ഹരിപ്പാട്: വിദ്യാഭ്യാസകേന്ദ്രങ്ങള് അറിവു പകര്ന്നുകൊടുക്കുന്നതോടൊപ്പം മനുഷ്യരെ സൃഷ്ടിക്കാനുള്ള ഇടങ്ങള് കൂടിയാകണമെന്ന് മന്ത്രി സജി ചെറിയാന്. മണ്ണാറശാല യുപി സ്കൂളിന്റെ ഒരു വര്ഷം നീണ്ടുനില്ക്കുന്ന ശതാബ്ദി ആഘോഷമായ അക്ഷര സുകൃതം 2024ന്റെ ഭാഗമായി സ്കൂള് പിടിഎ കമ്മിറ്റിയുടെ നേതൃത്വത്തില് അധ്യാപകരെ ആദരിക്കുന്ന ഗുരുസാദരം 2024 ഉദ്ഘാടനം ചെയ്യുകയായിരുന്നു അദ്ദേഹം. മണ്ണാറശാല യുപി സ്കൂളിലെയും സ്കൂള് നഴ്സറി വിഭാഗമായ മണ്ണാറശാല ശ്രീനാഗരാജ വിദ്യാപീഠത്തിലെയും മുഴുവന് അധ്യാപകരെയും പൂര്വാധ്യാപകരെയും ചടങ്ങില് ആദരിച്ചു. സ്കൂള് ശതാബ്ദി ആഘോഷ സംഘാടക സമിതി ജനറല് കണ്വീനര് എസ്. നാഗദാസ് അധ്യക്ഷത വഹിച്ചു. പ്രശസ്ത പ്രഭാഷകന് വി.കെ. സുരേഷ് ബാബു മുഖ്യപ്രഭാഷണം നടത്തി. കവിയും ഗാനരചയിതാവുമായ രാജീവ് ആലുങ്കല് മുഖ്യാതിഥിയായി പങ്കെടുത്തു. ഹരിപ്പാട് നഗരസഭാ ചെയര്മാന് കെ.കെ. രാമകൃഷ്ണന്, വൈസ് ചെയര്പേഴ്സണ് സുബി പ്രജിത്ത്, എസ്. കൃഷ്ണകുമാര്, അഡ്വ. ടി.എസ്. താഹ, വിനു ആര്. നാഥ്, മിനി.എസ്,…
Read MoreCategory: Edition News
വൈദ്യപരിശോധനയ്ക്ക് ആശുപത്രിയിലെത്തിച്ച യുവാവിന്റെ അതിക്രമം; ഡ്യൂട്ടിപോലീസുകാരന് പരിക്ക്
ആലപ്പുഴ: ജനറല് ആശുപത്രി ഡ്യൂട്ടിക്കാരനായ പോലീസ് ഉദ്യോഗസ്ഥനെ മര്ദിച്ച കേസിലെ പ്രതി അറസ്റ്റില്. നെടുമുടി പഞ്ചായത്തില് പൂപ്പള്ളി ജംഗ്ഷന് തെക്ക് പത്തില്ചിറ വീട്ടില് രഞ്ജിത്താ(37)ണ് അറസ്റ്റിലായത്. ഏഴിന് രാത്രി ആലപ്പുഴ കെഎസ്ആര്ടിസി ബസ് സ്റ്റാൻഡ് പരിസരത്ത് മദ്യപിച്ച് അടിയുണ്ടാക്കിയതിന് സൗത്ത് പോലീസ് എത്തി രഞ്ജിത്തിനെ പിടികൂടി വൈദ്യപരിശോധന യ്ക്കായി ആലപ്പുഴ ജനറല് ആശുപത്രിയില് കൊണ്ടുചെന്നപ്പോഴാണ് അവിടെ ഡ്യൂട്ടിയിലുണ്ടായിരുന്ന ആലപ്പുഴ സൗത്ത് പോലീസ് സ്റ്റേഷനിലെ സിപിഒ അനുരാഗിനെ മര്ദിച്ചത് ആശുപത്രിയിൽ ബഹളം വച്ചപ്പോള് അത് വിലക്കിയതിനാണ് പോലീസ് ഉദ്യോഗസ്ഥനെ അസഭ്യം പറഞ്ഞ് ഉപദ്രവിച്ചത്. പ്രതിയുടെ ആക്രമണത്തില് അനുരാഗിന്റെ ഇടതുകൈവിരലിന് പരിക്കേറ്റിരുന്നു. തുടര്ന്ന് ഡ്യൂട്ടിയിലുണ്ടായിരുന്ന പോലീസ് ഉദ്യോഗസ്ഥനെ മര്ദിച്ചതിനുകൂടി പോലീസ് കേസെടുക്കുകയായിരുന്നു. കോടതിയില് ഹാജരാക്കിയ പ്രതിയെ 14 ദിവസത്തേക്ക് റിമാന്ഡ്ചെയ്തു.
