കോട്ടയം: ഉത്സവാഘോഷങ്ങൾക്ക് ആനകളെ എഴുന്നള്ളിക്കുന്നതിന് കര്ശന നിര്ദേശങ്ങളുമായി മൃഗസംക്ഷണവകുപ്പ്. പാലിക്കേണ്ട വ്യവസ്ഥകള് മൃഗസംരക്ഷണ വകുപ്പ് പുറത്തിറക്കി. ആന ഉടമയുടെ ഡാറ്റ ബുക്കിന്റെ പകര്പ്പ് എഴുന്നള്ളത്തിനുമുമ്പു ഹാജരാക്കണം. മൃഗസംരക്ഷണ-വനംവകുപ്പുകള് പരിശോധിച്ച് ഫിറ്റ്നസ് സര്ട്ടിഫിക്കറ്റുകള് നല്കും. രാവിലെ 11നും ഉച്ചകഴിഞ്ഞ് 3.30നും ഇടയിലുള്ള സമയം എഴുന്നുള്ളിക്കാന് പാടില്ല. ഒരു ദിവസം ആറുമണിക്കൂറില് കൂടുതല് തുടര്ച്ചയായി എഴുന്നള്ളിപ്പ് അനുവദനീയമല്ല. പരമാവധി ഒരു ദിവസം രണ്ടു പ്രാവശ്യം നാലു മണിക്കൂര് വീതം എഴുന്നള്ളിപ്പിക്കാം. രാത്രി ഉപയോഗിച്ച ആനകളെ വീണ്ടും അടുത്ത പകല് എഴുന്നള്ളിപ്പിക്കരുത്. ആനകള് ഉള്പ്പെടുന്ന പുതിയ പൂരങ്ങള്ക്ക് അനുവാദം നല്കില്ല. 2020 വരെ രജിസ്റ്റര് ചെയ്തവയ്ക്കാണ് അനുമതി. എല്ലാവരും ആനകളില്നിന്ന് മൂന്നു മീറ്റര് മാറിനില്ക്കണം. ആനപ്പാപ്പനും സഹായിയുമൊഴികെ ആരും ആനകളെ സ്പര്ശിക്കാന് പാടില്ല. ആനകളെ ഉപയോഗിക്കുന്ന എല്ലാ ഉത്സവങ്ങളും ഉത്സവക്കമ്മിറ്റി 72 മണിക്കൂര് സമയത്തേക്ക് 25 ലക്ഷം രൂപയ്ക്കെങ്കിലും ഇന്ഷ്വര് ചെയ്യണം.…
Read MoreCategory: Edition News
ഉദ്ഘാടനത്തിനൊരുങ്ങി അയ്മനം വാട്ടർ ഫ്രണ്ടേജ് ടൂറിസം പദ്ധതി
കോട്ടയം: വിനോദസഞ്ചാരസാധ്യതകള് പ്രയോജനപ്പെടുത്തി ലോകശ്രദ്ധ നേടിയ കോട്ടയം അയ്മനം പഞ്ചായത്തിലെ വലിയമടക്കുളം ടൂറിസം പദ്ധതി ഉദ്ഘാടനത്തിനൊരുങ്ങുന്നു. ജല വിനോദസഞ്ചാര മേഖലയിലെ ഗ്രാമീണ സാധ്യതകള് പ്രയോജനപ്പെടുത്തുംവിധമാണ് പദ്ധതി വിഭാവനം ചെയ്തത്. സ്ഥലം എംഎൽഎകൂടിയായ മന്ത്രി വി.എൻ. വാസവൻ മുൻകൈയെടുത്ത് ടൂറിസം വകുപ്പിന്റെ അഞ്ച് കോടി രൂപ ചെലവിട്ടാണ് പദ്ധതി യാഥാര്ഥ്യമാക്കുന്നത്. വലിയമട വാട്ടര് ഫ്രണ്ടേജ് എന്നാണ് പദ്ധതിക്ക് പേരിട്ടിരിക്കുന്നത്. ഇതിനായി അയ്മനം പഞ്ചായത്തിന്റെ ഉടമസ്ഥതയില് സ്ഥിതി ചെയ്യുന്ന 5.5 ഏക്കര് വിസ്തൃതിയുള്ള വലിയമടക്കുളം നവീകരിച്ചു. കളര് മ്യൂസിക് വാട്ടര്ഫൗണ്ടന്, ഫ്ളോട്ടിംഗ് റെസ്റ്ററന്റ്, ഫ്ളോട്ടിംഗ് വാക് വേ, കുളത്തിലൂടെ രണ്ടു