അടൂര്: വെള്ളം കൊരുന്നതിനടയില് തൊട്ടിയും കയറും കിണറ്റില് പോയത് എടുക്കാനിറങ്ങിയ ആള് കിണറ്റില് വീണു. വീണ ആളിനെ രക്ഷിക്കാനിറങ്ങിയവരും കിണറ്റില് അകപ്പെട്ടു. സംഭവം കണ്ടുനിന്ന യുവതി കുഴഞ്ഞുവീണു. ഏറത്ത് കൈതമുക്കില് കോട്ടക്കാട്ടുകുഴിയില് വീട്ടില് രാജു (55) തൊട്ടടുത്ത വീട്ടിലെ കിണര് വൃത്തിയാക്കിയ ശേഷം സ്വന്തം വീട്ടിലെത്തി കുളിക്കുന്നതിനായി വെള്ളം കോരുന്നതിനിടയിലാണ് തൊട്ടിയും കയറും കൈയില്നിന്നു വഴുതി കിണറ്റില് പോയത്. അത് എടുക്കുന്നതിനു കിണറ്റിലേക്കു ഇറങ്ങുന്നതിനിടെ കാല്വഴുതി കിണറ്റില് വീണു. ഇന്നലെ രാവിലെ 9.30 ഓടെയാണ് രാജു കിണറ്റിലേക്കു വീണത്. രാജുവിനെ രക്ഷിക്കാനായി സമീപവാസികളായ കൊച്ചുമോന് (45), അജി (35), സുനില് (30), അനൂപ് (25) എന്നിവര് ഓരോരുത്തരായി കിണറ്റിലേക്ക് ഇറങ്ങാന് ശ്രമിക്കുന്നതിനിടെ വഴുതിവീണു. ഓടിക്കൂടിയ നാട്ടുകാര് കിണറ്റില് അകപ്പെട്ട ആളുകളെ കരയ്ക്കുനിന്നും കയറിന്റെ സഹായത്തോടെ പുറത്തെടുത്ത് അടൂര് ജനറല് ആശുപത്രിയില് എത്തിച്ചു. ഫയര്ഫോഴ്സും സ്ഥലത്തെത്തിയിരുന്നു. സംഭവം കണ്ടു…
Read MoreCategory: Edition News
ഇഴപിരിഞ്ഞു കയര്മേഖല; ശമ്പളക്കുറവും കുടിശികയും മൂലം പരമ്പരാഗത തൊഴിൽമേഖലയെ കൈവിട്ട് വനിതകൾ
കോട്ടയം: ദിവസം നൂറോ നൂറ്റിയന്പതോ രൂപമാത്രം കൂലി. അതാവട്ടെ ആറു മാസമായി കുടിശികയും. വൈക്കം തീരമേഖലയില് ഇതോടെ കയര് നിര്മാണം നിശ്ചലമാവുകയാണ്. ഇഴയുന്ന കയര്വ്യവസായത്തെയും വഴിമുട്ടിയ തൊഴിലാളികളെയും കൈപിടിച്ചുയര്ത്താന് സര്ക്കാരിനും യൂണിയനുകള്ക്കും സാധിക്കുന്നില്ല. പരമ്പരാഗത രീതിയില് തൊണ്ട് ചീയിച്ച് തല്ലി ചകിരിയെടുക്കേണ്ടതില്ല. തമിഴ്നാട്ടില്നിന്നുള്പ്പടെ എത്തിക്കുന്ന ചകിരി കയര് സംഘങ്ങള് വീടുകളില് എത്തിച്ചുകൊടുക്കും. റാട്ട് തിരിച്ച് കൈയില് കയര് പിരിച്ചുണ്ടാക്കുന്ന രീതിയും അസ്തമിച്ചു. ഇക്കാലത്ത് വീടുകളോടു ചേര്ന്ന് സ്ത്രീ തൊഴിലാളികള് യന്ത്രസഹായത്താല് കയറുണ്ടാക്കുകയാണ്. പല തരത്തിലും കനത്തിലും നീളത്തിലുമുള്ള കയര് പിരിച്ച് തൊഴിലാളികള് തിരികെ സംഘത്തിലെത്തില് കൊടുക്കും. ചകിരി നല്കിയതിന്റെ വില കുറച്ചാണ് തൊഴിലാളികള്ക്ക് കൂലി ലഭിക്കുക. വിദേശത്തും വടക്കേ ഇന്ത്യയിലും കയറിന് പ്രിയം കൂടുമ്പോഴും കേരളത്തില് കയറിന് വിപണി ഇടിയുകയാണ്. കഴിഞ്ഞ ഒക്ടോബറില് കയര് സൊസൈറ്റിയില് കൊടുത്ത കയറിന് ഇപ്പോഴും പണം ലഭിക്കാത്തവരാണ് ടിവി പുരം, തലയാഴം,…
Read Moreആലപ്പുഴയിൽ കത്തിജ്വലിച്ച് സൂര്യൻ; അഞ്ചു വയസുകാരന് സൂര്യാതപത്തിൽ പൊള്ളലേറ്റു
വള്ളികുന്നം: അഞ്ചു വയസുകാരന് സൂര്യാതപത്തിൽ പൊള്ളലേറ്റു. വള്ളികുന്നം ഇലിപ്പക്കുളം ചൂനാട് സൂര്യഭവനത്തിൽ ഉണ്ണിക്കുട്ടൻ – ശരണ്യ ദമ്പതികളുടെ മകൻ ധ്യാനി (5)നാണ് സൂര്യാതപം ഏറ്റത്. ഇന്നലെ രാവിലെ 11ന് വീടിനു സമീപം നിൽക്കുമ്പോഴാണ് തോളിന് പൊള്ളലേറ്റത്. ഉടൻതന്നെ അസ്വസ്ഥത അനുഭവപ്പെട്ട ധ്യാൻ വീട്ടിലെത്തി വിവരമറിയിച്ചതിനെ തുടർന്ന് രക്ഷിതാക്കൾ പരിശോധിച്ചപ്പോഴാണ് തീപ്പൊള്ളലേറ്റതുപോലെയുള്ള പാട് കണ്ടത്. സമീപത്തുള്ള ആശുപത്രിയിൽ ചികിത്സ തേടി. കനത്ത ചൂടാണ് ഈ മേഖലയിൽ നേരിട്ടുകൊണ്ടിരിക്കുന്നത്.
Read Moreലോട്ടറി വില്പനക്കാരിക്ക് നേരേ ആസിഡ് ആക്രമണം; ആക്രമിച്ചത് മുൻ ഭർത്താവ്, പ്രതി പിടിയിൽ
പാലക്കാട്: ഒലവക്കോട് താണാവിൽ യുവതിക്കു നേരേ ആസിഡ് ആക്രമണം. ഇന്ന് രാവിലെ 7നാണ് സംഭവം. താണാവിൽ ലോട്ടറി കട നടത്തുന്ന ഒലവക്കോട് സ്വദേശിനി ബർഷീനയ്ക്ക് നേരേയായിരുന്നു ആക്രമണം ഉണ്ടായത്. ഇവരുടെ മുൻ ഭർത്താവ് തമിഴ്നാട് സ്വദേശി കാജാ ഹുസൈനാണ് ആക്രമണം നടത്തിയത്. ഇയാളെ പോലീസ് കസ്റ്റഡിയിലെടുത്തു. പൊള്ളലേറ്റ ബർഷീനയെ പാലക്കാട് ജില്ലാ ആശുപത്രിയിൽ ചികിത്സയിൽ പ്രവേശിപ്പിച്ചു. യുവതിയുടെ കഴുത്തിന് പിറക് വശത്താണ് പൊള്ളലേറ്റത്. പരിക്ക് ഗുരുതരമല്ലന്ന് ഡോക്ടർമാർ അറിയിച്ചു.
