തിരുവനന്തപുരം: അന്പൂരി കൊലപാതകക്കേസിലെ ഒന്നാം പ്രതി അഖിലിനെ സംഭവ സ്ഥലത്ത് എത്തിച്ച് പോലീസ് തെളിവെടുത്തു. വൻ പോലീസ് സന്നാഹത്തിന്റെ അകന്പടിയോടെയാണ് പ്രതിയെ സ്ഥലത്ത് എത്തിച്ചതെങ്കിലും നാട്ടുകാരുടെ പ്രതിഷേധം ഉണ്ടായി. വൻ ജനാവലിയാണ് സ്ഥലത്ത് തടിച്ചുകൂടിയത്. നാട്ടുകാർ പ്രതിയെ കൂക്കിവിളിച്ചു. അതിനിടെ പ്രതിക്ക് നേരെ കല്ലേറുമുണ്ടായി. വളരെ പണിപ്പെട്ടാണ് പോലീസ് തെളിവെടുപ്പ് പൂർത്തിയാക്കി മടങ്ങിയത്. മൃതദേഹം കുഴിച്ചിട്ട സ്ഥലത്തും വീടിനുള്ളിലും പോലീസ് പ്രതിയെ എത്തിച്ചു. ഇതിന് ശേഷം പുറത്തേക്ക് കൊണ്ടുപോകുന്പോഴാണ് കല്ലേറുണ്ടായത്. കൊലപാതകത്തിന് കൂട്ടുനിന്ന മാതാപിതാക്കളെയും അറസ്റ്റ് ചെയ്യണമെന്ന് നാട്ടുകാർ മുദ്രാവാക്യം മുഴക്കി. നേരത്തെ അറസ്റ്റിലായ അഖിലിന്റെ ജേഷ്ഠൻ രാഹുലിനെ സ്ഥലത്ത് എത്തിച്ച് പോലീസ് ഇതുവരെ തെളിവെടുപ്പ് നടത്തിയിട്ടില്ല. ഇയാൾ നിലവിൽ റിമാൻഡിലാണ്. അതേസമയം കേസിൽ ആദ്യം അറസ്റ്റിലായ മൂന്നാം പ്രതി ആദർശിനെ മൃതദേഹം പുറത്തെടുക്കാൻ സ്ഥലത്ത് എത്തിച്ചപ്പോൾ തെളിവെടുപ്പും പൂർത്തിയാക്കിയെന്ന് പോലീസ് വ്യക്തമാക്കി. തിരുപുറം പുത്തൻകടയിൽ ജോയ്ഭവനിൽ…
Read MoreCategory: TVM
സ്വന്തം ഫോട്ടോ ഫ്രെയിം ചെയ്ത് മാലയിട്ട് വീട്ടുവാതുക്കൽ തൂക്കി; മുറിയിൽ നൂറുകണക്കിന് പോലീസ് ഡ്രസ്സുകൾ; ഐജിയുടെ പി.എ ചമഞ്ഞ് തട്ടിപ്പു നടത്തിയ ജോയി ഉദ്യോഗാർഥികളെ തട്ടിച്ചെടുത്തത് ലക്ഷങ്ങൾ; ജോയിയുടെ തന്ത്രങ്ങൾ കേട്ട് ഞെട്ടി പോലീസ്
പി. പ്രശാന്ത് പേരൂർക്കട: കസ്റ്റംസ് ഓഫീസർ ചമഞ്ഞ് തട്ടിപ്പു നടത്തിയ കേസിൽ കഴിഞ്ഞദിവസം അറസ്റ്റിലായ നാലാഞ്ചിറ സ്വദേശി ജോയ് (48) യെക്കുറിച്ച് പുറത്തുവരുന്ന വിവരങ്ങൾ പോലീസിനെ പോലും ഞെട്ടിക്കുന്നത്. പ്രീഡിഗ്രി വിദ്യാഭ്യാസം മാത്രമുള്ള ജോയ് തിരുവനന്തപുരം ജില്ലയിലും പുറത്തുമായി നിരവധി തട്ടിപ്പുകൾ ആണ് നടത്തിയിരിക്കുന്നത്. ശാസ്തമംഗലം ചാടിയറ സ്വദേശിനി സരളാദേവിയുടെ പരാതിയുടെ അടിസ്ഥാനത്തിൽ ആണ് പോലീസ് ജോയിയുടെ തട്ടിപ്പിനെക്കുറിച്ച് അന്വേഷണം തുടങ്ങുന്നത്. കസ്റ്റംസിൽ ജോലി വാങ്ങി നൽകാമെന്ന് പറഞ്ഞാണ് നിരവധിപേരെ തട്ടിപ്പിന് ഇരയാക്കിയത്. തമ്പാനൂരിലെ വാഹനപരിശോധനയ്ക്കിടെ യാദൃച്ഛികമായി കുടുങ്ങിയ പ്രതിയെ ചോദ്യം ചെയ്തതോടെയാണ് നിഗൂഢതകൾ പുറത്തറിയുന്നത്. സരളാദേവിയുടെ പരാതിയില് നടന്ന അന്വേഷണത്തിലാണ് പ്രതി കുടുങ്ങിയത്. ഇവരുടെ മകള്ക്കുവേണ്ടി തിരുവനന്തപുരം എയര്പോര്ട്ടില് കസ്റ്റംസ് ആൻഡ് എക്സൈസ് വിഭാഗത്തില് ഓഫീസ് അസിസ്റ്റന്റായി ജോലി വാങ്ങിനല്കാമെന്നായിരുന്നു വാഗ്ദാനം. തൊഴില് വാഗ്ദാനം ചെയ്ത് 36,000 രൂപയാണ് ഇയാള് കബളിപ്പിച്ചെടുത്തതെന്നു പോലീസ് പറയുന്നു. വർഷങ്ങൾക്കു…
Read Moreവിദ്യാർഥികളെ ബസിൽ നിന്ന് ഇറക്കിവിട്ടാൽ ലൈസൻസ് റദ്ദാക്കണം; കുട്ടികളെ ബസിൽ നിന്ന് ഇറക്കിവിട്ട സംഭവത്തിൽ ബാലാവകാശ കമ്മീഷൻ ഇടപെട്ടു
തിരുവനന്തപുരം: വിദ്യാലയങ്ങളിലേയ്ക്ക് പോകുന്ന വിദ്യാർഥികളെ വഴിയിൽ ഇറക്കിവിടുന്ന ബസ് ജീവനക്കാർക്കും ഉടമകൾക്കും എതിരെ കർശനമായ നിയമനടപടി സ്വീകരിക്കണമെന്ന് സംസ്ഥാന ബാലാവകാശ സംരക്ഷണ കമ്മീഷൻ ചെയർമാൻ പി. സുരേഷ് നിർദേശം നൽകി. ഇത്തരം ബസുകളിലെ മുഴുവൻ ജീവനക്കാർക്കും എതിരെ പോലീസ് കേസ് രജിസ്റ്റർ ചെയ്യുകയും ഗതാഗത വകുപ്പ് ഇവരുടെ ലൈസൻസ് റദ്ദാക്കുന്നത് ഉൾപ്പെടെ നടപടികൾ സ്വീകരിക്കുകയും ചെയ്യണം. തിരുവനന്തപുരത്ത് സ്റ്റുഡന്റ് പോലീസ് കേഡറ്റ് പരിശീലനത്തിനു ശേഷം ആയുർവേദ കോളജ് ജംഗ്ഷനിൽ നിന്ന് പോത്തൻകോടുള്ള വീട്ടിലേയ്ക്ക് പോവുകയായിരുന്ന പ്ലസ് വണ് വിദ്യാർഥിയെ കണ്സഷൻ പതിച്ചു നൽകാൻ കഴിയില്ലെന്നു പറഞ്ഞ് സ്റ്റാച്യു ജംഗ്ഷനിൽ ഇറക്കിവിട്ടതാണ് ഒരു സംഭവം. വീട്ടിൽ പോകാൻ കൈയിൽ പണം ഇല്ലെന്നു പറഞ്ഞിട്ടും കുട്ടിയെ ബസിൽ നിന്ന് ഇറക്കിവിട്ടു. സെക്രട്ടേറിയറ്റ് കാന്റീൻ ജീവനക്കാരൻ സഹായിച്ചാണ് കുട്ടി വീട്ടിലേയ്ക്ക് പോയത്. മലപ്പുറത്ത് വൈകുന്നേരം ആറിനു ശേഷം കണ്സെഷൻ നൽകാൻ കഴിയില്ലെന്ന്…
Read Moreതൽക്കാലം കടക്ക് പുറത്തേക്ക്…! യൂണിവേഴ്സിറ്റി കോളജ് സംഘർഷം; ഒൻപത് വിദ്യാർഥികൾക്ക് സസ്പെൻഷൻ
