തിരുവനന്തപുരം: സംസ്ഥാനത്തുടനീളം വ്യാജ നോട്ടുകൾ പ്രചരിപ്പിച്ച വൻ കള്ളനോട്ട് സംഘത്തെ പോലീസ് അറസ്റ്റ് ചെയ്തു. ആറ്റിങ്ങലിൽ നിന്നാണ് നാലംഗ സംഘം പിടിയിലായത്. ഇവരിൽ നിന്നും 6.75 ലക്ഷം രൂപയുടെ വ്യാജ നോട്ടുകൾ കണ്ടെടുത്തു. ഇവരെ ചോദ്യം ചെയ്തതിന് പിന്നാലെ നോട്ടുകൾ അച്ചടിച്ചത് കോഴിക്കോട്ടാണെന്ന് വ്യക്തമായി. തുടർന്ന് കോഴിക്കോട്ട് നടത്തിയ റെയ്ഡിലും വൻ തോതിൽ കള്ളനോട്ട് കണ്ടെത്തി. ഇവിടെ നിന്നും ഒരാളെ പോലീസ് കസ്റ്റഡിയിലെടുത്തിട്ടുണ്ട്. കോഴിക്കോട് സ്വദേശി ഷമീർ എന്നയാളാണ് സംഘത്തിലെ പ്രധാനി. ഇയാളുടെ കോഴിക്കോട്ടെ വീട്ടിൽ നിന്നും വ്യാജ നോട്ടുകൾ അച്ചടിക്കുന്ന ഉപകരമങ്ങൾ പോലീസ് കണ്ടെടുത്തിട്ടുണ്ട്. ഇവിടെ അടിച്ച നോട്ടുകൾ തിരുവനന്തപുരത്ത് വിതരണം ചെയ്യാൻ എത്തിക്കുന്നതിനിടെയാണ് ആറ്റിങ്ങലിൽ വച്ച് സംഘം പിടിയിലായത്. കസ്റ്റഡിയിലുള്ള മൂന്ന് പേരുടെ തിരുവനന്തപുരത്തെ വീട്ടിലും റെയ്ഡ് തുടരുകയാണ്. 2,000, 500, 200 രൂപയുടെ കള്ളനോട്ടുകളാണ് സംഘം നിർമ്മിച്ചിരുന്നത്. അന്തർസംസ്ഥാന ബന്ധമുള്ള സംഘമാണ് വലയിലായിരിക്കുന്നതെന്നാണ്…
Read MoreCategory: TVM
എസ്എഫ്ഐയുടെ കുത്തിപരിക്കേൽപ്പിക്കലും സർക്കാർ നിലപാടുകളും; സെക്രട്ടറിയേറ്റ് ഉപരോധിച്ച് യുഡിഎഫ് പ്രതിഷേധം
തിരുവനന്തപുരം: യൂണിവേഴ്സിറ്റി കോളേജ് അടക്കമുള്ള വിഷയങ്ങളിലെ സർക്കാർ നിലപാടിൽ പ്രതിഷേധിച്ച് യുഡിഎഫ് നടത്തുന്ന സെക്രട്ടേറിയേറ്റ് ഉപരോധം തുടങ്ങി. രാവിലെ ആറ് മുതൽ ഉച്ച വരെയാണ് ഉപരോധം നടത്തുക. സെക്രട്ടറിയേറ്റിലെ കന്റോൺമെന്റ് ഗേറ്റിന് മുന്നിലൊഴികെയുള്ള മറ്റ് മൂന്ന് ഗേറ്റുകളിലും ഉപരോധ സമരം ആരംഭിച്ചു. സെക്രട്ടേറിയേറ്റ് ഉപരോധം പ്രതിപക്ഷ നേതാവ് രമേശ് ചെന്നിത്തല ഉദ്ഘാടനം ചെയ്തു. യൂണിവേഴ്സിറ്റി കോളേജിൽ നടന്ന അക്രമസംഭവങ്ങളിൾ ജുഡീഷ്യൽ അന്വേഷണം പ്രഖ്യാപിക്കുക, പിഎസ്സി പരീക്ഷയുടെ വിശ്വാസ്യത വീണ്ടെടുക്കുക, ഉത്തരക്കടലാസ് ചേർച്ച അടക്കമള്ള വിഷയങ്ങളിൽ സിബിഐ അന്വേഷണം പ്രഖ്യാപിക്കുക, വിലക്കയറ്റം തടയുക തുടങ്ങിയ നിരവധി വിഷയങ്ങൾ ഉന്നയിച്ചാണ് യുഡിഎഫ് ഉപരോധം സംഘടിപ്പിച്ചത്. ഉപരോധ സമരത്തിന്റെ പശ്ചാത്തലത്തിൽ നഗരത്തിൽ വലിയ പൊലീസ് സുരക്ഷയാണ് ഒരുക്കിയിരിക്കുന്നത്. സെക്രട്ടേറിയേറ്റിൻരെ മുൻ വശത്തുകൂടിയുള്ള ഗതാഗതം നിയന്ത്രിച്ചിരിക്കുകയാണ്.
