തൃശൂർ: തൃശൂർ പൂരം കലക്കാൻ നേരത്തെ തന്നെ ശ്രമം നടന്നിരുന്നുവെന്ന് തൃശൂർ ലോക്സഭ മണ്ഡലത്തിലെ യുഡിഎഫ് സ്ഥാനാർഥിയായിരുന്ന കോണ്ഗ്രസ് നേതാവ് കെ. മുരളീധരൻ.എഡിജിപി-ആർഎസ്എസ് നേതാവ് കൂടിക്കാഴ്ചയുമായി ബന്ധപ്പെട്ട് മുരളി സർക്കാരിനെതിരേ ആഞ്ഞടിക്കുകയാണ്. ബിജെപി എംപിയെ ലോക്സഭയിലേക്ക് അയയ്ക്കാനുള്ള സന്ദേശം കൈമാറിയ കൂടിക്കാഴ്ചയെന്നാണ് മുൻ എംപി കൂടിയായ മുരളി അഭിപ്രായപ്പെട്ടത്. സിപിഎം ഭരിക്കുന്ന കൊച്ചിൻ ദേവസ്വം ബോർഡ് എക്സിബിഷൻ ഗ്രൗണ്ടിന്റെ തറ വാടക രണ്ടു കോടിയായി ഉയർത്തി പൂരം കലക്കാനുള്ള മറ്റൊരു ശ്രമവും നടത്തിയിരുന്നുവെന്ന് കെ. മുരളീധരൻ ആരോപിച്ചു. 35 ലക്ഷം രൂപയായിരുന്ന തറവാടക രണ്ടു കോടിയാക്കി ഉയർത്തി. അതിൽ പ്രതിഷേധിച്ച് തൃശൂർ എംപിയായിരുന്ന ടി.എൻ. പ്രതാപൻ നടത്തിയ ഉപവാസം ഉദ്ഘാടനം ചെയ്തത് താനായിരുന്നുവെന്നും മുരളി ഓർമിപ്പിച്ചു. ഒരു കാരണവശാലും പൂരം മുടക്കാൻ കഴിയില്ലെന്ന് അന്നുതന്നെ പറഞ്ഞിരുന്നു. രണ്ട് കോടി തറവാടക കൊടുത്ത് പൂരം നടത്തില്ലെന്ന് തിരുവന്പാടി, പാറമേക്കാവ്…
Read MoreCategory: Edition News
ജോലി വാഗ്ദാനം, ടാസ്കില് ലാഭം: 9.28 ലക്ഷം നഷ്ടമായെന്ന് യുവതിയുടെ പരാതി; മുംബൈയിലെ കോയിന് ഡിസിഎക്സ് ഓണ്ലൈന് കമ്പനിയുടമക്കെതിരേ കേസ്
പയ്യന്നൂര്: ഓണ്ലൈന് സ്ഥാപനത്തില് ജോലി വാഗ്ദാനം ചെയ്തും ടാസ്ക് പൂര്ത്തീകരിച്ചാല് ലാഭം ലഭിക്കുമെന്നും പറഞ്ഞ് 9.28 ലക്ഷത്തോളം രൂപ വഞ്ചിച്ചതായുള്ള പരാതിയില് പയ്യന്നൂര് പോലീസ് കേസെടുത്തു. പയ്യന്നൂര് കൊറ്റിയിലെ മുപ്പതുകാരിയുടെ പരാതിയിലാണ് മുംബൈയിലെ കോയിന് ഡിസിഎക്സ് എന്ന ഓണ്ലൈന് കമ്പനിയുടമക്കെതിരെ കേസെടുത്തത്. കഴിഞ്ഞമാസം 13 മുതല് ഈമാസം ഒന്നുവരെയുള്ള ദിവസങ്ങളിലായാണ് കേസിനാസ്പദമായ സംഭവം. മുംബൈ ആസ്ഥാനമായി പ്രവര്ത്തിക്കുന്ന കോയിന് ഡിസിഎക്സ് എന്ന ഓണ്ലൈന് സ്ഥാപനത്തില് പാര്ട്ട് ടൈം ജോലി നല്കാമെന്നും ഇതിലൂടെ അധികലാഭമുണ്ടാക്കാമെന്നുമുള്ള വാഗ്ദാനമായിരുന്നു ആദ്യമുണ്ടായത്. ഇതിനായി കമ്പനി അയക്കുന്ന ടാസ്കുകള് പൂര്ത്തീകരിച്ചാല് കൂടുതല് ലാഭം കിട്ടുമെന്നും വിശ്വസിപ്പിച്ചു. ഓരോ ടാസ്ക്കും ലഭിക്കുന്നതിനനുസരിച്ച് വിവിധ അക്കൗണ്ടുകളില്നിന്നായി 9,28,440 രൂപ ഓണ്ലൈന് കമ്പനി നല്കിയ അക്കൗണ്ടുകളിലേക്കെത്തിയിരുന്നു. കമ്പനി വാഗ്ദാനം ചെയ്ത ജോലിയും വാഗ്ദാനം ചെയ്ത ലാഭവും ലഭിക്കാതെ വന്നപ്പോഴാണ് യുവതി പരാതിയുമായി പോലീസിനെ സമീപിച്ചത്.
Read Moreസിനിമാ മേഖലയിലെ പ്രശ്നപരിഹാരം; നവംബിൽ നടത്താനിരുന്ന സിനിമ കോണ്ക്ലേവ് മാറ്റിയേക്കും; നയരൂപീകരണ സമിതി ആദ്യ യോഗം കൊച്ചിയില്
കൊച്ചി: സിനിമാ മേഖലയിലെ പ്രശ്നങ്ങള് പരിഹരിക്കാന് സര്ക്കാര് നവംബറില് കൊച്ചിയില് നടത്താനിരിക്കുന്ന സിനിമ കോണ്ക്ലേവ് മാറ്റിയേക്കുമെന്നു സൂചന. സിനിമ നയരൂപീകരണ സമിതിയുടെ ആദ്യ യോഗം ഇന്ന് കൊച്ചിയില് നടക്കുകയാണ്. സമിതി അധ്യക്ഷനായ സംവിധായകന് ഷാജി എന്. കരുണിന്റെ അധ്യക്ഷതയില് ചലച്ചിത്ര അക്കാദമി ചെയര്മാന് പ്രേംകുമാറും നിര്മാതാക്കളുടെയും വിതരണക്കാരുടെയും സംഘടനകളും ചര്ച്ചയില് പങ്കെടുക്കുന്നുണ്ട്. ചര്ച്ചയില് തീയതി മാറ്റുന്നത് സംബന്ധിച്ച് തീരുമാനമുണ്ടായേക്കും. നവംബര് 24നും 25നുമാണ് കോണ്ക്ലേവ് തീരുമാനിച്ചിരുന്നത്. നവംബറിലും ഡിസംബറിലും പ്രായോഗിക ബുദ്ധിമുട്ടുകള് ഉള്ളതിനാലാണ് ജനുവരിയിലേക്ക് മാറ്റാന് ശ്രമം നടക്കുന്നത്. നവംബര് 20 മുതല് 28 വരെയാണ് ഗോവ ചലച്ചിത്ര മേളയും ഡിസംബര് ആദ്യവാരം കേരളീയവും അത് കഴിഞ്ഞു ഐഎഫ്എഫ്കെയും നടത്തുന്നുണ്ട്. ഇതിനാല് അന്തിമ തീരുമാനം സര്ക്കാര് ഉടന് എടക്കുമെന്നാണ് ലഭ്യമാകുന്ന വിവരം. സിനിമ കോണ്ക്ലേവിന് മുന്പായി ഒരു കരട് തയാറാക്കുകയാണ് യോഗത്തിന്റെ ലക്ഷ്യം. വരും ദിവസങ്ങളില് ഫെഫ്ക…
Read Moreസിനിമാ സ്റ്റൈലിൽ യുവതിയെ കടത്തിക്കൊണ്ടുപോകാൻ ശ്രമം; രണ്ടു പേർ അറസ്റ്റിൽ; തടഞ്ഞ സഹോദരനെ ഇടിച്ച് ബോണറ്റിലിട്ട് കാറോടിച്ചു
