ഇടുക്കി: അടിമാലിക്കു സമീപം തോക്കുപാറയില് വിനോദസഞ്ചാരികളുടെ വാഹനം നിയന്ത്രണംവിട്ടു മറിഞ്ഞ് 17 പേര്ക്കു പരിക്കേറ്റു. തമിഴ്നാട് സേലം സ്വദേശികള് സഞ്ചരിച്ച മിനി ബസാണ് ഇന്നു രാവിലെ തോക്കുപാറ വളവിൽ അപകടത്തില്പ്പെട്ടത്. മൂന്നാർ സന്ദര്ശനം നടത്തിയ ശേഷം തൃശൂരിലേക്കു പോകുകയായിരുന്നു വാഹനം.ബസ് മരത്തില് തട്ടിനിന്നതിനാല് വന് ദുരന്തം ഒഴിവായി. മൂന്നാറിക്കു പോകുകയായിരുന്ന ഇടുക്കി ജില്ലാ കളക്ടര് ഷീബാ ജോര്ജ് സ്ഥലത്തെത്തി രക്ഷാപ്രവര്ത്തനത്തിനു നേതൃത്വം നല്കി. പരിക്കേറ്റവരെ ആംബുലന്സുകളിലും മറ്റു വാഹനങ്ങളിലും വിവിധ ആശുപത്രികളിലെത്തിച്ചു. പോലീസും ഫയര്ഫോഴ്സും മോട്ടോര്വാഹന വകുപ്പ് അധികൃതരും സ്ഥലത്തെത്തിയിരുന്നു. ഏതാനും ദിവസം മുമ്പ് തേനി സ്വദേശികള് സഞ്ചരിച്ച വാഹനം മാങ്കുളത്തിനു സമീപം നിയന്ത്രണം വിട്ടു മറിഞ്ഞു നാലുപേര് മരിച്ചിരുന്നു.
Read MoreCategory: Edition News
ഇ.പി. ജയരാജൻ പിണറായിയുടെ രഹസ്യങ്ങൾ അറിയുന്നയാൾ; നടപടിയെടുത്താൽ സിപിഎം തകരുമെന്ന് കെ. സുധാകരൻ
തിരുവനന്തപുരം: പിണറായി വിജയന്റെ എല്ലാ രഹസ്യങ്ങളും അറിയുന്നയാളാണ് ഇ.പി.ജയരാജനെന്നും ഇ.പി.ജയരാജനെതിരെ നടപടി എടുത്താൽ സിപിഎം തകർന്നടിയുമെന്നും കെപിസിസി പ്രസിഡന്റ് കെ.സുധാകരൻ. അതുകൊണ്ട് തന്നെ പാർട്ടി ഒരിക്കലും ഇപിക്കെതിരെ നടപടി സ്വീകരിക്കില്ലെന്നും കെ സുധാകരൻ പറഞ്ഞു. ഇ.പി.ജയരാജന്റെ ഗൂഢാലോചന പരാതിയിൽ ശോഭ സുരേന്ദ്രനൊപ്പം തന്നെ രണ്ടാം കക്ഷിയാക്കിയതോടെ തന്നെ കേസ് പൊളിഞ്ഞെന്നും ഒരു ബന്ധവും ഇല്ലാത്ത രണ്ട് പേരെ കൂട്ടിക്കെട്ടാൻ ശ്രമിച്ചാൽ ഒരിക്കലും നടക്കില്ലെന്നും കെ.സുധാകരൻ കൂട്ടിച്ചേര്ത്തു. അതേസമയം എല്ഡിഎഫ് കണ്വീനര് ഇ.പി.ജയരാജന് ബിജെപിയിലേക്കെന്ന ആരോപണത്തില് തന്റെ കയ്യില് കൂടുതല് തെളിവില്ലെന്ന് കെ.സുധാകരൻ പറഞ്ഞു. ബിജെപി പ്രവര്ത്തകരില് നിന്ന് കിട്ടിയ വിവരമാണ് താൻ പറഞ്ഞത്. കടല് കണ്ട തന്നെ കൈത്തോട് കാണിച്ച് പേടിപ്പിക്കരുതെന്നും ഇ.പിയുടെ വക്കീല് നോട്ടിസിന് മറുപടിയായി സുധാകരൻ പറഞ്ഞു.