മുതല് നാലുപേര്ക്കുവരെ ബോട്ടിംഗ് സാധ്യമാക്കുന്ന പെഡല് ബോട്ടിംഗ് സംവിധാനം, വിശ്രമമുറികള്, പത്തോളം ഇരിപ്പിടങ്ങള്, കുട്ടികള്ക്കുള്ള കളിയിടം, സൈക്ലിംഗ് ഏരിയ, പൂന്തോട്ടം തുടങ്ങിയവ പദ്ധതിയുടെ ഭാഗമായി ഉണ്ടാകും. മഴക്കാലമായാല് പോലും വിനോദസഞ്ചാരത്തിന് തടസമാകാത്ത വിധമാണ് പദ്ധതിയുടെ രൂപീകരണം. ഇതിനായി കുളത്തിലെ…
Read Moreപുതുവത്സരാഘോഷങ്ങള്; നിയന്ത്രണം കടുപ്പിച്ച് പോലീസ്
കോട്ടയം: പുതുവത്സരാഘോഷങ്ങള്ക്കു നിയന്ത്രണം കടുപ്പിച്ച് പോലീസ്. ഒപ്പം സുരക്ഷയും വര്ധിപ്പിച്ചു. സുരക്ഷയുടെ ഭാഗമായി 1,500 പോലീസ് ഉദ്യോഗസ്ഥരെ ജില്ലയിലെ വിവിധ സ്ഥലങ്ങളില് വിന്യസിക്കും. സ്റ്റേഷനുകള് കേന്ദ്രീകരിച്ച് പട്രോളിംഗ് സംഘങ്ങളുണ്ടാകും. പ്രധാന ഇടങ്ങളില് മഫ്ടി പോലീസിന്റെ സാന്നിധ്യമുണ്ടാകും. മദ്യപിച്ചു വാഹനമോടിക്കുന്നവര്ക്കെതിരേ കര്ശന നടപടി സ്വീകരിക്കും. അമിതവേഗതയിലും അശ്രദ്ധമായും വാഹനമോടിക്കുന്നവര്ക്കെതിരേയും നടപടിയുണ്ടാകും. പൊതുസ്ഥലത്തു ലഹരി ഉപയോഗിക്കുന്നവരെയും നിരോധിത മയക്കുമരുന്നുകളുടെ വില്പ്പന, ഉപയോഗം എന്നിവ കണ്ടെത്തുന്നതിനും പരിശോധനകള് ഊര്ജിതമാക്കും. അനധികൃത മദ്യനിര്മാണം, സെക്കന്റ്സ് മദ്യ വില്പ്പന തുടങ്ങിയവ കണ്ടെത്തുന്നതിനു പ്രത്യേക സംഘത്തെ നിയോഗിച്ചു. ബസ് സ്റ്റാന്ഡുകള്, റെയില്വേ സ്റ്റേഷനുകള്, മാര്ക്കറ്റുകള് തുടങ്ങിയ ഇടങ്ങള് കേന്ദ്രീകരിച്ച് പോലീസ് പട്രോളിംഗ് ഏര്പ്പെടുത്തിയിട്ടുമുണ്ട്. ജില്ലയില് കാപ്പാ നിയമനടപടി സ്വീകരിച്ചിട്ടുള്ളവരെയും ക്രിമിനല് പശ്ചാത്തലമുള്ളവരെയും നിരീക്ഷിക്കുന്നതിനായി പ്രത്യേകം സംഘത്തെ ഏര്പ്പെടുത്തിയിട്ടുണ്ട്. നഗരത്തില് ആഘോഷങ്ങള് നടക്കുന്നതിനിടയില് പൊതുജനശല്യമുണ്ടാക്കുന്നവരെയും സ്ത്രീകളെയും കുട്ടികളെയും ശല്യം ചെയ്യുന്നവരെയും നിരീക്ഷിക്കാന് വനിതാ പോലീസിനെ ഉള്പ്പെടുത്തി മഫ്ടി…
Read Moreദുരൂഹതയില്ല; തോമസിന്റെ മരണം ഹൃദയാഘാതം മൂലമെന്നു പോസ്റ്റ്മോർട്ടം റിപ്പോർട്ട്
