൊണ്ട് തിരിച്ചടവിനുള്ള ബോര്ഡ് ഉത്തരവ് ശരിവക്കുകയായിരുന്നു. വെല്ഫയര് ഫണ്ട് ബോര്ഡിനു വേണ്ടി അഡ്വ. റെനില് ആന്റോ കണ്ടംകുളത്തി ഹാജരായി.
Read Moreബിജെപിയെ പിടിച്ചുലച്ച് വീണ്ടും കോഴ ആരോപണം; എം.ടി. രമേശ് ഒന്പത് കോടി വാങ്ങിയതിനു തെളിവുണ്ടെന്നു മുന് ബിജെപി നേതാവ്
കോഴിക്കോട്: ബിജെപിയെ പിടിച്ചുലച്ച് വീണ്ടും കോഴ ആരോപണം. സ്വകാര്യ മെഡിക്കല് കോളജിന് അനുമതി വാഗ്ദാനം ചെയ്ത് ബിജെപി നേതാവ് എം.ടി. രമേശ് ഒന്പതുകോടി രൂപ കൈക്കൂലി വാങ്ങിയെന്ന ആരോപണവുമായി രംഗത്തെത്തിയത് മുന് ബിജെപി സംസ്ഥാന സെക്രട്ടറി എ.കെ. നസീറാണ്. മെഡിക്കല്കോഴ കേസില് പുനരന്വേഷണം നടത്തിയാല് ബിജെപി നേതാക്കള്ക്കെതിരേ തെളിവു കൈമാറാന് തയാറാണെന്നും നസീര് വെളിപ്പെടുത്തിയിട്ടുണ്ട്. എന്നാല് ഇടത് സര്ക്കാരിന്റെ പോലീസ് അന്വേഷിച്ച് തള്ളിക്കളഞ്ഞ കേസില് ഇപ്പോള് വീണ്ടും ആരോപണം ഉന്നയിക്കുന്നത് ദുരുദ്ദേശ്യപരമാണെന്ന് എം.ടി. രമേശ് പ്രതികരിച്ചിട്ടുണ്ട്. മുമ്പ് വിജിലന്സ് അന്വേഷിച്ചപ്പോള് എന്തുകൊണ്ട് ഈ ആരോപണം ഉന്നയിക്കാന് നസീര് തയാറായില്ലെന്നും എം.ടി. രമേശ് ചോദിക്കുന്നു. കുമ്മനം രാജശേഖരന് പാര്ട്ടി സംസ്ഥാന പ്രസിഡന്റായിരുന്ന കാലത്താണ് ബിജെപി കേരള ഘടകത്തെ പിടിച്ചുലച്ച മെഡിക്കല് കോഴ വിവാദം ഉയര്ന്നത്. പാലക്കാട് ചെര്പ്പുളശേരിയിലുളള സ്വകാര്യ മെഡിക്കല് കോളജില് നിന്ന് എം.ടി. രമേശ് കോഴ വാങ്ങിയെന്നാണ്…
Read Moreരണ്ടാംമൈൽ-പനമറ്റം റോഡ് തകർന്ന് സഞ്ചാരയോഗ്യമല്ലാതായി; വാഴ നട്ട് പ്രതിഷേധിച്ച് ഓട്ടോറിക്ഷാ ഡ്രൈവർമാർ
എലിക്കുളം: റോഡ് തകർന്ന് സഞ്ചാരയോഗ്യമല്ലാതായതോടെ രണ്ടാംമൈൽ-പനമറ്റം അക്കരക്കുന്ന് റോഡിന്റെ ശ്യോച്യാവസ്ഥ പരിഹരിക്കണമെന്നാവശ്യപ്പെട്ട് ശക്തമായ പ്രതിഷേധവുമായി ഓട്ടോറിക്ഷാ ഡ്രൈവർമാർ. റോഡിൽ വാഴ വച്ചാണ് ഇവർ പ്രതിഷേധിച്ചത്. രണ്ടാം മൈൽ-പനമറ്റം അക്കരക്കുന്ന് റോഡ് തകർന്നുകിടക്കാൻ തുടങ്ങിയിട്ട് നാളുകളേറെയായി. ഇതുവഴിയുള്ള കാൽനടയാത്ര പോലും ദുഃസഹമായിരിക്കുകയാണ്. അധികൃതരോട് നിരവധിത്തവണ പരാതികൾ പറഞ്ഞിട്ടും യാതൊരു പരിഹാരവും ഇല്ലാതെ വന്നതോടെയാണ് വാഴ നട്ട് പ്രദേശത്തെ ഓട്ടോറിക്ഷ ഡ്രൈവർമാർ പ്രതിഷേധിച്ചത്. ഓട്ടം വിളിച്ചാൽ പോകാൻ കഴിയാത്ത അവസ്ഥയിലാണെന്നും ഓട്ടം പോയി തിരികെ വരുമ്പോൾ വാഹനം നേരേ വർക്ക്ഷോപ്പിലേക്ക് പ്രവേശിപ്പിക്കേണ്ടി വരുന്നുവെന്നും ഓട്ടോറിക്ഷാ ഡ്രൈവർമാർ പറയുന്നു. പനമറ്റം ഗവൺമെന്റ് സ്കൂളിലേക്ക് ഉൾപ്പെടെ ദിവസേന നൂറുകണക്കിന് വാഹനങ്ങൾ കടന്നുപോകുന്ന വഴിയാണിത്. അതുകൊണ്ടുതന്നെ ഈ ദുരിത യാത്രയ്ക്ക് പരിഹാരം അടിയന്തരമായി ഉണ്ടാകണമെന്നും ഇവർ ആവശ്യപ്പെടുന്നു. എലിക്കുളം പഞ്ചായത്ത് ഒമ്പതാം വാർഡിൽ ഉൾപ്പെട്ടതാണ് ഈ പ്രദേശം. അധികൃതരുടെ ഭാഗത്തുനിന്നു നടപടികൾ ഉണ്ടായില്ലെങ്കിൽ കടുത്ത…
Read More