പത്തനംതിട്ട: യുവതിയെ കാറിൽ കടത്തിക്കൊണ്ടുപോകാൻ ശ്രമിച്ച സംഘത്തെ തടഞ്ഞ സഹോദരനെ കാറിടിപ്പിച്ച് അപായപ്പെടുത്താൻ ശ്രമം. സംഭവവുമായി ബന്ധപ്പെട്ടു രണ്ടു പേരെ പോലീസ് അറസ്റ്റ് ചെയ്തു.കോന്നിയിലാണ് സിനിമ സ്റ്റൈലിൽ തട്ടിക്കൊണ്ടുപോകലും അനുബന്ധ സംഭവങ്ങളും അരങ്ങേറിയത്. ചെന്നീർക്കര പുനരധിവാസകോളനി രാജീവ് ഭവനം വീട്ടിൽ സന്ദീപ് (23), ഇലന്തൂർ ഇടപ്പരിയാരം വരട്ടുചിറ കോളനി മുന്നൂറ്റി മംഗലം വീട്ടിൽ ആരോമൽ (21) എന്നിവരാണ് പിടിയിലായത്. സന്ദീപുമായി മുന്പ് അടുപ്പത്തിലായിരുന്ന യുവതി ഇയാളുടെ സ്വഭാവദൂഷ്യം കാരണം പിണക്കത്തിലായിരുന്നുവെന്ന് പറയുന്നു. ഇതിന്റെ വിരോധത്തിൽ യുവതിയെ കാറിൽ കടത്താനാണ് സന്ദീപും സുഹൃത്തും ശ്രമിച്ചത്. ഇതു തടഞ്ഞ സഹോദരനെ കാർ കൊണ്ടിടിച്ചിട്ടു. ബോണറ്റിൽ വീണ് ഗ്ലാസിൽ പിടിച്ചു കിടന്ന സഹോദരനെയും വഹിച്ചു കൊണ്ട് അപകടകരമായ വിധത്തിൽ നിർത്താതെ ഓടിച്ചുപോയ കാർ നാട്ടുകാർ തടഞ്ഞു, ഇരുവരേയും രക്ഷപ്പെടുത്തി.വ്യാഴാഴ്ച രാത്രി ഏഴോടെയാണ് സംഭവങ്ങൾക്ക് തുടക്കം. കൊന്നപ്പാറയിലൊരു കല്യാണവീട്ടിൽ എത്തിയ യുവതിയെ ആരോമൽ…
Read Moreരോഗികൾക്കും കൂട്ടിരിപ്പുകാർക്കും വിഷരഹിത ഭക്ഷണം; ഇൻഡോ-അമേരിക്കൻ ആശുപത്രി ജൈവ പച്ചക്കറി കൃഷി വിപുലീകരിക്കുന്നു
വൈക്കം: രോഗികൾക്കും കൂട്ടിരിപ്പുകാർക്കും വിഷരഹിത ഭക്ഷണമൊരുക്കാൻ ജൈവകൃഷി രീതിയിൽ പച്ചക്കറി വിളയിക്കുന്ന ചെമ്മനാകരി ഇൻഡോ-അമേരിക്കൻ ബ്രയിൻ ആൻഡ് സ്പൈൻ സെന്റർ മാനേജ്മെന്റ് പൊതുജനങ്ങൾക്കുകൂടി ഉപകരിക്കുന്നതിനായി കൃഷി വിപുലീകരിക്കുന്നു. ഇപ്പോൾ ആശുപത്രി വളപ്പിലും ബിസിഎഫ് നഴ്സിംഗ് കോളജിനു സമീപത്തുമായി മൂന്നേക്കറിലാണ് ജൈവ പച്ചക്കറി കൃഷി. പാവൽ, പടവലം, വെണ്ട, തക്കാളി, വെള്ളരി, കുമ്പളങ്ങ, വഴുതന, മത്തൻ, ചുരക്ക, ആസാം ചുരക്ക, പച്ചമുളക് തുടങ്ങിയവയ്ക്കൊപ്പം വർണകാഴ്ചയായി ബന്ദിപൂ കൃഷിയുമുണ്ട്. ജൈവകൃഷിയിലൂടെ വിഷരഹിതമായ പഴവും പച്ചക്കറികളും മത്സ്യവും ഉത്പാദിപ്പിക്കണമെന്ന കേരളത്തിലെ ആദ്യ ന്യൂറോളജിസ്റ്റും ആശുപത്രി സ്ഥാപകനുമായ ഡോ. കുമാർ ബാഹുലേയന്റെ നിർദേശപ്രകാരമാണ് ജൈവ കൃഷി ആരംഭിച്ചത്. രോഗികൾക്കാവശ്യമായ ഭക്ഷണമൊരുക്കുന്നതിനൊപ്പം ഖരമാലിന്യ സംസ്കരണം ഫലപ്രദമായി നടത്താനും കൃഷിയിലൂടെ സാധിക്കുന്നുണ്ടെന്ന് ഡോക്ടർമാർ പറഞ്ഞു.ശുദ്ധമായ പാൽ ലഭിക്കുന്നതിനായി ആശുപത്രിയിലെ ഫാമിൽ നാടൻ പശുക്കളെയും വളർത്തുന്നുണ്ട്. പശു ഫാമിലെ ചാണകമാണ് കൃഷിക്കുള്ള പ്രധാന അടിവളം. കൃഷിയുടെ പരിപോഷണത്തിന്…
Read Moreകാന്തല്ലൂരിനെ വിറപ്പിച്ച് പകലും കാട്ടാനകളുടെ വിളയാട്ടം; വ്യാപകമായി കൃഷി നശിപ്പിച്ചു; പുറത്തിറങ്ങാൻ ഭയന്ന് നാട്ടുകാർ
മറയൂർ: കാട്ടാനകളെ ഭയന്ന് പകൽ സമയത്ത് പോലും പുറത്തിറങ്ങാൻ പറ്റാത്ത നാടായി കാന്തല്ലൂർ. ഇന്നലെ ഒറ്റ ദിവസം കൊണ്ട് നിരവധി കർഷകരുടെ കൃഷിയാണ് കാട്ടാന നാശം വരുത്തിയത്. പകൽ സമയത്ത് കാന്തല്ലൂരിലെ ജനവാസ കേന്ദ്രത്തിൽ ഇറങ്ങിയ കാട്ടാന പരിഭ്രാന്തി പരത്തി. നിരവധി പേർ ഭാഗ്യം കൊണ്ട് മാത്രമാണ് രക്ഷപ്പെട്ടത്. കാന്തല്ലൂരിലെ കർഷകനും റിസോർട്ട് ഉടമയുമായ പനച്ചിപറമ്പിൽ പ്രതീഷിന്റെ കാബേജ്, കാരറ്റ്, വാഴ എന്നീ കൃഷികൾ നശിപ്പിച്ചു. ആയിരക്കണക്കിന് രൂപയുടെ നഷ്ടവും വരുത്തിവച്ചു. നൂറിലധികം പേർ തിങ്ങിപ്പാർക്കുന്ന കാന്തല്ലൂർ ഗ്രാമത്തിലെ കണ്ണയ്യന്റെ വീടിനും മതിയഴകന്റെ ഓട്ടോറിക്ഷയ്ക്കും കേട് വരുത്തി. രാജേന്ദ്രന്റെ വീടിന്റെ മുറ്റത്തുകൂടി നടന്ന കാട്ടാന കാന്തല്ലൂർ പഞ്ചായത്ത് ഓഫീസ്, പോസ്റ്റ് ഓഫീസ് എന്നിവ പ്രവത്തിക്കുന്നതും വിനോദ സഞ്ചാരികൾ ധാരാളം എത്തുന്ന സിപ്പ് ലൈൻ ഭാഗത്തും എത്തിയ ശേഷം നാട്ടുകാർക്കും പ്രദേശവാസികൾക്കും നേരേ പാഞ്ഞടുത്തു.