Read Moreഭരണത്തിൽ ഇരിക്കുമ്പോൾ സമരം നടത്തുന്നതു സൂക്ഷിച്ചു വേണം; എൽദോയുടെ കൈയൊടിച്ചതിന് പിന്നാലെ വാക്കുകൾകൊണ്ടും പ്രഹരിച്ച് സിപിഎം മന്ത്രി എ.കെ ബാലൻ
തിരുവനന്തപുരം: ലോക്കൽ പോലീസിന് അതേ ജില്ലയിലെ എംഎൽഎയെ അറിയില്ലേയെന്നു മന്ത്രിസഭാ യോഗത്തിൽ സിപിഐ മന്ത്രിമാർ . എറണാകുളത്ത് എംഎൽഎ അടക്കമുള്ള സിപിഐ നേതാക്കളെ പോലീസ് മർദിച്ച സംഭവത്തിലെ പ്രതിഷേധം മന്ത്രിസഭാ യോഗത്തിൽ രേഖപ്പെടുത്തവേയാണ് സിപിഐ മന്ത്രിമാർ പോലീസ് നടപടിക്കെതിരേ ആഞ്ഞടിച്ചത്. മൂവാറ്റുപുഴ എംഎൽഎ എൽദോ ഏബ്രാഹാമിനു നേരേയുണ്ടായ പോലീസ് ലാത്തിച്ചാർജിൽ ജില്ലാ കളക്ടറുടെ അന്വേഷണം പ്രഖ്യാപിച്ച മുഖ്യമന്ത്രിയുടെ നടപടി സ്വാഗതാർഹമാണെന്നു പറഞ്ഞു മന്ത്രി ഇ. ചന്ദ്രശേഖരനാണു വിമർശനങ്ങൾക്കു തുടക്കം കുറിച്ചത്. അടി കൊള്ളുമെന്ന പ്രതീക്ഷയിലാണ് നമ്മളൊക്കെ സമരത്തിനു പോകുന്നത്. ആംഡ് പോലീസോ കേന്ദ്രസേനയോ അല്ല, ലോക്കൽ പോലീസാണ് എറണാകുളത്ത് ലാത്തിച്ചാർജിനു നേതൃത്വം നൽകിയത്. എംഎൽഎയേയോ ഭരണകക്ഷിയിൽപ്പെട്ട സിപിഐ ജില്ലാ സെക്രട്ടറിയേയോ തിരിച്ചറിയാത്ത ലോക്കൽ പോലീസാണോ ആ ജില്ലയിലുള്ളത്. കൈയിലടിക്കുകയും കുതിരയടിക്കുകയുമൊക്കെ ചെയ്യുന്ന പോലീസ് ക്രൂരത കമ്യൂണിസ്റ്റുകാർക്ക് അറിയാം. അതൊക്കെ പ്രതിപക്ഷത്തിരിക്കുമ്പോഴായിരുന്നെന്നും ഇ. ചന്ദ്രശേഖരൻ പറഞ്ഞു. ഇതോടെ ഭൂരിഭാഗം…
Read Moreസെക്രട്ടറിയേറ്റ് മാർച്ചിനിടെ പോലീസിനെ ആക്രമിച്ച കേസ്; രണ്ട് യൂത്ത് കോൺഗ്രസ് പ്രവർത്തകർ അറസ്റ്റിൽ
തിരുവനന്തപുരം: യൂത്ത് കോണ്ഗ്രസിന്റെ സെക്രട്ടറിയേറ്റ് മാർച്ചിനിടെ പോലീസ് ജീപ്പ് അടിച്ച് തകർക്കുകയും ഫോർട്ട് അസിസ്റ്റന്റ് കമ്മീഷണർ ആർ.പ്രതാപൻ നായരുടെ തല എറിഞ്ഞ് തകർക്കുകയും ചെയ്ത കേസിൽ രണ്ട് യൂത്ത് കോണ്ഗ്രസ് പ്രവർത്തകരെ കന്റോണ്മെന്റ് പോലീസ് അറസ്റ്റ് ചെയ്തു. നേമം സ്വദേശി അനിൽകുമാർ (33), കള്ളിക്കാട് സ്വദേശി ബിനു (30) എന്നിവരാണ് അറസ്റ്റിലായത്. സംഭവവുമായി ബന്ധപ്പെട്ട് നേരത്തെ ആറ് പേരെ പോലീസ് അറസ്റ്റ് ചെയ്തിരുന്നു. യൂണിവേഴ്സിറ്റി കോളജിലെ അഖിൽ എന്ന വിദ്യാർഥിയെ കുത്തിക്കൊലപ്പെടുത്താൻ ശ്രമിച്ച കേസിലെ പ്രതികളും എസ്എഫ്ഐ നേതാക്കളുമായ ശിവരഞ്ജിത്ത്, നസീം എന്നിവരുടെ വീടുകളിൽ നിന്നും യൂണിവേഴ്സിറ്റിയുടെ ഉത്തരകടലാസുകൾ കണ്ടെത്തിയ സംഭവത്തിൽ ജൂഡീഷ്യൽ അന്വേഷണം നടത്തണമെന്നാവശ്യപ്പെട്ടായിരുന്നു യൂത്ത് കോണ്ഗ്രസിന്റെ സെക്രട്ടറിയേറ്റ് മാർച്ച് നടന്നത്. ഈ ആവശ്യം ഉന്നയിച്ച് കഐസ് യു സംസ്ഥാന പ്രസിഡന്റ് കെ.എം.അഭിജിത്ത് നിരാഹാര സമരം നടത്തി വന്നിരുന്നു. സെക്രട്ടറിയേറ്റ് മാർച്ച് സംഘർഷത്തിൽ കലാശിച്ചതോടെ നിരാഹാരം…
Read Moreദുർഘട പാതകൾ താണ്ടാൻ ബഗ്ഗിയുമായി പാപ്പനംകോട് എൻജിനീയറിങ് കോളേജിലെ വിദ്യാർഥികൾ
നേമം : ദുർഘടമായ പ്രതലങ്ങളിൽ അനായാസം ഉപയോഗിക്കാൻ കഴിയുന്ന നാല് ചക്ര വാഹനമായ ബഗ്ഗിയുമായി പാപ്പനംകോട് ശ്രീചിത്ര തിരുനാൾ എൻജിനീയറിങ് കോളേജ് വിദ്യാർഥികൾ. ഒരു കൂട്ടം എൻജിനീയറിങ് വിദ്യാർഥികളാണ് ഈ വാഹനം സ്വയം രൂപകൽപന ചെയ്ത് നിർമ്മിച്ചത്. കോളേജിലെ വിദ്യാർഥികളുടെ മോട്ടോർ സ്പോർട്ടിങ് ടീമായ മെക്കാർട്ടൻസിന്റെ നേതൃത്വത്തിൽ ഇന്റേണ്ഷിപ്പിന്റെ ഭാഗമായാണ് വിദ്യാർഥികൾ ഈ വാഹനം നിർമിച്ചത്. കേരളത്തിലെ പ്രമുഖ കോളേജുകളിൽ നിന്നും 36 വിദ്യാർഥികൾ പങ്കെടുത്ത പരിപാടി 15 ദിവസം നീണ്ടു നിന്നു. ഈ ദിവസങ്ങളിൽ വാഹനത്തെക്കുറിച്ചും അതിന്റെ രൂപകല്പനയെക്കുറിച്ചും പഠിക്കുവാനും വാഹനം നിർമിക്കുവാനും വിദ്യാർഥികൾക്ക് അവസരം ലഭിച്ചു. ഇന്റേണ്ഷിപ്പിന്റെ അവസാന ദിവസം വാഹനത്തിന്റെ പ്രദർശനവും ട്രയൽ റണ്ണും നടത്തി. കോളേജ് പ്രിൻസിപ്പൽ ഡോ. പ്രഭാകരൻ നായർ, ടീമിന്റെ ഫാക്കൽറ്റി അഡ്വൈസർ പ്രൊഫസർ ചിത്രകുമാർ തുടങ്ങിയവർ പങ്കെടുത്തു. വിദ്യാർഥികൾക്ക് സർട്ടിഫിക്കറ്റും വിതരണം ചെയ്തു. വിദ്യർഥികൾ സ്വരൂപിച്ച തുകകൊണ്ടാണ്…
Read Moreകളക്ടർ അന്വേഷിച്ച് റിപ്പോർട്ട് തരുമ്പോൾ നടപടി; പോലീസ് എൽദോയുടെ കൈ തല്ലിയൊടിച്ചത് “ദൗർഭാഗ്യകര’മെന്നു മുഖ്യമന്ത്രി