തിരുവനന്തപുരം: തിരുവനന്തപുരം യൂണിവേഴ്സിറ്റി കോളജ് സംഘർഷത്തിൽ ഒൻപത് വിദ്യാർഥികൾക്ക് കൂടി സസ്പെൻഷൻ. സംഘര്ഷത്തിലെ പ്രതികളെ കോളജ് സംരക്ഷിക്കുകയാണെന്ന് വിമർശനങ്ങൾ ഉയർന്നിരുന്നു. ഇതിനിടെയാണ് വിദ്യാർഥികളെ സസ്പെൻഡു ചെയ്തതായി പ്രിൻസിപ്പൽ പോലീസിനെ അറിയിച്ചത്. നേരത്തെ എസ്എഫ്ഐ യൂണിറ്റ് സെക്രട്ടറിയും പ്രസിഡന്റും ഉള്പ്പെടെ ആറ്പേരെ സസ്പെൻഡു ചെയ്തിരുന്നു. വധശ്രമക്കേസിലെ പ്രതികളായ ശിവരഞ്ജിത്തും നസീമും ഉൾപ്പെടെ ആറ് പേരെയാണ് നേരത്തെ സസ്പെൻഡു ചെയ്തത്. കോളജ് സംഘർഷത്തിൽ കണ്ടാലറിയാവുന്ന 30 പേർക്കെതിരെയാണ് പോലീസ് കേസെടുത്തത്. കുട്ടികളുടെ വിവരങ്ങൾ യൂണിവേഴ്സിറ്റി കൈമാറുന്നില്ലെന്നും പോലീസ് ആരോപിച്ചിരുന്നു.
Read Moreമൃതദേഹം പെട്ടെന്ന് അഴുകാൻ വസ്ത്രം അഴിച്ചുമാറ്റി; അമ്പൂരി കൊലക്കേസിൽ രണ്ടാം പ്രതി അറസ്റ്റിൽ; കേസിൽ നിർണായക വിവരങ്ങൾ ലഭിച്ചുവെന്ന് പോലീസ്
വിഴിഞ്ഞം: അമ്പൂരി രാഖി കൊലക്കേസിൽ രണ്ടാം പ്രതി രാഹുൽ അറസ്റ്റിൽ. ശനിയാഴ്ച രാവിലെയാണ് രാഹുലിനെ പോലീസ് അറസ്റ്റു ചെയ്തത്. കേസിൽ നിർണായക വിവരങ്ങൾ ലഭിച്ചുവെന്നും പോലീസ് പറഞ്ഞു. അതേസമയം കേസിലെ ഒന്നാം പ്രതിയും സൈനികനുമായ അഖിലിനെ കണ്ടെത്താൻ പൊഴിയൂർ എസ്ഐ പ്രസാദിന്റെ മേൽനോട്ടത്തിലുള്ള മൂന്നംഗ സംഘം ഡൽഹിക്ക് തിരിച്ചിട്ടുണ്ട്. സംഭവശേഷം ഇയാൾ മിലിറ്ററി ക്യാമ്പിൽ റിപ്പോർട്ട് ചെയ്തിട്ടില്ലെന്നാണു പോലീസിന് ലഭിച്ച വിവരം. അഖിൽ രാഖിയെ വിവാഹം കഴിച്ചിരുന്നതായാണു പോലീസ് നൽകുന്ന സൂചന. മൃതദേഹത്തിൽ നിന്നു കിട്ടിയ താലിമാല എറണാകുളത്തെ ഒരു ആരാധനാലയത്തിൽ വച്ച് അണിയിച്ചതായും പോലീസ് കരുതുന്നു. ദീർഘനാളത്തെ പ്രണയത്തിൽ നിന്ന് പിൻമാറിയ അഖിൽ മറ്റൊരു യുവതിയെ വിവാഹം കഴിക്കാൻ ശ്രമിച്ചതാണു പ്രശ്നങ്ങൾക്ക് കാരണമായത്. രാഖിയെ കഴുത്തു ഞെരിച്ച് കൊലപ്പെടുത്തിയ ശേഷം മൃതദേഹം പെട്ടെന്നു ജീർണിക്കാനായി വസ്ത്രങ്ങൾ മാറ്റിയ ശേഷമാണു കുഴിച്ചുമൂടിയത്. കാണാതായ വസ്ത്രങ്ങളും ഇനി കണ്ടെത്തേണ്ടതുണ്ട്.
Read Moreകേറി വാടാമക്കളെ..! നല്ല നേതാക്കളുള്ള പാർട്ടിയാണ് സിപിഐ; യുഡിഎഫിലേക്ക് പോരെന്ന് മുല്ലപ്പള്ളി
തിരുവനന്തപുരം: സിപിഐയെ യുഡിഎഫിലേക്ക് ക്ഷണിച്ച് കെപിസിസി അധ്യക്ഷൻ മുല്ലപ്പള്ളി രാമചന്ദ്രൻ. ഒട്ടേറെ നല്ല നേതാക്കളുള്ള പാർട്ടിയാണ് സിപിഐയെന്നും അവർ യുഡിഎഫിലേക്ക് വരണമെന്നും മുല്ലപ്പള്ളി പറഞ്ഞു. സിപിഎമ്മിലെ നല്ല നേതാക്കളെയും അദ്ദേഹം യുഡിഎഫിന്റെ ഭാഗമാകാൻ ക്ഷണിച്ചിട്ടുണ്ട്. പോലീസ് മർദ്ദനത്തിന്റെ പേരിൽ സിപിഎം-സിപിഐ തർക്കവും സിപിഐക്കുള്ളിൽ വിവാദവും കൊഴുക്കുന്നതിനിടെയാണ് മുല്ലപ്പള്ളിയുടെ പ്രസ്താവന.
Read Moreവിപണിയിൽ പത്തു ലക്ഷം രൂപയോളം വില! നക്ഷത്ര ആമയെ വില്പന നടത്താൻ ശ്രമിച്ച മൂന്നുപേർ പിടിയിൽ
കാട്ടാക്കട : നക്ഷത്ര ആമയെ വിൽപ്പന നടത്താൻ ശ്രമിച്ച മൂന്ന് പേരെ വനം വകുപ്പ് പിടികൂടി. തിരുവനന്തപുരം, തിരുമല, തൃക്കണ്ണാപുരം, ആറാമട, പേരൂർകോണം, കൃപാ ഭവനിൽ എസ് .ബിജുമോൻ (42), ആര്യനാട് ഇരിഞ്ചൽ അനിൽ ഭവനിൽ ജെ.അനിൽ കുമാർ (42), കാട്ടാക്കട, കൊറ്റംപള്ളി,വെട്ടുവിളാകത്ത് റോഡരികത്തുവീട്ടിൽ എ.നാണു (72) എന്നിവരാണ് പിടിയിലായത്. ഇവരെ തിരുവനന്തപുരം വനം ഡിവിഷനു കീഴിലെ പരുത്തിപ്പള്ളി റെയിഞ്ചിന്റെ പരിധിയിൽ പേഴുംമൂട്, പള്ളിവേട്ട റോഡിൽ ഇരിഞ്ചൽ സി. എസ്. ഐ. പള്ളിക്കു സമീപമുള്ള പണി തീരാത്ത വീട്ടിൽ വച്ച് വ്യാഴാഴ്ച വനം വകുപ്പ് ഉദ്യോഗസ്ഥരാണ് പിടികൂടിയത്. ഇവരുടെ പക്കൽ നിന്നും ഉദ്ദേശം 50 വയസ് പ്രായമുള്ള പെൺ വർഗത്തിൽപ്പെട്ട നക്ഷത്ര ആമയെ കണ്ടെടുത്തു. വിപണിയിൽ പത്തു ലക്ഷം രൂപയോളം വില ലഭിക്കുമെന്ന് പിടിയിലായവർ പറയുന്നു. ആമയെ കടത്തി കൊണ്ടു വന്ന വാഹനം കസ്റ്റഡിയിലെടുത്തു. പ്രതികളെ നെടുമങ്ങാട്…
Read Moreപാർട്ടിയും ഭരണവും ജനങ്ങൾക്കുമുകളിലല്ല; സർക്കാരിൽ ജനങ്ങൾക്കു മതിപ്പുണ്ടെങ്കിലും വിവാദങ്ങൾ തിരിച്ചടിച്ചു; തുറന്നുപറച്ചിലുമായി കോടിയേരി