Read Moreകെപി റോഡിൽ യുവാക്കളുടെ അഭ്യാസപ്രകടനം; കാർ കസ്റ്റഡിയിലെടുത്ത് പോലീസ്; ഉടമയ്ക്കും ഡ്രൈവർക്കുമെതിരെ കേസ്
ചാരുംമൂട്: കെപി റോഡിലൂടെ ഭീതിപരത്തി യാത്ര നടത്തിയ സംഘം സഞ്ചരിച്ചിരുന്ന ഇന്നോവ കാർ മോട്ടോർ വാഹന വകുപ്പ് ഉദ്യോഗസ്ഥർ പിടിച്ചെടുത്ത് നൂറനാട് പോലീസിനു കൈമാറി. വാഹന ഉടമയ്ക്കും ഡ്രൈവർക്കുമെതിരേ മോട്ടോർ വാഹനനിയമ പ്രകാരമുള്ള നടപടി സ്വീകരിച്ചു. പാലമേൽ ആദിക്കാട്ടുകുളങ്ങര എള്ളുവിള കിഴക്കേതിൽ ആഷിഖിന്റെ ഉടമസ്ഥതയിലുള്ള കെഎൽ 24- എൻ. 8838 നമ്പർ വാഹനമാണ് വീട്ടിൽനിന്നു കസ്റ്റഡിയിലെടുത്തത്. സ്ഥലവാസിയായ ഖാലിബായിരുന്നു വാഹനമോടിച്ചിരുന്നത്. സജാസ്, അത്തൂസ് ബിലാൽ, റയിഹാൻ, നജാത്, അഷ്കർ, നാസിം എന്നിവരായിരുന്നു യാത്രക്കാരായി ഉണ്ടായിരുന്നത്. കഴിഞ്ഞ ഞായറാഴ്ച ഉച്ചയ്ക്കുശേഷമായിരുന്നു സംഭവം. കൂട്ടുകാരന്റെ വിവാഹത്തിൽ പങ്കെടുത്ത് മടങ്ങുകയായിരുന്ന സംഘം കാറിന്റെ നാലു ഡോറിലൂടെയും പുറത്തേക്കു തള്ളിനിന്ന് അഭ്യാസം കാട്ടി ആഘോഷപൂർവമായിരുന്നു യാത്ര. അശ്രദ്ധമായി വാഹനമോടിച്ചു വന്നത് റോഡിലൂടെയുള്ള മറ്റ് യാത്രക്കാർക്ക് ഭീതിയുളവാക്കിയിരുന്നു. മാധ്യമ വാർത്തയെത്തുടർന്ന് ആലപ്പുഴ ആർടിഒ എ.ആർ. ദിലു, മാവേലിക്കര ജോയിന്റ് ആർടിഒ എം.ജി. മനോജ് എന്നിവരുടെ…
Read Moreവണ്ടിപ്പെരിയാറിൽ കരടിയുടെ മുന്നിൽപ്പെട്ട കർഷകൻ അദ്ഭുതകരമായി രക്ഷപ്പെട്ടു
വണ്ടിപ്പെരിയാർ: രാത്രിയിൽ കരടിയുടെ മുന്നിൽപ്പെട്ട കർഷകൻ അദ്ഭുകരമായി രക്ഷപ്പെട്ടു. വള്ളക്കടവ് കുന്നത്തുപതിയിൽ വീട്ടിൽ സിബിയാണ് കരടിയുടെ മുന്നിൽനിന്ന് രക്ഷപ്പെട്ടത്. വ്യാഴാഴ്ച രാതി 9.30ഓടെ വണ്ടിപ്പെരിയാർ-വള്ളക്കടവ് റോഡിൽ അമ്പലപ്പടിക്ക് സമീപമായിരുന്നു സംഭവം. രാത്രി വളർത്തുനായ്ക്കൾ കുരയ്ക്കുന്നതുകേട്ട് ടോർച്ചുമായി മെയിൻ റോഡിലേക്ക് ഇറങ്ങിയ പ്പോൾ റോഡരികിൽ നിന്നിരുന്ന കരടി സിബി യുടെ നേരേ പാഞ്ഞടുക്കുകയായിരുന്നു. സിബിയുടെ കൈയിലുണ്ടായിരുന്ന ടോർച്ച് കരടിയുടെ മുഖത്തേക്ക് തെളിക്കുകയും ബഹളം വയ്ക്കുകയും ചെയ്തതോടെ കരടി റോഡിൽനിന്നു പെരിയാർ നദിയുടെ ഭാഗത്തേക്ക് ഓടിമറയുകയായിരുന്നു. കഴിഞ്ഞ കുറെ നാളുകളായി ഈ പ്രദേശത്ത് രാത്രികാലങ്ങളിൽ കരടിയുടെ ഒച്ച കേൾക്കുന്നുണ്ടെന്ന് പ്രദേശവാസികൾ പറയുന്നു. സമീപ പ്രദേശങ്ങളിലെ പറമ്പിലെ മരത്തിന്റെ ചുവട്ടിൽ കരടി മാന്തി തേൻ ഭക്ഷിച്ചിരുന്നതായും സിബി പറയുന്നു.