തിരുവനന്തപുരം: സിപിഐ എംഎൽഎ എൽദോ എബ്രഹാമിനെതിരായ ലാത്തിച്ചാർജ് ദൗർഭാഗ്യകരമെന്ന് മുഖ്യമന്ത്രി പിണറായി വിജയൻ. ഇക്കാര്യത്തിൽ അന്വേഷണത്തിനു ജില്ലാ കളക്ടറെ ചുമതലപ്പെടുത്തിയിട്ടുണ്ട്. റിപ്പോർട്ട് ലഭിച്ചശേഷം ഫലപ്രദമായ നടപടി സ്വീകരിക്കുമെന്നും തിരുവനന്തപുരത്ത് വാർത്താസമ്മേളനത്തിൽ സംസാരിക്കവെ മുഖ്യമന്ത്രി പറഞ്ഞു. സിപിഐ നേതാക്കളെ പോലീസ് ലാത്തിച്ചാർജ് ചെയ്ത സംഭവം ദൗർഭാഗ്യകരമെന്നു സിപിഎം സംസ്ഥാന സെക്രട്ടറി കോടിയേരി ബാലകൃഷ്ണനും വ്യക്തമാക്കിയിരുന്നു. സംഭവിക്കാൻ പാടില്ലാത്തതാണു നടന്നതെന്നും ഇക്കാര്യത്തിൽ സിപിഎമ്മിനും വേദനയുണ്ടെന്നും കോടിയേരി പറഞ്ഞു. സിപിഐയുമായുള്ള പ്രശ്നങ്ങൾ പരിഹരിക്കാൻ മുന്നണി തലത്തിൽ നടപടിയുണ്ടാകുമെന്നും അദ്ദേഹം കൂട്ടിച്ചേർത്തു. ചൊവ്വാഴ്ച സിപിഐ നടത്തിയ ഡിഐജി ഓഫീസ് മാർച്ചിലെ ലാത്തിച്ചാർജിനിടെയാണ് മൂവാറ്റുപുഴയിൽനിന്നുള്ള സിപിഐ എംഎൽഎ എൽദോ ഏബ്രഹാമിന്റെ കൈ പോലീസ് തല്ലിയൊടിച്ചത്. ഇടതുകൈ ഒടിഞ്ഞ എംഎൽഎ എറണാകുളത്തെ സ്വകാര്യ ആശുപത്രിയിൽ ചികിത്സയിലാണ്. ജില്ലാ സെക്രട്ടറി പി. രാജു അടക്കമുള്ള സിപിഐ നേതാക്കൾക്കും ലാത്തിച്ചാർജിൽ സാരമായി പരിക്കേറ്റു.
Read Moreവേഗം വേഗം തീർത്താൽ ഗുഡ്സ് സർവീസ് എൻട്രി തരാം..! കെട്ടിക്കിടക്കുന്ന ഫയലുകൾ തീർപ്പാക്കാൻ തീവ്രയജ്ഞ പരിപാടി സംഘടിപ്പിക്കുമെന്ന് മുഖ്യമന്ത്രി
തിരുവനന്തപുരം: വിവിധ സർക്കാർ വകുപ്പുകളിൽ കെട്ടിക്കിടക്കുന്ന ഫയലുകൾ തീർപ്പാക്കാൻ മൂന്ന് മാസത്തെ തീവ്രയജ്ഞ പരിപാടി നടത്തുമെന്ന് മുഖ്യമന്ത്രി പിണറായി വിജയൻ. 37 വകുപ്പുകളിലായി 1.21 ലക്ഷം ഫയലുകൾ തീർപ്പാക്കാതെ കിടക്കുകയാണെന്നും ഒക്ടോബറിന് മുൻപ് ഫയലുകളുടെ കാലപ്പഴക്കം നിശ്ചയിക്കുമെന്നും മുഖ്യമന്ത്രി വ്യക്തമാക്കി. ഓഗസ്റ്റ് മുതൽ ഒക്ടോബർ വരെയുള്ള മൂന്നുമാസ കാലയളവിലാണ് തീവ്രയജ്ഞ പരിപാടി സർക്കാർ നടത്തുന്നത്. സെക്രട്ടറിയേറ്റ് മുതൽ എല്ലാ സർക്കാർ ഓഫീസുകളിലെയും ഫയലുകൾ ഉൾപ്പെടുത്തിയാണ് നടപടികൾ ക്രമീകരിക്കുന്നത്. ഫയലുകൾ തീർപ്പാക്കാൻ അദാലത്തുകളും തുടർ പരിശോധനകളും ഉണ്ടാകും. കൂടുതൽ ഫയലുകൾ തീർപ്പാക്കുന്ന വകുപ്പുകളിലെ മേധാവികൾക്ക് ഗുഡ്സ് സർവീസ് എൻട്രി നൽകുന്ന കാര്യവും സർക്കാർ പരിഗണിക്കുമെന്ന് മുഖ്യമന്ത്രി പറഞ്ഞു.