തിരുവനന്തപുരം: വിശ്വാസികളല്ലെന്നു വിശ്വാസികൾ കരുതുന്ന രണ്ടു സ്ത്രീകൾ ശബരിമലയിൽ കയറിയതു സർക്കാരിനും എൽഡിഎഫിനും വലിയ തിരിച്ചടിയുണ്ടാക്കിയെന്നന്ന അഭിപ്രായമുണ്ടെന്നു സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ. പാർട്ടി മുഖപത്രത്തിൽ എഴുതിയ ലേഖനത്തിലാണു കോടിയേരിയുടെ തുറന്നുപറച്ചിൽ. പാർട്ടിയും ഭരണവും ജനങ്ങൾക്കുമുകളിലല്ലെന്നും കോടിയേരി പറഞ്ഞു. എൽഡിഎഫ് സർക്കാരിന്റെ പ്രവർത്തനങ്ങളിൽ ജനങ്ങൾക്കു മതിപ്പുണ്ട്. എന്നാൽ സർക്കാർ നേട്ടങ്ങളെ മുക്കിക്കളയുന്ന വിവാദങ്ങൾ ഉണ്ടാകുന്നു. അതു തിരുത്തപ്പെടണമെന്നു സിപിഎം പ്രവർത്തകർ വീടുകൾ സന്ദർശിച്ചതിൽനിന്നു വ്യക്തമായെന്നു കോടിയേരി പറഞ്ഞു. അടുത്ത മാസം ചേരുന്ന സംസ്ഥാന കമ്മിറ്റി ഇക്കാര്യത്തിൽ വിശദമായ പരിശോധന നടത്തുമെന്നും അദ്ദേഹം വ്യക്തമാക്കി. അസഹിഷ്ണുതയും അതൃപ്തിയും നിറഞ്ഞ സമീപനം പാർട്ടിക്കില്ല. പരിഹരിക്കേണ്ടവ പരിഹരിക്കും. തിരുത്തേണ്ടവ തിരുത്തും. പാർട്ടിയും ഭരണവും ജനങ്ങൾക്കുമുകളിലല്ല. ജനങ്ങൾക്കു വേണ്ടിയുള്ളതാണ്. ജനങ്ങളെ വിശ്വാസത്തിലെടുത്തു സംസ്ഥാന സർക്കാരും എൽഡിഎഫും സിപിഎമ്മും മുന്നോട്ടുപോകുമെന്നും കോടിയേരി പറഞ്ഞു. സാമൂഹ്യയാഥാർഥ്യം മനസ്സിലാക്കി നിലപാടെടുക്കുന്ന പ്രസ്ഥാനമാണു കമ്യൂണിസ്റ്റുകാരുടേത്. ബ്രാഹ്മണർ ഉൾപ്പെടെ…
Read Moreആ ചേട്ടന് പണം തരാൻതോന്നിയത് എന്റെ ഭാഗ്യം..! ആറുമണിക്കുശേഷം കണ്സഷൻ ഇല്ല; വിദ്യാർഥിയെ ബസിൽനിന്ന് ഇറക്കിവിട്ട് കെഎസ്ആർടിസി കണ്ടക്ടറുടെ ക്രൂരത
തിരുവനന്തപുരം: ആറുമണിക്കു ശേഷം കണ്സഷൻ നൽകാൻ നിയമമില്ലെന്നു പറഞ്ഞു പ്ലസ്വണ് വിദ്യാർഥിയെ കണ്ടക്ടർ കഐസ്ആർടിസി ബസിൽനിന്ന് ഇറക്കിവിട്ടു. തിരുവനന്തപുരം എസ്എംവി സ്കൂളിലെ വിദ്യാർഥിയായ പോത്തൻകോട് സ്വദേശി അമൽ ഇർഫാനെയാണു കണ്ടക്ടർ സ്റ്റാച്യു ജംഗ്ഷനിൽ ഇറക്കിവിട്ടത്. സ്റ്റുഡന്റ് പോലീസ് കേഡറ്റായ അമൽ പരിശീലന ക്ലാസ് കഴിഞ്ഞാണു ബസിൽ കയറിയത്. കൺസഷൻ കാർഡ് നൽകിയപ്പോൾ ഇളവ് നൽകില്ലെന്നു കണ്ടക്ടർ പറഞ്ഞു. വൈകുന്നേരം ആറു മണി കഴിഞ്ഞതിനാൽ കണ്സഷൻ പതിക്കാൻ കഴിയില്ലെന്നായിരുന്നു കണ്ടക്ടറുടെ വാദം. തുടർന്നു വിദ്യാർഥിയെ ബസിൽനിന്നു കണ്ടക്ടർ ഇറക്കിവിടുകയും ചെയ്തു. ടിക്കറ്റിനു പണമില്ലെന്നു വിദ്യാർഥി പറഞ്ഞിട്ടും കേൾക്കാൻ കണ്ടക്ടർ തയാറായില്ല. പിന്നീട് ഒരു വഴിയാത്രക്കാരനോടു പണം വാങ്ങിയാണു വിദ്യാർഥി വീട്ടിലെത്തിയത്. വിദ്യാർഥിയുടെ മാതാപിതാക്കൾ ഇതു സംബന്ധിച്ചു പോത്തൻകോട് പോലീസിനും കഐസ്ആർടിസി അധികൃതർക്കും പരാതി നൽകി.
Read Moreറിപ്പോർട്ട് ഇങ്ങ് വന്നോട്ടെ..! എല്ദോയ്ക്കു മർദനമേറ്റ സംഭവം; അന്ന് തന്നെ മുഖ്യമന്ത്രിയെ പ്രതിഷേധം അറിയിച്ചിട്ടുണ്ടെന്ന് കാനം
തിരുവനന്തപുരം: എല്ദോ എബ്രഹാം എംഎല്എക്ക് മർദനമേറ്റ സംഭവത്തില് അന്ന് തന്നെ മുഖ്യമന്ത്രിയെ പ്രതിഷേധം അറിയിച്ചിട്ടുണ്ടെന്ന് സിപിഐ സംസ്ഥാന സെക്രട്ടറി കാനം രാജേന്ദ്രന്. മർദനം നടന്ന് രണ്ട് മണിക്കൂറിനകം സര്ക്കാര് അന്വേഷണത്തിന് ഉത്തരവിട്ടു. റിപ്പോര്ട്ട് ലഭിച്ച ശേഷം നടപടിയെടുക്കുമെന്ന് മുഖ്യമന്ത്രി ഉറപ്പുനല്കിയിട്ടുണ്ടെന്നും അതിന് അപ്പുറം പിന്നെ എന്തുവേണമെന്നും കാനം ചോദിച്ചു. മുഖ്യമന്ത്രി ഇതിനോടകം അന്വേഷണം പ്രഖ്യാപിച്ചിട്ടുണ്ട്. അതിന്റെ റിപ്പോർട്ട് വരട്ടെയെന്നും കാനം പറഞ്ഞു. ഇത്രയും മോശം പോലീസിനെ കണ്ടിട്ടില്ലെന്ന് എല്ദോ എബ്രഹാം എംഎൽഎ പറഞ്ഞു. പോലീസ് മോശമായാല് എല്ലാം മോശമാകുമെന്നും കുറ്റക്കാരായ പോലീസുകാര്ക്കെതിരെ നടപടി വേണമെന്നും എല്ദോ പറഞ്ഞു. കാനം രാജേന്ദ്രനിലും സിപിഐ നേതൃത്വത്തിലും തനിക്ക് പൂര്ണ വിശ്വാസമുണ്ട്. തുടര് സമരങ്ങള് ആവശ്യമെങ്കില് അത് പാര്ട്ടി തീരുമാനിക്കുമെന്നും അദ്ദേഹം വ്യക്തമാക്കി.
Read More