Read Moreകലോത്സവ വേദി കായികശേഷി തെളിയിക്കൽ വേദിയായി; മുക്കം ഉപജില്ലാ സ്കൂള് കലോത്സവത്തിൽ കൂട്ടത്തല്ല്
കോഴിക്കോട്: ആദ്യം വിദ്യാര്ഥികള് തമ്മിലായിരുന്നു ഏറ്റുമുട്ടിയത്. പൊരിഞ്ഞ അടി ഒടുവില് അധ്യാപകരും ഏറ്റെടുത്തു. ഏതാനും സമയത്തേക്ക് മുക്കം ഉപജില്ലാ സ്കൂള് കലോത്സവ വേദി കൂട്ടത്തല്ലിന്റെ വേദിയായി. കലോത്സവമായിരുന്നുവെങ്കിലും കായികശേഷി തെളിയിക്കലായിരുന്നു ഏറ്റവും ഒടുവിലത്തെ ഇനം. സാംസ്കാരിക കേരളത്തിനു അപമാനമായി കൂട്ടത്തല്ല് നടന്നത് ഇന്നലെ രാത്രി വൈകിയായിരുന്നു. കലോത്സവത്തിന്റെ തുടക്കം മുതല് തന്നെ വിധി നിര്ണയത്തില് പരാതികളേറെ ഉണ്ടായിരുന്നു. ഹയര് സെക്കന്ഡറി വിഭാഗം ഓവറോള് ചാമ്പ്യന്ഷിപ്പ് പങ്കുവെച്ചതാണ് തര്ക്കത്തിന് കാരണമായത്. നീലേശ്വരം ഗവ. ഹയര്സക്കന്ഡറി സ്കൂളും ആതിഥേയരായ കൊടിയത്തൂര് പിടിഎം ഹയര് സെക്കന്ഡറി സ്കൂളുമാണ് ട്രോഫി പങ്കിട്ടത്. എന്നാല് തങ്ങളാണ് യഥാര്ത്ഥ ചാമ്പ്യന്മാരെന്നും പിടിഎം അനധികൃതമായി മത്സരാര്ഥികളെ തിരുകി കയറ്റിയും വിധി നിര്ണയത്തില് കൃത്രിമം കാണിച്ചുമാണ് ട്രോഫിക്ക് അര്ഹത നേടിയതെന്നും ആരോപിച്ചു നീലേശ്വരം സ്കൂള് അധികൃതര് ട്രോഫി വാങ്ങാന് വിസമ്മതിച്ചത്തോടെയാണ് പ്രശ്നങ്ങള് ആരംഭിച്ചത്. വാക്കുതര്ക്കം കയ്യാങ്കളിലേക്ക് നീങ്ങുകയായിരുന്നു. വിദ്യാര്ത്ഥികള്…
Read Moreപ്രായപൂര്ത്തിയാകാത്ത മകന് ബൈക്കോടിച്ചു; 25,000 രൂപ പിഴയും കോടതി പിരിയും വരെ തടവും പിതാവിന്
നാദാപുരം: പ്രായപൂര്ത്തിയാവാത്ത മകന് ബൈക്ക് ഓടിച്ച കേസില് പിതാവിനു കിട്ടിയതിന് എട്ടിന്റെ പണി. 25,000 രൂപ പിഴ അടക്കേണ്ടി വന്നതിനു പിന്നാലെ കോടതി പിരിയും വരെ തടവും ലഭിച്ചു. നാദാപുരത്താണ് സംഭവം. പുളിയാവ് സ്വദേശി പാലക്കൂല് വീട്ടില് അബ്ദുള് അസീസി (45) നെയാണ് നാദാപുരം കോടതി ശിക്ഷിച്ചത്. മെയ് അഞ്ചിന് ചെക്യാട് – പുളിയാവ് റോഡില് വാഹന പരിശോധനക്കിടെയാണ് അസീസിന്റെ മകന് ഓടിച്ച ബൈക്ക് നാദാപുരം കണ്ട്രോള് റൂം സിഐയും സംഘവും പിടികൂടിയത്. വളയം പോലീസാണ് കേസ് രജിസ്റ്റര് ചെയ്തത്. പിഴ തുക അസീസ് കോടതിയില് അടച്ചു. പ്രത്യേക അദാലത്തിലാണ് കേസ് പരിഗണിച്ച് ശിക്ഷ നടപ്പാക്കിയത്.