Read Moreസംസ്ഥാനത്ത് വെള്ളിയാഴ്ച വരെ ഒറ്റപ്പെട്ട കനത്ത മഴ; മൂന്നു ജില്ലകളില് യെല്ലോ അലര്ട്ട്; തീരദേശവാസികള് ജാഗ്രത പാലിക്കണം
തിരുവനന്തപുരം: സംസ്ഥാനത്ത് വെള്ളിയാഴ്ച വരെ ഒറ്റപ്പെട്ട കനത്ത മഴയ്ക്കു സാധ്യതയെന്ന് കാലാവസ്ഥാ നിരീക്ഷണകേന്ദ്രം. ഒറ്റപ്പെട്ട പ്രദേശങ്ങളിൽ ഏഴു മുതൽ 11 സെന്റീമീറ്റർ വരെയുള്ള ശക്തമായ മഴയ്ക്കാണ് സാധ്യത. തെക്കുപടിഞ്ഞാറ്, മധ്യപടിഞ്ഞാറ്, മധ്യ കിഴക്കൻ അറബിക്കടലിലും വെള്ളിയാഴ്ച വരെ തെക്കുപടിഞ്ഞാറൻ കാറ്റിന്റെ വേഗം ചില അവസരങ്ങളിൽ മണിക്കൂറിൽ 50 കിലോമീറ്റർ വരെ ആകാനും സാധ്യതയുള്ളതിനാൽ മീൻ പിടുത്തക്കാർ ഈ ഭാഗങ്ങളിലേക്കു പോകരുതെന്നും കാലാവസ്ഥാ നിരീക്ഷണകേന്ദ്രം അറിയിച്ചു. പൊഴിയൂർ മുതൽ കാസർഗോഡ് വരെയുള്ള തീരപ്രദേശങ്ങളിൽ 2.5 മുതൽ 3.3 മീറ്റർ വരെ ഉയരത്തിൽ തിരമാലകൾക്കു സാധ്യതയുള്ളതിനാൽ തീരദേശവാസികൾ ജാഗ്രത പാലിക്കണം. മുന്നറിയിപ്പിന്റെ പശ്ചാത്തലത്തിൽ കോഴിക്കോട് ജില്ലയിൽ ബുധനാഴ്ചയും കണ്ണൂർ ജില്ലയിൽ ബുധനാഴ്ചയും വ്യാഴാഴ്ചയും കാസർഗോഡ് ജില്ലയിൽ വെള്ളിയാഴ്ച വരെയും യെല്ലോ അലർട്ട് പ്രഖ്യാപിച്ചു.