കോഴിക്കോട്: തോട്ടുമുക്കം സ്വദേശി തോമസിന്റെ മരണം ഹൃദയാഘാതം മൂലമെന്ന് പോസ്റ്റ്മോർട്ടം റിപ്പോർട്ട്. തോമസിന്റെ മരണത്തിൽ ദുരൂഹതയുണ്ടെന്ന് ബന്ധുക്കൾ ആരോപിച്ചതിനെത്തുടർന്നാണ് മൃതദേഹം കല്ലറിയിൽനിന്ന് പുറത്തെടുത്ത് പോസ്റ്റ്മോർട്ടം ചെയ്തത്. നവംബർ നാലിനാണ് തോമസ് അരീക്കോട്ടെ സ്വകാര്യ ആശുപത്രിയിൽ ചികിത്സയിലിരിക്കെ മരിച്ചത്.മരിക്കുന്നതിന് ദിവസങ്ങൾക്കു മുൻപ് സുഹൃത്തുക്കളും തോമസുമായി സംഘർഷം ഉണ്ടായതായി തോമസിന്റെ മരണശേഷമാണ് വീട്ടുകാർ അറിയുന്നത്. ഇതിൽ സംശയംതോന്നിയ വീട്ടുകാർ അസ്വാഭാവിക മരണത്തിന് കേസെടുക്കണമെന്ന് ആവശ്യപ്പെട്ട് അരീക്കോട് പോലീസില് പരാതി നൽകി. ഈ പരാതിയുടെ അടിസ്ഥാനത്തിലാണ് നവംബർ നാലിന് സംസ്കരിച്ച തോമസിന്റെ മൃതദേഹം നവംബർ 20ന് പുറത്തെടുത്ത് പോസ്റ്റ്മോർട്ടം നടത്തിയത്. ആന്തരികാവയവങ്ങൾ രാസപരിശോധനയ്ക്കും അയച്ചിരുന്നു. ശരീരവേദനയെ തുടർന്ന് അരീക്കോട്ടെ സ്വകാര്യ ആശുപത്രിയിൽ നിന്നെടുത്ത എക്സ്റേയിൽ തോളെല്ലിൽ പൊട്ടലുള്ളതായി കണ്ട് എല്ല് വിഭാഗം ഡോക്ടറെ കാണാൻ തീരുമാനിച്ചിരുന്നെങ്കിലും അന്ന് പുലർച്ചയോടെ തോമസിന്റെ മരണം സംഭവിക്കുകയായിരുന്നു.
Read Moreപഴയങ്ങാടിയിലെ “രക്ഷാപ്രവർത്തനം” ; 4 ഡിവൈഎഫ്ഐ പ്രവർത്തകർ അറസ്റ്റിൽ
പഴയങ്ങാടി: നവകേരള യാത്രയുടെ കല്യാശേരി മണ്ഡലത്തിലെ പരിപാടിക്കിടെ മുഖ്യമന്ത്രിയെ കരിങ്കൊടി കാണിച്ച യൂത്ത് കോൺഗ്രസ്-കെഎസ്യു പ്രവർത്തകരെ ആക്രമിച്ച സംഭവത്തിൽ നാല് ഡിവൈഎഫ്ഐ പ്രവർത്തകർ പഴയങ്ങാടി പോലീസ് സ്റ്റേഷനിൽ കീഴടങ്ങി. ഡിവൈഎഫ്ഐ-സിപിഎം പ്രവർത്തകരായ പി.പി.സതീഷ് (42), അതുൽ കണ്ണൻ (22), എം. അനുരാഗ് (19), അർജുൻ കുറ്റൂർ (27) എന്നിവരാണു കീഴട ങ്ങിയത്. പഴയങ്ങാടി സിഐ ടി.എൻ. സന്തോഷ് കുമാർ ഇവ രുടെ അറസ്റ്റ് രേഖ പ്പെടുത്തി. ഇതേ കേസിൽ കഴിഞ്ഞ മാസം ഡിവൈഎഫ്ഐ ബ്ലോക്ക്-മേഖല ഭാരവാഹികളായ ചെറുതാഴത്തെ അമൽ ബാബു (24), കടന്നപ്പള്ളിയിലെ പി. ജിതിൻ (28), അടുത്തിലയിലെ ഇ.കെ. അനുവിന്ദ് (26), മണ്ടൂരിലെ കെ. മുഹമ്മദ് റമീസ് (24) എന്നിവർ അറസ്റ്റിലാവുകയും റിമാൻഡ് കഴിഞ്ഞ് കഴിഞ്ഞ ദിവസം ജാമ്യം നേടി പുറത്ത് വരികയും ചെയ്തിരുന്നു. ഇതോടെ കേസിൽ അറസ്റ്റിലായവരുടെ എണ്ണം എട്ടായി. കേസിൽ ഇനി നാലുപേർ…