Read Moreഎല്ലാവരും ഉറങ്ങിയെന്ന് ബോധ്യപ്പെടുന്പോൾ അവരെത്തും: രാത്രികാലങ്ങളില് അജ്ഞാതസംഘം വിലസുന്നു: കുറുവാസംഘമെന്നു സംശയം
ചേര്ത്തല: ചേര്ത്തലയില് തുടര്ച്ചയായുണ്ടാകുന്ന മോഷണശ്രമങ്ങളില് നഗരം ഭീതിയില്. മൂഖംമൂടിധാരികളായ അജ്ഞാതസംഘം മാരകായുധങ്ങളുമായി വിലസുന്നത് ചിലവീടുകളിലെ സിസിടിവി കാമറയില് പതിഞ്ഞതോടെയാണ് ജനങ്ങള് ഭീതിയിലായത്. മോഷണശ്രമങ്ങള്ക്കു പിന്നില് അക്രമകാരികളായ കുറുവസംഘമെന്നു സംശയമുയരുന്നതും ഇതു പ്രചരിക്കുന്നതും ജനങ്ങളെ ഭീതിയിലാക്കുന്നുണ്ട്. കഴിഞ്ഞ ഏതാനും ദിവസങ്ങളായി നഗരത്തില് പലയിടത്തായി മോഷണ ശ്രമങ്ങളുണ്ടായി. മണ്ണഞ്ചേരിയില് കുറുവ സംഘത്തിന്റെ മോഷണത്തില് പോലീസ് അന്വേഷണം നടക്കുകയാണ്. ഈ സാന്നിധ്യമാണ് ആശങ്കയാകുന്നത്. കഴിഞ്ഞ ദിവസമാണ് കുറുവ സംഘമെന്ന് തോന്നിപ്പിക്കുന്ന സംഘം നഗരസഭ 32-ാം വാര്ഡില് വീടിന്റെ പിന്വാതില് തകര്ത്ത് അകത്തുകടന്നത്. അര്ത്തുങ്കല് ബൈപ്പാസിനു സമീപം പണ്ടകശാലപറമ്പില് ശ്രീകേശന്റെ വീട്ടിലാണ് മോഷണശ്രമം നടന്നത്. വീട്ടുകാര് ഉണര്ന്നതിനാല് സംഘം ഓടി രക്ഷപ്പെട്ടു. ഇവരുടെ ദൃശ്യങ്ങള് സിസിടിവി കാമറകളില് പതിഞ്ഞിട്ടുണ്ട്. സമീപത്തെ പലവീടുകളിലും മോഷണശ്രമമുണ്ടായി. തുടര്ന്ന് സൂര്യപള്ളി ജോസിയുടെ വീടിന് മുന്നിലും മോഷ്ടാക്കള് എത്തി. മൂന്നംഗസംഘം വീടിന് ഗേറ്റിന് വെളിയില് നില്ക്കുന്നത് സിസിടിവി കാമറയില്…
Read Moreപുലിഭീതിയിൽ നാട്ടുകാർ; വെള്ളോറ, കടവനാട് പ്രദേശങ്ങളിൽ തെരച്ചിൽ ശക്തമാക്കി വനം വകുപ്പ്
മാതമംഗലം: പുലി ഭീതി നിലനിൽക്കുന്ന വെള്ളോറ കടവനാട് പ്രദേശങ്ങളിൽ തെരച്ചിൽ ശക്തമാക്കി വനം വകുപ്പ്.