Read Moreവാകത്താനത്ത് സഹപ്രവർത്തകനെ കൊലപ്പെടുത്തിയ കേസ്; തമിഴ്നാട് സ്വദേശി അറസ്റ്റിൽ
വാകത്താനം: സഹപ്രവര്ത്തകനായ അസം സ്വദേശിയെ കൊലപ്പെടുത്തിയ കേസില് യുവാവ് അറസ്റ്റിൽ. തമിഴ്നാട് സ്വദേശിയായ പാണ്ടി ദുരൈ (29)യാണു വാകത്താനം പോലീസിന്റെ പിടിയിലായത്.വാകത്താനത്ത് ഇരുവരും ജോലി ചെയ്തിരുന്ന കോണ്ക്രീറ്റ് കമ്പനിയിലെ പ്ലാന്റ് ഓപ്പറേറ്ററായ പാണ്ടി ദുരൈ ഹെല്പ്പര് ആയി ജോലി ചെയ്തിരുന്ന ലേമാന് കിസ്ക് (19) എന്നയാളെ കമ്പനിയിലെ വേസ്റ്റ് കുഴിക്കുള്ളില് താഴ്ത്തി കൊലപ്പെടുത്തുകയായിരുന്നു. 28നു വാകത്താനം ഭാഗത്തുള്ള പ്രീഫാബ് കോണ്ക്രീറ്റ് കമ്പനിയിലെ വേസ്റ്റ് കുഴിയില് യുവാവിനെ മരിച്ച നിലയില് കാണപ്പെട്ടതിനെത്തുടര്ന്ന് വാകത്താനം പോലീസ് കേസ് രജിസ്റ്റര് ചെയ്യുകയായിരുന്നു. ജില്ലാ പോലീസ് മേധാവി കെ. കാര്ത്തിക്കിന്റെ നേതൃത്വത്തില് നടത്തിയ ശാസ്ത്രീയ അന്വേഷണത്തില് ഇതു കൊലപാതകമാണെന്നു കണ്ടെത്തുകയായിരുന്നു. 26നു ജോലിക്ക് എത്തിയ യുവാവ് മിക്സര് മെഷീനുള്ളില് ക്ലീന് ചെയ്യാന് ഇറങ്ങിയ സമയം പാണ്ടി ദുരൈ മെഷീന്റെ സ്വിച്ച് ഓണ് ചെയ്യുകയും തുടര്ന്ന് മെഷീനുള്ളില്നിന്നു താഴെ വീണ യുവാവിനെ ജെസിബി ഉപയോഗിച്ച്…
Read Moreവൈദ്യുതി പ്രതിസന്ധി ; മേഖല തിരിച്ച് നിയന്ത്രണം വന്നേക്കും; ജനങ്ങളുടെ ജീവിതത്തെ ബാധിക്കുമെന്ന് വിദഗ്ധർ
തിരുവനന്തപുരം: സംസ്ഥാനത്തെ വൈദ്യുതി പ്രതിസന്ധി, മേഖല തിരിച്ചു നിയന്ത്രണമെന്ന നിലപാടിലുറച്ച് കെഎസ്ഇബി. വിഷയത്തിൽ മുഖ്യമന്ത്രിയുടെയും വൈദ്യുതി മന്ത്രിയുടെയും തീരുമാനം കാക്കുകയാണ് കെഎസ്ഇബി ഉന്നത നേതൃത്വം. വൈദ്യുത ഉപഭോഗം കൂടുതലുള്ള സ്ഥലങ്ങളെ മേഖല തിരിച്ചു നിയന്ത്രണം കൊണ്ടു വരാനാണു തീരുമാനിച്ചിരിക്കുന്നത്. പ്രതിദിനം 150 മെഗാ വാട്ട് വൈദ്യുതി ഉപഭോഗം വീതം കുറയ്ക്കാനാണ് കെഎസ്ഇബി ലക്ഷ്യമിടുന്നത്. വാണിജ്യ വ്യവസായ സ്ഥാപനങ്ങളിൽ പീക്ക് ടൈമിൽ പരമാവധി ഉപഭോഗം കുറയ്ക്കണമെന്ന് ആവശ്യപ്പെടും. നിയന്ത്രണങ്ങളെക്കുറിച്ചുള്ള വിശദമായ വിവരങ്ങൾ പുറത്തിറക്കാനുള്ള സർക്കുലറിന്റെ പ്രവർത്തനങ്ങൾ അണിയറയിൽ നടക്കുകയാണ്. എന്നാൽ മുഖ്യമന്ത്രിയുടെയും വൈദ്യുതിമന്ത്രിയുടെയും അന്തിമ തീരുമാനം അനുസരിച്ചായിരിക്കും നിയന്ത്രണങ്ങൾ സംബന്ധിച്ചുള്ള സർക്കുലർ ഇറക്കുക. വൈദ്യുത ഉപഭോഗം കൂടിയ സാഹചര്യത്തിൽ സംസ്ഥാനത്തു പല പ്രദേശങ്ങളിലും അപ്രഖ്യാപിത പവർകട്ട് നിലവിലുണ്ടെന്നാണ് ജനങ്ങൾ പറയുന്നത്. കടുത്ത ചൂടിലും ഉഷ്ണത്തിലും ജനങ്ങൾ ബുദ്ധിമുട്ടുന്ന ഈ ഘട്ടത്തിൽ വൈദ്യുതി നിയന്ത്രണം കൂടി വരുന്നതോടെ ജനങ്ങളുടെ ജീവിതത്തെ…
Read Moreരാഹുൽ റായ്ബറേലിയിലും മത്സരിക്കുന്നു; വയനാട്ടിൽ നിരാശ
കോഴിക്കോട്: ഉത്തർപ്രദേശിലെ റായ്ബറേലിയില് രാഹുല് ഗാന്ധി പത്രിക നല്കുന്നുവെന്ന വാര്ത്ത വയനാട്ടിൽ നിരാശ പടർത്തിയെന്നു റിപ്പോർട്ട്. വയനാട്ടിലും റായ്ബറേലിയിലും ജയിച്ചാല് രാഹുല് റായ്ബറേലിയാകും നിലനിര്ത്തുകയെന്ന വിലയിരുത്തലാണു വയനാട്ടുകാരെ നിരാശയിലാക്കുന്നത്. ഇത്തവണ വയനാട്ടില് മാത്രമാണ് രാഹുല് മല്സരിക്കുകയെന്നാണ് കരുതിയിരുന്നത്. അപ്രതീക്ഷിതമായിട്ടാണ് രാഹുലിന്റെ റായ്ബറേലി സ്ഥാനാര്ഥിത്വം.കോണ്ഗ്രസിനേറെ ഹൃദയബന്ധമുള്ള മണ്ഡലമാണ് റായ്ബറേലി. കോണ്ഗ്രസിനെ ഹിന്ദി ബെല്റ്റില് കരുത്താര്ജിപ്പിക്കുന്നതിനു റായ്ബറേലിയിലെ രാഹുലിന്റെ മത്സരം ഉപകാരപ്പെടും. വയനാട്ടില് ജയിച്ചതുകൊണ്ട് രാഹുലിനു രാഷ്ട്രീയ നേട്ടമെന്നുമില്ല. അതുകൊണ്ട് വയനാട് ഒഴിവാക്കുമെന്നാണു വിലയിരുത്തൽ. എന്നാൽ, ഇതേക്കുറിച്ചു കോൺഗ്രസ് നേതൃത്വം പ്രതികരിച്ചിട്ടില്ല.