Read Moreഅർധരാത്രിയിൽ അജ്ഞാതൻ വീടിന് തീയിട്ടു; വീട്ടകാർ രക്ഷപ്പെട്ടത് തലനാരിഴയ്ക്ക്
ആലുവ: അർധരാത്രിയിൽ അജ്ഞാതൻ വീടിനു തീയിട്ടു. ആലുവ കുട്ടമശേരി സൂര്യനഗറിന് സമീപം കൊല്ലംകുടി വീട്ടിൽ നാരായണൻകുട്ടിയുടെ വീടിനാണ് അർദ്ധരാത്രിയിൽ അജ്ഞാതൻ തീയിട്ടത്. വീടിന്റെ മുൻവശത്തെ വാതിലും മരത്തോട് കൂടിയുള്ള ഭിത്തിയും ഉള്ള ഭാഗത്ത് എന്തോ ഒഴിച്ചിട്ട് കത്തിക്കുകയായിരുന്നു. ശബ്ദം കേട്ട് വീട്ടുകാർ ഉണർന്നതാണ് ദുരന്തത്തിൽ കലാശിക്കാതിരുന്നത്. സിടിവി ദൃശ്യത്തിൽ കത്തിക്കുന്ന ആളിന്റെ ദൃശ്യം ഉണ്ടെങ്കിലും രൂപം വ്യക്തമല്ല. വ്യാഴാഴ്ച അർദ്ധരാത്രി 12.30 ഓടുകൂടിയാണ് സംഭവം. തീ ആളിപ്പടർന്ന് അകത്തേക്കും കത്തിപ്പിടിച്ചു. ഇടക്ക് എഴുന്നേറ്റ വീട്ടുകാർ തന്നെയാണ് തീകത്തുന്നത് കാണുന്നത്. ഉടൻതന്നെ വെള്ളമൊഴിച്ച് തീ കെടത്തുകയായിരുന്നു. വിവരമറിയിച്ച ഉടൻ ആലുവ പോലീസ് സ്ഥലത്തെത്തി പ്രാഥമിക അന്വേഷണം നടത്തി. വിശദമായ അന്വേഷണം ആരംഭിച്ചിട്ടുണ്ട്. ഭാര്യ, ഭാര്യാമാതാപിതാക്കൾ, രണ്ട് മക്കൾ, പരേതനായ ചേട്ടന്റെ മകൻ എന്നിവരാണ് നാരായൺകുട്ടിയുടെ വീട്ടിൽ ഉണ്ടായിരുന്നത്. തടി ബിസിനസ് നടത്തുന്ന നാരായണൻ ദേഹത്ത് മരം വീണതിനെ തുടർന്ന്…
Read Moreഅയ്യൻകുന്നിലെ ഏറ്റുമുട്ടലില് മാവോയിസ്റ്റ് കൊല്ലപ്പെട്ടതായി പോസ്റ്റർ; പകരം വീട്ടുമെന്നു ഭീഷണി; പ്രതികരിക്കാതെ പോലീസ്
കോഴിക്കോട്: കണ്ണൂർ അയ്യൻകുന്ന് ഞെട്ടിത്തോട്ടിൽ തണ്ടർബോൾട്ട് സംഘവും മാവോയിസ്റ്റുകളും തമ്മിലുണ്ടായ ഏറ്റുമുട്ടലിൽ ഒരാൾ കൊല്ലപ്പെട്ടെന്ന് മാവോയിസ്റ്റ് പോസ്റ്റർ. നവംബർ 13ന് രാവിലെ 9:50 നായിരുന്നു ഏറ്റുമുട്ടൽ ഉണ്ടായത്. കവിത (ലക്ഷ്മി) എന്ന മാവോയിസ്റ്റാണ് കൊല്ലപ്പെട്ടതെന്ന് തിരുനെല്ലിയിൽ പതിച്ച പോസ്റ്ററിൽ മാവോയിസ്റ്റുകൾ പറയുന്നു.