തളിപ്പറമ്പ് റേഞ്ച് ഫോറസ്റ്റ് ഓഫീസ് ടീം, കണ്ണൂർ ആർആർടി ടീം, എം പാനൽ റെസ്ക്യു ടീം, നോർത്തേൺ സർക്കിൾ വെറ്ററിനറി ഡോക്ടർ എന്നിവർ അടങ്ങുന്ന ടീമാണ് തെരച്ചിൽ നടത്തുന്നത്. കാമറകൾ സ്ഥാപിച്ചതിന് പുറമെ ഡ്രോൺ കാമറ ഉപയോഗിച്ചും തെരച്ചിൽ നടത്തുന്നുണ്ട്. കുറച്ച് ദിവസങ്ങൾക്ക് മുന്നേ കക്കറ കരിമണലിൽ ഒരു വളർത്തു നായയേയും, കഴിഞ്ഞ ദിവസം വെള്ളോറ കടവനാട് അറക്കാൽപ്പാറ രവീന്ദ്രന്റെ വീട്ടിലെ ആടിനേയും പുലി കടിച്ച് കൊന്നിരുന്നു. ഇത് പ്രദേശത്താകമാനം ഭീതിയിൽ ആഴ്ത്തിയിട്ടുണ്ട്. ഈ മേഖലയിലെ ടാപ്പിംഗ് തൊഴിലാളികൾക്ക് ഭീതി മൂലം ടാപ്പിംഗ് നഷ്ടപ്പെട്ടുകൊണ്ടിരിക്കുന്ന അവസ്ഥയാണ് ഉള്ളത്. പുലിയെ കുറിച്ചുള്ള വ്യാജ ഫോട്ടോകളും, അഭ്യൂഹങ്ങളും പ്രചരിക്കുന്നതും ജനങ്ങളെ ഏറെ ഭീതിയിലാഴ്ത്തുന്നുണ്ട്. ഇത്തരത്തിൽ വ്യാജ അഭ്യൂഹങ്ങൾ പ്രചരിപ്പിക്കുന്നവർ ഇതിൽ നിന്ന് പിൻമാറണമെന്ന് അധികൃതർ ആവശ്യപ്പെട്ടു.…
Read Moreഉരച്ചു നോക്കാൻ ഗ്യാപ്പ് തരും മുൻപേ വിശ്വാസ്യത പിടിച്ചു പറ്റും: മുക്കുപണ്ട മാഫിയ വ്യാപകം; കബളിപ്പിക്കപ്പെടുന്നത് ലക്ഷങ്ങൾ
കോട്ടയം: സംസ്ഥാനത്തു മുക്കുപണ്ട മാഫിയ വ്യാപകമെന്ന് ഓള് കേരള പ്രൈവറ്റ് ബാങ്കേഴ്സ് അസോസിയേഷന്. പ്രഫഷണല് സംഘമാണു മാഫിയയ്ക്കു പിന്നില് പ്രവര്ത്തിക്കുന്നത്. മുക്കുപണ്ടവുമായെത്തി പ്രൈവറ്റ് ബാങ്ക് ജീവനക്കാരെ കബളിപ്പിച്ചു പണവുമായി കടന്നുകളയുന്നവര്ക്കെതിരേ കടുത്ത ശിക്ഷ വ്യവസ്ഥ ചെയ്യുന്ന രീതിയില് നിയമം ഭേദഗതി ചെയ്യണമെന്നു സംഘടന സര്ക്കാരിനോട് ആവശ്യപ്പെട്ടു. ലക്ഷക്കണക്കിനു രൂപയുടെ നഷ്ടമാണ് സ്വകാര്യ ബാങ്കുകള് നേരിടുന്നത്. ഇവരുടെ ഉറവിടം കണ്ടെത്തി നിയമത്തിന്റെ മുന്പിലെത്തിച്ചു ശിക്ഷിക്കാനുള്ള വ്യവസ്ഥകള് ഉള്പ്പെടുത്തി ഭാരതീയ ന്യായ സംഹിത പരിഷ്കരിക്കാന് നടപടികള് എടുക്കണമെന്ന് പ്രൈവറ്റ് ബാങ്കേഴ്സ് അസോസിയേഷന് കേന്ദ്ര-സംസ്ഥാന സര്ക്കാരുകളോട് ആവശ്യപ്പെട്ടു. അസോസിയേഷന്റെ 66ാമത് സംസ്ഥാന സമ്മേളനം കോടിമത സുമംഗലി ഓഡിറ്റോറിയത്തില് 10ന് നടക്കും. രാവിലെ 11ന് മന്ത്രി വി.