Read Moreഎന്തിനീ ക്രൂരത… കൊച്ചി കായലുകളിൽ ലോഹമാലിന്യം; മത്സ്യങ്ങൾ കഴിക്കുന്നത് അപകടകരമെന്ന് പഠനം
കൊച്ചി: വ്യവസായശാലകളില് നിന്നുള്ള മാലിന്യങ്ങള് വെള്ളത്തിലേക്ക് ഒഴുക്കി വിടുന്നതിനെ തുടർന്ന് കായലുകളില് ലോഹസാന്ദ്രത ഉയർന്നുവെന്നും കായല് മത്സ്യങ്ങള് കഴിക്കുന്നത് അപകടകരമാണെന്നും പുതിയ പഠനം. ഈ മാലിന്യങ്ങളില് ദോഷകരമായ ലോഹങ്ങളുണ്ട്. മത്സ്യങ്ങള് ഇവ ഭക്ഷിക്കുന്നുണ്ട്. അതിനാല് കായല് മത്സ്യങ്ങളും കക്കയും കഴിക്കുന്നത് അപകടകരമാണെന്നാണ് പുതിയ പഠനം പറയുന്നത്. കൊച്ചിൻ യൂണിവേഴ്സിറ്റി ഫോർ സയൻസ് ആൻഡ് ടെക്നോളജി (കുസാറ്റ്)യിലെ മറൈൻ ടെക്നോളജി ഡിപ്പാർട്ട്മെന്റും ചെന്നൈയിലെ എൻഐഒടി കാമ്പസിലെ നാഷണല് സെന്റർ ഫോർ കോസ്റ്റല് റിസർച്ചും ചേർന്നാണ് പഠനം നടത്തിയത്. എറണാകുളം-ആലപ്പുഴ അതിർത്തിയിലെ അരൂർ മുതല് കൊച്ചിയിലെ വ്യവസായ മേഖലയായ ഏലൂർ വരെയുള്ള കായലുകളിലെ വിവിധ ഇനം മത്സ്യങ്ങളിലും കക്കയിറച്ചികളിലും കനത്ത ലോഹ മലിനീകരണം കണ്ടെത്തിയതായി പഠനത്തില് പറയുന്നു. രാജ്യാന്തര സയൻസ് ജേണല് സ്പ്രിങ്ങറിലാണ് പഠനം പ്രസിദ്ധീകരിച്ചത്. സിങ്ക്, കാഡ്മിയം, ക്രോമിയം എന്നീ മൂന്ന് ലോഹങ്ങളാണ് പ്രധാനമായും കണ്ടെത്തിയത്. മത്സ്യങ്ങളിലെയും കക്കയിറച്ചിയിലെയും…
Read Moreരാമങ്കരിയിൽ എൽഡിഎഫിനെതിരേ കോൺഗ്രസ് അവിശ്വാസം; പിന്തുണച്ച് മൂന്ന് സിപിഎം അംഗങ്ങൾ
മങ്കൊമ്പ്: രാമങ്കരി പഞ്ചായത്ത് പ്രസിഡന്റ് ആർ. രാജേന്ദ്രകുമാർ, വൈസ് പ്രസിഡന്റ് കുഞ്ഞുമോൾ ശിവദാസ് എന്നിവർക്കെതിരേ കോൺഗ്രസ് അവിശ്വാസ പ്രമേയത്തിന് നോട്ടീസ് നൽകി. യുഡിഎഫിന്റെ നാലംഗങ്ങൾക്കൊപ്പം, സിപിഎമ്മിന്റെ മൂന്നംഗങ്ങളും ചേർന്നാണ് നോട്ടീസ് നൽകിയത്. ആർ. രാജുമോൻ, ഡെന്നി സേവ്യർ, സോളി ആന്റണി, ഷീന റെജപ്പൻ എന്നീ യുഡിഎഫ് അംഗങ്ങൾക്കു പുറമെ സിപിഎമ്മിലെ കെ.പി. അജയഘോഷ്, സൂര്യ ജിജിമോൻ, ബിൻസ് ജോസഫ് എന്നിവരുമാണ് നോട്ടീസിൽ ഒപ്പിട്ടത്. വെളിയനാട് ബ്ലോക്കുപഞ്ചായത്ത് സെക്രട്ടറി ബിൻസി വർഗീസിനാണ് നോട്ടീസ് നൽകിയത്. സിപിഎമ്മിലെ വിഭാഗീയതയെത്തുടർന്ന് കഴിഞ്ഞവർഷം നിരവധി പ്രവർത്തകർ സിപിഎം വിട്ടു സിപിഐയിൽ ചേർന്നിരുന്നു. ഇക്കൂട്ടത്തിൽ പാർട്ടി വിട്ടവരിൽ ഏറ്റവും പ്രമുഖനായിരുന്നു രാജേന്ദ്രകുമാർ. കുട്ടനാട്ടിലെ സിപിഎമ്മിന്റെ കരുത്തനായ നേതാവും രാമങ്കരി പഞ്ചായത്ത് പ്രസിഡന്റുമായിരുന്ന രാജേന്ദ്രകുമാറിനൊപ്പം ഭരണസമിതിയിലെ നാല് അംഗങ്ങളും പാർട്ടിവിട്ടിരുന്നു. ഇതോടെ ഒൻപതംഗങ്ങളുണ്ടായിരുന്ന സിപിഎമ്മിന് പഞ്ചായത്തിന്റെ ഭരണവും നഷ്ടമായിരുന്നു. അവശേഷിക്കുന്ന സിപിഎം അംഗങ്ങളിൽ മൂന്നുപേരാണ് ഇപ്പോൾ…