പശ്ചിമഘട്ട പ്രത്യേക മേഖലാ കമ്മറ്റിയുടെ പേരിലാണ് പോസ്റ്റര് പതിച്ചിരിക്കുന്നത്. ആറളത്ത് കവിത കൊല്ലപ്പെട്ടതിന് പകരംവീട്ടുമെന്നും പോസ്റ്ററിൽ വ്യക്തമാക്കുന്നു. തിരുനെല്ലിയിലെ ഗുണ്ടിക പറമ്പ് കോളനിയിലാണ് പോസ്റ്റർ പതിച്ചത്. ഇന്നലെ രാത്രി വൈകി ആറ് പേരുടെ സംഘമാണ് ഗുണ്ടിക പറമ്പ് കോളനിയിൽ എത്തിയത്. ഞെട്ടിത്തോട് നടന്ന ഏറ്റുമുട്ടലിൽ ചിലര്ക്ക് പരിക്കേറ്റിരുന്നുവെന്ന് അന്ന് തന്നെ ഡിഐജി പുട്ട വിമലാദിത്യ വ്യക്തമാക്കിയിരുന്നു. എന്നാല് പിന്നീട് ഇതുമായി ബന്ധപ്പെട്ട് വ്യക്തതയുണ്ടായിരുന്നില്ല. ഇപ്പോള് പോസ്റ്റര് പതിച്ചതോടെയാണ് ഒരാള് മരണപ്പെട്ടുവെന്ന വിവരം പുറംലോകം അറിയുന്നത്. എന്നാല് ഇക്കാര്യത്തില് വ്യക്തതവരുത്താന് പോലീസോ തണ്ടര് ബോള്ട്ടോ തയാറായിടരുന്നില്ല. ചുറ്റും…
Read Moreകോട്ടയത്ത് കാർ പാറക്കുളത്തിൽ വീണ് യുവാവിന് ദാരുണാന്ത്യം; രാവിലെ കുളത്തിലെത്തിയ നാട്ടുകാരാണ് സംഭവം ആദ്യം കണ്ടത്
കോട്ടയം: കോട്ടയം കാണക്കാരിയിൽ പാറക്കുളത്തിൽ കാർ വീണ് യുവാവിന് ദാരുണാന്ത്യം. കുറുപ്പന്തറ കൊണ്ടുക്കാല സ്വദേശി ഞാറുകുളത്തേൽ കിണറ്റുങ്കൽ ലിജീഷാണ് (45) മരിച്ചത്. കളത്തൂർ കാണക്കാരി റോഡിൽ മണ്ഡപം പടിക്ക് സമീപം വ്യാഴാഴ്ച രാത്രിയാണ് അപകടമുണ്ടായത്. കോട്ടയം മെഡിക്കൽ കോളജ് – ഗാന്ധിനഗർ റോഡിൽ കട നടത്തുകയാണ് ഇദ്ദേഹം. രാത്രിയിൽ കടയടച്ചശേഷം വീട്ടിലേക്ക് പോകുമ്പോഴാണ് അപകടം. കാർ നിയന്ത്രണം വിട്ട് കുളത്തിലേക്ക് വീണതാണെന്നാണ് പ്രാഥമിക നിഗമനം. ഇന്നുരാവിലെയാണ് പ്രദേശവാസികൾ പാറക്കുളത്തിൽ കാർ കണ്ടെത്തിയത്. കാറിന്റെ ഒരു ഭാഗം വെള്ളത്തിൽ ഉയർന്നു നിൽക്കുന്ന നിലയിലായിരുന്നു. കാർ തെന്നി കുളത്തിലേക്ക് മറിഞ്ഞതിന്റെ പാടുകൾ സ്ഥലത്തു കാണാനുണ്ടെന്ന് പോലീസ്. ഫയർഫോഴ്സ് അധികൃതരെത്തി മൃതദേഹം പുറത്തെടുത്ത് പോസ്റ്റുമോർട്ടത്തിനായി കോട്ടയം മെഡിക്കൽ കോളജിലേക്ക് മാറ്റി. പോലീസ് ക്രെയിനിന്റെ സഹായത്തോടെ വാഹനം ഉയർത്തി കരയ്ക്കെത്തിച്ചു. കുറവിലങ്ങാട് പോലീസ് തുടർ നടപടികൾ സ്വീകരിച്ചു. അപകടമരണം തന്നെയാണോ എന്നത് അന്വേഷിക്കുമെന്ന്…
Read Moreതട്ടിക്കൊണ്ടുപോയി മർദനം; ഒളിവില് കഴിയുന്നവര്ക്കായി അന്വേഷണം ഊര്ജിതം