കേരളത്തിലെ തെരഞ്ഞെടുപ്പു കഴിയുന്നതുവരെ രാഹുലിന്റെ റായ്ബറേലി മത്സരം രഹസ്യമാക്കി വച്ചിരിക്കുകയായിരുന്നു. വയനാട്ടില്നിന്ന് പരമാവധി േവാട്ടുകള് സമാഹരിക്കുന്നതിനായിരുന്നു ഇത്. രാഹുല് വയനാട്ടില്നിന്ന് മാറിയാല് സംസ്ഥാനത്തെ യുഡിഎഫിന്റെ വിജയത്തെ ബാധിക്കുമെന്നും കോണ്ഗ്രസ് വിലയിരുത്തിയിരുന്നു. കഴിഞ്ഞ തെരഞ്ഞെടുപ്പില് നവാഗതനായി എത്തിയ രാഹുലിനെ വയനാട്ടുകാര് വന്വിജയം സമ്മാനിച്ചാണ് നെഞ്ചേറ്റിയത്. 7,96,367 വോട്ടാണ് ഇവിടെ രാഹുല്…
Read Moreപ്രതിഷേധം ശക്തം; റെയില്വേ ടിക്കറ്റ് പരിശോധകര്ക്ക് അടിസ്ഥാനസൗകര്യങ്ങളില്ല
കോഴിക്കോട്: റെയില്വേ ടിക്കറ്റ് പരിശോധകര്ക്ക് അടിസ്ഥാന സൗകര്യങ്ങളില്ലെന്നെന്നു വ്യാപകപരാതി. ദുര്ഗന്ധം വമിക്കുന്ന മുറികളിലാണ് ഇവരുടെ വിശ്രമം. പലതവണ വിഷയം റെയില്വേ അധികൃതരുടെ ശ്രദ്ധയില്പ്പെടുത്തിയിട്ടും നടപടിയില്ലെന്ന് ടിടിഇമാര് പറയുന്നു. തിരുവനന്തപുരം, പാലക്കാട് ഡിവിഷനുകളില്നിന്ന് ദക്ഷിണ റെയില്വേയുടെ വിവധ ഭാഗങ്ങളിലേക്ക് ഡ്യൂട്ടിക്ക് പോകുന്ന ടിടിഇമാര്ക്കാണ് ദുരിതം. എട്ടും പത്തും മണിക്കുര് പണിയെടുത്ത് എത്തുന്നവര്ക്ക് വിശ്രമത്തിനു മതിയായ സൗകര്യമില്ലാത്തത് ആരോഗ്യത്തെ ബാധിക്കുന്നതായാണ് ആരോപണം. പാലക്കാട് ഡിവിഷനു കീഴിലെ മംഗലാപുരം, ഷൊര്ണൂര്, കണ്ണൂര്, പാലക്കാട് സ്റ്റേഷനുകളിലും തിരുവനന്തപുരം ഡിവിഷനു കീഴിലെ തിരുവനന്തപുരം, എറണാകുളം, ആലപ്പുഴ എന്നിവിടങ്ങളിലുമുള്ള വിശ്രമ കേന്ദ്രങ്ങളിലാണ് അടിസ്ഥാന സൗകര്യങ്ങള്പോലും ഇല്ലത്തത്. തിരുവനന്തപുരത്തെ വിശ്രമമുറിയില് പതിനഞ്ചു കട്ടിലുകളാണുള്ളത്. എന്നാല് ഇവിടെ വിശ്രമിക്കാന് മുപ്പതുപേരെങ്കിലും ഉണ്ടാവും.ആലപ്പുഴയിലും സമാന അവസ്ഥയാണെന്ന് ടിടിഇമാര് പറയുന്നു.എറണാകുളം സൗത്തില് ടിക്കറ്റ് പരിശോധകര്ക്ക് നല്കിയത് ഉപയോഗശൂന്യമായ റെയില്വേ ക്വാര്ട്ടേഴ്സാണ്. പാലക്കാട്ടെ വിശ്രമമുറിയില് മതിയായ കട്ടിലുകള് ഇല്ലെന്ന് മാത്രമല്ല ശുചിമുറി ഉപയോഗ…