Read Moreബിജെപി നേതാവിനെതിരേ ഗാർഹികപീഡന പരാതി
ചേർത്തല: ബിജെപി നേതാവിനെതിരെ ഗാർഹിക പീഡനത്തിന് ഭാര്യ വനിതാ സംരക്ഷണവകുപ്പ് ജില്ലാ ഓഫീസർക്ക് പരാതിനൽകി. ബിജെപി നിയോജകമണ്ഡലം വൈസ് പ്രസിഡന്റ് നഗരസഭ 13-ാം വാർഡ് പുത്തൻവീട്ടിൽ ഡി.ജ്യോതിഷിനെതിരെ ഭാര്യ ആർ. രാജശ്രീറാണിയുടേതാണ് പരാതി. ജ്യോതിഷിന്റെ അമ്മ വിമലഭട്ടിനെതിരെയും പരാതിയുണ്ട്. ബിജെപിയിലെ നഗരസഭാ കൗൺസിലറാണ് പരാതിക്കാരിയായ രാജശ്രീറാണി. ഭർത്താവ് ജ്യോതിഷ് മുൻ കൗൺസിലറാണ്. വനിതാ സംരക്ഷണവകുപ്പ് ഓഫീസർ പരാതി പരിഗണിച്ച് സംഭവം സംബന്ധിച്ച റിപ്പോർട്ട് ചേർത്തല പോലീസിനും ജുഡീഷ്യൽ മജിസ്ട്രേട്ടിനും നൽകി. സ്ത്രീധനം ആവശ്യപ്പെട്ട് ഉൾപ്പെടെയാണ് നിരന്തര പീഡനമെന്ന് റിപ്പോർട്ടിൽ പറയുന്നു. സ്ഥിരമായി അസഭ്യം പറയുകയും വീട്ടിൽനിന്ന് ബലമായി ഇറക്കിവിടാൻ ശ്രമിക്കുകയും ചെയ്തു. പരാതിക്കാരിയെയും മകളെയും ആത്മഹത്യക്ക് നിരന്തരം പ്രേരിപ്പിക്കുന്നു. പരാതിക്കാരി കടുത്ത മാനസിക-ശാരീരിക പീഡനം അനുഭവിക്കുന്നതായും പരാതിയില് പറയുന്നു. സംരക്ഷണവും താമസസൗകര്യം ഉറപ്പാക്കലും കേസിനുള്ള സഹായവുമാണ് പരാതിക്കാരിയുടെ ആവശ്യം.
Read Moreകണ്ണൂർ ജില്ലാ ആശുപത്രിയിൽ “കമ്പിക്കെണികൾ’; രോഗികൾ കമ്പിയിൽ തട്ടിമുറിവേൽക്കുന്നത് പതിവാകുന്നു; കണ്ടില്ലെന്ന് നടിച്ച് അധികൃതർ
കണ്ണൂർ: രോഗവുമായി ജില്ലാ ആശുപത്രിയിൽ എത്തിയാൽ ഡോക്ടറെ രണ്ട് തവണ കാണിച്ച് മടങ്ങാം. കാരണം, വർഷങ്ങൾക്ക് മുന്പ് നടന്ന ആശുപത്രി നവീകരണത്തിന്റെ ഭാഗമായുള്ള കന്പികൾ കൊണ്ട് പരിക്ക് പറ്റുന്നത് നിത്യ സംഭവമായി മാറിയിരിക്കുകയാണ്. പഴയ കാഷ്വാലിറ്റിയിലേക്ക് പ്രവേശിക്കുന്നിടത്ത്, കാന്റീനു സമീപം തുടങ്ങി നിരവധി സ്ഥലങ്ങളിലാണ് കമ്പികൾ അപകട ഭീഷണിയായി മാറുന്നത്. കാന്റീന് സമീപത്ത് ഒരു കുഴിക്ക് മുകളിലായി ദ്രവിച്ച മരകഷ്ണങ്ങൾക്ക് ചുറ്റുമാണ് കമ്പികൾ നിൽക്കുന്നത്. ആംബുലൻസുകളും രോഗികളെ കയറ്റാനായി നിരവധി വാഹനങ്ങളാണ് ഇതുവഴി വരുന്നത്. വാഹനങ്ങൾ വന്നാൽ വിവിധ ആവശ്യങ്ങൾക്കായി കാൽനടയായി പോകുന്നവർക്ക് നടക്കാൻ പോലും പറ്റാത്ത സ്ഥിതിയാണ്. ഒരു വശത്ത് മറ്റ് നവീകരണ പ്രവൃത്തികൾ നടക്കുന്നുണ്ട്. അതുകൊണ്ട് തന്നെ പലരും വാഹനം വരുമ്പോൾ അരികിലേക്ക് മാറി നിൽക്കുമ്പോൾ ഈ കമ്പികൾ കാലിൽ കൊണ്ട് മുറിവുകൾ സംഭവിക്കുന്നുണ്ട്. പഴയ കാഷ്യാലിറ്റിയുടെ പ്രവേശന കവാടത്തിൽ കന്പികളിൽ കൊണ്ട് അപകടം…
Read Moreസഹോദരന്റെ വിവാഹ ഒരുക്കങ്ങൾക്കിടയിൽ കുഴഞ്ഞു വീണ് ജേഷ്ഠൻ മരിച്ചു
പറവൂർ: സഹോദരന്റെ വിവാഹ ഒരുക്കങ്ങൾക്കിടയിൽ കുഴഞ്ഞു വീണ് ജേഷ്ഠൻ മരിച്ചു. ചിറ്റാറ്റുകര പട്ടണം ഇലവത്തിങ്കൽ ജോജു (36) ആണ് മരിച്ചത്. നാളെ നടത്താൻ തീരുമാനിച്ചിരുന്ന സഹോദരൻ ജോബിയലിന്റെ വിവാഹവുമായി ബന്ധപ്പെട്ട് കാര്യങ്ങൾ ചെയ്യുന്നതിനിടയിൽ വീടിനുള്ളിൽ കുഴഞ്ഞു വീണ ജോജുവിനെ ആശുപത്രിയിലെത്തിച്ചെങ്കിലും മരണമടഞ്ഞു. പോസ്റ്റ്ർമാർട്ടത്തിനു ശേഷം ഇന്ന് രാവിലെ സെന്റ് തോസ് കോട്ടക്കാവ് പള്ളിയിൽ സംസ്കാരം നടത്തി. അച്ഛൻ: പരേതനായ ജോയ്. അമ്മ: ജൂഡി. ഭാര്യ: ഗീതു. മക്കൾ: ഇസഹാക്ക്, ഇസബെല്ല.
Read Moreകവച് എറണാകുളം-ഷൊർണൂർ റൂട്ടിൽ നടപ്പാക്കുന്നു; രണ്ടു ട്രെയിനുകൾ ഒരേ ട്രാക്കിൽ വന്ന് കൂട്ടിയിടിക്കുന്നത് ഒഴിവാകും
തൃശൂർ: രണ്ടു ട്രെയിനുകൾ ഒരേ ട്രാക്കിലൂടെ വന്ന് കൂട്ടിയിടിക്കുന്നത് ഒഴിവാക്കാൻ കവച് എന്ന സുരക്ഷ സംവിധാനം കേരളത്തിലും ഒരുക്കാൻ റെയിൽവേ. കേരളത്തിലെ ഏറ്റവും തിരക്കേറിയ റെയിൽ പാതയായ എറണാകുളം -ഷൊർണൂർ മേഖലയിൽ ഓട്ടോമാറ്റിക് സിഗ്നലിംഗിന് ഒപ്പം കവച് എന്ന സുരക്ഷാസംവിധാനവും ഒരുക്കാൻ റെയിൽവേ നടപടി തുടങ്ങി. ഇതോടെ ഓട്ടോമാറ്റിക് സിഗ്നലിംഗിന് പുറമെ കവചും കേരളത്തിൽ ആദ്യമായി നടപ്പിലാക്കുന്ന മേഖലയായി മാറുകയാണ് 106 കിലോ മീറ്റർ ദൂരമുള്ള എറണാകുളം-ഷൊർണൂർ. 67.99 കോടി രൂപ മതിപ്പ് ചെലവിൽ പദ്ധതി നടപ്പാക്കാൻ ദക്ഷിണ റെയിൽവേയുടെ പോത്തന്നൂരിലുള്ള ഡെപ്യൂട്ടി ചീഫ് സിഗ്നൽ ആന്റ് ടെലി കമ്മ്യൂണിക്കേഷൻ എഞ്ചിനീയർ ദർഘാസുകൾ ക്ഷണിച്ചു. ഒക്ടോബർ 24 ആണ് അവസാന തിയതി. 540 ദിവസമാണ് പദ്ധതി പൂർത്തീകരണത്തിനുള്ള കാലാവധിയായി കണക്കാക്കിയിരിയ്ക്കുന്നത്.
Read More