കൊച്ചി: നഴ്സിംഗ് സീറ്റ് വാഗ്ദാനം ചെയ്ത് പണം വാങ്ങിയ സംഭവത്തില് ഇടനിലക്കാരന്റെ സുഹൃത്തിനെ പണംനഷ്ടപ്പെട്ടവര് തട്ടിക്കൊണ്ടുപോയി മര്ദിച്ച കേസില് ഒളിവില് കഴിയുന്നവരെ കണ്ടെത്തുന്നതിനായി അന്വേഷണം ഊര്ജിതം. ഒളിവില് കഴിയുന്ന എട്ടു പേര്ക്കായി പാലാരിവട്ടം പോലീസ് അന്വേഷണം ഊര്ജിതമാക്കിയിരിക്കുകയാണ്. കേസില് അറസ്റ്റിലായവരില് നിന്നും ലഭിച്ച വിവരങ്ങളുടെ അടിസ്ഥാനത്തില് പോലീസ് ഇവര്ക്കായുള്ള തെരച്ചില് തുടരുകയാണ്. നഴ്സിംഗ് സീറ്റുമായി ബന്ധപ്പെട്ട് നടന്ന സാമ്പത്തിക ഇടപാടുകളും പോലീസ് പരിശോധിക്കുന്നുണ്ട്. സംഭവത്തില് പരിക്കേറ്റ ചാവക്കാട് സ്വദേശിയും ഇപ്പോള് എറണാകുളത്ത് വാടകയ്ക്ക് താമസിക്കുന്നതുമായ ജോഷി മാത്യുവിനെയാണ് തട്ടിക്കൊണ്ടുപോയി മര്ദിച്ച് റോഡില് തള്ളിയത്. കേസുമായി ബന്ധപ്പെട്ട് ആലപ്പുഴ സ്വദേശികളായ റെയീസ് (33), കൃഷ്ണ എം. നായര് (19), തൃശൂര് സ്വദേശി ജോവി ജോഷി (27), കളമശേരി സ്വദേശി നസറുദ്ദീന് (27), ഏലൂര് സ്വദേശി നല്കുല് എസ്. ബാബു (35) എന്നിവരെ പാലാരിവട്ടം പോലീസ് അറസ്റ്റ് ചെയ്തിരുന്നു. ഇടനിലക്കാരനായ…
Read Moreവയനാട് സിസിയില് വീണ്ടും കടുവ; കൂട് സ്ഥാപിച്ചു
കല്പ്പറ്റ: സൗത്ത് വയനാട് വനം ഡിവിഷിനിലെ ചെതലത്ത് റേഞ്ചില്പ്പെട്ട വാകേരി സിസിയില് ജനവാസകേന്ദ്രത്തില് വീണ്ടും കടുവ സാന്നിധ്യം. ബുധനാഴ്ച രാത്രി ഒമ്പതോടെ പ്രദേശത്തെ കര്ഷകന് വര്ഗീസിന്റെ ആടിനെ കടുവ കൊന്നു. കൂട്ടില്നിന്നു കരച്ചില് കേട്ട് പുറത്തിറങ്ങിയ വീട്ടുകാര് ആടുകളില് ഒന്ന് റോഡിലേക്ക് ഓടുന്നതാണ് കണ്ടത്. പന്തികേട് തോന്നിയ വീട്ടുകാര് പന്തം കത്തിച്ച് കൂട്ടില് നോക്കിയപ്പോഴാണ് ആടിനെ കടുവ പിടിച്ച നിലയില് കണ്ടത്. വിവരം അറിയിച്ചതനുസരിച്ച് സ്ഥലത്തെത്തിയ വനപാലകര് കടുവയെ പിടിക്കുന്നതിന് രാത്രിതന്നെ വര്ഗീസിന്റെ വീടിനടുത്ത് കൂട് സ്ഥാപിച്ചു. ആടിന്റെ ജഡമാണ് ഇരയായി വച്ചിരിക്കുന്നത്. ആടിനെ തിന്നാന് ഇന്നു രാത്രി കടുവ വീണ്ടും എത്തുമെന്ന അനുമാനത്തിലാണ് വനപാലകര്. വാകേരി സിസിയില് ഞാറക്കാട്ടില് സുരേന്ദ്രന്റെ പശുവിനെ കഴിഞ്ഞദിവസം കടുവ കൊന്നിരുന്നു. കടുവ സാന്നിധ്യം സിസിയിലും സമീപങ്ങളിലുമുള്ളവരെ ഭീതിയിലാക്കി. ഭയത്തോടെയാണ് ആളുകള് പുറത്തിറങ്ങുന്നത്.
Read More