Read Moreതലയ്ക്ക് മുകളിൽ സൂര്യൻ കത്തിജ്വലിക്കുന്നു; കോട്ടയത്ത് ജോലിക്കിടെ രണ്ടു പേർക്ക് പൊള്ളലേറ്റു
കൊല്ലപ്പള്ളി: ജില്ലയിൽ താപനില വർധിക്കുന്നു. രണ്ട് പേർക്ക് സൂര്യാതപമേറ്റു. കടനാട് കല്ലറയ്ക്കല് ബാബു(52)വിനാണ് കാര്പ്പന്റര് ജോലിക്കിടെ പൊള്ളലേറ്റത്. ബാബു ആശുപത്രിയില് ചികിത്സ തേടി. തൊഴില്ദിനത്തില് ജോലിക്കിടയായിരുന്നു സംഭവം. വെള്ളപ്പുരയില് പണിസ്ഥലത്ത് പടുതയ്ക്കടിയിലിരുന്നു ജോലി ചെയ്യുകയായിരുന്നു ബാബു. ശരീരത്തിന്റെ മുന്ഭാഗത്ത് കഴുത്തിനു താഴെ പൊള്ളലേറ്റ ബാബു ഇന്നലെ കടനാട് പ്രാഥമികാരോഗ്യ കേന്ദ്രത്തിലാണ് ചികിത്സ തേടിയത്. ഉച്ചയോടെ പൊള്ളലേറ്റ ബാബു വൈകുന്നേരത്തോടെയാണ് ചികിത്സ തേടിയത്. ശരീരം കുമളിച്ച് പൊട്ടിയൊഴുകുന്ന നിലയിലായിരുന്നു.കൂരോപ്പട: പെയിന്റിംഗ് തൊഴിലാളിക്ക് സൂര്യാതപമേറ്റു. കള്ളിയാട്ടുകുന്നേൽ അനിക്കാണ് കഴിഞ്ഞ ദിവസം പെയിന്റിംഗിനിടയിൽ സൂര്യാതപമേറ്റത്. വയറിന്റെ ഭാഗത്ത് പൊള്ളലേറ്റ അനി ഉടനെ കൂരോപ്പടയിലെ സ്വകാര്യ ആശുപത്രിയിൽ ചികിത്സ തേടി. ഒരാഴ്ചത്തെ വിശ്രമം വേണമെന്ന് ഡോക്ടർ നിർദേശിച്ചിട്ടുണ്ട്.
Read Moreഷെയറും ഇട്ടില്ല കൂടെയിരുന്ന് മദ്യപിച്ചുമില്ല; കോട്ടയം കാരാപ്പുഴയിൽ സുഹൃത്തിനെ കുത്തിക്കൊല്ലാൻ ശ്രമം
കോട്ടയം: മദ്യപിക്കാൻ കൂടെ വരാത്തതിന്റെ പേരിൽ സുഹൃത്തിനെ കുത്തിക്കൊല്ലാൻ ശ്രമിച്ചയാൾ അറസ്റ്റിൽ. കോട്ടയത്ത് വെള്ളിയാഴ്ച രാത്രിയാണ് സംഭവം. കാരാപ്പുഴ സ്വദേശി സജിയാണ് അറസ്റ്റിലായത്. സുഹൃത്തായ മധ്യവയസ്കനോട് ഇയാൾ മദ്യം വാങ്ങാൻ ഷെയർ ആവശ്യപ്പെട്ടിരുന്നു. തുടർന്ന് ഒപ്പമിരുന്ന് മദ്യപിക്കാനും ആവശ്യപ്പെട്ടു. എന്നാൽ ഇത് നിരസിച്ചതിന്റെ പേരിലാണ് ഇയാൾ സുഹൃത്തിനെ മദ്യക്കുപ്പി ഉപയോഗിച്ച് കുത്തിപ്പരിക്കേൽപ്പിച്ചത്. തുടർന്ന് വിവരമറിഞ്ഞ് സ്ഥലത്തെത്തിയ പോലീസ് പ്രതിയെ പിടികൂടുകയായിരുന്നു.
Read More