എന്. വാസവന് ഉദ്ഘാടനം ചെയ്യും. സംസ്ഥാനപ്രസിഡന്റ് പി.എ. ജോസ് അധ്യക്ഷത വഹിക്കും. നിയമസഭ ഡെപ്യൂട്ടി സ്പീക്കര് ചിറ്റയം ഗോപകുമാര്, ചീഫ് വിപ്പ് ഡോ. എന്. ജയരാജ്,…
Read Moreപുഴുവരിച്ച ഭക്ഷ്യക്കിറ്റില് കലങ്ങി വയനാടൻ പോര്; സംഘര്ഷ സാധ്യത കണക്കിലെടുത്ത് പ്രദേശത്ത് പോലീസ് ക്യാമ്പ്
കല്പ്പറ്റ: കള്ളപ്പണ വിവാദവും ട്രോളിയുമാണ് പാലക്കാട്ടെ പ്രചാരണ വിഷയമെങ്കില് പുഴുവരിച്ച ഭക്ഷ്യക്കിറ്റിലാണ് വയനാട്ടിലെ പ്രചാരണം ചൂടുപിടിച്ചിരിക്കുന്നത്. കോണ്ഗ്രസ് ഭരിക്കുന്ന മേപ്പാടി പഞ്ചായത്തിനെ സിപിഎമ്മും ബിജെപിയും പ്രതിസ്ഥാനത്തു നിര്ത്തുമ്പോള് റവന്യൂ വകുപ്പിനെതിരേ വിഷയം തിരിച്ചുവിട്ട് സംസ്ഥാന സര്ക്കാരിനെതിരേയാണ് ഈ വിഷയം കോണ്ഗ്രസ് ആയുധമാക്കുന്നത്. മേപ്പാടി പഞ്ചായത്ത് ഓഫീസ് പരിസരം രാഷ്ട്രീയപാര്ട്ടികളുടെ സമരത്തെത്തുടര്ന്ന് ഇന്നലെ സംഘര്ഷഭരിതമായിരുന്നു. ഡിവൈഎഫ്ഐയുടെ സമരത്തിനിടെ പഞ്ചായത്തിലെ മേശയും ബെഞ്ചും ഉള്പ്പെടെയുള്ളവ പ്രവര്ത്തകര് എടുത്തെറിഞ്ഞിരുന്നു. ഇന്നു രാവിലെ മേപ്പാടി പഞ്ചായത്തിലേക്കു മാര്ച്ച് നടത്തുമെന്നാണ് സിപിഎം അറിയിച്ചിരിക്കുന്നത്. സംഘര്ഷ സാധ്യത കണക്കിലെടുത്ത് വന് പോലീസ് സന്നാഹം ക്യാമ്പ് ചെയ്തിട്ടുണ്ട്. മുണ്ടക്കൈ ഉരുള്പൊട്ടല് ദുരിതബാധിതര്ക്കു പഴകിയ ഭക്ഷ്യ വസ്തുക്കള് നല്കിയ സംഭവം സംസ്ഥാന സര്ക്കാരിനെതിരേ തിരിയാതിരിക്കാനായി ഈ വിഷയത്തില് ശക്തമായ തടര്സമരപരിപാടികളുമായി രംഗത്തിറങ്ങാനാണ് സിപിഎം നീക്കം. പഞ്ചായത്ത്, ഭക്ഷ്യവസ്തുക്കള് പൂഴ്ത്തിവച്ചെന്നു സിപിഎം ആക്ഷേപം ഉയര്ത്തുന്നു. കോണ്ഗ്രസും സിപിഎമ്മും മുണ്ടക്കൈക്കാരെ വഞ്ചിക്കുന്നു…
Read Moreപി. ശിയെപോലെ ദിവ്യയും തിരിച്ചുവരും; ആത്മാർഥതയില്ലാത്ത നടപടിയാണ് സിപിഎമ്മിന്റേതെന്ന് കെ. സുധാകരൻ
ചേലക്കര: പി.പി. ദിവ്യക്കെതിരായ സിപിഎം നടപടിയില് വിമർശനവും പരിഹാസവുമായി കെപിസിസി അധ്യക്ഷന് കെ. സുധാകരൻ. പി. ശശിയെപോലെ പി.പി. ദിവ്യയും പാർട്ടിയുടെ തലപ്പത്തേക്കു തിരിച്ചുവരുമെന്നു കെ. സുധാകരൻ പറഞ്ഞു. ആത്മാർഥതയില്ലാത്ത നടപടിയാണ് സിപിഎമ്മിന്റേത്. മുമ്പ് പി. ശശിക്കെതിരെയും ഇതുപോലെ നടപടി എടുത്തിരുന്നു. എന്നാൽ ശശി ഇന്ന് അര മുഖ്യമന്ത്രിയാണ്. നവീൻ ബാബുവിന്റെ കുടുംബത്തെ ബോധ്യപ്പെടുത്താനും ഉപതെരഞ്ഞെടുപ്പ് മുന്നിൽകണ്ടുമാണ് ഇപ്പോഴത്തെ നടപടിയെന്നും കെപിസിസി പ്രസിഡന്റ് പ്രതീകരിച്ചു
Read Moreതാൻ കയറിയതു ഷാഫിയുടെ കാറിൽ; “വഴിയിൽ വച്ച് വാഹനം മാറിക്കയറി’; ദൃശ്യങ്ങളുമായി രാഹുൽ മാങ്കൂട്ടത്തിൽ
പാലക്കാട്: സിപിഎം പുറത്തുവിട്ട സിസിടിവി ദൃശ്യത്തിന് മറുപടിയുമായി രാഹുൽ മാങ്കൂട്ടത്തിൽ. സുഹൃത്തും താനും രണ്ട് വാഹനത്തിലാണ് ഹോട്ടലിൽനിന്ന് പോയതെന്ന് സ്ഥിരീകരിച്ച രാഹുൽ താൻ കയറിയത് ഷാഫി പറമ്പിലിന്റെ കാറിലാണെന്നും തന്റെ കാറിലാണ് സുഹൃത്ത് വന്നതെന്നും പറഞ്ഞു. ചില കാര്യങ്ങൾ സംസാരിക്കാനുണ്ടായിരുന്നത് കൊണ്ടാണ് ഷാഫിക്കൊപ്പം കാറിൽ കയറിയത്. സുഹൃത്ത് കൊണ്ടുവന്ന തന്റെ കാറിലേക്ക് പാലക്കാട് പ്രസ് ക്ലബിന് സമീപത്ത് വച്ച് മാറിക്കയറി. എന്നാൽ തന്റെ കാറിന് തകരാർ ഉണ്ടായതിനാൽ സർവീസിന് കൊടുക്കാൻ സുഹൃത്തിനെ ഏൽപ്പിച്ചു. പിന്നീട് പാലക്കാട് കെആർ ടവറിന് സമീപത്ത് വച്ച് യൂത്ത് കോൺഗ്രസ് പ്രവർത്തകന്റെ കാറിൽ കോഴിക്കട്ടേക്ക് പോയി. തന്റെ കാറിൽ നിന്ന് ട്രോളികൾ ഈ കാറിലേക്ക് മാറ്റി. കോഴിക്കോട് അസ്മ ടവറിലേക്ക് കാറിൽ ചെന്നിറങ്ങുന്നതിന്റെ സിസിടിവി ദൃശ്യവും രാഹുൽ പുറത്തുവിട്ടു.
Read More