Read Moreനവജാത ശിശുവിനെ കൊലപ്പെടുത്തിയ കേസ്; യുവതിയുടെ നർത്തകനായ കാമുകനെ തിരിച്ചറിഞ്ഞു; പെൺകുട്ടിയുടെ മൊഴി എതിരാണെങ്കിൽ ബലാത്സംഗത്തിന് കേസ്
കൊച്ചി: പനമ്പിള്ളിനഗറിലെ ഫ്ലാറ്റില്നിന്ന് നവജാത ശിശുവിനെ എറിഞ്ഞ് കൊന്ന കേസില് കുഞ്ഞിന്റെ അമ്മയായ യുവതിയുടെ വിശദമായ മൊഴി ഇന്ന് രേഖപ്പെടുത്തും. ഇന്നലെ എറണാകുളം ജനറല് ആശുപത്രിയിലേക്ക് മാറ്റിയ യുവതിയെ പിന്നീട് സ്വകാര്യ ആശുപത്രിയില് പ്രവേശിപ്പിച്ചു. യുവതിയുടെ ആരോഗ്യനില തൃപ്തികരമാണെന്ന് ആശുപത്രി അധികൃതര് പറഞ്ഞു. വിശദമായ മൊഴി രേഖപ്പെടുത്തിയ ശേഷം ഇന്ന് ഇവരെ റിമാന്ഡ് ചെയ്യും. ഇന്നലെ എറണാകുളം സൗത്ത് പോലീസ് ഇവരുടെ അറസ്റ്റ് രേഖപ്പെടുത്തിയിരുന്നു. ഇവര് ആശുപത്രി വിടുന്ന മുറയ്ക്ക് കസ്റ്റഡിയില് വാങ്ങി ചോദ്യം ചെയ്യും. തൃശൂര് സ്വദേശിയായ നര്ത്തകനില് നിന്നാണ് ഗര്ഭിണിയായതെന്നാണ് യുവതി പ്രാഥമികമായി നല്കിയ മൊഴി. ഇന്സ്റ്റഗ്രാമില് റീലുകള് ചെയ്തിരുന്ന യുവതി അങ്ങനെയാണ് തൃശൂര് സ്വദേശിയായ നര്ത്തകനുമായി പരിചയപ്പെട്ടത്. ഇയാളില്നിന്ന് ഗര്ഭിണിയായി എന്നും എന്നാല് കുറേ മാസങ്ങളായി ഇയാളെക്കുറിച്ച് കാര്യമായ വിവരങ്ങളില്ലെന്നുമാണ് യുവതി മൊഴി നല്കിയത്. അതേസമയം യുവതിയുടെ ആണ് സുഹൃത്തിനെ പോലീസ് തിരിച്ചറിഞ്ഞിട്ടുണ്ട്.…
Read Moreഅക്ഷയ്യെ കൊന്ന് കെട്ടിത്തൂക്കിയതോ..? പോലീസ് നടപടികളിൽ ദുരൂഹതയെന്നു കുടുംബം
കോഴിക്കോട്: നാദാപുരം വിലങ്ങാട് വാളൂക്കിലെ വടക്കെ കമ്മായി അക്ഷയ് യുടെ (21) മരണം കൊലപാതകമാണെന്ന സംശയം ബലപ്പെടുന്നു. ഇതൊരു തൂങ്ങിമരണമല്ലെന്നും കൊലപാതകമാണെന്നും ആരോപിച്ച് കുടുംബവും നാട്ടുകാരും കെഎസ് യു പ്രവര്ത്തകരും രംഗത്തെത്തിയിട്ടുണ്ട്. പോലീസിന്റെ നടപടികളിലും രൂക്ഷ വിമര്ശനം ഉയര്ന്നിട്ടുണ്ട്. വിഷുദിവസം പുലര്ച്ചെയാണു വാളൂക്കില്നിന്ന് ആറുകിലോമീറ്റര് അകലെ വനത്തോടുചേര്ന്ന സ്ഥലത്തു മരത്തില് തൂങ്ങിമരിച്ച നിലയില് മൃതദേഹം കണ്ടെത്തിയത്. വിഷുവിനുള്ള ഒരുക്കം