Read Moreചൊവ്വാഴ്ച കെഎസ്യു വിദ്യാഭ്യാസ ബന്ദ് പ്രഖ്യാപിച്ചു; കെഎസ് യു, യൂത്ത് കോൺഗ്രസ് പ്രവർത്തകർക്ക്നേരെ പോലീസിന്റെ നരനായാട്ടിൽ പ്രതിഷേധിച്ചാണ് ബന്ദ്
തിരുവനന്തപുരം: കെഎസ്യു സംസ്ഥാന വ്യാപകമായി ചൊവ്വാഴ്ച വിദ്യാഭ്യാസ ബന്ദ് പ്രഖ്യാപിച്ചു. സെക്രട്ടറിയേറ്റ് മാർച്ചിനിടെ കെഎസ്യു-യൂത്ത് കോണ്ഗ്രസ് പ്രവർത്തകരെ പോലീസ് തല്ലിച്ചതച്ചതിലും സംസ്ഥാന അധ്യക്ഷൻ കെ.എം.അഭിജിത്തിന്റെ നിരാഹാര പന്തലിന് നേരെ കണ്ണീർവാതകം എറിഞ്ഞതിലും പ്രതിഷേധിച്ചാണ് വിദ്യാഭ്യാസ ബന്ദിന് ആഹ്വാനം ചെയ്തിരിക്കുന്നത്. യൂണിവേഴ്സിറ്റി കോളജ് വിഷയത്തിൽ നിരാഹാര സമരത്തിലായിരുന്ന കെഎസ്യു നേതാക്കൾക്ക് പിന്തുണ അറിയിച്ച് യൂത്ത് കോണ്ഗ്രസ് നടത്തിയ സെക്രട്ടറിയേറ്റ് മാർച്ചിൽ വ്യാപക സംഘർഷമുണ്ടായിരുന്നു. ഇതിനിടെ നിരവധി പ്രവർത്തകർക്ക് പരിക്കേൽക്കുകയും ചെയ്തു. സംഘർഷത്തിനിടെ പോലീസ് കണ്ണീർവാതകം പ്രയോഗിച്ചതോടെ ശാരീരികാസ്വാസ്ഥ്യം അനുഭവപ്പെട്ട കെഎസ്യു നേതാക്കൾ ആശുപത്രിയിലേക്ക് മാറ്റി.
Read Moreവൈകിയെത്തിയ കാലവർഷം ഇതുവരെ കവർന്നത് 17 ജീവനുകൾ; 1319 വീടുകൾ ഭാഗീകമായും 74 വീടുകൾ പൂർണമായും തകർന്നു
എം.ജെ ശ്രീജിത്ത് തിരുവനന്തപുരം: ഇത്തവണത്തെ കാലവർഷത്തിൽ ഇതുവരെ പൊലിഞ്ഞത് 17 ജീവനുകൾ. കാസർഗോഡ് ജില്ലയിലാണ് കൂടുതൽ മരണം. നാലുപേർ. ഇന്നു തൃശൂർ മുകുന്ദപുരത്ത് ഒരാൾ ഒഴുക്കിൽപ്പെട്ട് മരണപ്പെട്ടിട്ടുണ്ട്. കൊല്ലത്ത് മത്സ്യ ബന്ധനത്തിന് കടലിൽ പോയപ്പോൾ വള്ളംമറിഞ്ഞ് കാണാതായ മൂന്നുപേരിൽ ഒരാളുടെ മൃതദേഹം ഇന്നലെ കണ്ടെത്തിയിട്ടുണ്ട്. ഇനി രണ്ടുപേരെ കണ്ടെത്താനുണ്ട്. കാസർഗോഡ് ജില്ലയിൽ നിന്നും ഒരാളെ കാണാതായിട്ടുണ്ട്. ജൂൺ എട്ടുമുതൽ ഇന്നുവരെയുള്ള കണക്കാണിത്. 1319 വീടുകൾ ഭാഗീകമായും 74 വീടുകൾ പൂർണമായും തകർന്നിട്ടുണ്ട്. തീരദേശ മേഖലയിലെ വീടുകളാണ് കൂടുതലും തകർന്നിരിക്കുന്നത്. കാലവർഷം പല ജില്ലകളിലും ശക്തമാകുന്നതിനാൽ നാശനഷ്ടത്തിന്റെ കണക്ക് ഇനിയും ഉയർന്നേക്കാം. അതിനാൽ കണക്കുകൾ കൃത്യമായി ശേഖരിക്കാൻ റവന്യൂ വകുപ്പിന് കഴിഞ്ഞിട്ടില്ല. 1514.61 ഹെക്ടർ കൃഷിയും നശിച്ചിട്ടുണ്ട്. പല ജില്ലകളിലേയും കൃഷിനാശത്തിന്റെ കണക്ക് കിട്ടാനുണ്ട്. കോഴിക്കോട്, വയനാട്, കാസർഗോഡ് ജില്ലകളിലാണ് കൃഷിനാശം കൂടുതൽ. തിരുവനന്തപുരം, കൊല്ലം ആലപ്പുഴ, എറണാകുളം,…
Read More