നടക്കുന്നതിനിെടയായിരുന്നു ഇത്. പുലര്ച്ചെ ഒന്നരവരെ സുഹൃത്തുക്കള്ക്കൊപ്പം അക്ഷയ് ഉണ്ടായിരുന്നുവെന്ന് പിതാവ് സുരേഷ് പറയുന്നു. രണ്ടുമണിക്ക് ഒരു സുഹൃത്തിനെ വിളിച്ചിരുന്നു. മരിച്ചതിനു ഒരു കിലോമീറ്റര് അകലെയാണ് അക്ഷയ് സഞ്ചരിച്ച ബൈക്ക് കണ്ടെത്തിയത്. ചെരുപ്പുകള് 500 മീറ്റര് അകലെയായിരുന്നു. അക്ഷയ് മരത്തില് കയറിയതിന്റെ ലക്ഷണമൊന്നും കാണാനുണ്ടായിരുന്നില്ല. ധരിച്ച ഷര്ട്ടിലും പാന്റ്സിലും ചെളിയുണ്ടായിരുന്നില്ല. മരം കയറാന് അറിയാത്ത അക്ഷയ് മരത്തില് കയറുമ്പോള് സ്വാഭാവികമായും വസ്ത്രത്തില് അഴുക്കുണ്ടാവും. കയര് കുരുക്കിയതും സംശയം ജനിപ്പിക്കുന്നുണ്ട്.…
Read Moreദോഷങ്ങൾ അകറ്റാൻ വീട്ടിൽ വന്നയാൾ പെൺകുട്ടിയെ പീഡിപ്പിച്ചു; വീട്ടുകാരുടെ പരാതിയിൽ കേസെടുത്ത് പോലീസ്
കണ്ണൂർ: പത്തൊന്പതുകാരിയെ വീട്ടിൽ വച്ച് പീഡിപ്പിക്കാൻ ശ്രമിച്ചതായ പരാതിയിൽ പോലീസ് കേസെടുത്തു. ഇരിക്കൂർ മട്ടന്നൂർ സ്വദേശി രമേശനെതിരേയാണ് എടക്കാട് പോലീസ് കേസെടുത്തത്. ഇന്നലെ രാവിലെ 11ന് എടക്കാട് പോലീസ് സ്റ്റേഷൻ പരിധിയിലാണ് സംഭവം. വീട്ടിലെ ദോഷങ്ങൾ അകറ്റുന്നതിനായി രക്ഷിതാക്കൾ കൂട്ടിക്കൊണ്ടുവന്നതായിരുന്നു ഇയാളെ. വീട്ടിലെ മുറിയിൽ കയറി ഇയാൾ പെൺകുട്ടിയെ പീഡിപ്പിക്കാൻ ശ്രമിക്കുകയായിരുന്നു. തുടർന്ന് രക്ഷിതാക്കൾ പോലീസിൽ പരാതി നൽകി. പ്രതിയെ പോലീസ് കസ്റ്റഡിയിലെടുത്തതായാണു വിവരം. ജാ
Read Moreപ്രായപൂർത്തിയാകാത്ത പെണ്കുട്ടിയെ വീട്ടുതടങ്കലിലാക്കി പീഡിപ്പിച്ച പതിനെട്ടുകാരൻ പോലീസ് പിടിയിൽ
പൂന്തുറ: പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ച കേസിലെ പ്രതിയെ പൂന്തുറ പോലീസ് അറസ്റ്റ് ചെയ്തു. മുട്ടത്തറ പരുത്തിക്കുഴി സ്വദേശി ആഷിക്കിനെ (18) ആണ് പോലീസ് അറസ്റ്റ് ചെയ്തത്. പെൺകുട്ടിയെ പ്രതി വീട്ടില് തടങ്കലില് പാര്പ്പിച്ച് പീഡിപ്പിക്കുകയായിരുന്നതായി പോലീസ് പറഞ്ഞു. സമീപവാസികളായിരുന്നു വിവരം പൂന്തുറ പോലീസില് അറിയിച്ചത്. ഇതേത്തുടര്ന്ന് പോലീസ് വീട്ടില് നടത്തിയ പരിശോധനയിലാണ് പെണ്കുട്ടിയെ വീട്ടില് കണ്ടെത്തിയത്. തുടര്ന്ന് പൂന്തുറ സിഐ സന്തോഷിന്റെ നേതൃത്വത്തില് എസ്ഐ അഭിലാഷും സംഘവും ചേര്ന്നാണ് പ്രതിയെ അറസ്റ്റ് ചെയ്തത്. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.
Read More